Serbisyong medikal, patuloy na ilapit sa ating mga kababayan!

ni Bong Go @Bisyo Magserbisyo | Jan. 8, 2025

Nitong nagdaang taon ay hindi natin tinigilan ang Philippine Health Insurance Corporation (PhilHealth) na magpatupad ng mga reporma. Kasama ang iba pang stakeholders ay pinamunuan natin, bilang chairman ng Senate Committee on Health, ang 11 hearings ng komite. 

Mariin ang mga panawagan natin sa PhilHealth. Ilan dito, palawakin ang benefit packages lalo na para sa 10 nangungunang sakit na nagiging sanhi ng kamatayan ng mga Pilipino, taasan ang case rates, at ibasura ang mga hindi makataong patakaran, gaya ng 24-hour confinement policy. Isinulong din natin na maisama sa coverage ang mga karagdagang serbisyo, gaya ng dental and optometric services, preventive and emergency care, at ang pagkakaloob ng libreng gamot, saklay at iba pang assistive devices. 

Kabilang sa mga naging commitment ng PhilHealth ang dagdag-benepisyo para sa ilang medical services, kasama ang treatment para sa ischemic heart disease, kidney transplants, and emergency outpatient services. Nagkaroon din ng adjustment na 50 percent ng select case rates. 

Kung hindi dahil sa ating pakikipaglaban, hindi matutupad ang mga dagdag na benepisyo na ito. Sulit ang ating pangungulit, ngunit hindi tayo rito titigil hanggang maisakatuparan ang mga pangako nila sa taumbayan. 

Gayunpaman, may mga pangamba pa rin pagdating sa transparency at sa kapasidad ng PhilHealth sa pagpapatupad ng mga naturang reporma. Kaya para sa akin, dapat masigurado na may malinaw na sistema para malaman ng bawat miyembro kung anu-ano ang mga benepisyo na kanilang makukuha. Dapat maglabas ang PhilHealth ng malinaw na guidelines ng revised case rates at tiyakin na ang mga ito ay naipatutupad nang pantay-pantay sa lahat ng healthcare facilities sa buong bansa.

Hindi lang ito usapin ng benepisyo kundi usapin ng tiwala. Kung gusto nating magtiwala ang mga Pilipino sa PhilHealth, kailangan nilang makita na may resulta ang mga reporma na ginagawa. Hindi dapat mangamba sa pagpunta sa ospital para magpagamot dahil ang kalusugan ay katumbas ng buhay ng bawat Pilipino! 

Para sa akin, mahalaga na ang bawat Pilipino ay may maaasahan na suporta mula sa gobyerno, lalo na kung usapin ng kalusugan ang nakataya. Ang serbisyong medikal ay dapat naaabot ng lahat, saan mang sulok ng bansa, at hindi lang para sa iilan. 

Ang PhilHealth ay hindi negosyo na dapat mag-ipon ng pondo. Ito ay medical insurance para sa lahat upang may masasandalan tayo kapag nagkasakit. Kaya dapat nilang gamitin ang kanilang pondo para mapakinabangan ng taumbayan. Galit ang Pilipino dahil kaltas sa sahod natin ‘yang kontribusyong nakokolekta ng PhilHealth na dapat suklian nila ng maayos na serbisyo at sapat na benepisyo kapag nagkasakit. 

Malungkot ako na zero ang subsidy ng PhilHealth mula sa gobyerno ngayong taon na mariin nating tinutulan kaya hindi ako pumirma sa Bicameral Report. Ngunit hindi dapat ito maging hadlang para maipatupad nila ang mas malawak na benepisyong pangkalusugan para sa mga nangangailangan na kanilang ipinangako ‘under oath’ sa ilang mga pagdinig na ating pinamunuan sa Senado. 

Muli, ang pondo ng Philhealth ay para sa health! Dapat gamitin ito upang maproteksyunan at mapangalagaan ang kalusugan ng bawat Pilipino. 

Samantala, sa pagsisimula ng bagong taon ay patuloy ang sigla ng inyong Senator Kuya Bong Go sa paghahatid ng serbisyo sa ating mga kababayan.

Nasa Bulacan tayo noong January 6 at personal na sinaksihan ang inagurasyon ng itinayong Super Health Center sa Plaridel. Namahagi rin tayo ng tulong para sa 1,000 mahihirap na residente sa lugar, na sa ating inisyatiba ay nakatanggap din ng tulong pinansyal mula sa lokal na pamahalaan. Masaya ko ring ibinabalita na idineklara ako bilang adopted son ng Plaridel, Bulacan, sa aking pagbisita roon.

