Show nila, kaya raw ayaw i-renew ng Kapuso Network… VICE, NAGSALITA NA SA UTANG NG IT’S SHOWTIME SA GMA-7

ni Vinia Vivar @Frankly Speaking | Dec. 20, 2024

Photo: Vice Ganda

Itinanggi ni Vice Ganda ang intrigang kumakalat na may utang ang It’s Showtime (IS) sa GMA-7.

Ayon nga sa tsika, ito raw ang dahilan kung bakit hindi na umano ire-renew ang kontrata ng naturang noontime show sa Kapuso Network for 2025.

Sa recent episode ng IS ay pahapyaw itong napag-usapan nina Vice, Vhong Navarro at Kim Chiu nang pansinin nila ang makintab na stage ng Tawag ng Tanghalan (TNT).

“Paano ba namang hindi kukutitap, ang kintab ng stage na ‘to, parang natapunan ng syrup ng hotcake,” sey ni Vice.

Sundot naman ni Kim, “Makinang.”

Biro pa nina Vice at Vhong, umaasenso na raw sila sa show.

“Let’s claim it na umaasenso tayo. At hindi totoong may utang ang It’s Showtime sa GMA,” hirit ni Vice.

Pagsegunda naman ni Kim, “Oo nga, sino ba kasi nagpakalat nu’n?”

Pagkatapos nito ay pinasalamatan ni Vice ang lady boss ng GMA-7 na si Atty. Annette Gozon-Valdes.

Aniya, “Bongga talaga ‘tong si Miss Annette! I love you, Miss Annette. ‘Wag kayong mag-alala, may pamasko si Miss Annette.”

Samantala, sa recent interview kay Miss Annette ay siniguro niyang halos kumpirmado na ang renewal ng kontrata ng IS sa GMA.

“May hinintay kaming data kaya natagalan kaming bumalik sa kanila. Pero siguro, mga 95 percent ano na ‘yan.

“Wala namang problema kasi, eh. Konting ano lang, konting pag-uusap lang. Nandito sina Carlo (Katigbak, presidente ng ABS-CBN), nag-uusap kami,” pahayag ng executive.

“Pagdating sa ratings, wala kaming problema. ‘Yung ibang mga ano ‘yung ano namin, mas tungkol sa new terms. Sa ratings, walang problema, kasi ang taas-taas ng ratings ng Showtime,” saad pa niya.

Nilinaw din niya na walang utang sa kanila ang It’s Showtime.

---

‘Wag daw mag-ingay sa social media… 

YASMIEN, PINATAHIMIK NG COLEGIO SAN AGUSTIN SA IBINULGAR NA NABU-BULLY ANG ANAK NG MGA KAKLASE

Pinabulaanan ng Colegio San Agustin (CSA) Makati na may pambu-bully na nagaganap sa anak ni Yasmien Kurdi na si Ayesha.

Sa official statement na inilabas ng nasabing eskuwelahan, nakasaad dito na walang bullying na naganap kundi nagkaroon lang daw ng diskusyon ang mga estudyante.

“It is unfortunate that an incident among minor students has been blown out in the public.

“At the outset, there appears to be no bullying that happened on December 10, 2024, but rather a situation where students were discussing Christmas party preparations.

“The school has immediately addressed the matter among the students and parents involved.

“The school is handling the matter with caution, circumspect, and confidentiality because the students involved here are minor children,” bahagi ng statement ng CSA.

Hinihiling ng paaralan kay Yasmien na makipag-cooperate at pinag-iingat din siya sa pagbabahagi ng impormasyon tungkol sa mga menor-de-edad na estudyante.

“We encourage the parents, especially Mrs. Soldevilla, to cooperate with the school so that matters can be resolved within the school mechanisms in place pursuant to its policies in compliance with relevant DepEd Orders.

“We also caution Mrs. Soldevilla to refrain from sharing information about the minor students as this tends to put them in a bad light, embarrassment, and even ridicule, not only in CSA but in the eyes of the public.

“While we assume good faith in the public actions and statements of Mrs. Soldevilla, these may have unintended consequences on the students involved including her own daughter.

“We acknowledge that she is a public personality and perhaps used to public attention, but the other parties especially the minor students value their privacy and hence deserve respect too.

“CSA supports raising awareness on bullying, but also mindial that the drawing or seeking unnecessary public attention does not help at all in the formation and correction of students and in eventually resolving their conflicts.

“The school environment is a place where there’s constant interaction among students, which results almost always to emotions of joy, even frustration and anger,” nakasaad pa sa statement.

Matatandaang ibinunyag ng aktres kamakailan na binu-bully ang kanyang anak ng mga classmates sa school.

