Kris, tameme pa dahil sa sakit… NAGKALAT NG PICTURE RAW NI BIMBY NA MAY KAHALIKANG LALAKI, IPINADEDEMANDA

ni Vinia Vivar @Frankly Speaking | August 22, 2024

Photo: Bimby Aquino

Fake news ang lumabas na balita sa social media na ini-reveal na raw ni Bimby Aquino-Yap ang kanyang boyfriend.

Si Ogie Diaz ang nagtanggol sa anak ni Kris Aquino at ibinahagi niya sa kanyang Facebook (FB) Story ang post na nagsasaad ng, “Bimby Aquino, ISINAPUBLIKO na ang kanyang longtime boyfriend.”

Makikita sa larawan ang dalawang lalaki na naghahalikan at pinalalabas ng nag-post na si Bimby at isang guy ito.

May quote rin na nakalagay na: “Mahal ko siya. . .” na diumano ay galing kay Bimby.

Saad ni Ogie sa balita, “FAKE NEWS!!! PLEASE REPORT!!!”

Naging usapan ito sa isang community site at marami ang umuudyok kay Kris na idemanda ang mga nag-post at nagkalat ng maling balita dahil sobrang nakakasira ito para kay Bimby Aquino.

Well, pasalamat sila at may sakit si Kris ngayon dahil kung hindi, tiyak na hindi niya ito palalampasin.

---

Aminado ang Pinoy pop/alternative rock band na December Avenue na noong una nilang malaman na magkakaroon sila ng concert sa Mall of Asia Arena ay natakot talaga sila.

Titled Sa Ilalim ng mga Bituin, gaganapin ang concert ng grupo (composed of Zel Bautista, Don Gregorio, Jet Danao, Jem Manuel and Gelo Cruz) sa August 30, 2024 at MOA Arena.

First time raw nilang magpe-perform sa ganito kalaking lugar at nasanay sila sa maliliit na venues lang.

Ayon sa vocalist na si Zel sa mediacon na ginanap last Tuesday sa Okada Manila, “Mayroon talagang fear sa ‘min when we learned about na we’re gonna perform sa MOA.”

Pero very thankful daw sila sa producer nilang si Nancy Yang of NY Entourage Productions sa tiwalang ibinigay sa kanila lalo’t hindi biro ang production cost ng concert.

“When our manager Koi ay kinausap si Miss Nancy about it, naging confident na rin kami. Of course, Miss Nancy is a legendary producer, so, kumbaga, parang nagkaroon na rin kami ng confidence na ‘Okay, this is serious, we’re gonna make it, we have to make it.’ Parang ganu’n.

“Pero from the start, natatakot talaga kami kasi we’re not really expecting to make money out of it, to sell tickets. We just wanted to celebrate our existence for 15 years. ‘Yun lang talaga ang goal namin,” pahayag ni Zel.

Pero laking-gulat nila na nang ilabas ang tickets, within two hours ay 65% na agad ang nabili at sa ngayon ay sold-out na ito.

Kaya nagdesisyon ang producer na magbukas ng SRO section para sa gusto pang bumili ng tickets.

Ayon sa grupo ay hindi raw nila ine-expect na magiging sold-out ang concert. 

Sey ng bass guitarist na si Don Gregorio, “Sabi ko nga sa kanila, ‘pag walang bumili, tayo na lang ang bumili ng ticket, tapos, pamimigay namin. Hindi namin in-expect ‘yung 65% within 2 hrs. Ine-expect talaga namin na kailangan naming trabahuhin hanggang sa day ng concert na sana, may manood pero… nakakagulat talaga.”

Mahalaga ang concert na ito dahil nga sa pagdiriwang nila ngayong taon ng kanilang 15th year in the business.

Symbolically, their name represents the last month of the year - December, which is an avenue towards a new year and new life.

Si Paolo Valenciano ang magdidirehe ng anniversary concert ng December Avenue.

