Naka-move on na raw sa hiwalayan nila… MAVY, TUMANGO AT NGUMITI LANG NANG MAKASALUBONG ANG EX NA SI KYLINE

ni Vinia Vivar @Frankly Speaking | Nov. 7, 2024

Photo: Mavy Legaspi at Kyline Alcantara - Instagram

Masaya na si Mavy Legaspi at mukhang naka-move on na talaga mula sa breakup nila ni Kyline Alcantara.

Matatandaang naging kontrobersiyal ang breakup noon nina Mavy at Kyline dahil sa dami ng mga issues na lumabas tungkol sa kanilang hiwalayan.

Sa panayam ng 24-Oras kay Mavy ay nagsalita siya tungkol sa kanyang ex-girlfriend at sa estado niya ngayon matapos ngang aminin ni Kobe Paras that she’s dating Kyline.

“The person’s happy, I’m happy. Let’s end the year on a good note na peaceful,” nakangiting wika ng anak nina Zoren Legaspi and Carmina Villaroel.

Sey pa niya, “What's done is done. Also, lahat naman masaya.”

When asked kung ready na ba siyang makasalubong si Kyline, aniya, “I’ve always been civil and at the end of the day, we’re all just looking for happiness in our lives.”

In fact, nangyari na raw na nakasalubong niya si Kyline at nagngitian naman daw sila.

“Yeah, a couple of times. Nod, smile, yeah, it’s been okay,” sey niya.

Sa ngayon ay single na single raw siya at ang ka-mingle niya ay gym. 

“I’m mingling in the gym, working out. Ang masasabi ko lang, my heart’s happy. That’s it,” aniya.

Bukod dito ay naghahanda rin daw ang aktor for his comeback project.

“I’m actually very focused on diet, working out. Makikita n’yo in the very near future kung bakit kailangang magpapayat,” sabi ni Mavy.

---

Ganu'n na raw sila ka-close ngayon…

KATHRYN, UMAMING WA' NA HIYA KAY ALDEN

KathDen - IG Kathryn Bernardo

Aminado sina Kathryn Bernardo and Alden Richards na talagang mas lumalim na ang kanilang relasyon ngayon bilang magkaibigan mula nang gawin nila ang sequel ng 2019 movie nilang Hello, Love, Goodbye (HLG) na ngayon naman ay Hello, Love, Again (HLA).

Ayon kay Kath sa panayam nila ni Alden sa 24-Oras, mas marami pa raw siyang natutunan sa aktor sa pagsasama nilang muli ngayon sa HLA.

“He's just amazing. Hindi lahat kaya, hindi ko kaya kung paano ‘yung ginagawa n’ya. Minsan ‘pag napapagod ako, tapos titingnan ko siya, iisipin ko, ‘Ito nga, hindi nagrereklamo,’” paglalarawan ni Kath sa leading man.

“Ang dami, ‘pag kailangan mo ng advice, you just talk to him. Hindi ako nahihiyang magtanong sa kanya, like hindi ko kailangang i-filter ‘yung mga questions ko because I know na hindi s’ya mao-offend also,” dagdag pa ng aktres.

Ayon naman kay Alden ay nagbago ang kanyang pananaw sa buhay simula nang maging kaibigan niya si Kathryn.

“One thing that she made me realize is don’t take life too seriously. S’ya ‘yung nagpa-realize sa ‘kin na it’s okay to (say) ‘no’ at times, valuing your time for yourself, time for your loved ones,” sabi ni Alden.

“Take everything one day at a time, hindi ka superhero. One battle at a time,” dagdag pa ng aktor.

Inamin din ni Alden na ang pagka-genuine ng relationship nila ni Kath ang isa sa mga nilu-look forward niya sa kanilang samahan.

“The genuinity of the relationship, I think, ‘yun ‘yung pinaka-isa sa mga nilu-look forward ko all the time with Kath,” sey ni Alden Richards.

Miss U, todo-rampa na rin abroad… HEART: PIA, SANA 'DI MARANASAN 'YUNG MGA NARANASAN KO

ni Vinia Vivar @Frankly Speaking | Nov. 6, 2024

Photo: Heart Evangelista at Pia Wurtzbach - Instagram

Emosyonal pa rin si Heart Evangelista sa tuwing napag-uusapan ang paghihiwalay nila ng kanyang dating glam team noong nakaraang taon.

Sa Updated with Nelson Canlas podcast ay naitanong sa kanya ng host kung ano na ang status nila ngayon ng ex-glam team at habang sinasagot ito ng aktres ay medyo naging teary-eyed na siya.

“Siguro, ganito na lang ‘yun. Kasi mababaliw ako kakaisip,” simula niya.

“Ang tatandaan ko na lang is ‘yung mga taong minahal ko nang mga time na ‘yun,” sey niya na nagsisimula nang maging emosyonal.

“Hindi ko iisipin kung ano talaga sila o ano sila ngayon, ‘di ko binabasa kung anuman ‘yung nasasabi online, but I will try to cherish the times that I thought mahal nila ‘ko. 

“And I think that will keep me sane,” aniya.

Nagkomento naman si Nelson na kitang-kita sa mga mata ni Heart na hurting pa rin ang aktres. 

Ani Heart, “It’s a slow process, it takes time for you. It’s not that I haven’t moved on.”

At hindi rin daw dahil hindi pa siya nakakapagpatawad. 

“It’s just, ganu’n lang kasi talaga ako magmahal,” aniya.

Dagdag pa niya, “Pero I have to learn slowly to unlove people. That’s painful for me.”

Natanong din sa kanya ang tungkol sa estado nila ngayon ni Pia Wurtzbach na sinasabi ngang ‘kaalitan’ niya at ayon kay Heart ay wala naman daw silang problema at okay sila.

