Anak, ibinuking ni Dingdong… JACKIE CHAN, GINAGAYA NI ZIA

ni Rohn Romulo - @Run Wild | November 27, 2021

Pagkatapos ng touching Instagram post ni GMA Primetime King Dingdong Dantes para sa unica hija niyang si Zia Dantes na nag-celebrate ng 6th birthday last November 23, may bago na namang handog ang mag-ama sa bago nilang TVC bilang newest ambassadors ng Shopee Philippines.

Sa virtual media launch na ginanap para sa #ShopeePH1212BigChristmasSale na marami na namang pakulo para sa mga online shoppers ngayong December, may secret na sinabi si Daddy Dong tungkol kay Zia.

Sabi ng aktor, “Si Zia, sobrang fan siya ng music ng Shopee. In fact, palagi niyang sinasabi na, ‘Shopee' o 'Salamat, Shopee!’

“'Pag napapanood niya ‘yung kay Jackie Chan na commercial, talagang nag-i-stick sa kanya ‘yun.

“And then, noong nalaman namin na magiging part kami ng Shopee family, sobrang excited ako for her dahil alam kong matutuwa siya.

“Sobra siyang magiging excited, that’s why we first get it as a secret. And slowly, inire-reveal namin sa kanya.

“At nu'ng itinatanong ko sa kanya ang good news, talagang lumaki ang mata niya. So, talagang we were absolutely delighted when we heard the news and we were given a chance to be part of this amazing company that Filipinos love.

“And part of our daily lives, and thanks na rin to the safe, convenience and rewarding shopping experience they provide.”

Dagdag pa ni Dingdong na excited na rin sa kanilang Christmas online shopping, “Zia and I were really excited during the shoot. Kasi bonding namin ang kumanta-kanta at mag-role playing, ako palagi ang kalaro niya.”

Anyway, kinagiliwan nga ng mga netizens at celebrity friends ang punumpuno ng damdamin na letter ni Dong para sa panganay nila ni Marian Rivera-Dantes dahil wala nga siya sa kaarawan ng anak at hanggang ngayon ay nasa locked-in taping pa.

Ipinost ito ni Dingdong sa IG at pinupuri ng mga netizens ang pagiging mabuting ama niya.

Kasama sa heartfelt letter na ginawa ni Dingdong ang jamming nila ni Zia kung saan feel na feel na inawit ng anak ang Can’t Help Falling In Love na pinusuan ng mga netizens at nagpa-wow sa mga celebrities.

“Oh, wow, ang galing naman!” reaction ni Regine Velasquez-Alcasid at may nag-comment na sana mag-collab sina Zia at Nate Alcasid.

Say naman ni Iza Calzado, “Wow! She truly is amazing! Happy Birthday, Zia!!!”

“She’s a STAR!!! Happiest birthday, Zia!!!” comment ni KC Concepcion.

Sabi naman ni Tim Yap, “Awwwwwwww. Kakatunaw naman this, Zia!!!! Happy 6th birthday to you!!!!”

Napa-comment din si Cherry Pie Picache ng, “Galing naman!!! Happy birthday, Zia!!! God’s brightest blessings!!!"

Na-touched din si Moira dela Torre at nag-comment ng, “So priceless!”

Reaction naman ni Maricris Garcia-Cruz, “Aaawwwww, Zia can sing!!! Happy birthday baby girl!!!"

Tuwang-tuwa rin si Jennifer Sevilla, "Wow!! She is extremely talented. She sings and plays music from the heart at that tender age! Happy Birthday beautiful Zia! Bravo! Ang sweet n'yong mag- Daddy.”

Amazed na amazed naman ang co-star ni Dingdong sa A Hard Day na si John Arcilla, “Such amazing rendition. It is coming from the heart…as if she exactly knows the meaning of the song (???) “…wise men say only fools rush in…” The instinct is so awesome…and the diction.

Another BIGGEST STAR in the making. Congratulations Yan @marianrivera and @dongdantes.”

Going back sa bagong endorsement ng mag-ama, ang bongga lang ni Zia dahil meron din siyang TVC kasama si Mommy Yan na patuloy pa ring umeere.

At sa edad ni Zia na anim, marami-rami na siyang mailalagay sa kanyang bank account, dahil sa true lang, marami talaga ang natutuwa sa kanya at effective na endorser tulad ng kanyang parents.

At dahil lumalaki na si Sixto na sobrang cute at bibo rin, kaabang-abang din ang magiging endorsement nito sa mga darating na panahon at tiyak na bongga rin ang mga TVC tulad ng kanyang Ate Z.

