Makalumang paraan ng panggagamot, epektib na panlinis ng respiratory system?

ni Sr. Socrates Magnus II - @Karunungang Lihim| July 29, 2020

Bigyang-daan natin ang pagtalakay sa mga bagay na kailangang gawin ng tao, may COVID-19 pandemic man o wala.

Tulad ng nasabi sa nakaraang isyu, hindi puwede na hindi tayo maghanapbuhay. Dahil sa paghahanapbuhay, ang tunay na hinahanap natin ay ang buhay. Kaya ang walang hanapbuhay, masakit man tanggapin ay mapagsasabihan na walang kabuhay-buhay.

Bukod pa rito, sila rin ay sinasabing binubuhay lang ng kanilang mahal sa buhay at ito ay nangangahulugan na wala talaga silang buhay.

Muli, alam ito ni Adam at Eve, kaya paglabas nila sa garden ay agad silang naghanapbuhay at natupad ang sinabi ni God na sa tulo ng pawis n’yo maggagaling ang inyong kakainin.

Ito ay tumutukoy sa sinasabing ang tao ay sadyang nangangailangang maghanapbuhay. Kaya kahit pa mataas na at tumataas pa ang kaso ng COVID-19, kailangan pa rin nating maghanapbuhay.

Hindi naman ibig sabihin ay lalabas tayo ng bahay dahil may mga paraan na nasa bahay lang pero nakakapaghanapbuhay pa rin. Maliliit man ang kita, puwede na rin kaysa wala at kung ang isang maliit na kita ay maging dalawang malaking kita at maging tatlo pa, hindi na ito maliit dahil ito ay malaki na at maaaring mas malaki pa kaysa sa regular na kinikita.

Ibig sabihin, gamitin ang isip habang ginagamit din ang katawan, kamay at iba pang bahagi nito. Kumbaga, mag-isip ng dagdag na pagkakakitaan kahit mayoon nang kinikita.

Sa mga hindi naman puwedeng hindi lumabas ng bahay, obligado na sumunod sa mga patakaran na inilatag ng mga awtoridad. Gayunman, mas maganda pa rin na habang sinusunod ang mga awtorirdad, mag-isip pa tayo ng mga bagay upang mas makaiwas sa COVID-19.

Kumbaga, ang pagkukulang ng pamahalaan ay ating pagsikapang matugunan sa sarili natin. Tulad ng walang sawa sa pag-uutos na maghugas ng mga kamay, sundin natin, dahil ito ay mukhang tama pero ang huwag nating kaligtaan ang isa pang mahalagang bagay na from time to time ay kailangan din nating gumamit ng mouthwash.

Dahil kapag ang COVID-19 ay nakalagpas sa mga kamay, sa lalamunan siya maninirahan. Gayundin, kung hindi siya sa kamay nagdaan, sa ilong o mata, ang paghuhugas ng mga kamay ay hindi na angkop o sapat.

Pero saanman dumaan ang COVID-19, tiyak na sa lalamunan muna ito mamamalagi at dahil ito ay tiyak, muli, mas maganda na tutukan ang payo na gumamit ng mouthwash.

Paulit-ulit ang Department of Health (DOH) sa pagsasabing walang gamot sa COVID-19, kaya ang paghuhugas ng mga kamay ay hindi rin gamot, pero mahigpit nilang ipinapayo.

Ang paggamit ng mouthwash ay hindi rin gamot sa COVID-19, pero mas okey ito kaysa sa paghuhugas ng mga kamay dahil ang COVID-19, kahit sinong doktor ang iyong tanungin ay hindi lang sa mga kamay dumaraan.

Walang gamot sa COVID-19, pero mas maganda pa rin na gamitin ang lumang tradisyon ng panggagamot na kung tawagin ay “suob.” Dahil tulad ng sa paghuhugas ng mga kamay at pagma-mouthwash, sinasabi at inaamin ng lahat ng doktor na lumilinis ang respiratory system sa pamamagitan ng suob.

Sa susunod, ang pag-uusapan natin ay kung totoong walang gamot sa COVID-19.

Itutuloy

Dahilan kaya mas oks maghanapbuhay kesa umasa sa pamahalaan

ni Sr. Socrates Magnus II - @Karunungang Lihim| July 24, 2020

Bigyang-daan natin ang pagpapatuloy ng mga bagay na kailangang gawin ng tao, may COVID-19 man o wala.

Kahit napaliligiran ng mga panganib at kung anu-anong banta sa buhay at kalusugan, ang mga unang tao, partikular sina Adam at Eve ay kailangang maghanapbuhay.

Tulad natin, may COVID-19 man o wala, dapat tayong maghanapbuhay dahil kapag tayo ay hindi naghanapbuhay, matutuluyan nang mawala ang ating buhay.

Akala ng marami, mali ang sinabi ni God kay Adam at Eve na sila ay walang pagsalang mamamatay kapag kinain nila ang ipinagbabawal kainin na bunga sa Garden of Eden. Pero ang mga tao lang ang nag-akala niyan. Sila na mga taong hindi naman kumikilala kay God at ‘yung iba na nagsasabing mali si God ay mga taong nakabasa ng kaunti sa Bible ay inakalang alam na niya ang lahat ng kaalaman sa langit at sa lupa.

