Baha at lahar, next dahil sa Bagyong Rolly

ni Lolet Abania | October 31, 2020

Nananatili ang lakas ng Bagyong Rolly habang papalapit ito sa bahagi ng Bicol Region, ayon sa Severe Weather Bulletin na inisyu ng PAGASA ngayong Sabado nang umaga.

Sa naiulat ng PAGASA kaninang alas-4 ng umaga, namataan ang Bagyong Rolly sa layong 655 kilometro silangan hilagang-silangan ng Virac, Catanduanes na may maximum sustained winds na 215 kilometro kada oras malapit sa sentro, may bugso ng hangin ng hanggang 265 kph at kumikilos pakanluran ng 20 kph.

Inaasahan din na maging super typhoon ang naturang bagyo. Magdadala ang Bagyong Rolly ng mahina hanggang katamtaman at malakas na pagbuhos ng ulan sa buong Central Visayas, Negros Occidental, Leyte, Southern Leyte, Palawan kabilang ang Cuyo Islands, Zamboanga Peninsula, Northern Mindanao, Caraga at Sulu Archipelago na mararamdaman ngayong umaga hanggang Sabado nang gabi.

Malalakas na pagbuhos ng ulan ang mararanasan sa buong Bicol Region, CALABARZON, Metro Manila, Central Luzon Marinduque at hilagang bahagi ng Occidental at Oriental Mindoro sa Sabado nang gabi hanggang sa Linggo nang umaga.

Magdudulot ng katamtaman hanggang sa malakas na buhos ng ulan sa buong Cagayan, Isabela, Nueva Vizcaya at Quirino. Inaasahan ang mga pagbaha, pagkakaroon ng landslides at posibleng pagragasa ng lahar dahil sa malalakas at sunud-sunod na buhos ng ulan lalo na sa mga lugar na mataas ang tsansa na maranasan ito.

Gayunman, nag-isyu na ang Philippine Institute of Seismology and Volcanology (PHIVOLCS) ng lahar warning sa ilang lugar sa Luzon kagabi.

Naglabas na rin ang PAGASA ng Tropical Cyclone Wind Signal (TCWS) No. 2 sa mga sumusunod na lugar:

• Catanduanes

• Silangang bahagi ng Camarines Sur (Caramoan, Garchitorena, Lagonoy, Tinambac, Siruma, Presentacion, San Jose, Goa, Buhi, Sagnay, Tigaon, Ocampo, Iriga City, Baao, Nabua, Bato, Balatan, Bula, Pili, Calabanga, Naga City, Bombon, Magarao, Canaman, Gainza, Milaor, Camaligan, Minalabac),

• Albay

• Sorsogon Mararanasan naman ang TCWS No. 1 sa mga sumusunod na lugar: Luzon • Camarines Norte

• Natitirang bahagi ng Camarines Sur

• Masbate kabilang ang Ticao at Burias Islands

• Quezon kabilang ang Polillo Islands

• Rizal

• Laguna

• Cavite

• Batangas

• Marinduque

• Romblon

• Occidental Mindoro kabilang ang Lubang Island

• Oriental Mindoro

• Metro Manila

• Bulacan

• Pampanga

• Bataan

• Zambales

• Tarlac

• Nueva Ecija

• Aurora

• Pangasinan

• Benguet

• Ifugao

• Nueva Vizcaya

• Quirino

• Southern portion ng Isabela (Aurora, Luna, Reina Mercedes, Naguilian, Benito Soliven, San Mariano, Palanan, Dinapigue, San Guillermo, Echague, San Agustin, Jones, Cordon, Santiago City, Ramon, San Isidro, Angadanan, Alicia, Cauayan City, Cabatuan, San Mateo) Visayas

• Northern Samar

• Hilagang bahagi ng Samar (Tagapul-An, Almagro, Santo Nino, Tarangnan, Catbalogan City, Calbayog City, Santa Margarita, Gandara, Pagsanghan, San Jorge, Jiabong, Motiong, Paranas, San Jose de Buan, Matuguinao)

• Hilagang bahagi ng Eastern Samar (Taft, Can-Avid, Dolores, Maslog, Jipapad, Arteche, Oras, San Policarpo)

• Hilagang bahagi ng Biliran (Kawayan, Maripipi)

Patuloy ang pagmo-monitor ng PAGASA sa Bagyong Rolly. Pinapayuhan din ang publiko na maging mapagmatyag at mag-ingat sa lahat ng oras.

2 bagyo, papasok ng ‘Pinas

ni Thea Janica Teh | October 29, 2020

Isa na namang namumuong bagyo ang namataan ng PAGASA sa silangang bahagi ng Mindanao ngayong Huwebes habang ang binabantayang bagyo sa Central Luzon ay hindi pa nakakapasok ng bansa.

Ang bagyo ay may international name na “Goni” at ito naman ay papangalanang “Rolly” pagpasok ng Pilipinas.

Ito ay huling namataan sa 1,705 km silangang bahagi ng Central Luzon at papuntang kanluran sa 10 kph. Ito ay may maximum wind na 65 kph at may bugso ng hangin sa 80 kph.

Ayon kay PAGASA weather forecaster Ezra Bulquerin, ang namataang bagyo sa silangang bahagi ng Mindanao ay maaaring pumasok ng bansa at magdala ng epekto rito kaya naman umantabay sa update ng PAGASA.

Sa ngayon ay magdadala ng pag-ulan sa Caraga at Davao Region ang intertropical convergence zone (ITCZ) habang makararanas naman ng malakas na hangin ang Ilocos Norte, Apayao, Batanes, Cagayan at Babuyan Island.

Makararanas din ngayong Huwebes ang Metro Manila ng manaka-nakang pag-ulan at pagkidlat.

Klase at trabaho, suspendido dahil kay Quinta

ni Ronalyn Seminiano Reonico | October 26, 2020

Kinansela ang klase at trabaho sa ilang lugar sa Luzon at Visayas ngayong araw dahil kay Typhoon Quinta.

Nagbaba ng work suspension sa mga sumusunod na lugar:

• Albay (government offices),

• Batangas (government offices),

• Camarines Norte (government offices), at

• Marinduque (government offices).

Suspendido naman ang klase sa mga sumusunod na lugar:

National Capital Region:

• Caloocan (all levels),

• Las Piñas (all levels),

• Malabon (all levels),

• Mandaluyong (all levels),

• Manila (all levels),

• Muntinlupa (all levels),

• Navotas (pre-school to senior high school),

• Pasay (all levels),

• Quezon City (pre-school to senior high school),

• San Juan (all levels),

• Taguig (all levels), at

• Valenzuela (pre-school to senior high school);

• Albay (all levels),

• Camarines Sur (all levels),

• Cavite (all levels),

• Laguna (all levels),

• Occidental Mindoro (all levels),

• Quezon (all levels),

• Rizal (all levels),

• Sorsogon (all levels),

• Batangas City (all levels), at

• Naga City (all levels).