Chelsea, ‘di naiuwi ang korona… VICE: MISS U PRESENTATION, ANG PANGET!

ni Vinia Vivar @Frankly Speaking | Nov. 18, 2024

Photo: Vice Ganda - Miss Universe - FB

Dismayado at malungkot ang mga Pinoy pageant fans dahil sa pagkabigo ng Pilipinas na maiuwi ang korona sa 73rd Miss Universe na ginanap kahapon (Nov. 17) sa Mexico City.

Nakapasok naman ang ating kinatawan na si Chelsea Manalo sa Top 30 ngunit hindi na siya natawag sa Top 12. Si Victoria Kjaer Theilvig ng Denmark ang itinanghal na Miss Universe 2024. 

Sa gitna ng pagkadismaya ng ilang Pinoy ay nagpahayag naman ng suporta ang mga beauty queens na sina Janine Tugonon, Michelle Dee, MJ Lastimosa, at Winwyn Marquez para sa ating kandidata.

Tweet naman ni Janine, “You gave a great performance, Chelsea. We are proud of you.”

Pagmamalaki naman ni MJ sa X (dating Twitter), “Our beautiful Chelsea!!! Proud of you, Queen.”

Mensahe naman ni Winwyn, “Mahal kita, Chelsea!!”

Maging si Vice Ganda na fan din ng mga pageant ay nagbigay ng mensahe for Chelsea.

“Thanks Chelsea! Have a safe flight back home!” tweet ni Vice.

Nagbigay din ng komento ang Unkabogable Star sa presentation ng Miss U 2024.

“Lasing at puyat lang ba ‘ko o talagang ang panget ng presentation nitong

#MissUniverse2024???” sey ni Vice at um-agree naman sa kanya ang ibang mga netizens.

Pero heto na ang bagong twist. Hindi naman pala totally talunan si Chelsea dahil nagkaroon ng press conference ang Miss Universe 2024 after the pageant at dito ay inanunsiyo na ang ating kinatawan ang hinirang na kauna-unahang Miss Universe Asia.

Ipinost din ito sa Instagram (IG) account ng Miss Universe Philippines.

“CHELSEA MANALO is the first Miss Universe Asia, one of the Four Continental Queens!

Congratulations, Chelsea! MABUHAY ANG PILIPINAS! (Philippine flag emoji)” ang announcement ng MUPH.

Ayon sa report, Chelsea Manalo is set to travel around Asia and will be joining some of the official trips of the Miss Universe organization.

---

Habang wala si Alden…

KATHRYN, TODO-YAKAP KAY DOMINIC

Dominic at Kathryn - Instagram @dominicroque

Pinusuan ng maraming netizens ang pagdalo ni Dominic Roque sa block screening ng Hello, Love, Again (HLA) na pinagbibidahan ng friend niyang si Kathryn Bernardo at ni Alden Richards.

The block screening was sponsored by celebrity doctor Aivee Teo na ginanap last Friday night.

Ibinahagi ni Dominic sa kanyang Instagram (IG) ang mga larawan sa naganap na block screening na dinaluhan din ni Kathryn. Wala sa mga photos si Alden so, mukhang hindi siya nakasipot.

Makikita sa isang larawan na nakayakap pa si Kathryn kay Dominic na parang siya ang leading man ng aktres sa pelikula, huh!

In fairness, wala naman kaming malisyang naramdaman sa yakapan nila at mukhang yakap-magkapatid lang talaga. 

Anyway, ang sweet ng caption ni Dom at obvious na happy siya talaga sa success ni Kath.

“Hello, Love, Again. Congratulations Brooo! I’m proud of you! Alam ko ang pagod, saya, trinabaho mo talaga ‘to, pinaghandaan mo talaga, at kung anu-ano pa!” sey ni Dom.

“Ang gagaling n’yo, ang ganda-ganda ng pelikula, sulit na sulit! Congratulations po sa lahat ng bumubuo ng Hello, Love, Again,” pagbati pa ng dating aktor.

Nagpasalamat naman ang mga fans ni Kathryn kay Dominic sa pagiging supportive friend nito, pero ang ibang mga netizens ay talagang tinutukso pa rin sila.

“Kayo na lang kasi,” sey ng isang netizen.

“Bagay sila. Hehehe!” reaksiyon naman ng isa pa.

Matatandaang matagal nang nali-link sina Kathryn Bernardo and Dominic Roque dahil nga sa kanilang friendship, kahit na paulit-ulit na nilang nilinaw na talagang good friends lang sila.