Nagpaopera para gumanda… NORA, AMINADONG KASALANAN NIYA KUNG BAKIT NAWALA ANG BOSES

ni Vinia Vivar @Frankly Speaking | August 20, 2024

Photo: Nora Aunor / Maricel Soriano channel

Hanggang ngayon ay lungkot na lungkot pa rin ang Superstar na si Nora Aunor sa pagkawala ng kanyang boses dulot ng isinagawang operasyon sa kanya noon.

Bunga nito, hindi na nga siya nakakanta, na siyang labis niyang ikinalulungkot.

“Ang pinaka-love ko talaga ay ang pag-awit,” sabi ni Ate Guy sa panayam niya sa latest vlog ni Maricel Soriano.

“Kundi dahil sa pagkanta, ‘di ako makakatulong sa pamilya at hindi rin ako makikilala ng mga tao. Kaya nu’ng masira ‘yung boses ko — sinira nila, eh, para bang sinadya — eh, hanggang ngayon, hindi ako nakakakanta,” malungkot na wika ni Ate Guy.

Hindi pa nga rin niya nakakalimutan ang eksaktong nangyari nang mawala ang kanyang boses.

“Nasa States ako nu’n, eh. May pumunta sa ‘kin, sabing ganu’n, dadalhin daw ako sa Japan kasi kukunin ako bilang parang mag-eendorso ng isang (facial product).

“Pagdating ko du’n, pinahiga ako, pinatulog. Paggising ko, wala na akong boses. ‘Yun ang totoong nangyari du’n. Hanggang ngayon, wala nang boses,” pagre-recall ng Superstar.

Bagama’t idinemanda niya raw ang mga taong involved, hindi na rin naibalik ang kanyang boses.

Ang tinutukoy ni Guy na operasyon sa Japan ay naganap noong 2010 at naging isang malaking balita ito noong mga panahong iyon.

Dapat ay ooperahan daw siya noon para maibalik ang kanyang boses, pero hindi na raw ito nangyari.

“Sayang nga, eh. Siguro, kasalanan ko rin,” aniya.

Tinanong ni Maria kung puwede pa siyang magpaopera ngayon at ayon kay Ate Guy, hindi na raw.

“Ngayon, ‘di na. Kasi ang sabi ng doktor noon, ‘yung vocal cord, hindi naman tinamaan, kaya lang malalim ang tinamaan sa ‘kin. ‘Yun ang dapat naoperahan noon,” aniya.

“Sayang nga, kasi ‘pag may mga kumakanta na nakikita ko, parang gusto kong kumanta. ‘Pag naaalala ko, nalulungkot ako siyempre. D’yan ako unang nakilala, tapos, ang pag-arte naman sa ‘kin, pangalawa lang,” dagdag pa niya.

---

OPISYAL nang sinimulan ng engaged couple na sina Edgar Allan Guzman (EA) at Shaira Diaz ang preparasyon para sa kanilang kasal.

Inanunsiyo ito ni Shaira sa kaniyang Instagram (IG)account.

Nag-upload ang aktres ng reel kung saan ay makikitang super sweet silang nagsasayaw ng dyowa.

“And so the wedding preps have officially begun… (church emoji),” caption ni Shaira.

Sumagot naman si EA sa comment section at sinabing napakasaya niya.

“Mahal na mahal kita… ang saya-saya ko, Baba... (teary-eyed at ring emoji),” sabi ng aktor.

Sa nakaraang interbyu ay nabanggit nina Shaira at EA na sa taong 2026 pa ang plano nilang magpakasal dahil ayon sa aktor ay nag-iipon pa raw siya.

Na-engaged sina Shaira at EA Guzman noon pang 2021, pero nito lang nakaraang Pebrero 2024 nila ito inanunsiyo sa publiko. The engaged couple have been practicing celibacy since their relationship started 11 years ago. 

Ayon kay Shaira, ipinangako niya raw sa kanyang mga magulang na malinis siyang haharap sa altar.

“I’m really just honoring my family, especially my mom and dad. ‘Yun ang promise ko talaga sa kanila na kahit iwan mo ako saan, eto, buong-buo pa rin ako,” sabi ni Shaira Diaz sa isang panayam.

