Dahil sa selos kay Dingdong… MARIAN, PINATAWAD AT NAKIPAGBATI NA SA LAHAT NG BABAENG INAWAY NOON

ni Vinia Vivar @Frankly Speaking | Mar. 24, 2025

Photo: Marian Rivera - Instagram

Aminado si Marian Rivera na selosa siya noon kay Dingdong Dantes, pero may dahilan naman daw kung bakit siya nagseselos.

“Ang babae, hindi magseselos nang walang dahilan,” sey ni Marian sa vlog ni Karen Davila.

Hindi raw totoo na kapag nagselos ka sa asawa o partner mo, ibig sabihin ay wala kang tiwala rito.

“No, nature ng babae ‘yan. ‘Pag may nakikita ka na alanganin na ginagawa ng babae doon sa partner mo, alangan namang ‘Ay, ang galing, ang sweet nila together, kinikilig ako.’ My God, napakaipokrita nu’n. No, no, no for me,” aniya.

“‘Pag may sitwasyon na nakikita mong alanganin, magre-react ka talaga. ‘Yun lang, ang problema ko du’n, nagre-react agad ako du’n sa babae. Dapat pala, sa kanya (Dingdong) ako nagre-react! Ganu’n. Mali!” dagdag pa ng aktres.

Pero nalinaw naman ni Marian na nakipagbati na rin naman siya sa lahat ng mga babaeng inaway niya noon.

“‘Pag nakikita ko sila, naiilang sila kasi alam nila ‘yung sitwasyon kung bakit ko ginawa ‘yun sa kanila. Pero ngayon, ‘pag nakikita ko (sila), I’m trying to be civil,” kuwento ni Yan.

Naitsika nga rin niya na naloka raw ang isang girl dahil sinabihan niya itong napatawad na niya ito.

“May isang pagkakataon na ako na ‘yung nag-initiate na ‘Pinapatawad na kita.’ Naloka s’ya,” sambit ni Marian.

Paliwanag pa niya, “Parang ang punto ko kasi sa buhay, sobrang happy ako sa ibinigay ni Lord sa ‘kin, wala nang dahilan para ‘yung bitterness ko, nandito pa. Parang ni-let go ko na ‘yan. Parang sa isip-isip ko lang, ‘Learn your lesson, girl, ha? Huwag mo nang gawin sa iba ‘yan.’”

Bukod dito ay mas okey pa rin daw na walang kaaway.

“Mas masarap pa rin ‘yung wala kang kaaway, na pinapatawad mo ‘yung mga taong nakagawa ng kasalanan sa ‘yo,” aniya.

When asked kung mayroon pa ba siyang insecurity, ayon kay Marian ay hindi naman nawawala ‘yan sa isang babae.

“Before, ‘pag sumasali ako ng pageant, palaging ako ‘yung pinakamaliit. Saka siguro, ‘yung balakang ko, minsan kasi, feeling ko ‘pag naka-dress ako, sobrang laki ng balakang. Sabi ko,

‘Hello, Spanish blood,’” natatawang sabi ni Marian.

Inamin din niyang isa rin sa mga insecurities niya ay ang pagsasalita ng Ingles.

Komportable raw siya sa pagsasalita ng Tagalog at okey na raw siya na ang mga anak niya ang magpuno ng kakulangan niya, especially Zia na napaka-fluent daw sa English.

---

ALL-OUT ang support ni Coco Martin para sa FPJ Panday Bayanihan Partylist na pinangungunahan ni Bryan Poe-Llamanzares, anak ni Sen. Grace Poe.

Sa kabila ng busy schedule ng aktor, he really took time out na dumalo sa proclamation rally ng nasabing partylist sa Malvar, Batangas kamakailan.

Sa nasabing rally ay nakiusap din si Coco na iboto sa darating na halalan ang isa pang sinusuportahan niyang kandidato, si Senador Lito Lapid, na as we all know ay matagal niyang nakasama sa dalawang magkasunod na action series niya na FPJ’s Ang Probinsiyano (AP) at FPJ’s Batang Quiapo (BQ).

“Gusto ko rin po sanang ihiling sa inyo ang isa sa aking inirerespeto, mahal na kaibigan na itinuturing ko ring ama, hindi ako mapapalapit sa taong ito kung hindi ko nakita sa kanya ang kabutihan, kababaang-loob, pagkilos at pagiging tapat, sana po ay suportahan din natin si Sen. Lito Lapid,” saad ni Coco.