Ganern, Daniel? KATHRYN, AYAW NA SA SECOND CHANCE, PERO DEPENDE RAW SA TAO

ni Vinia Vivar @Frankly Speaking | Nov. 17, 2024

Photo: Kath at Alden - Rec-Create / YT

Sa ikalawang pagkakataon ay sinagot muli ni Kathryn Bernardo ang tanong kung naniniwala ba siya sa second chances.

Nu'ng una kasi itong itinanong sa aktres sa mediacon ng Hello, Love, Again last October ay hindi niya ito direktang nasagot ng ‘yes’ or ‘no'.

Ang sabi niya that time, “For me, lagi kong iniisip na forgiveness or second chances isn't an obligation, it's a choice and it's a gift. 

"So, kapag ibinigay sa 'yo 'yun ng tao, it's a privilege. Just like any gift, you have to take care of that, and you have to earn that gift."

Muli itong naitanong kay Kath sa “Rec-Create” vlog habang naglalaro sila ni Alden Richards with a lie detector test.

Si Alden mismo ang nagtanong kay Kath ng “Naniniwala ka ba sa second chances?”

Sagot ng aktres, “Hirap naman, no na lang.”

Pero nang sumalang siya sa lie detector ay nakuryente siya which means “lie” ang kanyang sagot.

Nagkatawanan na lang sila ni Alden at nag-explain naman si Kath kung bakit “no” ang kanyang sagot.

“Kasi sobrang hirap ibalik ‘yung tiwala ko. In general, ‘di ba, siyempre, we all deserve second chances, we all want to have second chances.

“Depende kasi. It’s a case-to-case basis, kung ano ‘yung nagawa mo, kung gaano mo nasaktan ‘yung tao and kung magbabago ka ba,” paliwanag ni Kath.

Dagdag pa niya, “It’s who you give your second chances to.”

Tanong ni Alden, “Not everyone deserves it?”

Sagot ng aktres, “Yeah, not everyone.”

Tinanong din ni Alden si Kathryn ng “Have you ever wondered what it would be like to go on a date with me?”

Sagot naman ng kanyang leading lady sa HLA, “Yeah, I think so. Parang nakaka-curious paano ka makipag-date.”

Nakuryente si Kathryn at pagtatanggol naman ni Alden, “'Yung machine ang may problema talaga.”

Paliwanag naman ni Kath sa kanyang sagot, “I actually have no idea that’s why I’m curious. Hindi ko alam kung paano siya makipag-date, so I wonder. Romantic ba siya? Medyo ano ba siya? Iba-iba kasi ang style ng mga guys, right?”

Tinanong naman ni Kath ang leading man ng “Compatible kaya tayo?” and “yes” naman ang sagot ng aktor.

Pero “lie” ang resulta ng machine kaya tawanan ulit sila.

“Liar!” natatawang sabi ni Kath kay Alden.

---

MARAMI ang napahanga sa naging pagganap ni Angelu De Leon bilang si Carmela Borromeo sa Pulang Araw na siyang nanay ni Teresita (Sanya Lopez) at nagpahirap sa magkapatid na Adelina (Barbie Forteza) at Eduardo (Alden Richards). At kamakailan nga ay pumanaw na ang karakter niya sa nasabing Kapuso show.

Puno naman ng pasasalamat si Angelu na mapabilang sa Pulang Araw.

“Carmela Borromeo signing off. Taos-pusong pasasalamat at paghanga sa lahat-lahat ng bumubuo ng Pulang Araw. Maraming salamat at ipinagkatiwala ninyo po sa akin ang karakter ni Carmela Borromeo,” post ni Angelu sa kanyang Facebook account. 

Nagpasalamat din siya sa lahat ng mga bumubuo sa programa at buong produksiyon. 

“Isang karangalan ang mapabilang sa Pulang Araw hindi lamang bilang isang artista kung hindi bilang isang Filipino. Nawa’y mahalin natin ang ating bansang Pilipinas,” sey pa ng aktres.

Samantala, napapanood ang Pulang Araw mula Lunes hanggang Biyernes tuwing 8PM sa GMA Prime.

