Ai Ai at Lani, mga ninang din… RAYVER, KINUKUHA NA SI BOY NA NINONG SA KASAL NILA NI JULIE ANNE

ni Vinia Vivar @Frankly Speaking | September 6, 2024

Mukhang papunta na talaga sa kasalan ang relasyong Rayver Cruz at Julie Anne San Jose. Kinukuha na kasing ninong ng aktor ang King of Talk na si Boy Abunda.

Nag-guest sa Fast Talk with Boy Abunda (FTWBA) si Rayver at napag-usapan ang tungkol sa kasalan. Biniro ni Kuya Boy si Rayver na dapat ay sa programa niya i-announce ng magdyowa kapag magpapakasal na sila, at sagot naman ng aktor, “Yes. Saka ninong ka, Tito Boy.”

Sa Fast Talk segment ay natanong din si Rayver kung sino pa ang iba niyang kukuning ninong at ninang, at sagot ng aktor, “Miss Ai Ai (delas Alas) and Miss Lani (Misalucha).”

Napag-usapan din nila ang tungkol sa past relationships at natanong kay Rayver kung friends ba sila ng kanyang mga ex-girlfriends na sina Cristine Reyes at Janine Gutierrez. 

“Hindi na kami nagkakausap, Tito Boy, pero ‘pag nagkita naman kami, wala namang problema. Ako pa mismo ‘yung lalapit at babati,” ani Rayver Cruz.

“Yeah, babatiin ko sila, wala namang problema,” dagdag pa niya.

---

EXCITED na si Kim Chiu na simulan ang first movie nila ni Paulo Avelino na very soon na nga raw since tapos na ang ghost month (August).

“Malapit na kaming mag-start and excited na kami, and then, ‘yung script, maihahanda na rin, so slowly gearing up na rin kami to start the movie,” pagbibigay ng update ni Kimmy sa panayam ni MJ Felipe bago umalis ang aktres patungong Taipei, Taiwan para sa ContentAsia Awards 2024.

When asked kung totoo bang sasali sila ni Paulo sa duathlon since panay ang biking and running nila together, sagot ng aktres, “No, hindi totoo ‘yun.”

Paliwanag niya, nagkataon lang na nag-enjoy din siyang mag-bike saka mag-run, so parang “Halika, sabay ka na.”

Anyway, kahapon (September 5) ginanap ang announcement ng winners ng ContentAsia Awards 2024 kung saan ay nominado si Kim as Best Female Lead in a TV Programme/Series para sa Linlang at hopefully ay maiuwi ng aktres ang award.

Back to normal na talaga… KRIS, UUWI NA NG ‘PINAS, NAGPAPAHANAP NG BRACELET

ni Vinia Vivar @Frankly Speaking | September 5, 2024

Excited nang umuwi ng Pilipinas si Kris Aquino at mukhang uwing-uwi na talaga siya. Sa latest video niya, binanggit niya ito at mukhang looking forward na siya tungkol dito.

Nagbigay ng birthday video greeting si Kris sa friend ng hairstylist niyang si Kimora Bernabe, at mukhang okay naman ang health niya ngayon dahil nagawa pa niyang magbiro.

Ipinost ni Kimora ang video sa kanyang Instagram (IG) account.

Sey ni Kris sa friend ni Kimora, ihanap siya ng bracelet na kakasya sa kanyang maliit na wrist.

“Ate Kimora said you gave a really good price para sa kanyang earrings. Okey, ako ang naghahanap ng bracelet. Pero as you can see, super teeny-tiny, so give me a good price when we go home,” mensahe ni Kris sa celebrator.

Na-excite naman ang mga fans ni Kris na finally ay makakauwi na ng bansa ang kanilang idolo pagkatapos ng mahabang panahon.

Matatandaang inanunsiyo ni Kris sa panayam niya kay Ogie Diaz noong nakaraang June na balak na niyang umuwi ng 'Pinas by the end of September.

---

NAPANOOD na nga ang transformation ng karakter ni Coco Martin na si Tanggol sa FPJ’s Batang Quiapo (BQ).

Sa episode 401 ng serye, makikitang iba na ang pananamit ni Tanggol para sa panimula ng kanyang bagong buhay bilang business partner ni Divina (Rosanna Roces).

Pang-mayaman na ang kanyang pormahan sa serye, taliwas sa kanyang itim na leather jacket na lagi niyang suot noon. Maging ang kanyang mga kasama sa grupo ay nagbago rin ng pananamit.

Pero kahit rich na si Tanggol, hindi pa rin mawawala sa serye ang maaaksiyong eksena ni Coco Martin. Marami pa raw action scenes at mga pasabog na mapapanood sa programa, kaya abangan.

---

KITANG-KITA ang saya ni Janine Gutierrez habang rumarampa sa red carpet sa Venice Film Festival in Italy, as seen in her Instagram (IG) post.

Ito ang first red carpet walk ni Janine sa nasabing international filmfest, at ayon sa aktres, ay dream come true ito for her.

“Today was a dream come true!!!!! #VeniceFilmFestival #Venezia81 @labiennale @phantosmiafilm,” ang caption ni Janine.

Dumalo ang aktres sa Venice Film Festival para sa world premiere ng pelikula niyang Phantosmia (under the Out of Competition section), helmed by Lav Diaz.

Last week pa dumating si Janine sa Venice, Italy, at since then ay panay din ang pagbabahagi niya ng kanyang mga ganap doon.

Sa isang IG Story niya, ibinahagi niya ang kanyang pagdalo sa photocall para sa movie kasama sina Lav at iba pang cast na sina Ronnie Lazaro, Hazel Orencio, Dong Abay, Paul Jake Paule, at Paul Soriano.