Naging senador at cong. pa raw, Kiko… SHARON, PROUD NA ANG GUGUWAPO NG MGA EX NA SINA ROBIN AT RICHARD

ni Vinia Vivar @Frankly Speaking | Dec. 18, 2024

Photo: Sharon Cuneta - Instagram

May pa-throwback si Sharon Cuneta ng kanyang mga ex-boyfriends in her latest Instagram (IG) post.

Nag-upload si Megastar ng mga larawan niya kasama ang mga ex niyang sina Robin Padilla at Richard Gomez.

Sa caption ay sinabi niyang ang popogi raw ng kanyang mga ex na ngayon ay parehong successful politicians na.

“Just saw these! OMG! Twilight Zone. Ang popogi at astig ng mga ex ko at ‘yung isa, Senador na, ‘yung isa, naging Mayor na and now Congressman!” sey ni Shawie.

“‘Kakatuwa naman. Wala lang, ang sarap lang makita ng naka-smile ka! Happy for them! (clapping emoji),” patuloy ni Mega.

Pero ang big winner daw siyempre sa puso niya ay ang mister na si Kiko Pangilinan.

“PERO - si Kiko ang nanalo! Sa puso at buhay ko!!! Happy kami!” saad ni Sharon.

Well, open book naman ever since na ang dalawa sa pinakamakulay na relasyon ni Sharon ay sina Robin at Goma.

Matatandaang super in love sina Robin at Shawie noon to the point na humarap ang action star sa tatay ni Mega na si Mayor Pablo Cuneta at hiningi ang kamay ng aktres.

Pero that time ay hindi pa annulled si Sharon kay Gabby Concepcion. 

Eventually, hindi natuloy ang kasal at naghiwalay sila. 

Si Goma naman ay naging dyowa ni Sharon noong 1989 matapos nilang gawin ang pinagsamahang movie na Kahit Wala Ka Na (KWKN).

In her old interview, inamin ni Sharon na ang dalawang “R” na ex niya ang itinuturing niyang “great love.”

Ngayon ay may kani-kanya na silang buhay at pawang masasaya naman sa kani-kanilang family life. Sharon Cuneta and Kiko Pangilinan are now in their 28th year of marriage at nananatiling matatag ang relasyon.

---

Ikinagulat ng mga avid viewers ng FPJ’s Batang Quiapo (BQ) ang sunud-sunod na pagkawala ng mga importanteng karakter sa serye lately, tulad na nga lamang nina Lena (played by Mercedes Cabral), Noy (played by Lou Veloso) at marami pang iba.

May paliwanag naman ang bida at direktor ng serye na si Coco Martin tungkol dito. 

Aniya sa panayam ng ABS-CBN, “‘Yun talaga ‘yung flow ng kuwento. Kumbaga, hinog na s’ya.”

Kahit pa nga raw Holiday season na ngayon, hindi pa rin ito dahilan para mag-slow down sila.

“Gusto ko, kahit December o kahit ano ‘yung okasyon, gusto ko, dire-diretso kasi buo ‘yung kuwento, eh, kasi ang dami naming interesting characters na dapat bigyan ng kuwento,” sey pa niya.

“Natutuwa kami kasi ‘yung ratings kahit December, ang ganda-ganda ng ibinibigay sa ‘min na pagmamahal at suporta ng mga tao,” pahayag pa ni Coco.

“Ibig sabihin nu’n, maganda ‘yung naibibigay nating kuwento sa pagtutulungan ng lahat,” aniya.

At sa darating na taon, sinigurado ng aktor-direktor na mas marami pang aabangan sa kuwento ng BQ. In fact, ngayon pa lang daw ay pinaghahandaan na nila ang second anniversary ng show sa February.

Aktor, shocked… AI AI, KAY ALDEN HUMAGULGOL NANG IWANAN NG MISTER

ni Vinia Vivar @Frankly Speaking | Dec. 16, 2024

Photo: Alden at Ai Ai Delas Alas - Instagram

Kay Alden Richards pala umiyak si Ai Ai delas Alas nang makipaghiwalay sa kanya ang estranged husband na si Gerald Sibayan. Naikuwento ito ng Comedy Queen sa panayam sa kanya ng YouLOL Originals podcast na Your Honor hosted by Tuesday Vargas and Buboy Villar.

Pagbabalik-tanaw ng komedyana, nang nag-message raw sa kanya si Gerald nu’ng madaling-araw na gusto na nitong makipaghiwalay ay may taping ang All-Out Sundays (AOS) nu’ng umagang iyon.

“‘Yung araw na sinabi n’ya sa ‘kin na ayaw na n’ya, ganyan-ganyan, ano ‘yun, taping ‘yun ng AOS,” aniya.

