ZEINAB, OKS LANG KAHIT DYULALAY ANG ROLE BASTA KASAMA SI MARIAN

ni Rohn Romulo - @Run Wild | September 12, 2022

Looking forward na ang social media star na si Zeinab Harake na ma-meet ang GMA Primetime Queen na si Marian Rivera-Rivera na matagal na niyang hinahangaan.

Aminado naman si Zeinab na halos mangisay siya sa tuwa nang i-follow siya ni Marian, na matagal na pala niyang itina-tag. Nakapagsalita pa nga siya na puwede nang mamatay.

At dahil nagpa-follow na sila sa isa't isa, naka-chat na niya si Marian at soon nga raw ay magkikita rin sila nang personal.

Willing din siyang mag-extra kung sakaling may gagawing movie ang magandang ina nina Zia at Sixto, kahit taga-punas lang ang eksena.

Una na niyang na-meet si Dingdong Dantes nang mag-guest sila sa Family Feud.

Say ni Zeinab sa interview, "Sobrang bait ni Sir Dong at sobrang bango. Sabi ko nga sa kanya, 'DongYan lover po ako.'

"Ang guwapo talaga, lahat kami, parang napanganga, sobrang bagay talaga sila. Ako talaga 'yung number one supporter nila noon, naging notebook ko pa sila."

Dream niyang makipag-collab sa mag-asawa, pero wala pa siyang maisip kung ano'ng magandang challenge.

Samantala, type rin niyang maka-collab ang crush pa rin ng bayan na si Papa Piolo Pascual sa mala-24-hour challenge na naka-handcuff sila.

Aba, hindi naman imposibleng mangyari 'yun dahil pare-pareho silang sikat na endorsers ng Beautederm.

Samantala, sa patuloy na selebrasyon ng ika-13 na anibersaryo ng Beautéderm Corporation, pormal nang ipinakilala si Zeinab Harake bilang brand ambassador ng oral care products nito gaya ng Koreisu Family Toothpaste, Koreisu Whitening Toothpaste, Etré Clair Refreshing Mouthwash at Etré Clair Mouth Spray.

With over 50 million followers across such platforms gaya ng Facebook, Instagram, TikTok, Twitter, at YouTube, isa si Zeinab sa pinaka-influential na personalidad sa social media dahil sa kanyang mga lifestyle vlogs at challenge videos na talaga namang paboritong-paborito ng mga netizens 'di lamang dito sa Pilipinas kundi maging sa buong mundo na rin.

Isang stellar addition si Zeinab sa constellation of stars ng Beautéderm na patuloy na isinusulong ang mga kamangha-manghang produkto ng brand na kinabibilangan ng mga skin care essentials, health boosters, home fragrances, iba’t-ibang klase ng mga sabon, at marami pang iba.

“Lumalaki na talaga ang Beautéderm family natin at ang saya-saya,” sabi ng Beautéderm president and CEO na si Rhea Anicoche-Tan kung saan ini-launch na rin si Beauty Gonzalez bilang newest face ng BeautéHaus, at makakasama niya sa pag-e-endorse ang aktor na si JC Santos.

“Sinasalubong namin si Zeinab sa aming pamilya at welcome na welcome addition siya sa pagkalat namin ng mensahe ng pagmamahal ng Beautéderm sa kanyang 50 million fans online. I am so grateful for the love and support of all my ambassadors who remained loyal to Beautéderm after all these years and I am excited to be with our new ambassadors and have an exciting adventure with them in the years to come.”

Samantala, kahapon ang grand opening ng BEAUTéDERM Ayala Mall Cloverleaf kung saan first time nagsama ang social media stars at brand ambassadors na sina Jelai Andres at Zeinab Harake, kaya naman dinumog ng kanilang social media fans.

First time ring magsama sa isang mall event sina Ruru Madrid at Bianca Umali. Ka-join din sa event sina JC Santos, DJ ChaCha at Boobay with special guest Buboy Villar.

At sa mga naka-purchase ng P1,000 worth of BEAUTéDERM products, nagkaroon sila ng exclusive MEET and GREET pass after the event.

REGINE, 300 SINGING CONTEST ANG SINALIHAN, 75 LANG ANG NAPANALUNAN

ni Rohn Romulo - @Run Wild | September 9, 2022

Nang i-post sa sikat na entertainment blog ang photo ni Regine Velasquez-Alcasid na ginaya nga ang posing ni Kim Chiu sa photo nito sa hallway ng ABS-CBN, may halu-halong comments ang mga Marites.

Ang iba ay sobrang wild talaga ang pamba-bash sa Songbird.

Ang dami pa rin palang bashers at say nila... "Regine is the most overrated singer in the Philippines. Napaka-ordinaryo ng boses at masakit pa sa tenga. Ang body of work niya, 'di rin maganda dahil puro revival albums lang ang ginagawa niya."

"Agree! Puro tili ang pagkanta niya at lahat ay kaboses niya. Hindi mo siya ma-distinguish sa iba kung boses lang ang maririnig mo, unlike Sharon Cuneta and Zsa Zsa Padilla na alam mo agad kahit boses pa lang."

"Queen of Cover Songs siya, puwede pa."

