Buking na naka-couple shoes sila ni Anthony… "NAGKATAON LANG" — MARIS

ni Vinia Vivar @Frankly Speaking | Nov. 5, 2024

Photo: Maris Racal at Anthony Jennings - FB Circulated

Sinagot na ni Maris Racal ang issue ng couple shoes nila ng ka-love team niyang si Anthony Jennings.

Matatandaang nag-viral last September ang larawan ng MaThon wearing identical shoes (Adidas black and white Samba) habang nasa Italy sila filming Incognito.

Siyempre, dahil dito ay lalong uminit ang espekulasyon na mukhang may something special nang namamagitan sa dalawa.

That time ay break na si Maris sa ex-boyfriend na si Rico Blanco habang si Anthony naman ay may tsikang on the rocks na rin ang relasyon sa non-showbiz girlfriend na si Jam Villanueva.

Hanggang nitong nakaraang October, lumutang na nga ang balitang tuluyan na umanong naghiwalay sina Jam and Anthony.

Anyway, sa latest interview ni MJ Marfori ng TV5 kay Maris ay naitanong sa aktres ang tungkol sa couple shoes.

Sagot ni Maris, “Actually, nagkataon lang talaga na same kami ng shoes.”

Dagdag pa niya, “Natawa na nga lang ako sa nangyari kasi nagkataon lang talaga na ganu'n ‘yung sapatos namin. Matagal na akong may ganu’ng sapatos, like three years ago na or two.”

Ulit pa niya, “So, yeah, nagkasabay lang talaga.”

‘Yun na!

---

Binigyan ng birthday cake ng ex-wife… GABBY KAY SHARON: KAYA LOVE NA LOVE KITA, EH!

Gabby Concepcion at Sharon Cuneta - IG

Kaarawan ni Gabby Concepcion today, November 5, at hindi ito nakakalimutan ng ex-wife niyang si Sharon Cuneta. Kaya naman, may pasabog na birthday cake sa kanya si

Megastar nitong nakaraang Nov. 2 show nila sa Canada.

As we all know, kasalukuyang nasa US & Canada tour pa sina Sharon and Gabby para sa kanilang Dear Heart (DH) concert.

Sa mga reels na ibinahagi ni Sharon sa kanyang Instagram Story ay makikitang binigyan niya ang ex-husband ng birthday cake sa stage at touched na touched naman ang aktor.

“Thank you very much talaga. Kaya love na love kita, eh,” sey ni Gabby kay Sharon at saka niyakap niya ito.

Sagot naman ni Sharon, “I know, yeah, right?”

Maririnig naman sa background ang sigawan ng audience na halatang kilig na kilig. 

Sa isang video naman ay mapapanood na muling nagpasalamat si Gabby kay Sharon dahil nag-imbestiga raw siya at nalaman niyang kay Megastar talaga galing ang cake at hindi sa produksiyon. 

“Wala na naman sa script ‘to, ha? Maraming salamat du’n sa cake na ibinigay mo sa ‘kin. Nag-imbestiga ako du’n sa likod. Hindi galing sa production, galing talaga sa kanya (Sharon),” sabi ni Gabby.

Kinilig na naman ang crowd. At mas kinilig pa sila sa sagot ni Sharon.

“Oo naman, binigyan mo ako ng anak,” sey ni Shawie.

In fairness, base sa videos na napanood namin ay mukhang good friends na talaga sina Sharon Cuneta and Gabby Concepcion at sana ay totoo ito at hindi lang dahil sa show.

‘Di raw good health… MARIEL, B-DAY WISH NA MATANGGAL NA ANG BIGOTE NI SEN. ROBIN

ni Vinia Vivar @Frankly Speaking | Nov. 3, 2024

Photo: Robin at Mariel Rodriguez Padilla - FB

Kakaiba ang birthday wish ni Mariel Rodriguez na nag-celebrate ng kanyang ika-40 kaarawan noong Agosto.

Sa kanyang bagong upload na vlog ay ipinasilip ng TV host ang mga kaganapan sa kanyang bonggang birthday celebration na ibinigay ng asawa niyang si Sen. Robin Padilla katulong ang sister ni Mariel.

Sa nasabing vlog ay ini-reveal ng aktres ang kanyang birthday wish na sana raw ay mawala na ang bigote ni Robin.

“I have a funny story. Usually, on your birthday, when you make a wish, you always ask for good health and all that fun stuff. I had one wish. Sabi ko, ‘Sana mawala na ‘yung bigote ni Robin,’” sey ni Mariel sabay-tawa.

“Pero ‘yun talaga ‘yung wish ko ngayong 40th ko. Malapit na ‘yang mangyari,” natatawa pa niyang sabi.

Base sa nakikita naming latest photos ni Sen. Robin Padilla ay may bigote pa rin naman ito.

---

Knows mo ‘yan, Bianca? RURU, BINIGYAN SI BARBIE NG OVERSIZED NA TSINELAS, BINASTED

Ruru Madrid at Barbie Forteza - FB

INAMIN ni Ruru Madrid na isa sa mga niligawan niya noon si Barbie Forteza pero binasted siya ng aktres.

Ini-reveal ito ng aktor sa Lutong Bahay (LB) cooking talk show ng GMA Public Affairs hosted by Mikee Quintos.

Tinanong ni Mikee si Ruru kung sino ang niligawan niyang artista pero binasted siya.

“14, 15 lang yata ako, si Barbie,” sagot ni Ruru.

Dagdag niyang kuwento, “14 ako, niligawan ko s’ya. Ang ginawa ko, binigyan ko s’ya ng tsinelas, hindi ko alam ang size n’ya.”