Dumalo rin si Sen. Lapid sa rally dahil suportado rin niya ang nasabing partylist ni Bryan.

Ayon kay Sen. Lapid, hindi niya malilimutan ang malaking naitulong ni Fernando Poe, Jr. sa kanilang pamilya dahil ang kanyang ama na si Jose Lapid ay naging stuntman noon ni Da King.

Namatay sa kandungan ni FPJ ang ama ni Sen. LL habang ito ay dinadala papuntang hospital dahil sa kanyang sakit.

“Walang Lapid sa pelikula kung walang FPJ. Noong ako po’y nagsimulang maging bida sa pelikula, sinuportahan po ako ni FPJ. Nagbida po ako noon sa Jess Lapid story. Wala po si Jess Lapid, Sr. kung walang FPJ. Kaya po, wala rin sa pulitika si Lito Lapid na nasa harap n’yo ngayon kung walang FPJ,” pahayag ni Sen. Lito.

Sa mga hindi nakakaalam, si Jess Lapid, Sr. ay tiyuhin ni Lito.

Nagkatambal naman sina FPJ at Lapid sa pelikulang Kalibre .45 noong 1980 kasama ang namayapang si Eddie Garcia.

Bukod kina Lito at Coco, kasama rin sa mga nag-endorso sa FPJ Panday Bayanihan Partylist si Lovi Poe, isa sa mga anak ni Da King.

Matatandaang si Sen. Lito ang author ng Eddie Garcia Law na nagbibigay-proteksiyon, pantay na karapatan, at mga benepisyo sa lahat ng mga manggagawa sa showbiz at media industry.

Never daw inisip na mapapasama sa most wanted sa ‘Pinas… “TINAWAG AKONG MAGNANAKAW, MANLOLOKO AT SCAMMER” — NERI

ni Vinia Vivar @Frankly Speaking | Mar. 23, 2025

Photo: Neri Miranda - IG

Sa kauna-unahang pagkakataon simula nang makulong, makasuhan at makalaya, binasag na ni Neri Naig-Miranda ang kanyang katahimikan hinggil sa aniya’y bangungot at kahihiyang nangyari sa kanyang buhay.

Sa kanyang latest Instagram post ay ipinahayag ng dating aktres ang kanyang panig sa buong pangyayari.

“Hindi ko talaga inakala na mapapasama ako sa Most Wanted sa Pilipinas…” bungad ni Neri.

“Tinawag akong magnanakaw, manloloko, at scammer.

“Never naman akong nagtago. Palagi nga akong nasa palengke, sa mga talks, at kahit saan pa—I have always been visible, hindi lang sa social media.

“I know many of you are waiting for me to tell my side of the story. When the time is right, I will. O kung kailangan pa bang ikuwento ang lahat—mula sa pagdakip sa akin, sa kahihiyan, sa pagkaka-detain, at sa agarang paglipat sa BJMP, kung saan dali-dali akong pinasuot ng yellow uniform.

“But for now, let me just say this: It was a nightmare. Isang pagsubok at bangungot na hindi ko kailanman malilimutan,” pahayag ng misis ni Chito Miranda.

Bagama’t hinusgahan daw siya ng marami, pinagtawanan, tinawag ng kung anu-ano, nagpapasalamat pa rin si Neri na may mga tao pa ring nanindigan at nagtanggol sa kanya.

“Sa kabila ng lahat—the labels, the ridicule, the judgment—I chose silence. Because I’ve learned that when we are in pain, it’s easy to say things we don’t mean. Pero hindi ako ‘yun. I refuse to let anger or hurt define me. 

“Some celebrated my lowest point, ginawa pa akong content para pagkakitaan. They judged me, questioned me, and discredited my hard work.

“But there were those who stood by me, defended me, and lifted me up without asking for anything in return—I see you, I appreciate you, and I hope one day, I can do the same for you.

“Sa lahat ng naniwala, sumuporta, at nagdasal para sa amin, maraming-maraming salamat po!

“To those who felt even the smallest impact of our kindness, thank you. You remind me that goodness still exists in the world,” pahayag ni Neri.

