‘Di raw nagnakaw ng contacts sa fashion world ng misis ni Chiz… SIGAW NG EX-MAKEUP ARTIST NI HEART: PIA IS PIA!

ni Vinia Vivar @Frankly Speaking | Oct. 14, 2024

Photo: Heart Evangelista, Pia Wurtzbach - Justin Louise Soriano / IG

Ipinagtanggol si Pia Wurtzbach ng dating make-up artist ni Heart Evangelista na si Justin Louise Soriano.

Matatandaang last year ay nagkaroon ng falling out si Heart at ang kanyang glam team at kabilang nga rito si Justin. Kasunod nito ay ang paglipat ng dating glam team ni Heart kay Pia.

Since then nga ay nagkaroon na ng silent war at rivalry sina Pia and Heart sa fashion world.

Lately nga ay may mga patama si Heart na hula ng mga netizens ay kay Pia patungkol.

Ang latest, nagsalita na si Justin tungkol sa akusasyong ninakaw ni Pia ang mga contacts ni Heart.

“Don’t you feel guilty about almost everything happening to you right now you got them through cheating? You got someone’s contacts and connections. You didn’t work for them, this is not the Pia we know,” ang saad ng isang netizen.

Matatandaang naikuwento na rin ni Heart before na may nagnakaw daw ng kanyang contacts para lang magkaroon ng koneksiyon sa mga fashion shows at hula nga ng mga netizens ay si Pia ito.

Bilang sagot sa akusasyon ng netizen ay nilinaw ni Justin na walang ninakaw na

contacts si Pia.

“Pia never ever stole any contacts or whatever, lalo na kami. We are only glam team and ‘di nga namin kilala or close mga PR. Also PIA IS PIA!” pagtatanggol ni Justin sa kanyang kliyente.

“She walked the runway in New York when she was Miss Universe, she already attended a lot of fashion shows in New York way back 2015! So that cheating thing is actually invented so people can draw hate towards Pia.

“Hay, buti na lang when brands hear or read these things all the more they show love to Pia. The universe talaga is so powerful, you throw hate? The hate goes back to you! So sa dami na-achieve ni @piawurtzbach cheating and stealing?” patuloy pa nito.

“I mean Jeremy (Jauncey) and Pia are actually friends with Imran. Pia is also meeting Natalia Vodianova (wife of Dior CEO) whenever she’s in Paris. So why steal contacts when she is well connected naman?” depensa pa niya.

Sinabi rin ng make-up artist na mababaw ang mga nag-iisip na ninakaw ni Pia ang contacts ni Heart.

“Because it’s been more than a year na and ganyan pa sila kababaw. So sad for them,” aniya.

“And knowing how it works in PR world, even if you know the contact person, he will be the one to approve. Hindi sila basta-basta. So if sa 100 na tao, lahat sila may contact, lahat ba ‘yun, pasok sa finals? Hindi, ‘di ba? Kasi kung oo, concert fashion show ang nais,” pahayag pa niya.

Sa huli ay tila may pagbabanta pa si Justin na baka makarma raw ang family ng nag-aakusa kay Pia without naming names.

“Honestly, dedma ako sa bashing kasi part ng life ‘yan. Hopefully, though hindi karmahin family nila, you know naman how the universe works, ‘di ba?” sey niya.

---

MAGING ang direktor ng pelikulang Guilty Pleasure (GP) na si Connie Macatuno ay hindi mabilang kung gaano karami ang mga daring and intimate scenes sa movie na pinagbibidahan nina Lovi Poe, Jameson Blake and JM de Guzman.

Kaya naman R-16 without cuts ang rating na ibinigay ng MTRCB sa GP at sey nga ni Direk Connie, ito na raw ang pinakaseksing pelikulang ipapalabas sa sinehan this year.

“Merong ginawa si JM at saka si Lovi na intimate scene there na na-surprise rin ako sa kanila but I let it be. ‘Yung parang they were playing a song, and then, sobrang naging intense ‘yung emotions nila,” kuwento ni Direk Connie sa mediacon.