Kahapon, January 7, naging panauhing pandangal at tagapagsalita tayo sa The Fraternal Order of Eagles Philippine Eagles Oath Taking Ceremony ng reelected National President na si Kuya Ronald delos Santos na ginanap sa Pasay City. Buo ang ating suporta sa Eagles na nakakatuwang natin sa atr Lady of Fatima University sa Antipolo City, Rizal; at 339 scholars naman mula sa iba’t ibang paaralan sa Metro Manila.

Tuluy-tuloy din ang ating feeding initiative at pamimigay ng libreng lugaw sa mga pasyente, mga kasama nila, at healthcare workers sa ilang ospital na may Malasakit Centers.

Happy, healthy New Year sa ating lahat! Ang wish ko ngayong taon ay maayos na kalusugan sa bawat Pilipino. Makakaasa kayo na ang inyong Senator Kuya Bong Go ay patuloy ang serbisyo sa abot ng aking makakaya dahing mga pagseserbisyo.

Ipinadala ko naman ang aking Malasakit Team para maalalayan ang pitong naging biktima ng insidente ng sunog sa Davao City. Nabigyan din natin ng dagdag na tulong ang 88 scholars ng Ouil bisyo ko ang magserbisyo, at naniniwala akong na ang serbisyo sa tao ay serbisyo sa Diyos!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Pinoy na nabibigyan ng pardon abroad, mas dumami pa sana

ni Ryan Sison @Boses | Jan. 8, 2025

Nakatutuwang mabatid na marami sa mga Pilipino ang nabigyan ng pardon mula sa gobyerno ng ibang bansa.

Isa rito ang napaulat na pagkakaloob ng pardon ng United Arab Emirates (UAE) government sa nasa 220 Pinoy na nakakulong sa iba’t ibang bilangguan sa kanilang bansa.

Ginawa ang pardon kasabay ng paggunita sa ika-53rd National Day ng UAE. Tradisyon na ng gobyerno ng nasabing bansa na magbigay ng pardon kasunod ng kanilang pagdiriwang ng national day.

Ayon kay Pangulong Ferdinand ‘Bongbong’ Marcos, Jr., ang pardon o pagpapatawad sa mga Pilipino ay isang testamento ng matatag na ugnayan ng Manila at Abu Dhabi.

Una na ring inanunsyo ng gobyerno ng UAE ang pagbibigay ng pardon sa mga nakakulong na mga Pinoy noong December 26, 2024, at dahil ito sa natatanging pagkakaibigan ng dalawang bansa.

Labis-labis naman ang pasasalamat ng Pangulo sa Kanyang Kamahalan Sheikh Mohamed bin Zayed Al Nahyan at kay Prime Minister Sheikh Mohammed bin Rashid Al Maktoum, na aniya ay isang karangalan na makilala ang mga ito, gayundin sa kanilang compassionate gesture. 

Sa ngayon ay pinoproseso na ng Department of Foreign Affairs (DFA) at ng Philippine Embassy sa Abu Dhabi ang documentary at administrative requirements para sa mabilis na pagbabalik sa Pilipinas ng mga na-pardon na Pinoy, kung saan sila ay nakulong dahil sa iba’t ibang paglabag sa UAE.

Matatandaang noong June 2024 nasa kabuuang 143 Pinoy ang nakulong sa nasabing bansa at binigyan ng pardon dahil sa paggunita nila ng Eid al-Adha.

Mabuti at nabigyan ng pagkakataon ang ating mga kababayan na mapatawad sa kanilang kasalanan sa gobyerno ng UAE at makauwi sa bansa. 

Batid naman natin na mahirap para sa mga Pinoy abroad na maparusahan dahil sa paglabag na nagawa lalo’t mabigat ang ibinibgay na penalty ng bansang kanilang kinaroroonan. May mga umaabot din kasi sa puntong death penalty ang ipinapataw kapag nagkasala, kung kaya abot-abot ang takot nila at talagang sumusunod sila sa lahat ng polisiya o patakaran na ipinatutupad ng batas ng bansa huwag lang maparusahan. 

Hiling lang natin sa kinauukulan na sana ay mas marami pang mga Pinoy ang kanilang matulungan para mabigyan din ng pardon ng gobyerno ng ibang mga bansa sakali mang sila ay nakakulong o naparusahan.    

