JK, todo-hingi ng suporta para sa GF… HIRIT NG NETIZEN: MAUREEN, 'DI MARUNONG MAG-TAGALOG 'WAG IBOTO

SA MISS U-PHILS.

ni Rohn Romulo - @Run Wild | July 30, 2021

Nagbabala ang mga netizens na nakabasa ng Instagram post ni JK Labajo sa puwedeng mangyari sa kanilang relasyon ni Maureen Wroblewitz sakaling matagumpay nitong makuha ang minimithing korona sa Miss Universe Philippines.

Nanawagan nga si JK sa kanyang mga followers para suportahan ang girlfriend na pumasok sa Top 100 official candidates ng Miss Universe Philippines 2021.

Naaliw at kinilig ang mga followers ng magkasintahan at nangakong susuportahan nila si Maureen hanggang dulo bilang official candidate sa paparating na Miss Universe Philippines 2021.

Narito ang mga comments ng mga netizens…

“Kabahan ka na boy kapag naging MU ang GF mo!”

“They were together even before naging ASNTM (Asia's Next Top Model) winner si girl.”

“Download the app and voted for her already.”

“Sana 'pag manalo 'to, 'di ma-Janine Tugonon si JK.”

“The song Buwan was written as a birthday gift for her pala. I just found out the song was released on Maureen's birthday. Sweet din pala itong si JK.”

“Maganda siya, 'di mukhang retokada. Natural na natural ang beauty, sana 'di magpadagdag ng boobs.”

“She will not do that dahil nga nagmo-model din siya. Plus she has a slim figure 'di naman siguro niya nanaisin magka-backpain. Hehe.”

“Siya pinakamaganda mukha sa batch na 'to. Kaya lang, maliit siya, 5’6 lang.”

“Kamukha na naman ni Shamcey (Supsup)! Alam na.”

May isa namang bitter na netizen na nag-comment ng, “Naku 'wag n'yong aksayahin ang panahon n'yo sa pagboto diyan. Hindi nga marunong mag-Tagalog ang hitad na 'yan.”

Pero base sa obserbasyon ng mga netizens, mukhang malakas ang chance ni Maureen na mapasama sa Top 75 na ang online fans voting ay magtatapos sa August 1, hanggang sa huling cut na Top 30 na magko-compete sa grand coronation night na gaganapin sa September 25.

Ang kokoronahan naman ang magiging pambato ng bansa sa 70th Miss Universe sa December na gaganapin sa Eilat, Egypt.

Mabenta pa rin… MAINE, SA 3 CHANNELS NAPAPANOOD

ni Rohn Romulo - @Run Wild | July 27, 2021

Ang dami pa ring ganap ni Maine Mendoza, patunay na in na in pa rin at hindi pa nalalaos ang Phenomenal Star na patuloy na nagho-host sa Eat… Bulaga! na nagse-celebrate ng 42nd anniversary ngayong July 30.

May Daddy’s Gurl siya every Saturday with Bossing Vic Sotto sa GMA-7 at host sila ng Dabarkads na si Paolo Ballesteros sa PoPinoy: The Search for the Next-Gen P-Pop Stars every Sunday sa TV5.

At ngayong August 2, sa bagong BuKo Channel ay mapapanood na rin ang first vlog-like lifestyle show na #MaineGoals. Exclusive ito sa Cignal TV at SatLite CH. 2 na kanyang ini-endorse.

Available rin LIVE sa Cignal Play for FREE until September 30.

Siya rin ang napili at perfect na maging new endorser ng GigaPay, ang innovative collaboration ng Smart and PayMaya sa pamamagitan ng GigaLife App.

Kaya naman ang laki ng pasasalamat ni Maine dahil muli siyang kinuhang endorser.

Inalala niya na ang TNT ng Smart ay isa sa first endorsements niya noong 2015, na simula ng AlDub nila ni Alden Richards, na nag-celebrate naman ng simpleng 6th anniversary ang AlDub Nation, dahil nga sa nangyari sa kanilang love team.

Ayon kay Maine na under pa rin ng Triple A (All Access to Artists) Management, “It was such a big deal for me to get the trust of the biggest telco brand in the country at that time. Now, I’m so happy to be back to promote a smarter way to pay and proudly say, ‘Simple, Smart Ako.’”

Ibang level na… KIM AT JERALD, TODO-TIKIMAN SA MOVIE

ni Rohn Romulo - @Run Wild | July 18, 2021

Kahit nasa gitna ng pandemya, hindi talaga mapipigilan ang paghataw ng tambalang #KimJe.

Muling mapapanood ang real-life couple na sina Kim Molina at Jerald Napoles sa kanilang pangalawang pagbibidahang pelikula ngayong taon, ang Ikaw at Ako at Ang Ending na hatid ng Viva Films.

Mula sa kanilang unang successful na team-up sa pelikulang Ang Babaeng Walang Pakiramdam na ‘di pa natitinag sa Top 10 movies ng Vivamax, ngayon naman ay muli nilang nakatrabaho ang romantic movie hit maker at blockbuster director na si Irene Emma Villamor.

Ilan nga sa mga ‘di malilimutan at mapanakit na pelikula ni Direk Irene ay ang Camp Sawi, Meet Me in St. Gallen, Sid & Aya Not a Love Story, Ulan at On Vodka, Beers, and Regrets.

Say ni Kim tungkol dito, “We are very excited and happy nang malaman namin ni Je na makaka-work uli namin si Direk Irene. May kaba, dahil ibang genre siya, but at the same time, excited dahil iba talaga siya sa mga nagawa na naming movie."

Sobrang happy daw nila na nakatrabaho uli si Direk Irene na hindi nagdalawang-isip sa pagsugal sa kanila ni Jerald.

Iikot ang pelikula sa dalawang estranghero na pinagtagpo sa hindi inaasahang oras kung saan kapwa sinusubukang takasan ang kanilang mga miserableng reyalidad.

Nag-premiere sa YouTube ang teaser trailer ng pelikula noong July 11 at siksik ito ng takbuhan, car chasing at maiinit na love scenes nina Kim at Jerald, at mukhang puno ng suspense at aksiyon ang pelikula.

Siguradong marami rin ang magugulat sa kakaiba at mas daring na Kim at Jerald na mapapanood sa pelikulang ito, dahil ibang klaseng pag-arte ang kanilang ipapakita bukod sa kanilang pagpapatawa, kung saan mas nakilala sila.

Mapapanood na ang Ikaw at Ako at Ang Ending sa August 13, streaming globally sa ktx.ph, iWant TFC, TFC IPTV at sa VIVAMAX.