Pero say naman ng ibang netizens, na totoo naman...

"Please don’t undermine her achievements. Not everyone who joins showbiz can be as successful as her. Maybe for you she’s overrated, ordinary and masakit sa ears ang voice but you can’t deny the fact that she’s successful in her craft."

"Nag-enjoy ka rin naman sa kasikatan niya nu'n, baks. Hayaan mo na. Icon naman na talaga siya.

I love Regine pero marami na rin talagang magagaling na singers ngayon."

"She used to be good during her 20s. Magaling naman talaga siya, kaya lang, nu'ng tumagal at sa sobrang galing at effortless niyang bumirit, nabo-bored siya at wala nang challenge kaya lagi niyang itinataas nang itinataas ang mga kanta. Only Regine's fans will know sa comment ko."

"Pero nu'ng nagsisimula siya, siya lang. Wala siyang katulad. Wala siyang kasabayan na bumibirit. Kasi before siya, ang sikat noon, si Sharon (Cuneta). Pagkatapos, halos lahat na ng singers after niya, inspired na sa kanya. Hulma na sa kanya. Template na siya."

"Bago siya naging so-called overrated, naging underrated din siya. Sumayaw-sayaw sa pelikula habang may hawak na banana cue with Herbert Bautista…"

"Ang overrated for me is si Pops Fernandez, bakit Concert Queen? Dahil unang nakapuno ng venue?"

"Kung may totoong underrated.. I think its Donna Cruz, Jaya, Ella May Saison, Dessa."

Samantala, sa Untucked ng Drag Race PH, binalikan ni Regine ang mga pinagdaanan niya noong nagsisimula pa lang siya para maging isang mang-aawit para maging inspirasyon sa mga natatalo sa anumang competition.

Kuwento niya sa mga Drag Racers, "Alam n'yo ba, kung ilang singing contest ang sinalihan ko, 300 at 75 lang ang napanalunan ko.

"Pero my father is very good in handling my defeat. It felt I was just playing a game and I love singing.

"So, every time na matatalo ako, sabi ng tatay ko, luto. Lahat, sasabihin na luto 'yan.

"And then he will correct me and he will criticize in a really gentle way. Sasabihin niya, 'Anak, mayroong part sa kanta mo na nag-flat ka. Kaya next time, ingatan mo 'yan. Pero luto,'" natatawa pang pagbabalik-tanaw ni Regine.

Dagdag pa niya, "So, I never got insecure and this is the nature of competition. But I promised you, when you look back, marami kang makikilala, magiging kaibigan at kaaway.

"But the whole experience will make you stronger."

Dahil dito, lalo pa ngang hinangaan ng mga Drag Racers si Regine and for sure, mas marami pa siyang na-touch sa kanyang mga pinagdaanan sa buhay at career.

50 bansa ang kasali… MISS UNIVERSE 2022, KINANSELA

ni Rohn Romulo - @Run Wild | September 8, 2022

Naudlot ang pagko-compete ng pambato ng Pilipinas na si Celeste Cortesi sa 71st Miss Universe na sasalihan ng higit na 50 countries. Kinansela kasi ang beauty contest na gaganapin sana bago matapos ang 2022, na walang exact date and venue.

Tiyak na maraming na-sad na mga beki at pageant fans dahil wala silang mapapanood na Miss Universe ngayong taon.

Wala pang official announcement ang Miss Universe Organization para i-explain kung bakit nakansela ang Miss Universe sa taong ito.

Sa isang internal memo na ipinadala ng national directors ng MUO, nakasaad dito na, "We are going to hold the Miss Universe event in the first quarter of 2023, we will announce it soon."

Ang current Miss Universe ay si Miss India Harnaaz Sandhu na kinoronahan nu'ng December 2021 sa Eilat, Israel, kung saan isa nga si Marian Rivera-Dantes sa mga naging hurado.

Ang shortest reigning Miss Universe na si Andrea Meza of Mexico na kinoronahan noong May 2021 ay agad na nagpasa ng kanyang korona.

Ang longest-reigning Miss Universe naman ay si Zozibini Tunzi ng South Africa, na nanalo noong 2019, pero dahil sa pandemya, after two years na niya naipasa ang minimithing korona at titulo ng mga beauty contestants.

Samantala, suportado ni Miss U-PH Celeste ang Suicide Prevention Month na may hashtag na "Be The One".

Hawak-hawak niya ang isang papel na may nakalagay na "It's ok to not be ok."

At caption ng mindnation sa post, "Queen Celeste Cortesi (@celeste_cortesi) of MUPH (@themissuniverseph) has spoken. Let us #BeTheOne to create hope through words when someone is struggling.

"Talk to mental health professionals to learn how you can help a loved one better.

"Book sessions thru the MindNation app (LINK IN BIO TO DOWNLOAD) or thru https://bit.ly/mindnation-book."

At dahil nga sa pagka-postpone ng competition, mas maraming time ngayon si Celeste para makapaghanda.

Nairampa rin niya ang kanyang queenly figure sa pinag-usapang event ng Vogue.

Post nga ng MUPH, "Crowned Miss Universe Philippine continues to stun and impress the fashion world as she brings sultry and bold on last night's #VogueGala."