Join na rin kina Heart at Pia… MARIAN AT ANNE, RARAMPA SA MILAN FASHION WEEK

ni Vinia Vivar @Frankly Speaking | Sep. 20, 2024

Hindi lang sina Heart Evangelista at Pia Wurtzbach ang mga Pinay celebrities na magpapatalbugan sa Milan Fashion Week (MFW) sa Italy dahil naroroon din pala ngayon sina Marian Rivera at Anne Curtis.

Ito nga bale ang debut ni Marian sa fashion week at dadalo siya para sa ineendorso niyang Italian makeup brand. Kasama ng aktres na lumipad pa-Italy ang mister niyang si Dingdong Dantes.

Makikita nga sa Facebook (FB) page ng Philippine Consulate General in Milan na si Mr. Elmer G. Cato ang pag-welcome niya sa mag-asawang Dingdong and Marian.

“Last night, we got to welcome celebrity couple Marian Rivera and Dingdong Dantes who are visiting Milan for the first time,” bahagi ng caption ni Mr. Cato sa larawan niya with DongYan (Dingdong at Marian).

“Over dinner, we congratulated Marian and Dingdong for the success of their movie Rewind, which we got to watch on Netflix a few nights ago. It is now the highest grossing Filipino film of all time. 

“We also thanked the couple for their philanthropic work back home, especially the assistance they have been extending to women and children with disabilities. We also had a very interesting conversation on the West Philippine Sea with Dingdong, who is also a reserve officer of the Armed Forces of the Philippines. That’s the W sign for the West Philippine Sea that we were flashing,” kuwento pa ni Mr. Cato.

Si Anne naman ay imbitado ng Gucci sa Milan Fashion Week base sa kanyang mga Instagram posts.

“Touchdown Milano (Italy flag emoji) Fresh pa ba? So happy to be here for my Gucci fam! Can’t wait for the show tomorrow!” ang caption ni Anne sa larawan niya na nasa Milan airport.

Comment ni Bea Alonzo, “Ganda!”

Sey naman ni Dra. Vicki Belo, “Hope to see you.”

---

MASAYANG-MASAYA ang Vivamax star na si Ayanna Misola na finally ay nagkaroon siya ng wholesome project na hindi niya kailangang maghubad. 

Isa si Ayanna sa mga bida sa digital advocacy series na West Philippine Sea (WPS) na produced ng Kapisanan ng mga Social Media Broadcasters ng Pilipinas (KSMBPI) headed by Dr. Mike Aragon.

Sa mediacon na ginanap para sa naturang proyekto kamakailan, ayon kay Ayanna ay ito raw ang first project niya na walang sexy scene at all.

Kaya naman, abut-abot ang pasasalamat niya kay Doc Mike dahil kung hindi raw dahil dito ay baka hanggang ngayon, naka-stuck pa siya sa sexy roles.

Sey pa niya, noon pa niya pinangarap na magkaroon ng role na hindi niya kailangang magpakita ng katawan. 

Sinabi rin ng sexy actress na mahirap daw makawala sa sexy image pero hindi na raw siya talaga tatanggap ng proyekto na nagre-require ng nudity.

Sa WPS ay gagampanan ni Ayanna ang isa sa mga tagapagtanggol ng mga tao, na ibang-iba raw talaga sa mga ginagawa niya sa mga sexy movies niya.

Magsisimula nang mag-shoot sa October 1 ang WPS at ayon kay Doc Mike, ito ang proyekto na gigising sa kamalayan ng mga Pilipino sa pambu-bully na ginagawa sa atin ng China at pag-angkin nito sa teritoryong pag-aari ng Pilipinas. 

Kasama rin sa lead stars ng WPS ang  magdyowang sina AJ Raval at Aljur Abrenica, magkapatid na Rannie at Lance Raymundo, Jeric Raval, Daiana Menezes, Ali Forbes, Ayanna Misola, Massimo Scofield, Jerica Madrigal, Lala Vinzon at Roi Vinzon. 

