COVID-19, nananatiling mahiwaga sa buong mundo kahit moderno ang panahon

ni Sr. Socrates Magnus II - @Karunungang Lihim| August 12, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Mahiwaga ang COVID-19 dahil sirang-sira ang mga eksperto, hindi lang dito sa ating bansa kundi maging sa buong mundo.

Sa una, kumikilos at nagkakaisa ang lahat dahil sa paniniwalaang kakayanin ng mga dalubhasa ang COVID-19 kaya inakala nila na hindi ito sobrang lalaganap sa mundo.

Sa ganitong sitwasyon, makikitaan ng sobrang pagkalito, hindi lang ang mga tao, gobyerno kundi maging ang mga nasa larangan ng medisina.

Sa una, maaalala natin na walang tigil sa pagsasabing huwag mag-facemask ang mga tao dahil ito ay para lang sa mga health workers, frontliners at sa mga taong may sakit na. Kumbaga, kapag wala kang sakit at hindi ka frontliner, huwag ka nang mag-facemask.

Iba na ngayon, lahat ay pinagagamit na ng facemask at base sa balita, ang lahat ay inuutusang mag-facemask kahit sa loob ng bahay, pero noong una ay sinasabing hindi huhulihin o walang anumang paglabag sa batas ang mga hindi naka-facemask sa loob ng bahay.

Hindi katagalan, ang face shield ay para lang din sa mga frontliners, pero ngayon, lahat ng lalabas ng bahay ay dapat na ring naka-face shield.

Nakagugulat ang mga balitang ganito dahil hanggang ngayon ay hindi naman inaamin ng Department of Health (DOH) na ang “airborne” ay isa sa mga paraan para mahawa, pilit nilang sinasabi na may contact sa virus ang sistema ng hawaan.

Kaya huwag na tayong magulat kung makikita nating naka-face sheild ang mga senator at congressman sa session at maging ang mga nagmi-meeting na opisyales ng gobyerno ay makikita natin na naka-facemask na, naka-face shield pa.

Bukas kaya, ano na? Dahil hindi pa naman bumubuti ang kalagayan ng pandemya, hindi nakapagtataka kung bukas-makalawa ay naka-full body armor na ang mga tao.

Ganu’n siguro talaga ang buhay sa mundo, may mga bagay at pangyayari na kahit tayo ay nasa modernong panahon ay nananatiling mahiwaga tulad ng COVID-19.

Pero huwag tayong mawalan ng pag-asa at hindi rin puwede na hindi tayo kikilos, mag-isip at gumawa ng paraan. Ito lamang ang tunay na susi kung paano nakaliligtas ang mga tao sa salot na dinanas na at maaaring danasin pa.

May isang pandak na tao, siya ay minamaliit ng kanyang mga kasabayan at maging ang kanyang ama ay minamaliit din siya at madalas siyang sabihan nang pasigaw na wala siyang pag-asa at siya ay malaking failure kahit siya ay pandak. Nakakatawa na nakakaawa ang naging bahaging ito ng kanyang buhay. Dahil sa sinabi ng kanyang ama, ang mga tao ay muli, natatawa na naaawa sa kanya.

Pero siya ay sumikat sa buong mundo dahil sa hindi maintindihan ng maraming tao na formula na kanyang ibinandera na “E = mc2.” Siya ay walang iba kundi si Albert Stain.

Itutuloy

Kilalanin: alagad ng medisina na nagpatunay na nasa paligid lang ang gamot sa sakit na akala’y...

walang lunas

ni Sr. Socrates Magnus II - @Karunungang Lihim| August 10, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Sa panahon na kung tawagin sa kasaysayan ay “The Renaissance,” ang mga tao ay nagkaroon ng kalayaan na magsaliksik, mag-aral at magsuri ng anumang bagay o pangyayaring kanilang mapag-interesan.

Isang physician na ang pangalan ay Pietro Mattioli na taga-Siena ay nagsaliksik tungkol sa mga gamot ng sinaunang tao sa mundo. Hinalungkat niya ang mga kasaysayan ng mga lumang pamayanan, nahumaling siya sa kaalaman na puwede niyang matutunan na makukuha niya sa mga sibilisasyon na naglitawan sa mundo.

Malinaw sa kanya na ang tradisyunal na panggagamot ay mapakikinabangan sa makabagong panahon at natuklasan niya na ang bawang o garlic ay puwedeng ipanggamot sa digestive disorders.

Sa kanyang panahon, ang sakit sa tiyan ay mahiwagang karamdaman, walang gamot at ibinibintang sa mga mangkukulam, mangbabarang at manggagaway. Maraming tao ang nasiraan ng buhay dahil napagbintangan na mag-uusog, mangbabalis at mangkukulam.

Dahil alagad ng agham ng medisina si Pietro Mattioli, siya doktor at hindi siya naniniwala sa mga mangkukulam dahil wala ito sa dictionary ng siyensiya at iba pang kung anu-anong likhang-isip na kinatatakutan ng tao.