“I always tell my kids: The best investment in life is kindness. Hindi mo agad-agad makikita ang balik, pero darating at darating ito sa tamang panahon. Minsan, pakiramdam natin, hindi tayo pinapansin ni Lord kasi sunud-sunod ang pagsubok. Pero minsan, He’s just busy fixing things behind the scenes.

“And in every storm, He sends His Army of Angels. This time, kayo ‘yun. Maraming-maraming salamat sa inyong pagmamahal, suporta, at panalangin. Hindi ko ito malilimutan....” pagpapasalamat pa ni Neri.

And of course, hindi nakalimutang pasalamatan ng dating aktres ang mister niya na talaga raw hindi siya iniwan since day 1.

“At sa asawa ko, ang hero ng buhay ko—NEVER mo akong iniwan since day one. It was a rollercoaster of emotions, at sobrang kapit ko sa ‘yo dahil bagsak na bagsak ako. Pero ‘yung pagmamahal mo, ‘yun ang nagbigay sa akin ng pag-asa. Hindi ka sumuko at umuwi hangga’t hindi mo ako kasamang umuwi sa mga bata.

“Sabi mo, mababait pa rin ang mga tao, kahit hindi ko iyon makita sa mga panahon na ‘yun. Life moves forward, and so will we,” mensahe ni Neri kay Chito.

Sa huli ay muling nilinaw ng dating Kapamilya actress na never siyang nanloko ng tao or nagnakaw. Sinigurado rin niyang unti-unti siyang babangon mula sa kanyang pagkakadapa. 

“Hindi man ako naging Wais sa sitwasyong ito, pero kailanman, never ako nanloko, nanlamang, or nagnakaw sa kahit sino. At sa pagdapa ko, unti-unti akong babangon—at makikita ang lesson na gustong ipakita ni Lord sa akin. Your Most Wanted Wais na Misis, Neri Miranda,” pagtatapos niya.

Matatatandaang inaresto si Neri sa bisa ng warrant of arrest noong November, 2024 at kinasuhan ng syndicated estafa and violations of the Securities Regulation Code. Nakalaya ang aktres noong Disyembre at nitong nakaraang Enero ay lumabas ang resolusyon ng Pasay City RTC Branch 111 na idini-dismiss na ang reklamong violations of the Securities Regulation Code.

Noong Pebrero naman ay ibinasura na rin ng Pasay City RTC Branch 112 ang kasong syndicated estafa laban kay Neri dahil wala raw sapat na ebidensiya ang mga naturang charges.     

---

NAG-REACT si Isabelle Daza sa kumakalat na tsika tungkol sa kanyang pagpayat.

Nagsimula ang mga malisyosong espekulasyon tungkol sa kanya nang mag-guest siya sa Eat… Bulaga! last Wednesday kung saan ay naging kapansin-pansin ang kanyang pagpayat.

Nagkaroon agad ng iba’t ibang reaksiyon ang mga netizens kung bakit madali niyang na-achieve ang fit na pangangatawan niya to the point na may nag-speculate na nag-take siya ng Ozempic, isang gamot para sa diabetes subalit ginagamit din umano ng iba para pumayat.

Sa kanyang Instagram account ay ipinost ng aktres ang screenshot ng ilan sa mga natanggap niyang komento.

Sa kanyang caption ay idinaan na lang sa biro ng celebrity mom ang reaksiyon sa mga tsismis.

“I’ve reached my goal weight = Ozempic accusations,” sey ni Isabelle.

Makikita rin naman sa mga komento ng mga netizens na ipinost ni Isabelle na hindi naniniwala ang iba sa akusasyon.

“Can ppl (people) stop assuming na naka-Ozempic agad ang isang tao kasi pumayat? Girl, hindi ba puwedeng nagda-diet lang ‘yung tao at may active lifestyle?” pagtatanggol ng isang netizen.

Nagkomento rin ang ibang celebrity friends ni Isabelle bilang suporta sa kanya.

Komento ni Drew Arellano, “OLEMPIC.”

Sey naman ng mister ni Anne Curtis na si Erwan Heussaff, “Congrats!”

