SHARON, NOMINADO ULI SA FAMAS BILANG BEST ACTRESS AFTER 24 YRS.

ni Rohn Romulo - @Run Wild | July 25, 2022

After 24 years, muling na-nominate si Megastar Sharon Cuneta sa FAMAS Awards 2022 sa pagka-Best Actress para sa pelikulang ReVirginized na idinirek ni Darryl Yap. Naging usap-usapan nga ang kakaiba niyang pagganap dito bilang Carmela.

Ang naturang pelikula na ipinalabas noong August 6, 2021 sa Vivamax ang nagsilbing pagbabalik ni Sharon sa Viva Films at naging bahagi ng 40th anniversary niya, and for the first time, nakatambal niya si Marco Gumabao.

Huli siyang na-nominate sa FAMAS noong 1998 para sa Nang Iniwan Mo Ako (1997) kung saan nakatambal niya si Albert Martinez, na muli niyang nakasama sa ReVirginized.

Makakatunggali niya sa Best Actress category sina Charo Santos-Concio (Kun Maupay Man It Panahon), Maja Salvador (Arisaka), Nicole Laurel Asensio (Katips), Rita Daniela (Huling Ulan Sa Tag-Araw), at Janine Gutierrez (Dito at Doon).

Ang first FAMAS Best Actress award ni Sharon ay nakuha niya noong 1985 para sa 1984 film na Dapat Ka Bang Mahalin? with Gabby Concepcion.

Nasundan ito noong 1997 para sa Madrasta (1996) kung saan nakamit naman niya ang kauna-unahang Grand Slam Best Actress.

Samantala, nakatanggap na si Sharon ng kanyang first Best Actress award para sa ReVirginized mula sa GEMS (Guild of Educators, Mentors and Students).

Ngayong July 30 na gaganapin ang awards night ng FAMAS 2022, and for sure, ipinagdarasal ng mga Sharonians na masungkit na ni Sharon ang kanyang ikatlong FAMAS Best Actress trophy.

And hopefully, maka-attend siya, since tapos na ang successful Iconic concert tour nila ni Regine Velasquez-Alcasid sa North America.

This is it na talaga! REGINE, BINILINAN SI RAYVER NA ALAGAAN SI JULIE ANNE

ni Rohn Romulo - @Run Wild | April 12, 2021

Mukhang hindi na talaga maitatanggi nina Julie Anne San Jose at Rayver Cruz na tuluyan na silang nagkainlaban.

Sa Twitter post nga ng Kapuso actor na, “Kaka-proud naman powsss hehe the one and only @myJaps” na may photo nila na magkasama, nag-comment si Regine Velasquez-Alcasid.

Say ng Songbird, “Alagaan mo 'yan, ha, special sa amin si Chuli, by the way, parang kailangan nating mag-usap.”

Nag-hello naman si Rayver kay Regine at umoo sa ipinost nito na need nilang mag-usap, sabay sabi ng "God bless po," habang natatawa.

Say naman ng mga Marites…

“Bakit ang jeje ni Rayver? Ano ba 'yan?”

“Ganyan talaga siya, eh, simple lang…”

“Sana sila na magkatuluyan… bagay!”

“Tita Chona, baka may mag-unfollow sa 'yo.”

“Mukhang good intentions naman si Rayver kay Julie! Saka, bagay sila, may chemistry at parehong talented, so goooow!”

May nagtanong na netizens kung guwapo ba si Rayver sa personal at kung good catch para kay Julie Anne.

“SUPER!!!!! Iba dating sa personal.”

“Matangkad siya in person talaga. Guwapo, pero hindi 'yung striking na 'Uy, ang guwapo!'”

“Matangkad, maputi, makinis, maganda ang katawan pero ‘di guwapo, mukasim siya, same ni Janine.”

“Mukhang mabango at magaling sumayaw. Cute naman siya, so why not? Ang gaganda ng mga GFs niya, ah!”

“I saw Rayver in person before and malakas ang appeal niya and guwapo.”

“May appeal si Rayver sa personal. Hindi man nag-uumapaw pero ramdam. Siguro, dahil sa tangkad niya. Sa TV kasi, mukhang so-so lang siya.”

“Sana lang, magtagal... At the end, papalitan ulit ni Rayver 'yan kahit gaano pa kaganda 'yan…”

May isang netizen naman na nagsabi na sayang daw ang college degree ni Julie Anne kung gaya lang ni Rayver ang makukuha niya.

Pero ang nakakalokang comment na halatang basher, “Eeeew! Pambansang Hipon naman si Rayver, lols,” na sinagot ng isa ng, “Eh, ikaw, baks, ano, Pambansang Pusit?”

Pero sa totoo lang, guwapo at yummy si Rayver, at higit sa lahat, mabait siyang tao, na for sure, isa ‘yun sa mga nagustuhan ni Julie Anne.

Level up, Gerald… JULIA, DRAMA PRINCESS ROYALTY OF THE CENTURY

ni Rohn Romulo - @Run Wild | December 29, 2021

Inilabaas na ng Viva Films ang official teaser ng horror film na Bahay Na Pula na pinagbibidahan ni Julia Barretto kasama sina Xian Lim at Marco Gumabao.

Mula ito sa award-winning director na si Brillante Mendoza at sa teaser pa lang ay marami na ang nagandahan at ‘yung iba ay natakot, kaya ipinagpabukas na ang panonood dahil baka raw may tumabi sa kanila.

Say ng isang netizen, “Para maging nakakatakot ang movies ngayon, dark vintage effect, tapos gulatan like Insidious.”

Inaasahan naman ng mga viewers na magiging maganda ang bagong obra ni Direk Brillante kung saan magpapakita ng pagiging seductive si Julia sa pagsabak sa mas mature na role, bukod pa sa kanyang ipapakitang pag-arte.

Pansin din ng mga netizens, hataw talaga sa projects si Julia sa Viva, kahit na ano pa'ng paninira o pamba-bash sa kanya.

After na ipalabas ang Bahay Na Pula via streaming next month, may mga naka-line-up pang movies na gagawin si Julia.

Kasama sa aabangan ang team-up nila ni Carlo Aquino sa Expensive Candy na written and directed by Jason Paul Laxamana at The Certifieds kasama sina Ella Cruz, Andrea Babierra, at Awra Briguela.

Sa magagandang proyekto na ibinibigay kay Julia ng kanyang mother studio, mukhang desidido ang Viva Films na patunayan na deserving siya sa titulong “Drama Princess Royalty of the Century” (na unang ginamit last year sa pag-introduce sa kanya sa virtual mediacon ng serye na ‘Di Na Muli na ipinalabas sa TV5).

Hiyang-hiya naman ang young actress sa title, dahil alam niyang malaking pressure ‘yun para sa kanya at kailangang galingan sa bawat role na kanyang gagampanan, lalo pa nga't maraming mapanuring mata na nakabantay sa kanya.