“Really deep” na raw ang namamagitan sa kanila… ALDEN, UMAMING NASABI NA KAY KATHRYN ANG INTENSIYON NIYA

ni Vinia Vivar @Frankly Speaking | Nov. 16, 2024

Photo: Kathryn at Alden - Instagram

Hindi nasagot nang diretso ni Alden Richards kung nanliligaw ba siya sa leading lady sa Hello, Love, Again (HLA) na si Kathryn Bernardo pero inamin niyang malalim na raw talaga ang kanilang relasyon.

Sa guesting ng aktor sa Fast Talk with Boy Abunda (FTWBA) last Wednesday ay tinanong siya ni King of Talk Boy Abunda kung nanliligaw ba siya kay Kathryn at hindi niya ito masagot ng “yes” or “no.”

Sa halip ay ipinaliwanag niya kung ano ang relasyon nila ng aktres.

“‘Yung meron po kami ni Kath ngayon, Tito Boy, is I should say really deep and since I got the chance to really know her now personally, ang dami ko pong nadi-discover sa kanya, our similarities and differences in how we view life. 

“And sobrang naa-appreciate ko po 'yung mga bagay na ino-open-up niya sa ‘kin and you know, welcoming me to her life, and of course the family, na-meet ko na rin po ‘yung family,” sabi ni Alden.

Inamin din niyang nagpupunta siya sa bahay nina Kath kung kaya rin lang ng kanyang oras at puring-puri nga niya ang pamilya ng aktres.

“Nakita ko po kung gaano ka-humble ‘yung family ni Kath. Pareho po kaming lumaki sa probinsiya. Ako po sa Laguna, s’ya po sa Nueva Ecija, Cabanatuan. 

“And I see how similar our families are in terms of how we see life, how we deal with you know, everyday, and ‘yung pagiging makatao po. Kung ano si Kath, ang laking factor ng family,” ani Alden.

Sobrang na-appreciate raw niya ang pagtrato sa kanya ng pamilya ni Kath at parang hindi raw siya ibang tao.

Nang tanungin ni Kuya Boy kung nasabi na ba niya kay Kathryn ang kanyang intension, “Opo,” ang sagot ng aktor.

Dagdag pa niya, “Siguro, sa ngayon po, ayoko pong madaliin kung anuman po ‘yung pinagdaraanan naming dalawa. I think she has all the time in the world now that she’s been able to try new things as well for herself.”

Ulit na tanong ni Kuya Boy, “Does she know your feelings?”

Sagot ni Alden, “I think so po, yes po.”

Tinanong din siya ng TV host kung ano ang papel ni Kathryn sa araw-araw niyang buhay.

“Well, right now po kasi, we are just, you know, very blessed with this opportunity that we have right now and you know, the friendship po that we have right now is deep and special and ang laking bagay po nu’n kasi mas nagagawa po namin nang tama ‘yung mga bagay na dapat naming gawin in terms of the film,” aniya.

Malaking factor din daw ang pagsu-shoot nila sa Canada para mas makilala niya nang husto si Kath.

“‘Yung the time that we had when we were shooting in Canada, mas nakilala ko s’ya and how I see a great deal of myself,” sey ng aktor.

---

INALMAHAN ng Star Cinema and GMA Pictures ang mga kumakalat na pirated copy ng Hello, Love, Again (HLA).

Diumano, ang mga pirated copies ay kinuha ng mga pirata sa naganap na premiere night ng pelikula last Tuesday.

Kahapon ay nag-release ng statement ang mga producers at nagbigay ng babala sa publiko.

“Mariing tinututulan ng mga producer ng HELLO, LOVE, AGAIN ang anumang uri ng pamimirata,” ang nakasaad sa joint statement ng Star Cinema at GMA Pictures.

“Patuloy ang aming team sa pagtanggal ng mga ilegal na kopya ng aming pelikula.

“Ang Star Cinema at GMA Pictures ay kasalukuyang gumagawa ng mga legal na aksyon laban sa mga indibidwal na nakikiisa sa anumang uri ng pagbebenta, pagpo-post, at pagse-share ng pelikula.

“Ang sinumang mapatunayang lumabag ay haharap sa parusang aabot ng siyam (9) na taong pagkakakulong at pagmumultahin ng hanggang isang milyon at limang daang libong piso (P1.5 million),” pahayag pa ng mga producers.

Sa kabila naman ng mga naglipanang pirated copies sa internet ay kasalukuyang

tumatabo nang bonggang-bongga sa takilya ang HLA.

Ayon sa ulat ay nag-gross ito ng P85 million on its first day last Wednesday. In two days ay kumita naman daw ang movie ng P155M.