“‘Yung kay Jameson naman saka kay Lovi, ang masasabi ko lang, lasing s’ya (Jameson) sa sarap. Charot!” sey ni direk sabay tawa.

“Intoxicated is the word. Intoxicated siya sa ganda ni Alexis (Lovi’s character),” dagdag pa niya.

Ayon naman kay Lovi, pumayag siya sa lahat ng ipinagawa ni direk dahil buong-buo ang tiwala niya rito.

Sa first day of shooting pa lang daw ay love scene na agad ang kinunan ni direk kaya aminado si Jameson na na-shock din siya.

Biro naman ni JM, “I feel violated.”

Diretso namang natanong si Lovi kung kanino siya mas ‘nasarapan’ between JM at Jameson at natawa ang aktres.

“Iba kasi ‘yung atake ng bawat isa. Magkaiba, eh,” aniya.

“It’s a different experience. So, they delivered perfectly sa characters nila,” dagdag pa niya.

Ang masasabi lang ng aktres, “unusual” ang intimate scene nila ni JM at “loving and tender” naman kay Jameson.

Pero paglilinaw naman niya, “The sexy part of the film is just the tip of the iceberg. There’s so much depth in the story and everyone did an amazing job.”

Showing na sa mga sinehan nationwide ang Guilty Pleasure simula sa October 16 mula sa Regal Entertainment at C’est Lovi Productions ni Lovi Poe.

TV host, napaka-perfectionist daw… SUGAR, ‘DI NA KAYANG MAKASAMA ULI SI WILLIE

ni Vinia Vivar @Frankly Speaking | Oct. 13, 2024

Photo: Sugar Mercado at Willie Revillame - Instagram

Kinumpirma ni Sugar Mercado na loveless siya ngayon at wala raw muna siyang panahon sa pag-ibig. 

Ito ay sa gitna nga ng mga bali-balita tungkol sa diumano’y pagkakaroon nila ng relasyon ni Willie Revillame.

“Wala talaga. Parang ‘yung oras ko, bigay ko na lang sa importante like una, sa anak ko,” sey ni Sugar sa contract signing niya bilang endorser ng Melona Beauty Drink na ginanap last Friday sa Dusit Thani Hotel.

“Napakarami kong tinutulungan para maisingit ko s’ya sa bahagi ng buhay ko. If ever, in time, kung parang gusto ko ng pahinga, kung ibibigay ni Lord, okey ako. Pero kung wala, okey ako. Okey ako ng wala, okey ako ng meron. Pero ngayon, choice kong anak ko lang,” sey ng dating Sexbomb dancer.

Tungkol sa tsika na may relasyon sila ni Willie, aniya ay hindi nga raw niya alam kung saan nanggaling kaya huwag na raw palakihin pa.

“Basta okey po kami, ‘wag na lang palakihin, basta we’re okay ni Kuya Wil,” sey ng dating Wowowin co-host.

Nang matanong namin kung willing ba siyang makatrabaho ulit si Kuya Wil, aniya sa ngayon ay hindi na raw niya kayang magampanan pa ulit na maging co-host nito.

“Kasi si Kuya Wil, napaka-perfectionist sa trabaho. Saludo ako sa kanya du’n at lahat ng issue sa kanya about that, alam ng mga nagtatrabaho sa kanya. Kaya siya yumaman nang ganu’n because ganu’n s’ya magtrabaho. 

“Wala sa kanya ‘yung kahit na ano ka pa n’ya, kamag-anak ka n’ya o anak ka n’ya. Gusto n’ya, pulido ‘yung trabaho.

“And hindi ko na kayang ibigay ‘yun kasi may anak na ‘ko. Kailangan ko ring mag-focus na talaga sa business ko. 

“Kasi ‘yun ‘yung kailangan ng mga anak ko. Basta ako, kung ano ‘yung ikabubuti ng anak ko, du’n ako,” sey ni Sugar.

Samantala, masayang-masaya ang celebrity mom na may bago siyang endorsement. Aniya, bago raw siya nag-yes sa Melona product ay ginamit muna niya ito nang ilang buwan para makita niya kung talagang effective nga ito. 

