Pamilya, kumain sa sosyal na resto… ANAK NI RICA, NAPAGKAMALANG BATANG-KALYE

ni Vinia Vivar @Frankly Speaking | September 9, 2024

Nakakaaliw ang kuwento ni Rica Peralejo tungkol sa kanyang anak na napagkamalang batang-kalye nang kumain sila sa isang mamahaling restaurant.

Ikinuwento ng dating aktres sa kanyang Instagram (IG) Story ang buong pangyayari.

“True story, we were seated here when the server asked us if kasama namin si Manu. Akala n’ya 'ata, he is a street kid na disturbing us. And I think I know why…,” simula ni Rica.

“Ganito kasi hitsura n’ya,” aniya sa larawan ni Manu na parang naka-pambahay lang at may dala pang sanga ng kahoy na parang tungkod.

“May dala s’ya na stick inside a fancy resto with his play clothes and Birks na siyempre maduming bata! Eh, medyo fancy ‘yung place, so akala yata nila, he cannot be dining with us.”

Pero nilinaw naman niyang hindi siya nasaktan sa sinabi ng waiter. 

“‘Di naman ako na-offend kasi sa totoo lang, mukha talaga s’yang batang naglaro sa kalye at sa totoo lang din, ‘di namin alam na fancy pala ‘yung pipiliin for dinner ng mga friends namin. Kaya medyo sobrang casual lang namin as pamilya. Hahahaha!” sey niya.

“Naka-Crocs at Birks lang talaga kami, eh, ‘yung mga kasamahan namin, naka-Burberry and maarte fair items. Kami, mukhang nag-overlanding,” sabi pa ni Rica.

Well, sabi nga, ang mga taong totoong rich at edukado ay hindi nao-offend sa mga ganyang remark.

---

ANG bongga ni Darren Espanto dahil nabili na niya ang pangarap niyang luxury vehicle at proud niya itong ibinahagi sa kanyang social media account.

Sa Instagram (IG) post ng singer, makikita ang mga larawan niya kasama ang kanyang brand-new black Cadillac Escalade.

Sa caption, sinabi ni Darren na bata pa raw siya ay fan na siya ng nasabing sasakyan.

“Made another big boy purchase! (cool emoji) Very grateful for all of God’s blessings. Always loved riding my parents’ Escalade as a kid and have been a fan ever since. And now, here we are,” sey niya.

Upon checking, ang Cadillac Escalade ay naglalaro sa presyong P19 million pataas.

Kaya naman pati ang mga friends at supporters ni Darren ay masayang-masaya para sa kanya.

‘Di nakapagpigil nang mag-two-piece ang aktres… ECHO, HOT NA HOT KAY JANINE

ni Vinia Vivar @Frankly Speaking | September 8, 2024

Ang daming naaliw at kinilig sa komento ni Jericho Rosales sa Instagram (IG) post ng rumored girlfriend na si Janine Gutierrez.

Nag-post si Janine ng mga larawan niya in a two-piece bikini habang nasa poolside ng hotel na tinutuluyan sa Venice, Italy.

Caption ng aktres, “Euro summer break!”

Super-sexy naman talaga ni Janine sa mga larawan kaya naman nagkagulo ang mga supporters niya sa comment section.

Pati ang mga kapwa celebrities ay nag-comment at isa sa mga nasa top comments si Echo.

Nag-react ang aktor ng GIF (isang animated graphic emoji) na nagpapakita ng isang lalaki na nasisilaw sa init ng araw, na tila ang ibig sabihin ay napaka-hot ni Janine.

Dinagdagan pa niya ito ng comment na, “Dapat weather report ang ginawa ko kanina sa @tvpatrolph.”

Super-laugh ang netizens sa komento ni Echo but at the same time ay kilig na kilig sila.

Komento ng isa, “@jerichorosalesofficial Jericho’s comment (laughing emoji) nakakasilaw ba ang kagandahan n’ya (fire emoji).”

“Ahhhh, kilig (in love emoji) ,” sey naman ng isa pa.

Nasa Italy si Janine Gutierrez dahil dumalo siya sa Venice International Film Festival (VIFF) para sa kanyang Lav Diaz film na Phantosmia.

---

DISMAYADO raw si Paolo Contis sa X rating na ibinigay ng Movie and Television Review and Classification Board (MTRCB) sa kanyang pinagbibidahang pelikula na Dear Satan (DS).

Ayon sa Instagram post ng manager ni Paolo na si Lolit Solis, hindi inakala ng aktor na magiging kontrobersiyal pa ang pelikula.

“Talagang maganda ang mood ni Paolo Contis kahit pa nga disappointed s’ya sa resulta ng naging reception ng MTRCB sa Dear Santa niya na dating Dear Satan.