Kaya sila ay naghanap ng kanilang ikabubuhay. Simple lang naman, kung hindi sila patay, tulad ng binitiwang salita ni God na walang pagsalang sila ay mamamatay, bakit sila naghanapbuhay?

Kapag naghahanap, ibig sabihin ay wala siya ng kanyang hinahanap dahil bakit ka pa maghahanap kung nasaiyo na ang hahanapin mo? Ano ang hinahanap nina Adam at Eve? Ito ay “life” o buhay, kaya malinaw na ang naghanapbuhay ay hinahanap ang kanilang buhay at ang walang buhay, eh ‘di patay.

Alam na alam nina Adam at Eve ang ganitong katotohanan kaya sinigurado nilang alam din at nauunawaan ng kanilang mga anak at apo na ang tao ay kailangang maghanapbuhay.

Muli, may COVID-19 man o wala, kailangan nating maghanapbuhay dahil kapag hindi man tayo magka-covid-19 dahil hindi tayo lalabas ng bahay, mamamatay din tayo sa gutom at sa kawalan ng makain.

Kaya ayon sa mga ekonomista, ekonomiya ang buhay ng bansa kung saan kapag patay ang ekonomiya, patay din ang bansa. As, in, magpapatayan ang mga tao kapag ang ekonomiya ay patay o walang gumaganang ekonomiya sa isang bansa.

Dahil dito, kahit dumarami ang mga nagpo-positibo sa COVID-19, binuksan ang ekonomiya para ang mga tao ay mabuhay kahit may banta ng COVID-19 sa paligid.

Sa pagbubukas ng ekonimya, ang mga tao ay makakapaghanapbuhay na at hindi aasa sa ayuda ng pamahalaan na sa totoo lang, hindi naman kayang pakainin ang mga tao kapag patuloy na sarado ang ekonomiya.

Itutuloy

Kaugnayan ng kuwento ni Adam at Eve sa paghahanapbuhay ng tao ngayon

ni Sr. Socrates Magnus II - @Karunungang Lihim| July 22, 2020

Bigyang-daan natin ang pagpapatuloy ng mga bagay na kailangang gawin ng tao, may COVID-19 pandemic man o wala.

Balikan natin ang pagsisimula ng sibilisasyon kung saan lumabas sa Garden of Eden ang mga unang tao.

Sa kanilang bagong mundo, napakaraming panganib sa buhay at kalusugan, parang tayo ngayon na pagkatapos ng lockdown ay nakalalabas na tayo. Ang panganib sa buhay ay hindi naman gaanong nasa ating harapan, pero ang panganib sa kalusugan ay napakalapit sa atin.

Tulad ng mga unang tao sa simula ng sibilisasyon, kahit may panganib sa paligid, sila ay kumikilos para mabuhay. Kaya tayo ngayon ay walang karapatan na manatiling takot at hindi maghahanapbuhay para mapaganda ang ating kinabukasan.

Ang isa sa anak nina Adam at Eve na si Cain ay nag-alaga ng halaman, nagbungkal ng mga bukirin at tinamnan niya ng mga mapakikinabangang halaman. Kaya si Cain ay kinilala ng history of the world bilang Father of Agriculture.

Ang isa pang anak nina Adam at Eve na si Abel ay nahilig sa hunting. Ito ang pangangaso ng mga hayop na kanilang kakainin. Sa kanyang pagha-hunting, may mga natuklasan siyang hayop na puwedeng alagaan, kaya siya ay tinawag ng history of the world na Father of Breeding Domestic Animals.

Makikita natin na ang mundo, kahit nakakatakot para sa pamilya ni Adam at Eve ay nagawa pa rin nilang maghanapbuhay, kaya kahit may COVID-19 sa palagid, kailangan din nating maghanapbuhay.

Pero bakit nga ba kailangan nina Adam at Eve at tayo mismo na maghanapbuhay?

Ganito ang paunang katotohanan na pinagmulan ng lahat. Sinabi ni God, huwag n’yong kakainin ang bunga ng puno sa gitna ng garden.

Sabi pa ni God, kapag kinain n’yo, walang pagsalang at kayo ay mamamatay. Ang salitang “walang pagsala” ay tiyak na sila ay mamamatay dahil ito rin ay nangangahulugan na walang sablay, walang daplis, walang duda na ang kamatayan nila ay tiyak.

Marami ang nagsasabi na dahil umabot ang buhay nina Adam at Eve sa hundreds bago sila namatay, mali ang binitawang salita ni God na kapag kinain nila ang bunga ng ipinagbabawal kainin ay walang pagsala na sila ay mamamatay.

Kumbaga, buhay pa sina Adam at Eve, kaya nanganak pa siya at nakalabas ng garden. Kung sa pagkain nila ng bawal na bunga ay namatay sila tulad ng sinabi ni God, bakit mukhang buhay na buhay pa rin sila?

Nagkamali kaya si God? Mas tama kaya ang sinabi ni Satan na kapag kinain n’yo ang bawal na pagkain, hindi kayo mamamatay? Sabi pa ni Satan, madidilat ang inyong mga mata at magiging parang Diyos kayo at malalaman n’yo ang mabuti at masama.

Ang mga sinabing ito ni Satan sa biglang tingin ay nagkatotoo, kaya marami ang nagsasabing mukhang nagkamali si God at mukhang siya ay Diyos na sinungaling. Ito ang ating sasagutin sa susunod na isyu.

Itutuloy