At nakita naman daw niya na talagang maganda ang naidulot nito sa kanyang beauty at katawan. Ang comment nga raw sa kanya ng lahat ay parang hindi siya tumatanda, kaya naman proud endorser daw talaga siya ng nasabing produkto ng Horizons Health and Beauty Products Corporation.

Kasabay din ni Sugar na pumirma ng kontrata bilang endorser ang Viva artist na si Kyle Villanueva.

Present din sa contract signing ang mga executives ng Horizons na sina Doc RJ Evangelista and Sir Charles Arriza.

---

INAMIN ni Jameson Blake na may butt exposure siya sa pelikulang Guilty Pleasure (GP) ng Regal Entertainment at C’est Lovi Productions.

Ayon sa aktor ay hindi naman ito bago sa kanya dahil nagawa na rin naman niyang magpakita ng butt in the past pero magkakaiba naman daw ng reasons.

“I must say this time, it has more of a living connection. ‘Yung mga ginawa ko dati, it was like a dare or psychopath ‘yung role ko du’n,” sey ni Jameson sa ginanap na mediacon kamakailan.

“So, I took it as a challenge na medyo nabigla lang ako,” dagdag pa niya sabay-tawa.

Sinegundahan naman ni Direk Connie Macatuno na totoong nabigla si Jameson nang sabihin niyang magpapakita ang aktor ng puwet.

“Totoo, nabigla s’ya kasi parang now na, tapos sabi n’ya, ‘Now na?’” kuwento ni Direk Connie.

Dagdag naman ni Jameson, first day of shooting daw kasi nang ipagawa ni Direk Connie ang eksena.

“And ‘yun, I didn’t feel any pressure kasi nagawa ko na naman dati,” sambit ng aktor.

Ayon naman sa leading lady ni Jameson na si Lovi Poe at isa rin sa producers ng film, nakita rin daw niya na medyo nagulat nga ang aktor upon learning na may butt exposure kaya sinabihan niya raw ito na puwede namang hindi nito gawin, kung hindi ito komportable.

“Sabi ko sa kanya, ‘Jameson, if you’re not comfortable, you don’t have to.’ May ganu’n pa ‘ko, nag-line pa ko ng ganu’n. Sabi niya, ‘No, sige, I’ve done it before.’ Sabi ko, ‘Ah, okay,’” kuwento ni Lovi.

Bukod sa butt exposure ay may matindi ring love scenes sina Jameson and Lovi sa GP na showing na sa mga sinehan ngayong October 16. Kasama rin sa movie si JM de Guzman bilang isa rin sa leading men, Angelica Lao, Dustin Yu at marami pang iba.

Aktres, kumanta ng Dancing Queen, super-sexy ng suot… PARI, TODO-SORRY, AMINADONG MASAGWA ANG PAGKANTA NI JULIE ANNE SA LOOB NG SIMBAHAN

ni Vinia Vivar @Frankly Speaking | Oct. 12, 2024

Photo: Julie Anne San Jose / IG / viral

Naglabas na rin ng official statement ang Nuestra Señora del Pilar Shrine and Parish in Occidental Mindoro kaugnay ng performance ni Julie Anne San Jose sa fundraising concert na ginanap sa naturang simbahan last October 6, 2024.

Sa naturang event ay umawit at sumayaw ang Asia’s Limitless Star ng Dancing Queen na umani nang katakut-takot na batikos.

Naglabas na ng public apology si Julie Anne hinggil sa nasabing insidente, gayundin ang Sparkle GMA Artist Centre nu'ng October 10.

Kasunod nito ay nag-post na rin ang simbahan ng kanilang statement tungkol dito, signed by the parish priest, Fr. Carlito Meim Dimaano.

Narito ang nilalaman ng statement:

“Buong kababaang-loob po akong humihingi ng kapatawaran sa lahat ng nasaktan mula sa mga pagkakamaling nasaksihan sa Heavenly Harmony Concert na ginanap sa Nuestra Señora del Pilar Shrine and Parish noong ika-6 ng Oktubre 2024.