“Birthday special ko! My gosh, akala ko, sabi ko, ‘Diyos ko po, sana maitawid ko ‘to,” patuloy niya.

Naitawid naman daw niya ang show pero bigla niyang nakita si Alden.

“Eh, di ‘eto na, naitawid ko na nga ‘yung show, walanghiya, nakita ko si Alden Richards.

Nakita ko si Alden, eh, close ‘yun sa ‘kin, eh. Tsaka close rin ‘yun kay ex. So, nu’ng nakita ko s’ya, parang ano ba?

“Ganu’n ka naman, ‘di ba, ‘pag may pinagdaraanan ka, masyado kang emosyonal. Nu’ng nakita ko s’ya, humagulgol ako,” pagbabahagi ng komedyana.

Nagtaka raw si Alden nang bigla siyang humagulgol at tinanong siya.

“Sabi ni Alden, ‘O, bakit Miss Ai, bakit ka umiiyak? Sabi ko, ‘Na-miss kita!’” kuwento ng komedyana.

Mukhang nakutuban naman daw ni Alden na may pinagdaraanan siya kaya nag-message ito sa kanya.

“Nag-Viber s’ya sa ‘kin. Sabi n’ya, ‘Kung ano ‘yung pinagdaraanan mo, Miss Ai,’ sabi n’ya ‘Okay lang ‘yan.’ Sabi niya, ‘Naiintindihan kita,’” tsika ng Comedy Queen.

Matatandaang kinumpirma ni Ai Ai kamakailan sa Fast Talk with Boy Abunda (FTWBA) na hiwalay na sila ni Gerald since October pagkatapos ng 10 taong pagsasama.

Sa chat message ay sinabi umano ni Gerald na hindi na siya masaya sa kanilang relasyon at nais daw niyang magkaroon ng anak.

Sa ngayon ay sinisikap ni Ai Ai delas Alas na maka-move on mula sa painful breakup nila ni Gerald Sibayan.

---

Inamin ni Sen. Bong Revilla na miss na miss na talaga niya ang paggawa ng pelikula at gustung-gusto nga raw sana niyang sumali sa 50th Metro Manila Film Festival (MMFF) this year, lalo pa nga’t 50 years na rin siya sa showbiz ngayon.

“Dapat ay may entry ako d’yan, dahil siyempre, usually, every year, mayroon tayong kasama na pelikula d’yan. Dapat ‘yung entry ko nga, ‘yung Alyas Pogi,” sey ni Sen. Bong sa grand mediacon ng Tolome! Walang Matigas na Pulis sa Matinik na Misis Season 3.

Sinimulan na nga niya ang shooting ng Alyas Pogi (AP) last April, pero nagkataon namang sa first shooting day ay naaksidente siya, dahilan para operahan ang kanyang Achilles tendon (likod ng binti) at sumailalim sa ilang buwanang therapy.

“Luckily, I was able to recover nang ganito kabilis. Pero kung gagawin ang Alyas Pogi, hindi pa rin aabot (sa MMFF).

“Kaya napakasuwerte ko rin at nakagawa ako ng Walang Matigas na Pulis… Nakikita n’yo naman (sa trailer), nakakatalon ako, nakaka-dive ako, nakakatakbo ako, kung ano ‘yung kailangang ipagawa sa ‘kin ng direktor, nagagawa ko,” aniya.

“Basta nu’ng binigyan ako ng go signal ng doktor ko, ‘You can do anything, you can jump,’ nagagawa ko lahat. Wala akong takot. It’s all in the mind,” dagdag pa niya.

Sey pa ng action star, akala raw niya ay katapusan na ng kanyang action career nang maputol ang kanyang Achilles tendon at maoperahan.

“Thank you, Lord. Akala ko, nu’ng time na ‘yun, tapos na ang career ko. Pero hindi, binigyan pa rin ako ng pagkakataon ng Diyos na makagawa ng magagandang proyektong tulad nito at marami pa,” saad ng aktor-pulitiko.

Sa trailer nga ay makikitang parang pelikula ang pagkakagawa ng nasabing action-comedy series na produced ng GMA-7 at Imus Productions ng Revilla family. Kitang-kita rin na ginastusan talaga ang mga action scenes nito.

Sey nga ni Sen. Bong, kung nagustuhan daw ng manonood ang Season 1 and 2, tiniyak niyang mas magugustuhan pa ng tao ang Season 3 dahil marami raw silang ipapakitang bago at kakaiba.

Magsisimula na sa December 22 ang serye at mapapanood ito for 7 weeks or 7 episodes. Kasama pa rin bilang leading lady ni Sen. Bong si Beauty Gonzalez and the rest of the cast plus nadagdag pa ang Kapuso young actress na si Jillian Ward.