Rayver, mabait na raw, nawala pa… FANS, 'DI BOTO KAY PAULO PARA KAY JANINE

ni Rohn Romulo - @Run Wild | November 17, 2021

Isa kami sa mga nalungkot na totoo at kumpirmado ngang hiwalay na sina Janine Gutierrez at Rayver Cruz.

Isang buwan na palang magkahiwalay ang magdyowa, na ang rason ay nawalan daw ng oras sa isa’t isa, pero wala namang itinuturong third party.

At dahil nga sa kaganapan sa relasyon nina Janine at Rayver, bali-balita namang nagkakamabutihan na sina Rayver at Julie Anne San Jose na magkasama sa mga shows ng GMA-7 tulad ng The Clash at All-Out Sundays.

At si Rayver nga ang special guest ni Julie Anne sa part 2 ng digital concert na Limitless titled Heal, at marami ngang kinikilig sa kanilang tambalan.

Si Janine naman ay nali-link ngayon kay Paulo Avelino na katambal niya sa Kapamilya teleserye na Marry Me, Marry You na nagsimula na ang Book 2.

Sa Instagram account ni Rayver ay burado na ang ilang couple pictures nila ni Janine habang sa Instagram account ng aktres ay makikita pa ang couple pictures nila ng ex-boyfriend.

Reaction naman ng mga netizens sa breakup nina Janine at Rayver…

“Why naman? Mukha namang mabait at disente si Rayver.”

“Jusko day, mukha namang mabait si Rayver. Baka mapunta siya kay P, no way.”

“Another breakup na naman. Totoo nga ang sabi na 2021 ay Year of the Breakup.”

“Ahahahahahahahaha! Lumipat si lalaki sa GMA para magkasama sila, sabay lipat naman ni girl sa Dos! Meant to be!”

“Ok lang, 'di naman sila bagay.”

“Parang ‘di naman kasi sila bagay. Olats din mamili 'tong si Janine ng dyowa.”

Opinyon pa nila, posible namang magkadebelopan sina Paulo at Janine.

“Feel ko, type ni Paulo si Janine. Hindi pala-like si Paulo ng pics pero lagi siyang present sa post ni Janine.”

“Next niyan, sina Janine at Paulo na.”

“True, 'di na nakakagulat…parang type rin kasi ni J si P if you follow her social media accounts… pansin ko lang.”

“Good for her! Wala siyang future d'yan.”

“Mas good for him.”

“Puwede na kay Julie Anne. Char…”

“Ay, kahit sino, 'wag lang kay Janine.”

“SA WAKAS, NAUNTOG DIN.”

“Tapos, kay Paulo ang bagsak??? AHAHAHAHAHAHA.”

“Kaya takang-taka ako kay Paulo Avelino sa mga pahaging kay Janine, kahit pa sabihin na for promotion lang, 'yun pala, break na talaga sila.”

“Saw this coming nu'ng sinabi ni Paulo A. na single si Janine. Okay lang din naman. Busy sila sa kani-kanyang career lalo na si R. Parang last month, eh, araw-araw siya sa TV.”

“Eh, di sina Janine and Paulo na siguro. Tapos sina Julie and Rayver na rin. Ang saya.”

“Hindi kaya ma-develop si Rayver kay Julie, palagi silang magkasama sa show.”

“I feel something between Rayver and Japs talaga. Iba kasi 'pag lagi mong kasama.”

Dagdag-obserbasyon pa nila…

“Napa-browse ako sa IG nila. Si guy, wala nang bakas ni ate. Si ate, may isa pa 'kong nakitang photo nila together. Lol!”

“Kaya wala talaga 'yan sa kung low key ka sa social media or malakas ka mag-post. Parehas lang 'yan, 'pag 'di kayo, eh, magbe-break talaga. Itong dalawa ang low key lang, nag-break pa rin naman.”

“Maka-judge 'to sa tao, akala mo, ang perfect. Baka nga mas malaki pa ang narating niya kesa sa 'yo. Please spread some kindness and stop bashing Janine, hindi naman natin alam 'yung buong reason bakit sila nag-break. Give them some privacy and peace, God bless.”

“Grabe mga nanlalait kay R, ah, catch kaya siya, mabait sa family, no scandals, may investments, business and bahay na, ang taas ng standard n'yo, ah.”

“Grabe makalait. The Cruz brothers are a catch. May hitsura, hindi walwal, tight knit family at masinop sa pera. They may not be pambida levels but they are hardworking. Tingnan mo nga naman, nakapagpatayo ng magagandang bahay.”