“Hindi n’ya akalain na ang feeling n’ya na nakagawa s’ya ng isang magandang film ay magiging controversial. Akala pa naman niya, magiging smooth-sailing dahil nga sa concept nito na isang mabait na Satan ang kanyang papel,” saad ng talent manager.

Nanghihinayang si ‘Nay Lolit sa husay ni Paolo bilang aktor at sana raw ay mabigyan ito ng drama series sa GMA-7.

“Isang napakahusay na actor ni Paolo Contis, kaya sayang nga na hindi nabibigyan ng mga roles sa mga series na may drama. Very happy si Paolo sa Bubble Gang (BG), pero sana rin, mabigyan siya ng mga dramatic roles para maipakita niya ang varied talent n’ya,” sey ni ‘Nay Lolit.

Pinuri rin niya ang attitude ni Paolo na tahimik lang at very patient.

“Sayang naman pero sa isang talent na tulad ni Paolo Contis na very confident sa alam n’yang puwede n’yang gawin, no problem. Hindi maapektuhan ang kanyang confidence sa mga minor lapses ng iba. Basta para sa kanya, alam n’ya ang what he can offer, no problem. 

“Hanga nga ako sa pagiging very patient and quiet ni Paolo Contis sa mga nagaganap sa kanyang career. ‘Yun bang ok lang, bahala kayo. So far, basta happy s’ya, ok lang. Kaya nga fave s’ya ni Salve at Gorgy, smile-smile lang siya, bongga,” papuri ni ‘Nay Lolit Solis kay Paolo.

New York Fashion Week, kaya tinanggihan, Pia… “GIVE CHANCE TO OTHERS” — HEART

ni Vinia Vivar @Frankly Speaking | September 7, 2024

Inanunsiyo ni Heart Evangelista na may inihahanda raw siyang sorpresa para sa kanyang mga fans and supporters na isang show sa GMA.

Sey ng Kapuso actress sa latest Instagram (IG) live session niya, “I do have a surprise for everybody soon on GMA. So, I’m very, very excited.”

Hindi muna idinetalye ni Heart kung ano pero kaabang-abang daw ito.

“I think it would be around October or November, so that’s something that you guys should wait for. It’s gonna be an original and I’m very, very excited. We’ve been working on production already,” aniya.

Nang may magtanong kung dadalo pa siya sa mga Fashion Week, aniya ay oo naman daw. Tinanggihan lang daw niya ang New York Fashion Week (NYFW) dahil sobrang busy niya.

“Of course, I will be going to fashion week but I didn’t go to New York because I have to split my time basically with my job here. I can’t just abandon the things that I’m doing all the time because I have a lot of work as well here,” paliwanag niya.

Naka-focus din daw siya sa Senate Spouses Foundation Inc. (SSFI), kung saan siya ang presidente since ang mister niyang si Chiz Escudero ang ating Senate President ngayon.

“So, I can’t just leave. So, I think I just have to choose my battles or else I’m gonna faint,” natatawa niyang sabi.

“And we are busy on a daily basis. We’re up at 4:30 AM the next day again, so you can imagine my schedule. It’s pretty intense so if I go to all the fashion weeks like before, I think I’m gonna die,” dagdag niya.

“So, I’m very choosy and picky a bit now with the time frame of what I need to do, so I decided to decline (the New York Fashion Week),” aniya pa.

Hirit pa ni Heart Evangelista, “Give chance to others na lang, pili-pili rin tayo ‘pag may time. Bawal tayong ma-haggard. Especially since I’m turning 40, the goal is to be healthy and fresh and happy.”

---

NGAYONG Sabado na, 12 PM sa Mall of Asia Arena, ang opening ceremony ng centennial season ng NCAA. Bukod sa Kapuso artists na magbibigay-kulay sa programa, tiyak na inaabangan din ng kanilang mga fans ang performances nina SB19 member Justin at P-Pop’s Female Alphas na G22.

Katuwang pa rin ang GMA Network bilang official broadcast partner, siguradong maraming inihandang sorpresa ang NCAA para sa NCAA Siglo Uno: Inspiring Legacies Opening Ceremony.

Magsisilbing hosts ng opening ceremony sina Sparkle stars Martin Javier, Lexi Gonzales, Michael Sager, at Faith da Silva. Tiyak maghahatid-saya naman sa kanyang kaabang-abang na performance si Justin habang hindi dapat palagpasin ang pag-perform ng G22 sa NCAA Season 100 theme song na Own the Future (OTF).

Matapos ang opening ceremony, mag-uumpisa agad ang bakbakan sa Men’s Basketball. Sa Game 1, magsasagupaan ang LPU Pirates at Season 99 champion na San Beda Red Lions, 2:30 PM. 

Susunod naman ang Game 2 kung saan maglalaban ang Benilde Blazers at Mapua Cardinals, 5 PM.