Pa'no raw magpapakasal? HIRIT NG NETIZENS: BEA, 'DI NAMAN NIYAYAYA NI DOMINIC

ni Rohn Romulo - @Run Wild | December 27, 2021

Sa Q&A na ‘Ask Away’ ni Kapuso actress Bea Alonzo sa kanyang Instagram Story, maayos niyang sinagot ang tanong ng isang netizen na, "You’re not getting any younger po, when will you get married and have kids like Marian, Anne, Jennylyn, etc.?"

Pabiro itong sinagot ni Bea ng, "May taxi?!"

Dagdag pa ng girlfriend ni Dominic Roque, "Hindi ako nagmamadali. I’d like to take my time.

It’s not a race after all. I believe we all have our own timeline."

Last August, 2021, inamin nga ni Bea na magkarelasyon na sila ni Dominic. Hindi talaga maitatago ang kanyang kaligayahan, na sa wakas ay natagpuan na niya ang bagong mamahalin at magmamahal sa kanya.

As usual, super react ang mga netizens na ang iba’y na-off sa tanong tungkol nga sa pag-aasawa at pagkakaroon ng anak, na parang ang netizen pa ang inip na inip.

Comments nila:

“Mga tao nga naman, pala-desisyon sa buhay.”

“Patience is where we realize that to rush something is to compromise it to its own destruction.

Maturity is to realize that the most effective way to stop the destruction is by beginning to develop patience. And the first place that we need to do that is with ourselves. - Craig D.

Lounsbrough “So, never let anyone rush you. Don't let anyone control your decisions in life.”

“Patience is a virtue…”

“Ang payo ko sa mga babae na mid-30s, 'wag magmadali. Nakakatakot mapunta sa maling tao.”

“Sukatan ba ng fulfillment at success ang pagkakaroon ng asawa at mga anak? Kelan kaya magbabago ang way of thinking ng mga Pinoy.”

“Maarte ka kasi o kaya 'di pa sure kay Dom."

“Regardless kung maarte siya or hindi pa sure sa current BF niya, WALA KA NANG PAKE DOON. Buhay niya 'yan, so mind your own business.”

“I love Bea Alonzo!!! Never pa ko nakabasa ng article na sumagot si Bea nang rude or may sinagot siyang basher.”

“Hindi mandatory na magpakasal and magkaanak. If a person finds fulfillment sa pagiging single and walang anak, that's their decision to make. Puwede ba 'yung ninakaw na pera ng bayan ang asikasuhin mo instead?”

“Pa'no magpapakasal, meron na bang nagyaya sa kanya? Hahaha!"

“Mga pakialamera, akala mo, sila ang gagastos sa pagpapalaki ng anak.”

“Gusto ko 'yung sagot niya! Pak na pak, original at hindi generic answer. 'Yung tipong hindi mo mababasa sa mga quotes.”

Sagot naman ni Bea sa nagtanong sa gagawing teleserye sa GMA-7, excited na rin siya at ia-announce ito ng kanyang management very, very soon.

Tuloy na rin ang locked-in shooting nila ni Alden Richards sa February at sagot niya ito sa nagtanong sa upcoming movie niya this year.

Reaction ng mga Marites na nagtalu-talo na naman tungkol dito:

“Parang wala nang ibang artista ang GMA kundi si Alden.”

“Umay. Though ok naman siya sa acting. 'Wag na lang pilitin sa EB since 'di siya makasabay sa humor ng JoWaPao and Maine.”

“Wow!!! Totoo ba 'to? Sooooo excited, Queen Bea. Tapos, si John Lloyd, kina Maine at Dennis Trillo naman. Whoaaaaaaa.…”

“Good luck, Bea. Sana, malampasan mo ang success na nakuha mo sa ABS-CBN sa GMA-7.”

“Sus. Paayaw-ayaw pa dati sa locked-in, tapos ending, ganyan din gagawin sa GMA.”

Pagtatanggol naman ng isa, “Wala pang vaccine noon, dai. Gamitin din ang isip. Faney ka lang kasi nu'ng D lister na pa-victim.”