At sa mga naturang kababayan nating Pinoy, nawa’y maging ligtas ang kanilang pag-uwi sa ‘Pinas upang makasama na rin nila ang kanilang mga mahal na pamilya.

---

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com

Krimen ang pakikipag-live-in sa menor-de-edad

ni Atty. Persida Rueda-Acosta @Magtanong Kay Attorney | Jan. 7, 2025

Dear Chief Acosta,

Mayroon akong tiyuhin na nakikipag-live-in sa kanyang partner na 16 taong gulang lamang. Ang kinakasama niya ay kaklase ko sa aming eskwelahan. Sa tingin ko ay hindi ito tama sapagkat lampas 10 taon ang agwat nila at menor-de-edad pa lamang ang aking kaklase.  Legal ba ito sa ating batas? Sana ay mabigyan ninyo ng linaw ang aking katanungan. Salamat po. — Mariz

---

Dear Mariz,

Noong Disyembre 2021, pinagtibay ang Republic Act (R.A.) No. 11596 na pinamagatang “An Act Prohibiting The Practice Of Child Marriage And Imposing Penalties For Violations Thereof” o ang batas na nagbabawal sa pagsasagawa ng child marriage sa Pilipinas. Ang batas na ito ay naglalayong protektahan ang mga bata, partikular ang mga menor-de-edad, mula sa maagang pag-aasawa, na nagdudulot ng iba’t ibang negatibong epekto sa kanilang buhay at kinabukasan.

Ayon sa nasabing batas, hindi pinapayagan ang pagsasagawa ng kasal sa mga indibidwal na wala pang 18 taong gulang. Ang batas ay nagtatakda rin ng parusa para sa sinumang lumalabag nito.  Kabilang ang mga magulang, guro, o sinumang nakatatanda na nagbibigay ng pahintulot o tumutulong sa ganitong uri ng kasal. Itinataguyod ng R.A. No. 11596 ang karapatan ng mga kabataan na makapagtapos ng kanilang edukasyon, at magkaroon ng pagkakataong umunlad at habulin ang kanilang mga pangarap. Kadalasan, ang mga batang ikinakasal ay napipilitang tumigil sa pag-aaral, na nagiging dahilan ng kanilang kakulangan sa kaalaman at kasanayan.

Dagdag pa rito, ang R.A. No. 11596 ay hindi lamang nakatuon sa pagbabawal ng maagang pag-aasawa, kundi pati na rin sa mga isyu ng cohabitation o pagsasama ng taong nasa wastong gulang at ng menor-de-edad. Sa ilalim ng batas na ito, partikular na makikita sa Seksyon 4 (c) nito: 

“Section 4. Unlawful Acts. – The following are declared unlawful and prohibited acts:

xxx

(c) Cohabitation of an Adult with a Child Outside Wedlock. – An adult partner who cohabits with a child outside wedlock shall suffer the penalty of prision mayor in its maximum period and a fine of not less than Fifty thousand pesos (P50,000.00): Provided, however, That if the perpetrator is a public officer, he or she shall likewise be dismissed from the service and may be perpetually disqualified from holding office, at the discretion of the courts: Provided, finally, That this shall be without prejudice to higher penalties that may be imposed in the Revised Penal Code and other special laws.” 

Ang sinumang nasa wastong gulang o 18 taong gulang pataas na mahuhuling nakikipag-cohabitate o nakikisama sa mga menor-de-edad ay nahaharap sa mga legal na parusa. Maaaring kabilang dito ang pagkakakulong, multa, at mga parusa na itinakda ng iba pang batas. Ang layunin ng mga parusang ito ay hindi lamang upang parusahan ang mga lumabag, kundi upang mas maprotektahan ang mga kabataan.

Bukod sa mga parusa, ang batas ay naglalayong magbigay din ng interbensyon at suporta sa mga bata na apektado ng ganitong sitwasyon. Maaaring isama rito ang mga programa ukol sa rehabilitasyon, pagpapayo, at iba pang mga serbisyong pangkomunidad.

Upang sagutin ang iyong katanungan, hindi ligal sa ating batas ang iyong nabanggit na pagli-live-in ng iyong tiyuhin at iyong menor-de-edad na kaklase. Ito ay sa kadahilanang 16 na taong gulang pa lamang ang iyong kaklase at ang iyong tiyuhin naman ay nasa wastong gulang na.  Ang ginagawa ng iyong tiyuhin ay maituturing na isang krimen sa ilalim ng R.A. No. 11596 at maaari siyang mapatawan ng parusa alinsunod sa nabanggit sa itaas.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.