Akala raw, disenteng tao ang mga nasa mall... PRISCILLA, NADUKUTAN NG CELLPHONE SA BGC HABANG NAGSA-SHOPPING

ni Vinia Vivar @Frankly Speaking | August 18, 2024

Photo: Priscilla Meirelles / FB

Natangayan ng cellphone si Priscilla Meirelles habang nagsa-shopping sa isang mall sa BGC, Taguig.

Ikinuwento ng dating beauty queen sa kanyang Facebook (FB) Live ang pangyayari. 

Aniya, habang nagba-blog daw siya sa mall, nabuksan ng mga mandurukot ang kanyang bag at nakuha ang kanyang cellphone. 

Well, nang bumalik siya sa Pilipinas ay binalaan na raw siya ng mga friends niya na maraming scammers sa BGC. Pero dahil nasa loob naman daw siya ng supermarket, naging kampante siya dahil akala niya ay mga disenteng shoppers lamang ang nandu'n.

Magaling na grupo raw ng pickpocketers ang bumiktima sa kanya dahil kahit naka-lock na raw ang bag niya, nagawa pa ring buksan ito, at ang bilis daw kumilos dahil nawala agad ang mga ito. 

Kaagad na pumunta sa pulisya ang estranged wife ni John Estrada para magreklamo.

Pahayag niya, “Would like to give a huge shout out to the BGC PNP team and Sr. PMAJ Judge Rowe Donato for all the help and assistance they gave me last night regarding the pickpocket incident inside MarketPlace Grocery Uptown Mall in BGC. 

“I’m impressed with their readiness and professionalism. Also want to shout out to the Security Team ng Megaworld/Uptownmall BGC Operation Center JSL for going above and beyond trying to help even though the incident happened inside the premises of their tenant or a third-party and they have no access to the third-party CCTV footage. 

“Will wait for further advice and updates from BGC police department and Uptown Mall security regarding the identification of pickpockets. The goal is to catch them.”

Bumalik ng bansa si Priscilla noong August 8 mula sa pagbabakasyon sa kanyang hometown sa Brazil. Habang wala siya, pumutok ang balitang hiwalay na sila ng mister na si John, at kinumpirma naman ito ng aktor sa pamamagitan ng isang statement sa Instagram (IG). 

Ayon kay John Estrada, napag-usapan daw nila ni Priscilla Meirelles na maghiwalay muna, pero sinagot naman ito ng former beauty queen at sinabing hindi raw totoong mutual decision ang separation.

---

3 yrs. nang single, ayaw daw tumandang mag-isa…

POKWANG, NAGHAHANAP NG BAGONG DYOWA

Photo: Arianah Kelsey / FB - Marietta Subong / IG

Game na sumalang si Pokwang sa EXpecially For You segment ng It’s Showtime (IS) nitong nakaraang Sabado para maghanap ng ka-date.

Yes, after being single for 3 years, ay ready na ulit makipag-date ang komedyana sa guy na nakilala niya sa nasabing segment ng noontime show. 

Kasama ni Pokie sa show ang kanyang panganay na anak na si Mae, na siya raw nag-push sa Kapuso comedienne para sumali sa dating game. Tinulungan din siya ni Mae na pumili sa tatlong searchees.

Tanong ni Vice Ganda kay Pokwang, “Ano'ng nagkumbinse sa 'yo para umupo rito sa EXpecially for You?” 

Sagot naman ng komedyana, “Nire-renovate kasi ‘yung bahay. Wala kaming upuan.” 

Seriously, sey ni Pokwang, “Siyempre, I’m a fan of this segment. And of course, gusto ko naman ding maiba ‘yung ikot ng buhay.”

Ayon naman sa anak ni Pokwang, wish niya para sa nanay niya na makahanap ito ng isang partner na makakasama sa buhay kaya talagang siya ang nag-suggest sa mama niya na sumali sa EXpecially For You.

“Para sa ‘kin talaga, mas gusto kong tumanda s’ya nang may makakasama,” sabi ni Mae.

Sa tatlong searchees, si Richard na isang chef ang napili ni Pokwang na maging date niya.