Ibinuking ni Joross… ALDEN, UMIIYAK NANG MATAPOS ANG SHOOTING NILA NI KATHRYN SA CANADA

ni Vinia Vivar @Frankly Speaking | August 27, 2024

Photo: Alden, Kathryn at Direk Cathy - Joross Gamboa / IG

Tapos nang mag-shooting sina Alden Richards at Kathryn Bernardo sa Canada ng pelikulang Hello, Love, Again (HLA).

Sa kanyang Instagram (IG) account ay ibinahagi ng co-star ng KathDen na si Joross Gamboa ang ilang larawan nila sa Canada.

Makikitang kasama niya sa mga larawan ang KathDen, ang direktor nilang si Cathy Garcia-Sampana, at ang iba pang kasamahan nila sa HLA.

Sa caption ay kinantiyawan pa ni Joross si Alden na mukhang maiiyak pa raw.

“Eyyy! It’s a wrap, Canada (flag emoji). Oh, Ethan, ba’t ka naman umiiyak (crying emoji),” caption ni Joross.

Halata ngang nag-enjoy ang buong team sa shooting sa Canada dahil sa IG Story ni Joross ay niyaya niya ang mga kasamahan na mag-extend pa sila ng isang linggo.

Matatandaang noong nakaraang buwan nang magsimulang mag-shooting sa Canada ang sequel ng HLA na ipapalabas sa mga sinehan ngayong Nobyembre.

---

Naging luho na raw, kahit super-mahal… 

ANDREA, BIDA-BIDA, PABANGO NG MGA HOLLYWOOD STARS ANG GAMIT 

Inamin ni Andrea Brillantes na dahil wala siyang pang-amoy, naging obsessed siya sa mga pabango at bumili ng mga mamahaling perfumes.

“Dahil nga ‘di ako nakakaamoy, I became very conscious of my scent lalo na noong naging teen-ager ako,” kuwento ni Blythe sa kanyang TikTok video.

“Kasi i-imagine n’yo, I’m always surrounded by artistas, I always meet new people, mga fans, siyempre, ‘di puwede na mabaho ako o may amoy ako, ‘di ba?” paliwanag niya.

“Bilang bida-bida, gusto ko, mabango ako, maalala nila ‘yung amoy ko. So I became very obsessed with perfumes and unti-unti, nagkaroon ako ng perfume collection. Tapos, lagi akong nagre-research ng mga pabango,” tsika pa niya.

Umabot nga raw sa punto na parang naging luho na niya ang pabango, “Kasi, grabe, ang mamahal ng mga pabango ng mga sikat na artista sa Hollywood. Tapos ‘yun ‘yung mga binibili ko.”

Kaya naman kilig na kilig daw siya kapag may mga nagsasabi na "Ang bango mo naman" kahit hindi niya naaamoy ang sarili.

Ipinaliwanag din ng aktres na ipinanganak siyang may ‘congenital anosmia’ (kondisyon kung saan ang tao ay ipinanganak na may lifelong inability to smell).

“I have never smelled anything in my life at all. As in wala,” aniya.

Hindi raw siya nakakaamoy ng scent, odor, expired food, at kahit may nasusunog ay hindi rin niya naaamoy.

Mukhang hindi naman hindrance kay Andrea ang kanyang kondisyon, maliban sa isang pagkakataon na kinuha siyang maging endorser ng perfume.

“I was offered a brand endorsement, but they backed out when they found out about my disability and siyempre, umiyak ako. I was super-frustrated kasi parang what can I do about it? I was born like this, it’s not really my fault,” kuwento niya.

Ironically, kahit wala siyang pang-amoy, may perfume business na siya ngayon dahil na rin sa kanyang obsession sa pabango.

'Di nagawa nu'ng bata dahil walang datung, Luis…JESSY, MAY PAMBAYAD NA, NAG-AARAL MAG-BALLET

ni Vinia Vivar @Frankly Speaking | August 26, 2024

Photo: Jessy Mendiola / IG

Natupad na ni Jessy Mendiola ang kanyang childhood dream na maging ballet dancer.

