Dahilan kaya dapat ikonsidera ang mga lumang paraan ng panggagamot

ni Sr. Socrates Magnus II - @Karunungang Lihim| August 5, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Tulad ng nasabi na, dapat alisin natin sa ating isipan na walang gamot sa COVID-19. Mas magandang isabuhay natin ang positibong pananaw kahit may pandemya. Dahil sa kasaysayan ng medisina, halos lahat ng gamot ay naitalang “na-discover,” ibig sabihin, may gamot at naghihintay lang na ito ay madiskubre.

Ang totoo nga, inaamin ng medisina na ang maraming gamot ay mula sa halaman, ibig sabihin, nasa paligid lang pala ito at hindi mahirap hanapin.

Kaya ang salitang “walang gamot” ay sobrang mali dahil mayroong gamot at ito ay kadalasang nasa halaman.

Pero ang gamot, hindi tumutukoy lang sa drugs o gamot sa mga botika dahil ang maraming gamot ay hindi drugs kundi “paraan” o ginagawa na sistema na nakapagpapagaling sa mga karamdaman.

Tulad ng hilot, ito ay hindi gamot kundi ito ay isang paraan o sistema na ginagawa.

Pagtali sa sugat, ito rin ay hindi drugs, ang paghiwa ay ganundin at kahit ang simpleng pagtulog o pamamahinga ay nagpapagaling din, tulad din ng magandang tanawin.

Pero hindi lang ‘yan ang mga gamot laban sa sari-saring sakit. Minsan, ang simple at matagal nating ginagawa araw-araw ay gamot din pala na panlaban sa mga mikrobyo.

Narito ang isang kuwento na naitala sa kasaysayan ng medisina:

May isang pangkaraniwang estudyante ang lumitaw sa mundo, hindi siya matalino, siya nasa average lang, as in, hindi kagalingan pero hindi naman kahinaan sa kanyang pagiging mag-aaral.

Hindi niya hilig ang ibang bagay dahil ang hilig niya ay gumuhit ang magpinta,

pero siya ay kilala sa larangan ng chemistry-medicine.

Sa kanyang panahon, mahilig sa alak ang mga tao, kaya lang, ang mga alak ay madaling umasim kaya nasisira ang lasa at nakakasama sa kalusugan.

Dapat din nating isaalang-alang na ang gamot ay hindi lang tumutukoy sa mga drugs dahil ito ay para rin sa mga paraan at ginagawa o puwedeng gawin. Naghanap siya ng paraan para ito ay masolusyunan at kanyang nadiskubre na kapag pinakuluan ang alak at pinalamig, nawawala na ang pag-asim dahil namamatay ang germs sa pamamagitan ng pagpapakulo.

Ikaw, marunong ka bang magpakulo ng tubig? Ikaw ba ang nakaimbento ng pagpapakulo ng tubig? Siyempre, hindi, dahil dati nang marunong magpakulo ng tubig ang mga tao.

Ang pangalan ng taong nakatuklas na ang pagpapakulo sa upang hindi ito umasim at mamatay ang mga germs ay si Louis Pasteur, na lalong kilala sa sistemang medical na “pasteurization.”

Makikita natin na ang tulad ng simpleng pagpapakulo ng mga pagkain, bagay at iba pa ay nakakapatay ng mikrobyo at nakakapagligtas ng maraming buhay.

Ito rin ang dahilan kung bakit ang “suob” ay hindi natin dapat maliitin kundi mas magandang pag-aralan pang mabuti dahil ayon sa mga personal na karansan ng mga nagka-COVID-19, sa suob sila gumaling.

Itutuloy

Kuwento ng kasaysayan tungkol sa ‘di inaasahang pagkadiskubre ng gamot

ni Sr. Socrates Magnus II - @Karunungang Lihim| August 3, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Muli, hindi totoong walang gamot sa COVID-19. Maging si Pangulong Rodrigo Duterte ay naniniwala na may gamot dito, kaya inanunsiyo niya na bibigyan ng milyun-milyong piso ang sinumang makahanap ng gamot sa COVID-19.

Kahit naman matanda at mukhang mahina na ang pangulo, alam na alam niya ang kanyang sinasabi at buo ang kanyang paniniwala na may gamot sa COVID-19.

Sa kasaysayan ng medisina sa buong mundo, ang nagsasabi na walang gamot sa isang sakit o karamdaman ay napapahiya lang sa huli.

Tulad ng naitala sa kasaysayan na may isang tao na nag-eeksperimento at naghahanap ng gamot laban sa influenza virus sa Laboratory of the Inoculation Department at St. Mary’s Hospital in London noong 1928.

Ang taong ito ay si Sir Alexander Fleming, Scottish researcher. Noong nag-experiment siya kung paano gagamutin ang trangkaso, napagod siya dahil sa mahabang araw ng kanyang pagsasaliksik.

Iniwan niya ang kanyang laboratoryo at siya ay nagbakasyon. Sa pagbabakasyon, alam niyang makakabawi siya ng sigla at lakas para muling manaliksik ng gamot laban sa influenza.

Sa kanyang pagbabalik, laking-gulat ni Fleming dahil nakita niya na ang mikorbyong staphylococcus ay hindi dumami at sa halip ay namatay pa.