Sey pa niya, natatandaan niya na umuwi ang tito niya galing abroad at may uwing mamahaling tsinelas. Naisip daw niyang iregalo ito kay Barbie.

“Tinanggap niya ‘yung regalo. ‘Yung tsinelas pala na naibigay ko sa kanya, sobrang laki sa kanya as in, kalahati lang ‘yung paa n’ya sa tsinelas,” tsika niya.

Pagre-reveal pa ni Ruru, “‘Yun ‘yung naging dahilan kung bakit n’ya ako binasted.”

Sinita naman siya ni Mikee at sinabing, “Kasi naman, ‘di mo man lang tsinek ‘yung size.”

---

Aminadong masyonda na…

IYA, KABADO SA 5TH PREGNANCY

Iya Villania sa kanyang baby no. 5 - Updated with Nelson Canlas - YT

INAMIN ni Iya Villania na hirap siya sa pagbubuntis ngayon sa 5th baby nila ng mister na si Drew Arellano, hindi kagaya noong mga naunang apat na pregnancy niya.

“I think it’s inevitable kasi nga mas matanda na rin naman ako. I was 31 when I started with Primo, and I’m 38 now,” sey ni Iya sa panayam sa Updated with Nelson Canlas podcast.

Ayon kay Iya, ngayon na 38 na siya ay may mga takot na siyang nararamdaman sa kanyang pangangatawan.

“There were fears that creep into my head na like your body might take things differently, if it’s gonna be harder, it might be well I am already at high risk because I am past 35 and once you’re past 35, high-risk ka na,” sey ni Iya.

Nahirapan din daw siya sa first trimester ng kanyang pagbubuntis.

“The first trimester was probably the hardest with this one,” aniya.

Ang dinadasal na lang daw niya ngayon ay sana’y makaraos siya nang maluwalhati sa kanyang panganganak at walang maging kumplikasyon.

“I hope that because along with the delivery, the kind of delivery can also dictate the kind of recovery that you’re gonna have. 

“So, parang nandu’n pa lang ‘yung isip ko because until I get past that, ‘di ko rin masasabi kung what’s it’s gonna be like having the fifth baby,” aniya.

“So right now, my mind is just open to all the possibilities. Yes, it scares me, but always just praying for the best and praying for God’s favor, and of course, I'm hoping that all will go well. I hope that I will be safe, baby will be safe,” sey pa ng celebrity mom.

Ganu'n na ka-super close… KATHRYN, KABISADO NA ANG GINAGAWA NI ALDEN SA UMAGA

ni Vinia Vivar @Frankly Speaking | Nov. 2, 2024

Photo: KathDen / FB / Instagram

Tila mas ‘at home’ na talaga sa isa’t isa sina Alden Richards at Kathryn Bernardo. Bukod sa mas marami na silang naibabahagi about each other, kabisado na rin nila ang galaw ng bawat isa. 

Sa pagkasa nga ng Hello, Love, Again (HLA) lead actors sa #ImitateEachOtherChallenge ng GMA Network, nabuko lalo ang closeness ng dalawa dahil walang ka-effort-effort nilang ipinakita ang paggaya nila sa galawan ng isa’t isa. 

Nariyang ginaya ni Kath kung paano si Alden sa umaga kapag dumadating sa set, habang ang aktor naman, ibinuking kung paano kiligin ang ka-love team.

May mahigit 1M views and counting na nga ang first part ng video at nagde-demand na agad ng part two ang KathDen fans.

Sey ng isang fan, “Ilabas n’yo na ang part 2 kung hindi, magdadabog ako.”

Sabi naman ng isa pa, “‘Wag lang sana sa mental hospital ang bagsak natin pagkatapos ng movie guys, puyat na may kasamang kilig. Minsan, matutulog na nakangiti na lang.”

Marami na ang nakaabang sa pagpapalabas ng HLA na joint project ng GMA Pictures at Star Cinema.

---

Ex ni Kim, pilot na… XIAN, PROUD NA NAKAPAGPALIPAD NA NG EROPLANO

Xian Lim - Instagram

PUWEDE nang tawaging ‘Captain Xian’ ang aktor na si Xian Lim dahil for the first time ay nakapagpalipad na siya ng eroplano.

Sa kanyang Instagram account ngayong araw ay ibinahagi ng aktor ang proud moment kung saan ay makikita sa video na nasa manibela siya at nagpapalipad ng eroplano.

“First time in the pilot’s seat! (airplane emoji),” ang pagmamalaki ni Xian.

“Nothing compares to the thrill of taking flight and seeing the world from above. Here’s to new heights and unforgettable views! #FirstFlight @topfliteacademy,” patuloy niya.

Nagpasalamat ang aktor sa kanyang flight instructor sa matiyagang pagtuturo sa kanya.

“Thank you, Captain @sassychicxss for the patience and being a really cool FI,” aniya.

Dumagsa ang pagbati ng mga netizens kay Xian at kabilang na sa masayang-masaya for him ay ang kanyang inang si Mommy Mary Anne.

“It's like a dream, Anak (heart emoji),” komento ng mommy ng aktor.

Sagot naman ni Xian, “Thank you, Mom! I'll send you pictures again tomorrow after the flight (smile and heart emoji).”

Komento naman ni Rocco Nacino, “Super YOLO (you only live once)!”

Pagbati naman ng kanyang mga fans, “Congratulations on your first flight, Captain @XianLimm.”

Matatandaang noong Setyembre ay ini-reveal ng aktor na nag-enroll siya sa Top Flite Aviation Academy to take flying lessons.