Ito ay ididirehe ni Karlo Montero, miyembro ng DGPI (Directors’ Guild of the Philippines).

Dahil sa GF na si Issa… JAMES, BALIK-SHOWBIZ PERO NEVER AGAIN KAY NADINE

Matapos mag-focus sa music at sa kanyang mga negosyo, handang-handa na si James Reid na balikan ang kanyang acting career.

“I’m excited to do acting again, most likely by next year, early next year,” ang anunsiyo ni James sa panayam niya sa vlog ni Ogie Diaz.

When asked kung posible bang magbalik din ang love team nila ni Nadine Lustre, natawa si James at diretso niyang sagot, “I don’t think that’s happening.”

Aware naman siya na nandiyan pa rin ang mga JaDine fans (James at Nadine) at ipinagpapasalamat naman niya ito. Pero bilang respeto na rin daw sa girlfriend niyang si Issa Pressman, hindi na siguro siya babalik sa love team.

“There’s still that undying support that you know, I’m always grateful for. Even as I transition to music, nandu’n pa rin sila, promote my music and support me.

“But you know, out of respect for my girlfriend, Issa, I don’t think I’d ever do another love team. I think a lot of the audience can tell reality from showbiz when it comes to love teams. 

“So, you know, I have respect for her. I don’t think I’d ever do that again. But acting, definitely,” paliwanag ng aktor-singer.

Sa puntong ito ay nakiusap ang aktor sa mga fans at pati na rin sa mga bashers na mag-move on sa mga nangyari at bigyan na sila ng katahimikan.

“It’s been a very difficult year for me, also for Issa, and I’m sure, for Nadine also. So just with all the noise, all of the bashing, sana people can move on from all of that,” pahayag ng aktor.

“I have to be very honest. For me, witnessing all of the bashings, nakaka-depress s’ya to be honest. And I hope people can move on and just please give us peace of mind,” pakiusap niya.

Nilinaw din ni James ang hindi mamatay-matay na issue na nang-agaw daw si Issa ng boyfriend. 

“Fans have a way of creating rumors and all of this stuff saying that like, inagaw or whatever which makes no sense because I dated someone after Nadine, anyway. Don’t ask me who,” sey pa ni James.

Nakikita naman daw siguro ng mga tao na happy sila ni Issa at happy na rin si Nadine with her boyfriend.

“They can see na happy naman kami, happy naman sila. So, tama na,” saad ng aktor.

Teka, sino nga kaya ang babaeng naka-date raw ni James Reid bago si Issa Pressman pagkatapos nilang maghiwalay ni Nadine Lustre? 

---

ANG bongga naman ng magazine/lifestyle show na I Heart PH hosted by Valerie Tan dahil nasa 9th season na pala ito at patuloy na nagbibigay ng mga inspiring stories sa mga manonood.

May bagong bahay na rin ang programa dahil mula sa CNN, ngayon ay mapapanood na ito sa GTV ng GMA Network.

For Valerie, parang balik-bahay din siya dahil sa GMA talaga siya nagsimula. Matatandaang siya ang nanalo sa talent reality search na May Trabaho Ka (MTK) (search for public affairs host edition) aired on GMA Network’s channel QTV (now GTV). 

“I will be forever grateful to GMA,” sey ni Valerie sa mediacon na ginanap last Tuesday.

“The network paved the way to my dream job as I get to do what I love since I was a kid. Now, I get to travel around, seeing beautiful places and meeting people from all walks of life connecting with them, and sharing their stories to our viewers,” dagdag niya.

Ayon pa kay Valerie, mas marami pa raw magagandang lugar ang ipapakita nila ngayon sa mga viewers. Sa pilot episode ay dadalhin niya tayo sa Bohol.

“Bohol is just one of our initial features, more scenic spots are on our list,” aniya.