Judge sa Miss U… MARIAN, MAS PINAG-UUSAPAN KESA KAY BEA GOMEZ

ni Rohn Romulo - @Run Wild | December 08, 2021

All-out support talaga si Dingdong Dantes sa kanyang asawang si Marian Rivera na napili para maging miyembro ng Selection Committee sa 70th Miss Universe na gaganapin sa December 12 sa Eilat, Israel.

Alas-onse ng gabi noong December 6 ang naging flight ng Kapuso Primetime Queen at kasama nga niyang umalis ang mister na Kapuso Primetime King. Naglabasan na rin ang mga photos nila mula sa airport hanggang sa loob ng airplane.

Ka-join din siyempre ang kanyang glam team at ilang staff ng management niya sa Triple A. Kaya kaabang-abang ang magiging look niya at isusuot na gowns.

Super proud husband talaga si Dong at ipinagsisigawan niya ito kasabay ng comment niya na si Marian ang kanyang ‘Miss Universe’.

First time mararating ng mag-asawa ang Israel kaya bonding moment na rin nila ito.

Handang-handa naman si Marian at tulad nga ng sinabi niya, ie-express na lang niya ang kanyang nararamdaman sa coronation night na milyun-milyon ang manonood.

'Kaaliw lang ang mga comments ng mga netizens, na sana raw ay maging lucky charm o may dalang suwerte si Marian para manalo ang pambato natin na si Beatrice Luigi Gomez at makalusot sa Top 5, at eventually, makapag-uwi ng korona at hindi maging clapper o TYG (thank you, girl) lang sa naturang beauty contest.

Puna at obserbasyon pa ng mga netizens, bakit daw mas maingay pa at pinag-uusapan ang pagiging hurado ni Marian kesa sa mismong panlaban natin sa Miss Universe?

Well, ipagdasal na lang natin sina Marian at Beatrice na maging safe at maayos ang pagsabak nila sa Miss Universe 2021.

Isa sa mga judges… MARIAN, PINILI MISMO NG MISS UNIVERSE KAYA 'DI MAKATANGGI

ni Rohn Romulo - @Run Wild | December 03, 2021

Kakaiba talaga ang gandang Marian Rivera-Dantes na hinahangaan at kinaiinggitan ng marami.

Sa latest IG post ni Marian, litaw na litaw na naman ang beauty niya sa suot na red dress na may caption na "Honored" at may #Grateful, kasama ang crown icon.

Reaction naman ng hubby niyang si Dingdong Dantes, "Miss u..." kasama ng dalawang pampakilig na emojis.

Ang lakas ngang maka-reyna ng dating ni Marian na agree naman ang mga netizens at maging ang mga celebrity friends niya.

Wala na ngang urungan ang pagiging hurado niya sa 70th Miss Universe na gaganapin ang coronation night sa December 12 sa Eliat, Israel.

Usap-usapan na nga na isa si Marian sa mga napiling maging judges sa Miss Universe 2021 at kailangan ngang maaga siyang pumunta ng Israel kasama ang kanyang glam team.

At base nga sa kanyang post na nagsilbing clue, tuloy na tuloy na ito at walang makapipigil sa pag-conquer niya sa universe. Balita rin na handpicked daw talaga si Marian ng organization ng Miss Universe na maging isa sa mga judges, kaya hindi ito nakatanggi.

At kung pagbabasehan naman ang ganda, may sinasabi naman si Marian, na for sure, magsa-shine siya nang husto during the coronation night, na tiyak na aabangan ng mga grupo ng iba’t ibang Marites, pati na kung paano niya ibabato ang katanungan sa kandidatang makakapili sa kanya.

Anyway, kung sa December 5 ang alis nila pa-Israel, hopefully ay mag-abot sila ni GMA Primetime King Dingdong Dantes na mula sa kanyang locked-in taping at quarantine.

At kung magkita man ang mag-asawa, aba, muli na naman silang magkakahiwalay dahil nga sa international stint na ito ni Marian na napakalaking opportunity para sa kanya, na tama lang na hindi niya tinanggihan.