Sa ganito nagsimula ang pagkakadiskubre sa penicillin, kaya si Fleming ay kinikilalang naka-discover ng penicillin. Sa ngayon, ang penicillin ang most used antibiotic sa buong mundo.

Ito ay nagpapakitang wala pa ring gamot laban sa staphylococcus bacteria dahil hindi naman sinasadya na madiskubre ni Fleming ang penicillin.

Tulad ngayon, ayon sa Department of Health (DOH), walang gamot sa COVID-19, parang hindi nalalayo pabalik sa kasaysayan ng medisina na walang gamot laban sa mga mikrobyo, pero mayroon naman pala.

Ang ibig sabihin ng “discover” ay mayroon, kaya lang hahanapin o didiskubrehin pa. Ito ang tunay na dahilan kung bakit ang mga pangulo ng lahat ng bansa ay naniniwala na may gamot sa COVID-19 kaya tulad ng ating pangulo, sila rin ay umaasa na may madidiskober na gamot.

Hindi lang ang kasaysayan ni Fleming at penicillin ang naitala dahil marami pang mga sakit ang inakala na walang gamot o karamdamang walang lunas o salot na naminsala sa buong mundo at sa huli ay may nadiskubreng gamot at lunas na noon pala ay ginagawa nang traditional medicine.

Kaya sa mga nagsasabing hindi gamot ang ganito at ganu’n o hindi lunas ang ganito at ganu’n na ginagawa ng mga tao para labanan ang COVID-19 ay mali dahil sinisira nila ang positibong dikarte ng mga gustong makatulong sa paghahanap ng lunas sa COVID-19.

Itutuloy

Katotohanan sa paggamit ng tuob kontra COVID-19

ni Sr. Socrates Magnus II - @Karunungang Lihim| July 31, 2020

Bigyang-daan natin ang pagpapatuloy sa mga bagay na kailangang gawin ng tao, may COVID-19 pandemic man o wala.

Pag-aralan natin ngayon ang sinasabing “walang gamot” sa COVID-19. Ito ay hindi totoo dahil ang mas tamang sabihin ay may gamot sa COVID-19, pero hindi pa nadidiskubre.

Nakapagtataka ang madalas na sinasabi ng Department of Health (DOH) kapag may lumabas na nakahanap ng solusyon para mapagaling ang kanilang naranasang pagkakasakit ng COVID-19.

Ang huling sinabi ng DOH na walang gamot sa COVID-19 ay tungkol sa naranasan ng mga taga-Cebu City na bumubuti ang kanilang katawan sa “tuob”. Makikitang ang DOH ay sobrang kill-joy at mukhang bulag sa katotohanan na ayaw magsuri o mag-aral kung bakit nauso sa Cebu ang tuob.

Ayon sa isang opiyales ng pamahalaan sa Cebu, may isang pamilya na ang anak nila ang kumpirmadong may COVID-19 sa USA o America. Pero dahil sa sobrang dami ng may COVID-19 sa USA, ang nasabing pamilya ay hindi na tinanggap sa mga hospital.

Nagkataong ang nanay ay taga-Cebu kaya sa takot na mamatay sila, nag-message sila sa mga kamag-anak sa Cebu kung paano ang tamang paraan ng pagtu-tuob dahil alam niyang ito ay isang tradisyunal na paraan ng panggagamot sa kanilang bayan. Hindi lang isang kaanak nila ang hiningan niya ng payo para makatiyak siya na tamang paraan ang gagawin nilang pagtu-tuob.

Sa madaling salita, ang kanyang buong pamilya na gumamit ng tradisyunal na paraan o tuob ay nagsigaling sa COVID-19.

Sa ganitong katotohanan, hindi dapat sisihin ang mayor na nagpayo sa kanyang mga kababayan na gamitin din ang tuob para labanan ang COVID-19.

Samantala, parang napahiya ang mga taga-DOH dahil ayon sa mga taga-Cebu, epektibo ang tuob para sa kanila. Parang siniraan pa ng DOH ang tuob at sinabing hindi ito gamot sa COVID-19.

Walang karapatan ang sinuman ngayon na sabihing walang gamot sa COVID-19 dahil patuloy ang lahat sa paghahanap ng gamot.

Mismong si Pangulong Rodrigo Duterte ang nag-announce na magbibigay siya ng milyun-milyong piso sa sinumang makakahanap ng gamot kontra COVID-19. Ibig sabihin, hindi siya naniniwala sa sinasabing walang gamot sa COVID-19.

Ang ibig sabihin ng “discover” ay ‘yung nasa tanong na “Who discovered the Philippines?” Ang sagot ng lahat na nag-uunahan pa kung sino ang unang makasagot ay si Magellan.

Malinaw na hindi si Magellan ang sagot dahil wala pa siya ay Pilipinas na ang naghihintay ng mga dayuhang nagsasabing sila ang naka-discover sa bansa natin.

Kaya ang wala pang nadidiskubreng gamot ay hindi nangangahulugan na walang gamot. Ito ay simpleng nagsasabi na naghihintay ang gamot na ito o sila na madiskober ng masuwerteng tatanggap ng milyun-milyong piso.

Itutuloy