May nagpatalon daw sa puso niya… SHARON, PINATANDAAN SA FANS ANG DATE NA MARCH 5, 2021

ni Rohn Romulo - @Run Wild | April 16, 2021

Ang laki-laki nga ng naging paghanga ni Megastar Sharon Cuneta sa kanyang direktor sa Revirginized na si Darryl Yap, na kahit batambata pa ay napaka-genius sa pag-iisip ng mga kakaibang pelikula.

Inamin naman ng direktor sa past interview niya na number one sa ‘bucket list’ niya ay maidirek si Sharon at nakalagay 'yun sa kanyang Facebook account, kaya ganu'n na lang ang tuwa niya nang early this year ay matanggap niya ang magandang balita mula sa Viva Films na magse-celebrate ng 40th anniversary ngayong November.

Kuwento ni Direk Darryl nang tanungin siya ni Sharon kung ano ang mae-expect ng mga Sharonians — na unang nag-react kung bakit niya tinanggap ang Revirginized — na hindi pa niya nagagawa sa past movie niya, “Sabi nga, you have to expect the unexpected.”

Kakaibang experience kay Sharon ang pagbabalik-Viva niya dahil new generation ang katrabaho niya, kaya bagung-bago ito para sa kanya, kung saan si Direk Darryl ang bahala sa lahat sa kabuuan ng pelikula.

First time nga niya na makagawa ng movie na ilang days ay tapos na. Naaalala ni Sharon na ang shortest movie niya raw ay Crying Ladies na tumagal naman ng 19 shooting days.

Ayon sa pagkukuwento ni Sharon sa kanyang YouTube channel, iikot ang story ng Revirginized sa isang weekend lang, “The transformation of this sad woman’s life, so I’ll stop there because ang daming surprises. But it’s nice, it’s a coming-of-age movie in many different contexts.

“So, I’m very excited, parang it’s time naman, I think I’ve earned the right after four decades to experiment and do movies that are not really kind of movies that my audience is used to seeing me in.

“So, when it’s like that you take a chance, usually it’s worth it. At least, pag-retire ko, nagawa ko na ang gusto ko.”

Ini-reveal din ni Mega na marami pa siyang gagawin this year, na kung saan sakto naman sa big celebration ng Viva Films ngayong 2021.

“Remember this laugh, remember this moment, today is March 5, 2021, because right at this moment I can’t tell you what is inside my head and what’s making my heart jump.

“But you’ll know in a very short time, I hope it won’t have to come from me but you will know, so… pray for me.”

Early this year, naiulat na magkakaroon siya ng dalawang teleserye, isa sa VivaMax at isa sa ABS-CBN na mukhang matutuloy pa rin.

At dahil natuwa naman siya sa kinalabasan ng Revirginized, isa pang movie ang pagsasamahan nila ni Direk Darryl at naibalita na rin ang muli nilang pagsasama ng direktor niya sa horror flick na Kuwaresma na si Erik Matti, na kung hindi kami nagkakamali ay isang dramatic movie.

Kaya naman, masayang-masaya ang mga Sharonians dahil marami silang aabangan na projects ng Megastar at mauuna na nga ang Revirginized kasama ang newest leading man niyang si Marco Gumabao na ipapalabas na sa Mayo at posibleng itapat sa Mother’s Day.

Balitang magbabalik-taping na rin sina Sharon para sa Your Face Sounds Familiar na natigil dahil biglang nag-ECQ.

Dapat daw box office queen din… WANTED: AKTRES NA SASAMPAL KAY NORA SA MOVIE

ni Rohn Romulo - @Run Wild | February 1, 2021

Kung excited ang lahat na malaman kung totoong buntis si Marian Rivera, excited din ang mga netizens sa kalalabasan ng pagtanggap ni Superstar Nora Aunor sa lead role ng Kontrabida na in-offer ng Godfather Productions ni Joed Serrano.

Ang naturang role na ididirek ni Adolf Alix, Jr. ay sigurado raw na magmamarka sa mga nagampanan ni La Aunor na puwedeng ihanay sa Himala, The Flor Contemplacion Story at iba pa niyang pelikula na ‘di na malilimutan sa history ng Philippine movies.

For the first time nga ay magiging kontrabida si Ate Guy sa buong pelikula, at parang tribute na rin sa mga namayapang beteranang aktres tulad ni Ms. Anita Linda (na favorite ni Direk Adolf at naidirek pa niya ang mga huling pelikula nito), at sa ilang tumatak na kontrabida dahil sa kahusayan tulad nina Bella Flores, Rosa Rosal at Zeny Zabala.

Pahayag pa ng nag-iisang Superstar, wala nga namang bida na umaangat kung walang magaling na kontrabida. Na aminin natin, ito ang inaabangan ng mga Pinoy viewers, na enjoy na enjoy nating panoorin lalo na sa mga dramatic films, kung saan matapos magbangayan ay magsasampalan.

“Kailangang may kumokontra. Sa lahat ng bagay, kailangang may kumokontra,” sey pa ni Nora na maaaring first and last ito at hindi na mauulit pa.

Panalo rin ang supporting cast ng Kontrabida dahil makakasama ni Ate Guy sina Rosanna Roces, Bembol Roco at Jaclyn Jose.