“Nag-ano pa nga siya ng hashtag dati na ‘Heart made me do it’ so I was very touched. But I truly wish her the best,” she said.

Wish din niya for Pia na hindi nito maranasan ang mga hirap na naranasan niya noong nagsisimula pa lang siya sa fashion world.

“Sana, maging okay siya at sana, hindi niya maranasan ‘yung mga naranasan ko sa nakaraan,” sey ni Heart Evangelista.

---

NATUPAD na rin sa wakas ang dream ni Barbie Forteza na makapanood ng Eras Tour concert ng idol niyang si Taylor Swift.

Makikita sa Instagram (IG) account ng aktres ang videos and photos while watching Swift’s concert in Indianapolis, USA.

“It’s been a long time coming,” caption ni Barbie na isa rin sa linya ng kanta ni Taylor na Miss Americana & the Heartbreak Prince.

Mapapanood sa mga videos na masayang-masaya si Barbie sa concert habang sinasabayan ang mga hit songs ng idolo na Cruel Summer, All Too Well, August, Illicit Affairs, and I Can Do It With A Broken Heart.

Maging ang mga kaibigan and loved ones ni Barbie ay masayang-masaya for her kabilang na ang boyfriend niyang si Jak Roberto.

“Dream come true, Mahal! Deserve!!!” komento ni Jak na hindi nakasama kay Barbie sa US.

Matagal nang true-blooded Swiftie (tawag sa mga fans ni Taylor) si Barbie and very open naman siya about it. At noon pa siya excited na mapanood ang Eras Tour pero dahil inuna niya ang pagpapagawa ng bahay for her family, hindi siya makabili ng tiket dahil nanghihinayang siya sa malaking gagastusin.

Sey pa ng aktres noon sa interbyu, “I just feel like it is a splurge for me,” na ang tinutukoy ay ang pagbili nga ng tiket para sa concert tour sa labas ng Pilipinas.

Magugunita ring isa sa mga nawindang si Barbie Forteza nang malaman noon na hindi kasama sa listahan ng Eras Tour ang Pilipinas. Nag-post siya at kinuwestiyon kung bakit hindi kabilang ang ating bansa sa Asian tour ni Taylor Swift.

Buking na naka-couple shoes sila ni Anthony… "NAGKATAON LANG" — MARIS

ni Vinia Vivar @Frankly Speaking | Nov. 5, 2024

Photo: Maris Racal at Anthony Jennings - FB Circulated

Sinagot na ni Maris Racal ang issue ng couple shoes nila ng ka-love team niyang si Anthony Jennings.

Matatandaang nag-viral last September ang larawan ng MaThon wearing identical shoes (Adidas black and white Samba) habang nasa Italy sila filming Incognito.

Siyempre, dahil dito ay lalong uminit ang espekulasyon na mukhang may something special nang namamagitan sa dalawa.

That time ay break na si Maris sa ex-boyfriend na si Rico Blanco habang si Anthony naman ay may tsikang on the rocks na rin ang relasyon sa non-showbiz girlfriend na si Jam Villanueva.

Hanggang nitong nakaraang October, lumutang na nga ang balitang tuluyan na umanong naghiwalay sina Jam and Anthony.

Anyway, sa latest interview ni MJ Marfori ng TV5 kay Maris ay naitanong sa aktres ang tungkol sa couple shoes.

Sagot ni Maris, “Actually, nagkataon lang talaga na same kami ng shoes.”

Dagdag pa niya, “Natawa na nga lang ako sa nangyari kasi nagkataon lang talaga na ganu'n ‘yung sapatos namin. Matagal na akong may ganu’ng sapatos, like three years ago na or two.”

Ulit pa niya, “So, yeah, nagkasabay lang talaga.”

‘Yun na!

---

Binigyan ng birthday cake ng ex-wife… GABBY KAY SHARON: KAYA LOVE NA LOVE KITA, EH!

Gabby Concepcion at Sharon Cuneta - IG

Kaarawan ni Gabby Concepcion today, November 5, at hindi ito nakakalimutan ng ex-wife niyang si Sharon Cuneta. Kaya naman, may pasabog na birthday cake sa kanya si

Megastar nitong nakaraang Nov. 2 show nila sa Canada.

As we all know, kasalukuyang nasa US & Canada tour pa sina Sharon and Gabby para sa kanilang Dear Heart (DH) concert.

Sa mga reels na ibinahagi ni Sharon sa kanyang Instagram Story ay makikitang binigyan niya ang ex-husband ng birthday cake sa stage at touched na touched naman ang aktor.

“Thank you very much talaga. Kaya love na love kita, eh,” sey ni Gabby kay Sharon at saka niyakap niya ito.

Sagot naman ni Sharon, “I know, yeah, right?”

Maririnig naman sa background ang sigawan ng audience na halatang kilig na kilig. 

Sa isang video naman ay mapapanood na muling nagpasalamat si Gabby kay Sharon dahil nag-imbestiga raw siya at nalaman niyang kay Megastar talaga galing ang cake at hindi sa produksiyon. 

“Wala na naman sa script ‘to, ha? Maraming salamat du’n sa cake na ibinigay mo sa ‘kin. Nag-imbestiga ako du’n sa likod. Hindi galing sa production, galing talaga sa kanya (Sharon),” sabi ni Gabby.

Kinilig na naman ang crowd. At mas kinilig pa sila sa sagot ni Sharon.

“Oo naman, binigyan mo ako ng anak,” sey ni Shawie.

In fairness, base sa videos na napanood namin ay mukhang good friends na talaga sina Sharon Cuneta and Gabby Concepcion at sana ay totoo ito at hindi lang dahil sa show.