Ayon sa kanyang pag-aral, ang gamot sa digestive disorder o sakit sa tiyan ay bawang at walang kinalaman ang kulam at balis.

Makikita natin na habang ang mundo ay sumusulong sa pang-unlad, ang mga gamit sa sakit ay narito lang at naghihintay na madiskubre.

Tulad ng naranasan ni Pietro, ang mga tao ay naniniwala na walang gamot sa kulam, barang at gaway, pero nang makita nila na ang bawang pala ay mabisa sa inaakala nilang sakit na gawa ng mga mangkukulam, sila ay lumaya sa maling kaisipan.

Kaya lang, may nakatutuwa sa kasaysayang pinag-aaralan ngayon dahil dito rin nagsimula ang malaking kamangmangan ng tao—ang paniniwala na ang mangkukulam, mangbabarang at manggagaway, aswang at mga engkanto ay takot sa bawang. Ang mga tao ay naglalagay ng bawang sa bintana, pintuan, bubong at silong at may bawang na dala-dala sa bulsa, bag at may nakatali pa sa baywang.

Tulad ng COVID-19 na kinatatakutan ng buong mundo, na inaakala ng marami na walang gamot pero patuloy ang mga mananaliksik sa pag-aaral kaya hindi tayo dapat mawalan ng pag-asa at baka sa pagtulog natin sa gabi at paggising sa umaga, may gamot na sa COVID-19 at ito ay katabi lang pala natin.

Masarap mag-aral ng history dahil namumulat tayo sa mga bagong kaalaman na hinugot sa lumang kaalaman. Sa ganyang katotohanan, masaya at makabuluhan ang magsuri sa kasaysayan.

Itutuloy

Alamin mula kay Señor... paraan kung paano nadiskubre ang gamot sa nakamamatay na sakit

ni Sr. Socrates Magnus II - @Karunungang Lihim| August 7, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Muli nating buksan ang pahina ng kasaysayan ng mundo at medisina. Pabalik nating silipin ang “panahon ng paglalakbay” at ito rin ay tinatawag sa history na “The Age of Sail.” Ibig sabihin ng “sail” ay paglalakbay sa karagatan o sea travel. Gamit ang malalaking barko, sakay ang daan-daang tripulate at pasahero, maglalayag sila sa dagat ng mahabang mga araw at minsan ay inaabot ito ng maraming buwan.

Marami ang nagkakasakit ng “scurvy” na kadalasan, sa hanay ng mga tauhan ng barko ang tinatamaan. Naitala na marami ang namamatay dahil sa scurvy at ayon sa mga datos, 50% ng sailors ay puwedeng mamatay sa nasabing sakit at ito ay nakagugulat dahil ang ganu’ng bilang ng namamatay ay sa isang pagbiyahe lang.

Noong 1753, isang surgeon ng Royal Navy na si James Lind ay kinilala sa kanyang paraan ng paggamot sa scurvy sa pamamagitan ng pagkonsumo o pagkain ng citrus fruits. Maraming manlalayag ang nailigtas ng citrus fruits, kaya ganu’n na lang ang pasasalamat ng lahat kay Lind.

Gayunman, noong 1795, ipinalit ni Gilbert Blane (mula rin sa Royal Navy), ang lemon juice sa citrus fruits.

Makikitang ang mga salitang “walang gamot” sa isang sakit ay ang pinakawalang kuwentang marinig dahil sinisira nito ang positibong kaisipan ng mga tao.

Bago natuklsan ni Lind ang citrus fruits, ayon sa kasaysayan ay muli, 50% ng manlalayag ang namamatay. Makikitang ang citrus fruits ay dati nang nand’yan, kumbaga, ang gamot pala sa scurvy ay naghihintay lang na madiskubre. Vitamin C nakagamot sa sakit na scurvy na noon ay nakakamatay.

Narinig mo na ba na ang Vitamin C din ang iniinom ng mga nagsigaling sa COVID-19 at ito ay patuloy nilang iniinom?

Narinig mo na ba na ang lahat ng mga doktor na nagpapayo sa mga tao na uminom ng Vitamin C dahil may COVID-19 sa paligid?

Gayunman, hanggang ngayon ay patuloy na pinag-aaralan ng mga dalubuhasa sa kalusugan ang Vitamin C laban sa COVID-19.

Kahit hindi pa tapos pag-aralan ang pag-inom ng Vitamin C bilang panlaban sa COVID-19, maganda pa ring sumunod sa payo ng mga doktor na uminom nito.

Ang Vitamin C ay nasa mga prutas. Mayaman sa Vitamin C ang bayabas, lemon, orange at iba pang citrus fruits.

Hindi ka mahihirapang maghanap nito dahil araw-araw, may kalamansi sa mga palengke, ang orange at iba pa ay palaging ibinebenta.

Kung ang mga ito ay isa gamot sa COVID-19, ang sinasabing “Walang gamot sa Covid” ay mali, dahil ang nagsasabi nito ay hindi pa man isinilang sa mundo ay may mga kalamansi at orange na, as in, nauna ang mga prutas na nasabi kaysa sa COVID-19.

Itutuloy