Pasok din ang mga alaga ng Godfather Productions na sina Nathan Charles at Ricky Gumera na fresh na fresh sa success ng Anak ng Macho Dancer, na bago pa ang araw ng streaming worldwide ay balitang naka-P70 million na at tumaas pa noong Sabado bago ito nag-premiere.

Samantala, pinag-uusapan din kung sino kaya ang aktres na tatanggap ng role na sasampal kay Ms. Nora Aunor na magiging pinaka-highlight ng Kontrabida.

Payag naman si Ate Guy na gawin sa kanya 'yun dahil sa kagustuhan ng kanilang direktor.

May hint na ibinigay ang producer na si Joed, dapat daw ay malaki ring bituin tulad ni Ate Guy, na imposible namang ang Star for All Seasons na si Ms. Vilma Santos-Recto na maaalala namang nagbida sa kakaibang indie film na Ekstra.

Kaya napaisip kami kung sino ang magpi-fit na sinasabing blockbuster star o box-office queen na kasingkalibre ng Superstar sa kanyang naabot na kasikatan.

Well, isa sa mga pumasok sa aming isipan si Megastar Sharon Cuneta, na aminadong unang naging Noranian bago naging Vilmanian.

Anyway, ano kaya kung offer-an siya nina Direk Adolf at Joed, tanggapin kaya ni Mega ang special cameo role?

Makayanan kaya niyang sampalin sa pelikula ang Superstar na isa sa kanyang iniidolo noong nagsisimula pa lang siya sa showbiz industry at gumagawa ng sariling pangalan bilang isang magaling na singer at actress hanggang sa bansagan na Megastar?

Masyonda na, sobrang payat pa… SIGAW NG NETIZEN: TONI, MUKHANG TUYOT, 'DI BAGAY NA SASSY GIRL

ni Rohn Romulo - @Run Wild | January 27, 2021

Matapos na i-reveal last week ng TinCan Films na si Toni Gonzaga ang gaganap sa title role ng Philippine remake ng South Korean hit rom-com movie na My Sassy Girl, nagkaroon ng separate announcement sa magiging leading man ng tv host-actress.

Sa naturang production outfit nina Toni, in-announce na sa official Facebook page at Twitter last Monday (January 25) na si Pepe Herrera ang napili nila, kasama ang mga photos na kuha sa set ng kanilang movie.

“Grateful for your warm response for our Sassy Girl. Today, let us celebrate the guy who will tell her story. We are proud to share with you Pepe Herrera as our leading man for My Sassy Girl,” post ng TinCan Films.

As expected, may kani-kanya na namang comments ang mga netizens. Marami naman ang nagkagusto at na-excite sa tambalang Toni at Pepe, dahil sa totoo lang, mahusay na aktor ang huli.

Pero meron ding ‘di natuwa dahil may mas bagay daw sa role tulad nina Vhong Navarro at Janus del Prado na naka-partner na ng sister ni Alex Gonzaga.

Natawa naman kami sa naging comment ni Alex sa IG post ng ate niya ng series of photos kasama si Pepe na may caption na, "My Sassy Girl."

Sey ni Alex, “Pepe and my Ate Kiffy, ay Sassy pala!” na nakakuha ng maraming likes at nakatutuwang comments.

Ilan ito sa mga naging opinyon ng mga netizens:

“Funny si Pepe Herera pero hindi ba masyadong matanda sila sa role?"

“Porke't sikat sa Netflix si Pepe, 'yun din kukunin kahit hindi bagay."

“Mas bet ko si Janus! May chemistry din sila sa Four Fisters."

“Nang dahil kay Pepe Herrera, gusto kong panoorin ito."

“This guy is so underrated."

“I love Pepe! He is a good actor."

“Bagay sila."

“Sana, kay Empoy na lang ibinigay ang role."

“Medyo matanda na sila sa role, pero nabigla ako kay Pepe, ha? Akalain mo, pogi pala siya. Ang tangos ng nose."

Sa vlog naman ni Toni, inamin niya na isa ito sa mga greatest achievements niya sa showbiz career niya, dahil 2006 pa pala niya ito gustong gawin.

Hindi raw niya malilimutan nang unang mapanood ang My Sassy Girl sa set ng rom-com movie nila ni Sam Milby na You Are the One 15 years ago, dahil sa suggestion ni Direk Cathy Garcia-Molina.

“'Yan ang peg namin sa ‘yo. Dapat ganyan ka, may pagka-feisty,” pag-alala niya.

Pero meron pa ring hindi maka-move on na si Toni ang gaganap sa PH remake ng My Sassy Girl.

Sey nila, “Okay lang, still a better leading lady would've made the big difference.

“Seryoso ba talaga na si Toni? Dapat kay Kim Chiu na lang para mas bagets."

“OK, paano kaya pababatain ang hitsura ni Toni, eh, lalo siyang nagmukhang tuyot ngayon na sumobra ang payat niya?"

“'Yung version ba nila ng Sassy Girl is adult stage na? Impossible kasing college students, eh.”

Pero ang pinakanakakalokah na comment ng netizen ay, “My Matrona Girl :)”

Grabe talaga! Pero kahit ano pa'ng sabihin ng iba, for sure, marami ang magkakainteres na panoorin ang Pinoy remake ng My Sassy Girl na ia-announce soon kung kailan at saan ipapalabas.