Sa isa niyang post, ikinuwento niyang wala raw talaga siya sa original cast ng Phantosmia, pero nagkaroon daw ng last-minute changes sa story.

“I wasn’t really supposed to be in Phantosmia, but there were some last-minute changes to the story and Ate Hazel just asked if I was free to shoot the coming week. I had wrapped another film with them a month before,” kuwento niya.

Mabuti na lamang daw at libre siya kaya heto na nga siya ngayon.

“Thank God I was free, and of course, anything for Lavteam. And now we’re here together @therealronnielazaro, what a dream. Celebrating the entire cast and team! And TYL (thank you, Lord) for great coincidences and timing :) :),” sey ni Janine Gutierrez.

Yapak ng padir na si Dennis Roldan, gagayahin… MARCO, KALAT NANG TATAKBONG CONG. SA CAMSUR

ni Vinia Vivar @Frankly Speaking | September 4, 2024

Mukhang totoo ang tsika na tatakbo si Marco Gumabao sa Camarines Sur sa darating na eleksiyon. May post siya sa Instagram (IG) na nasa CamSur siya at namimigay ng tulong para sa mga nasalanta ng bagyong ‘Enteng’. 

“Grabe ang pag-ulan at pag-baha na dala ng Bagyong ‘Enteng’ dito sa aming probinsya, Camarines Sur. Agad-agad naman po tayo umikot at nagdala ng ayuda para sa mga naapektuhan sa Brgy. Tarusanan at Brgy. San Francisco, Camaligan,” simula ng caption ni Marco.

“Sa pangunguna ni Gov @vincenzo.luigi, Cong. @lrayvillafuerte, Cong. @migzvillafuerte, Mayor Diano Ibardaloza at Cong @nonoy_magtuto, agad-agad naman ang aksyon para makapag-dala ng tulong sa mga nasalanta ng bagyo,” patuloy niya.

Umani naman ng positibong reaksiyon ang post ni Marco at ngayon pa lang ay tinatawag na siyang congressman ng ilang mga netizens. 

Sey ng mga ito: “@gumabaomarco really has a big heart! I know he can serve well. Rooting for you always. Supporting you in all your endeavors (blue heart emoji) PS: Miss ka na mameet ng #1 fan mo (blink emoji),” komento ng isang netizen.

“Happy birthday, Cong. @gumabaomarco God bless you and your family,” sey naman ng isa pa.

Kamakailan ay napabalitang tatakbong congressman si Marco Gumabao sa 4th District ng CamSur, pero hindi pa niya ito kinukumpirma. 

Matatandaang ang ama niyang si Dennis Roldan ay isa ring dating pulitiko at naging congressman ng 3rd District ng Quezon City.

---

NANGANGAKO ang aktres na si Ella Cruz na ipakukulong niya ang isang digital creator na aniya ay lagi siyang binibira at ginagawan ng maling balita sa socmed (social media).

Sa kanyang Facebook (FB) account, ini-reshare ng dating child actress ang isang post ng Ppop Latest Chika Updatez na nilalait siya. 

Nakasaad sa post ng nasabing digital creator, “Ella Cruz umalma at nagbigay ng wala niyang ‘kakwenta-kwentang’ suhestiyon sa pagkansela ng lahat ng antas ng pasok dulot ng malakas na pag-ulan at hangin dala ng bagyong ‘Enteng’.” 

Saad daw kasi ng starlet sa kanyang now-deleted X (dating Twitter) post, “‘I don't get it? Dahil lang sa bagyo suspended na? ‘Di dapat hadlang ang malalakas na ulan at hangin sa pag-abot mo sa pangarap mo, real talk lang paano ka aangat kung ganyan mindset mo.’”

Sinagot ito ni Ella na halatang imbiyerna sa nabasa. 

“Hoy Ppop Latest Chika Updatez, unang beses na ipinost n’yo ako pinalampas ko pero ‘tong pangalawa, ‘di ko pababayaan. Sa siyam na admin at lalo sa’yo Mina Okada na hindi kaya maglabas ng tunay na pangalan, na paborito akong topic dahil siguro mataas reach n’yo kapag ako ang post n’yo,” anang aktres.

“Gets ko naman na trabaho n’yo ‘yan at paninira at pagkakalat ng maling impormasyon ang nagpapalamon sa inyo kaya sige, ibibigay ko na ‘yung pansin na hinahanap n’yo,” patuloy niya.

Ikinadismaya rin ng aktres na maraming naniniwala agad sa mga nababasa nila kahit hindi totoo. 

“May disclaimer na satire, oo. Pero nakakalungkot na sadyang andaming naniniwala agad sa mga UNANG NABABASA lamang nila. Lahat na lang paniniwalaan agad, lahat na lang may nasasabi agad. Nakakalungkot na ganu’n na tayo kabilis maniwala sa kung ano lamang una natin nakikita.

“Hindi ako ang niloko n’yo, mga sumusunod at naniniwala sa inyo ang naloloko n’yo. Nangtatanga kayo ng mga gusto lamang mag-Facebook (FB) ng maayos,” sey niya.

“I don’t get it, I don’t get it ka pa d’yang nalalaman. Kapag nakuha ko totoong pangalan mo, bukas kanta ka ng 'Please, please, please' talaga,” saad pa ng dalaga.

Ipinakita rin niya ang listahan ng mga pangalan ng administrator ng FB page na nag-post ng hindi magandang balita sa kanya. 

“Narito po ang listahan ng mga admins ng page na Ppop Latest Chika Updatez sa ngayon, mga codes pa lang ‘yan, pero pasasaan ba’t ipakikilala natin sila sa inyo,” aniya.

“Pangako. Ipakukulong ko kayo,” banta ng aktres na si Ella Cruz.