Bukod dito ay bibigyang-pansin ng magazine show this season ang mga bahay sa Pilipinas, giving viewers inspirations and motivations to build or improve their own homes. Mag-iimbita rin ang show ng mga architects, interior designers and other influencers to make the whole discussions more insightful and inspiring.

Produced by TV8 Media, napapanood ang I Heart PH every Sunday at 10:00 AM. on GTV.

Nag-post ng ulam na monggo, pinaglagyan ang pinagpiyestahan… HEART, 1 PLATO PA LANG, P15K NA!

ni Vinia Vivar @Frankly Speaking | September 18, 2024

May bago na namang pinagpipiyestahan ang mga netizens sa post ni Heart Evangelista. Pinagdidiskitahan naman nila ngayon ang platong ginamit ng aktres/fashion icon.

Ipinost ni Heart ang plato na may lamang monggo. 

Aniya sa caption, “Friday monggo.”

Pero matinik talaga ang mata ng mga netizens dahil ang mas napansin nila ay ang plato kaysa sa monggo. Paano ba naman, isa itong Hermès Passifolia soup plate na nagkakahalaga ng $270 o P15,089.

Needless to say, samu’t sari ang komento ng mga netizens at sey nga ng isa, pinagsasampal na naman daw sila ng kahirapan dahil sa post ni Heart.

“At least, kumakain s’ya ng monggo! Ang Pinoy ulam, model na ng Hermes, galing,” sey naman ng isa pa.

“Hahahaha! Sarap nu’ng pinggan,” komento naman ng isa pang socmed (social media) user.

---

Madir, kahit todo-hirit na ng apo… 

GERALD, 'DI PA FEEL ANAKAN SI JULIA

Ang daming natuwa sa viral video ng birthday celebration ng ina ni Gerald Anderson na ginanap sa Gen. Santos City. Sa nasabing event nga ay kasama rin ni Gerald ang girlfriend na si Julia Barretto.

Sa kumalat na video ay mapapanood na nagbibigay ng mensahe si Gerald para sa kanyang nanay.

Sey ng aktor, “Happy Birthday. We wish you the best, Ma. Thank you sa all the years na pag-aalaga sa ‘min. Salamat dahil inalagaan mo kami.”

Saad pa ng boyfriend ni Julia, “Alam namin na ibibigay mo ang lahat para sa ‘min at ibibigay din namin ang lahat para sa ‘yo, lahat ng gusto mo, ibibigay namin. Pero kapag ‘di naman namin kaya, ‘wag ka na magtampo.” 

Sumagot naman ang ina ni Gerald na wala naman daw siyang hinihingi na hindi kaya ng anak niya, pero may isa siyang hiling.

“Hindi naman nanghihingi si Mama na ‘di n’yo kaya, eh. I’m having a little bit. . . So I’m asking you, give me a…” ang sabi ng nanay ng aktor na hindi na itinuloy ang karugtong dahil nakita niyang nakatingin sa kanya ang lahat.

Nagtawanan naman sina Gerald Anderson at Julia Barretto pati na ang mga bisita sa sinabi ng ina. Ang feeling nila ay apo ang hinihingi ng momsky ng aktor.

---

BLIND ITEM:

IMBIYERNA pala ang isang award-winning actress sa nakababatang aktres na kasama niya sa isang teleserye.

Ang dahilan, napakabagal daw kumilos nitong si younger actress na kapag may eksena sila, ready na raw itong si nakatatandang aktres pero ang co-star ay tatayo pa lang o ‘di kaya ay may ginagawa pa.

Sey daw ng batikang aktres, okey naman sana ang kanyang co-actress at magaling umarte.

“Pero napakabagal kumilos,” reklamo ng magaling na aktres.

Bale ba, maraming eksena ang dalawang aktres sa teleserye nila dahil laging magkasama ang karakter nila. Kaya naman, talagang dusa itong seasoned actress sa kanyang co-star na mabagal kumilos.