Sa kanyang Instagram (IG) account ay ibinahagi ng aktres ang larawan niya in a ballet outfit at tila nasa ballet lesson.

Aniya sa caption, bata pa lang siya ay gusto na niyang mag-ballet, pero hindi nila afford ang ballet classes.

“I’ve decided to chase an old dream of mine. When I was younger, we couldn’t afford ballet classes. I remember watching other kids in their ballet outfits during a class at a dance studio in a mall in Makati. I kept telling myself, ‘One day, magagawa rin kita,’” sabi ni Jessy.

Hindi pa naman daw huli para matupad ang kanyang pangarap na matagal na n’yang gustong gawin.

“Now, I keep telling myself that it’s never too late (or I’m never too old) to start something I’ve always wanted to do since I was a kid. Here’s to trying new things no matter how old (or late) you are, the most important thing is that you are happy and you are still willing to learn after all these years,” sey pa ni Jessy.

Ang next goal naman niya ay makasamang magsayaw ng ballet ang anak nila ni Luis Manzano na si Rosie.

“As a ballerina momma tayo ngayon, I can’t wait to dance with my little Rosie,” dagdag niya.

Umani ng suporta at positive comments ang post ni Jessy at isa na rito ay mula sa biyenan niyang si Edu Manzano.

“Go for it Jessy! (clap emoji),” ang word of support ni Edu.

Sey naman ni Andi Eigenmann, “Nice one Jess! You look good as one.”

---

Matapos linawin ni Ogie Alcasid ang fake news na hiwalay na sila ng asawang si Regine Velasquez, si Asia’s Songbird naman ang nagsalita tungkol dito sa It’s Showtime (IS) last Saturday.

Sa naturang episode ay nag-celebrate si Ogie ng kanyang 57th birthday kaya naman present of course ang kanyang misis at anak nilang si Nate.

Nahilingan si Songbird na magbigay ng mensahe for Ogie at talaga namang punumpuno ng pagmamahal ang wish niya for hubby, bukod du’n ay may mensahe siya para sa mga netizens.

“So please, kung mayroon kayong makita na anything na write-ups, ‘wag n’yong paniwalaan.

“Nakikita n’yo naman kami sa ‘ming mga social media, we are very close, he’s my best friend,” ang paglilinaw pa ni Songbird.

Sa isang Facebook (FB) page unang lumabas ang tsikang hiwalay na sina Ogie and Regine. 

Ayon sa vlogger, ipinapaasikaso na raw ni Songbird ang divorce nila dahil nahuli raw nito na may ibang babae ang asawa.

Kaagad itong nilinaw ni Ogie. 

Aniya sa kanyang post sa Threads, “It is so sad that the owner would spread rumors about our marriage that is so sacred to both me and my wife and fabricate stories about our supposed separation.” 

Hiniling din ni Ogie Alcasid sa kanyang mga followers na i-report ang vlogger na nagkakalat ng maling balita.

Pang-international ang level… TIKET SA CONCERT NG BINI, OA ANG PRESYO

ni Vinia Vivar @Frankly Speaking | August 25, 2024

Photo: BINI_ph / FB

Ang daming umaangal na fans dahil sobrang mahal ng ticket sa Grand BINIverse concert ng BINI na gaganapin sa Nobyembre sa Araneta Coliseum.

Ang ticket prices ay nagre-range from P1,300+ (General Admission) to P11K plus (VIP).

Partikular na inirereklamo nila ang pinakamahal na P11,195 na VIP Standing. Para sa ibang fans, ‘OA’ ang presyo nito at hindi raw afford ng karamihan, lalo na nga’t ang ibang mga fans ay estudyante pa’t walang trabaho.

Isang vlogger nga ang naglitanya sa kanyang vlog tungkol sa napakamahal na ticket at ikinumpara pa ang presyo nito sa ibang foreign artists na nag-perform sa bansa.

