Bagyong Ofel, lumabas na sa Luzon

ni Thea Janica Teh | October 15, 2020

Tuluyan nang lumabas ng Luzon ang bagyong Ofel ngayong Huwebes at magiging low

pressure area na lamang pagdating sa West Philippine Sea sa darating na 12 hanggang 24 oras, ayon sa PAGASA.

Huling namataan ng PAGASA ang bagyong Ofel sa Lubang, Occidental Mindoro at papunta ng west northwestward sa 20 kilometers per hour. Mayroon itong maximum wind na 45kph hanggang 55 kph.

Patuloy pa rin ang pag-ulan sa ilang bahagi ng Cagayan Valley, Cordillera at Central Luzon dahil pa rin sa bagyong Ofel.

Samantala, nakataas pa rin sa tropical cyclone wind signal (TCWS) No. 1 ang mga

sumusunod na lugar:

• Metro manila

• Batangas

• Laguna

• Cavite

• Rizal

• Bataan

• Northern at central portion ng Quezon kabilang ang Real, Mauban, Sampaloc,

Tayabas City, Pagbilao, Lucban, Lucena City, Sariaya, Candelaria, Tiaong, Dolores, San

Antonio, General Nakar at Infanta.

• Northern portion ng Occidental Mindoro kabilang ang Mamburao, Abra de Ilog,

Paluan at Santa Cruz.

• Northern portion ng Oriental Mindoro kabilang ang Puerto Galera, San Teodoro,

Baco, Naujan, Naujan Lake, Victoria at Calapan City.

17 lugar, sapul ng Bagyong Ofel

ni Lolet Abania | October 14, 2020

Sa ikalawang pagkakataon nag-landfall ang Tropical Depression Ofel sa bahagi ng Matnog, Sorsogon bandang alas-6 ng umaga ngayong Miyerkules, ayon sa PAGASA.

Sa ipinalabas na ulat ng PAGASA, nasa ilalim ng Tropical Cyclone Signal No. 1 ang mga sumusunod na lugar:

* Batangas * Southern portion ng Laguna (Luisiana, Majayjay, Liliw, Nagcarlan, Rizal, San Pablo City, Calauan, Alaminos, Los Baños, Bay, Magdalena) * Central at southern portions ng Quezon (Guinayangan, Tagkawayan, Buenavista, San Narciso, San Andres, Mulanay, San Francisco, Catanauan, Lopez, Calauag, Quezon, Alabat, Perez, Atimonan, Tayabas City, Mauban, Sampaloc, Lucban, Gumaca, General Luna, Macalelon, Pitogo, Unisan, Plaridel, Padre Burgos, Agdangan, Pagbilao, Lucena City, Sariaya, Candelaria, Dolores, Tiaong, San Antonio) * Occidental Mindoro * Oriental Mindoro * Marinduque * Romblon * Camarines Norte * Camarines Sur * Catanduanes * Albay * Sorsogon * Masbate (kabilang ang Ticao and Burias Islands) * Northern Samar * Eastern Samar * Samar * Biliran.

Dakong alas-7 ng umaga namataan ang TD Ofel sa layong 30 kilometers timog-kanluran ng Juban, Sorsogon na may lakas na hanging 45 km kada oras at bugsong aabot hanggang 55 km kada oras, at kumikilos ito patungong kanluran hilagang-kanluran nang 25 km kada oras.

Ayon sa forecast ng PAGASA, posibleng sa Huwebes nang umaga, ang Bagyong Ofel ay nasa layong 140 km kanluran ng Calapan City, Oriental Mindoro.

Unang nag-landfall ang TD Ofel bandang alas-2:30 ng madaling-araw ngayong Miyerkules sa Can-avid, Eastern Samar.

Bagyong Ofel, tatama sa Samar

ni Thea Janica Teh | October 14, 2020

Itinaas na sa Signal No. 1 ang ilang bayan sa Eastern Samar matapos ideklara ng PAGASA ngayong Martes na naging bagyo na ang binabantayang low pressure area at pinangalanang Ofel.

Sa naitala sa weather bulletin kaninang alas-5 ng hapon, itinaas na sa TCWS No. 1 ang mga sumusunod na lugar:

• Sorsogon

• Nothern Samar

• Northern part ng Eastern Samar kabilang ang Borongan City, San Julian, Sulat, Taft,

Can-Avid, Dolores, Maslog, Oras, San Policarpio, Ateche at Jipapad.

• Northern part ng Samar kabilang ang Pinabacdao, Villareal, Talalora, Daram,

Zumarraga, Calbiga, Hinabangan, Paranas, San Sebastian, Motiong, Jiabong, Catbalogan City, San Jorge, San Jose de Buan, Matuguinao, Tarangnan, Gandara, Pagsanghan, Santa

Margarita, Calbayog City, Santo Nino, Almagro at Tagapul-An.

Inaasahan din na itataas ng PAGASA sa TCWS No. 1 ang Albay, Ticao Island at ilan pang

parte ng Eastern Samar at Samar.

Samantala, namataan kaninang alas-4 ng hapon ang sentro ng Ofel sa 115 kilometer east southeast ng Guiuan, Eastern Samar na may maximum sustained wind na 45 kilometers per hour.