225 pamilya sa Lucena, inilikas dahil sa lagpas-taong baha

ni Thea Janica Teh | October 9, 2020

Umabot sa 225 pamilya ang inilikas sa Lucena City, Quezon Province ngayong Biyernes nang umaga matapos tumaas ang baha bunsod ng tuluy-tuloy na pag-ulan.

Ayon kay Lucena City Disaster Risk Reduction and Management Office Officer Janeth Gendrano, 7 villages ang naapektuhan ng baha dahil sumabay din ang pagtaas ng tubig sa ilog.

Dagdag pa ni Gendrano, umabot na sa ikalawang palapag ng bahay ang baha sa Barangay Market View.

Kaya naman, agad na dinala ang mga residente sa evacuation center at inaasahan pang madaragdagan ito ngayong araw.

Samantala, wala namang naitalang nasira o nasugatan sa insidente.

8 katao, nawawala dahil sa matinding pagbaha

ni Ronalyn Seminiano Reonico | October 3, 2020

Nawawala ang 8 katao matapos manalanta ang isang bagyo sa southeastern part ng France na nagdulot ng matinding pagbaha sa Venice, ayon sa awtoridad.

Ayon sa Meteo France, meteorological service ng naturang bansa, naitala ang 450mm ng ulan sa loob lamang ng 24 oras sa ilang lugar. Ito umano ay katumbas na ng 4 buwang ulan sa ganitong panahon ng taon.

Ang border ng naturang bansa ay itinaas sa red alert noong Biyernes at ibinaba naman ito sa orange level nitong Sabado.

Bagyong Leon, lumabas na sa PAR

ni Thea Janica Teh | September 17, 2020

Lumabas na sa Philippine area of responsibility (PAR) ang bagyong Leon ngayong

Huwebes, Setyembre 17, nang 3:00 am, ngunit ayon sa PAGASA, inaasahan na magiging

maulan pa rin ang ilang parte ng bansa dahil sa hanging habagat.

Sa inilabas na update ng PAGASA, nasa 360 kilometers north ng Kalayaan Islands sa

Palawan na ang bagyong Leon. Ito ay papunta na sa west northwest sa 15 km/hr.

Dagdag pa ng PAGASA, maaari itong lumiko sa westward bukas, Setyembre 18, at magla-

landfall sa northern o central Vietnam.

Samantala, inaasahan na magiging maulan ang ilang lugar sa bansa kabilang ang Batanes, Babuyan Islands, Mimaropa at Western Visayas dahil sa hanging habagat.

Bukod pa rito, magdadala rin ng kaunting pag-ulan ang habagat sa Bicol, Aurora, Quezon, Visayas, Caraga, Palawan, Occidental Mindoro, Zambales at Bataan.

Kaya naman pinaalalahanan ng PAGASA na delikado pang bumiyahe sa dagat dahil mataas ang alon sa 2.8 hanggang 4.5 metro.