“O, ‘eto, BLACKPINK nu’ng nag-concert sila sa ‘tin nu’ng nakaraang taon dito sa Bulacan, P14,000 plus. BINI, P11,000 plus – P2,000 or P3,000 lang ang agwat nila. Jusko naman, BLACKPINK po ‘yan!” sey ng vlogger.

Ang BLACKPINK ay South Korean girl group na hindi lang sa kanilang bansa sikat na sikat kundi halos sa buong mundo.

“Eto pa, ‘yung The Script, nag-concert dito sa ‘tin nu’ng 2022. Baka hindi n’yo kilala, sila po ‘yung kumanta ng Break Even, The Man Who Can’t Be Moved, Super Heroes. ‘Yung VIP nila, nasa P9,000 lang. Kung ako ‘yung tatanungin, mas kilala ‘yung The Script kaysa sa BINI, pero ‘yung presyo ng BINI, pangmalakasan, jusko!” litanya pa ng vlogger.

Patuloy pa niya, “Eto pa ‘yung malala, may concert din si Ne-Yo ngayong taon dito sa ‘tin, alam n’yo, kung magkano VIP? P12,000 thousand.”

Aniya pa, “Hello, napakamahal n’yan, BINI! Isipin n’yo ‘yung agwat ng tiket VIP n’yo kay Ne-Yo.”

Talak pa ng vlogger, “Sino’ng normal na bata, ‘yung normal na fan nila ang makaka-afford ng ganyan, lalo na kung hindi naman talaga mayaman?”

Kinukuwestiyon din niya ang Gen Ad price na mas mahal pa kumpara kay Ne-Yo na P1,200.

“Dapat, kahit paano, binabaan n’yo naman ho sana ‘yung presyo ng tiket ninyo kahit sa General Admission lang sana,” sey pa ng vlogger.

---

Ang bongga ng tinaguriang Broadcast Sweetheart na si Marie Lozano dahil siya ang headliner sa bagong lifestyle program ng Bilyonaryo News Channel na tinatawag na Lifestyle Lab.

Malalim na tatalakayin ng nasabing documentary-style show ang mga topics about health, wellness, beauty, at fashion in signature Bilyonaryo style of reporting and presentation. At hindi lang ito mapapanood sa free TV kundi maging sa digital world din.

Ieere ang new episodes ng show every Saturday at 10:00 AM with repeats at 8:00 PM at replays on Sundays at the same time slots.

Mapapanood din sa Lifestyle Lab ang mga hottest and most talked-about treatments and products na tiyak na papatok sa mga manonood.

Ipapakita ng veteran journalist and aspirational star na si Marie ang mga latest trends at ibubuking din nito kung ano ang ‘hype’ at ‘real deal.’

Mula sa beauty and cosmetic product reviews, aesthetic treatment and pharmaceutical therapies, to experimental fashion, grooming tips, and beyond, makakaasa ang mga viewers ng isang makabuluhang panoorin kasama ang glamorosang host na si Marie.

Starting September 9, nakatakda nang mapanood ang Bilyonaryo News Channel sa free-to-watch television channel BEAM TV 31 (through digital TV boxes in Metro Manila, Cebu, Davao, Iloilo, Baguio, Zamboanga, and Naga) at leading cable TV provider, Cignal Channel 24.

---

Hindi lang celebrity players at home viewers ang panalo dahil pati ang studio audience, may chance na ring mag-uwi ng cash prize sa Family Feud (FF).

Simula noong August 21, kasali na rin sa papremyo ang live studio audience. Pipili si Kapuso Primetime King at FF host Dingdong Dantes ng isang player sa audience na huhula sa natitirang survey answers sa board. Kapag tama ang sagot, mag-uuwi ang audience member ng P5,000!

Bukod d’yan, tuluy-tuloy din ang pamimigay ng blessings sa home viewers sa pamamagitan ng “Guess to Win Promo.” At siyempre, dapat ding abangan ang mga star-studded families na maglalaro araw-araw.

Mapapanood ang FF Lunes hanggang Biyernes tuwing 5:40 PM sa GMA-7.