BF na si Derrick, takot na takot… ELLE, NAAKSIDENTE SA SWITZERLAND

ni Vinia Vivar @Frankly Speaking | Mar. 22, 2025

Photo: Elle Villanueva - IG

Nagkaroon pala ng freak accident ang Kapuso actress na si Elle Villanueva habang nagbabakasyon sila ng boyfriend na si Derrick Monasterio sa Europe.

Ini-reveal ito mismo ng Kapuso actor sa mediacon ng bago niyang TV series na Slay na ginanap last Wednesday.

Ayon kay Derrick, hindi niya makakalimutan ang nangyaring aksidente na naganap habang nasa Alps sila sa Switzerland.

“She almost died. Nasa Alps kami, tapos nadulas siya without knowing kung matatapos ba ‘yun and dire-diretso lang siya pababa,” kuwento ni Derrick.

That moment ay sobrang takot daw niya na baka mawala sa kanya ang taong pinakamamahal niya.

“Buti na lang, huminto (ang pagdausdos pababa ni Elle). Buti na lang, safe kami. Pero ‘yung moment na ‘yun talaga ang nagpa-realize sa akin na life is short, na huwag kong i-take for granted ang buhay,” ani Derrick.

“Sobrang grabe ang pasasalamat ko na walang nangyari sa kanya,” dagdag pa niya.

Bago raw ang aksidente ay nagpapa-picture siya kay Elle. At nagulat na lang siya nang bigla itong mahulog.

“Nahulog siya, dire-diretso. Sa sobrang taas, like two-storey high slope without seeing the end kasi sobrang foggy,” aniya.

Mapapanood daw sa vlog ni Elle soon ang nasabing aksidente dahil nakunan daw nito ng video ang aktuwal na pangyayari.

Samantala, sa nasabing presscon ay pinuri-puri ng isa sa mga big bosses ng GMA Network si Derrick sa mahusay na performance nito sa Slay. Aniya ay rebelasyon daw ang aktor sa nasabing serye.

Sobrang flattered and grateful naman ni Derrick sa papuring natanggap mula sa top GMA executive.   

“I’ve been here in showbiz for 15 years, ever since, lagi akong nakakarinig ng comments na hindi ako marunong umarte, na ham actor (ako). Siguro, this is the first time that I’ve been receiving this kind of compliment.

“For me, nakakatuwa siya, minsan, nagiging emotional ako ‘pag nakakarinig ako ng mga ganu’n kasi. . . ah, wala, eh, ano, eh. Ano talaga, eh, parang nakakatuwa talaga kasi hindi ko siya na-experience before. Thank you, thank you, salamat po,” ani Derrick.

Pangako ng aktor na hindi niya bibiguin ang tiwalang ibinibigay sa kanya ng network at mas gagalingan pa niya.

Samantala, ang Slay ay pinagbibidahan ng mga hottest GMA/Sparkle female stars na sina Julie Anne San Jose, Gabbi Garcia, Ysabel Ortega and Mikee Quintos. 

Magsisimula na ang serye sa March 24 sa GMA Prime. Napapanood na rin ito sa VIU streaming app.

---

MULA pilot hanggang sa pagtatapos nitong nakaraang Thursday ay consistent sa mataas na ratings ang My Ilonggo Girl ni Jillian Ward.

Bukod nga sa mataas ang ratings ay talaga namang lagi itong pinag-uusapan online.

Patok sa mga viewers ang tambalan ni Jillian at ng kapwa Sparkle artist na si Michael Sager at ang daming kinilig sa kanila.

After My Ilonggo Girl, may chance pa kaya ang dalawa for a reunion project? Ito kasi ang sigaw ng MicJill fans na humirit ng book 2 ng MIG.

Kung si Jillian ang tatanungin, game na game pa siyang makasama ulit si Michael. Tila naging close talaga sila ng onscreen partner n’ya. 

“Gusto ko rin siya maka-work ulit kasi naging very good friends talaga kami ni Michael,” say ni Jillian sa isang panayam. 

Pero sa mga MicJill fans, chill muna kayo d’yan. Isa kasi si Michael sa mga Sparkle artists na pumasok sa bahay ni Kuya. 

“Michael, pagbalik mo, tanggap ka pa rin naman namin kahit matagal kang mawawala,” pabirong sabi ni Jillian sa kanyang co-star. “I wish you all the best and enjoy lang kayo d’yan,” say pa nito.