ELLEN, SUPER-GANDA, DEREK HAGGARD AT TUMANDA SA KASAL

ni Rohn Romulo - @Run Wild | November 13, 2021

After nine months na magkarelasyon, ikinasal na nga sina Derek Ramsay at Ellen Adarna noong Huwebes, November 11, sa yayamaning Rancho Bernardo Luxury Villas sa Bagac, Bataan.

Lumabas ang kagandahan ni Ellen sa napiling white wedding gown na gawa ni Marc Rancy, habang ang guwapo naman ni Derek sa kanyang Bianca Cordero suit.

Supalpal ang mga bashers na inunahan ang aktor at nagsabing never itong magpapakasal at tinaningan pa ang relasyon nila ni Ellen na nagsimula sa isang dinner party sa bahay ni Derek noong January, 2021 kung saan si Ruffa Gutierrez ang nag-share ng photos at videos kasama ang couple.

After two months, nag-propose na nga si Derek kay Ellen at last month naman inilabas ang kanilang prenup pictorial.

Anyway, kahit marami ang nagsasabi na ang ganda ni Ellen sa araw ng kasal nila ni Derek, may ilang pumupuna rin sa kanyang simple but elegant wedding dress.

Say ng netizens…

“Akala ko, ayaw niya mag-wedding dress?”

“Congrats! But, sorry, bakit parang inarkila 'yung gown at suit ng groom…”

“Her wedding dress isn't even a typical wedding dress. It can be worn sa ibang occasion. And she is a strong independent woman who doesn't need a man, she married Derek dahil mahal niya at mahal siya at hindi dahil kailangan niya.”

“Nakaka-proud, sobrang yaman nilang pareho pero sobrang simple ng kasal, parang role play na ni-rent 'yung costume. Sa panahon ngayon, dapat talaga, practical na.”

“In fairness, ang ganda ni Ellen, parang Lucy Torres sa biglang tingin.”

“Ang simple lang ng ayos ni Ellen pero ang ganda-ganda niya pa rin, glowing bride talaga.

Sana end game na talaga nila ang isa't isa.”

“Can’t deny na napakaganda ni Ellen. Blooming bride with her barely there makeup. Pero maliit siyang tingnan sa solo picture niya? Pero ganunpaman, ganda niya. Bagay sa kaputian niya ang gown. Derek is so lucky to have her.”

Ang daming netizens na nag-congratulate kina Ellen at Derek at touched na touched daw sila sa simple pero solemn na kasal ng dalawa.

“Congrats Ellen and Derek. Ayan, manahimik na nawa kayo sa social media.”

“Congrats Mr. and Mrs. Derek and Ellen Ramsay… love, love, love!”

“Congratulations Mr. and Mrs. Ramsay. Let’s all just be happy for the newlyweds. 'Wag nang nega.”

Kung pinupuri si Ellen, nakatanggap naman ng batikos si Derek sa mga photos na lumabas, na mukhang nahulas siya dahil mukhang kainitan pa habang sila’y ikinakasal.

At parang nakalimutan yata ng bongga nilang glam team na mag-retouch para naman napunasan ang pawis o ang oily face ni Derek at nang lumabas na maganda sa mga photos at videos, dahil okey naman ang kuha niya before the wedding ceremony.

Pansin tuloy ng mga netizens na na-haggard si Derek at parang ang laki ng itinanda.

Agree rin kami, mas gusto talaga namin 'yung dating hitsura niya na mas hot ang dating.

Kaya say nila, “Hitsura ni Derek naman. 'Di man lang nagsuklay nang maayos o nagpagupit.

Ang ill-fitting pa ng suit.”

“Trueee. Haggard ng hair.”

“Mas bagay kasi sa kanya kalbo, eh!”

“Parang stressed or hindi seryoso, LOL! We all know he could dress better than this.”

“Oiliness face ni Derek.”

“Kung ano'ng ikinaganda ni Ellen, siya namang ikina-haggard ni Derek.”

“Parang tumanda si Derek sa hair niya. Mas bagay kalbo sa kanya.”

“Ang laki ng itinanda ni Derek sa hair transplant niya. Hindi na siya masyadong pogi. Ang gandang bride ni Ellen though.”

Isa pa sa kapansin-pansin ngayon sa mga kasalan, imbes na mag-enjoy ang mga bisita na naka-postura, na pumapalakpak sana sa pagpasok ng wedding entourage at paglalakad ng bride, nakatutok sila sa pagkuha ng photos at videos.

Nakaka-sad lang at nakakawala ng solemnity ng wedding ceremonies, at hindi magandang makita ang ganu'ng background ng ikinakasal na parang mga paparazzi na gustong makipag-unahan sa official photographers at videographers.

Anyway, cheers and best wishes to Derek and Ellen Ramsay, bigyan sana agad kayo ni Lord ng anak!