“Inaamin ko pong may mga mali kaming desisyon ukol dito, inaako ko po ang lahat ng mga pagkakamaling ito.

“Isang Secular Concert ang naganap sa loob ng Simbahan. Tinatanggap ko pong ito ay nakasakit sa damdamin ng mga mananampalataya. Humihingi po ako ng tawad.

“Sa mga naimbitahan po naming nagtanghal — Julie Anne San Jose at Jessica Villarubin — na nakatanggap ng mga hindi kaaya-ayang komento, humihingi po ako ng tawad.

“Sa aking Mahal na Obispo, Pablito Martinez Tagura, SVD, DD, humihingi rin po ako ng tawad. Hindi ko po naingatan ang inyong pangalan dahil dito.

“Natuto po ako nang lubos sa pangyayaring ito. Kung maibabalik ko lamang po ang panahon, sana’y naisakatuparan nang tama at wagas ang gawaing ito na alay kay Maria.

“Ipinapangako ko pong hindi na mauulit ang nangyaring ito.”

Ini-repost naman ni Rayver Cruz sa kanyang Instagram Story (IG) ang statement ng simbahan pati na rin ang pahayag ng Sparkle bilang suporta sa girlfriend.

Bukod dito ay nag-post din ng sweet message si Rayver para kay Julie Anne at sinabing mananatili siyang nasa tabi ng girlfriend.

“Never will I leave you. Never will I forsake you.’ (Hebrews 13:5) So do I, my love. Will forever be by your side to hold you and be with you all the time. Let’s keep our faith and make it stronger. I love you so much,” mensahe ng aktor sa GF.

---

‘Di niya raw iiwan…

RAYVER, TODO-TANGGOL SA GF NA SI JULIE ANNE

BOY, AGREE NA MALING SA LOOB NG SIMBAHAN NAG-PERFORM SI JULIE NA SUPER-SEXY NG SUOT

NAGPAKATOTOO si King of Talk Boy Abunda at sinabing agree siya sa mga nagsasabing mali rin ang ginawang pagpe-perform ni Julie Anne San Jose sa loob ng simbahan ng dance song na Dancing Queen suot ang sexy outfit.

Sa nakaraang episode ng Fast Talk with Boy Abunda (FTWBA), naglabas ng kanyang saloobin si Kuya Boy tungkol sa isyung kinasasangkutan ng Asia’s Limitless Star matapos nga ang performance nito sa Nuestra Señora Del Pilar Shrine sa Mamburao, Occidental Mindoro.

“Nakakabilib lang nu’ng pinanood ko ‘yung video, si Julie Anne San Jose kasi for her stature, and she’s one of the biggest talents in the music industry today,” simula ni Kuya Boy, 

“sa kanyang stature, sabi ko, parang nakakabilib naman ‘tong si Julie Anne. She still does these fundraisings for churches.

“Walang…I don’t know how to say this… Hindi s’ya namimili ng tutulungan. ‘Yun ang dating sa ‘kin,” patuloy niya.

Pero agree naman daw siya sa mga naging reaksiyon ng publiko tungkol dito.

“I know it was wrong. Ako rin, I agree with the public reaction na parang inappropriate ‘yung venue. Nandu’n lahat ‘yun, agree ako du’n,” pag-amin ni Kuya Boy.

At naikuwento nga niya ang similar experience niya noon nang pumunta sila sa isang concert kasama ang kanyang mga talents.

“Dumating kami doon sa venue on the day of the concert, simbahan po ang venue. Ang ending po noon, hindi kami nag-perform sa simbahan. I demanded doon ho kami sa labas,” kuwento ng TV host.

“I haven’t spoken to Julie, kasi puwede ring dumating ka, nalaman mo na sa loob ng simbahan, do you actually have the time to change your repertoire, to change your clothes?

“I am not making excuses, I am just saying na may mga on-ground realities po lalo na para sa artista,” aniya.

For his final piece, pahayag ni Kuya Boy, “For everything that had happened, lahat ng leksiyon na natutunan, makikita ho natin na lahat ng gumalaw na tao rito sa kuwentong ito ay may magandang intensiyon at may magandang puso.”