Feeling Kim ng Miss Saigon... ICE, BINUHAT NI MARTIN SA CONCERT

ni Rohn Romulo - @Run Wild | October 17, 2022

Super successful ang Becoming Ice: The 35th Anniversary Concert ni Ice Seguerra na ginanap last Saturday, October 15 sa The Theater at Solaire dahil punumpuno talaga.

Para sa singer-songwriter at direktor, dream come true nga na makasama ang mga OPM icons na tulad din niyang iniidolo talaga sa music industry, na pawang nagpaunlak na maging panauhin sa kanyang napaka-special na concert.

Nagsimula ang mapusong concert ni Ice sa pag-awit ng As If We Never Said Goodbye (mula sa Sunset Boulevard), na bagay na bagay sa muli niyang pagbabalik sa concert stage.

Sa panimula pa lang ng kanta, nakaka-goosebump na… "I don't know why I'm frightened... I know my way around here...”

Sa bandang huli, bumirit si Ice ng... "I don't want to be alone, that's all in the past. This world's waited long enough. I've come home at last!

"And this time will be bigger. And brighter than we knew it.

"So watch me fly, we all know I can do it...”

Ang first guest ni Ice sa kanyang unang major concert in 10 years ay ang kanyang tatay-tatayan at bossing ng bansa na si Vic Sotto. Nag-duet sila sa touching song na Somewhere Out There na kinanta na nila noong bata pa si Aiza, na after ng song, sabi ni Vic, “'Wag kang iiyak!”

Next set ang nakakaaliw na version ni Ice ng mga songs tulad ng Part of Your World at Home.

Kasunod nga nito ang paglabas ni Concert King Martin Nievera para maka-duet si Ice sa Sun and Moon (from Miss Saigon).

‘Kaaliw ang pagpapa-girl ni Ice bilang Kim, binuhat pa siya ni Martin, talagang in character siya.

Ikinuwento ni Ice ang mga pinagdaanan niya, mula sa pagiging child superstar hanggang sa dumating sa awkward stage, kung saan unti-unti nang nawala ang kanyang ningning, hanggang sa muling nakabalik dahil sa kanyang hit song na Pagdating ng Panahon.

Isa namang nakakaiyak at madamdaming kanta ang kanyang ibinahagi, na sobrang ninamnam ng mga nanood, ang Minsan Ang Minahal Ay Ako.

Hindi naman mawawala sa repertoire ni Ice ang mga minahal na version niya ng mga popular songs tulad ng Aubrey, Longer at Here, There and Everywhere, na kaysarap pakinggan sa linis ng boses niya, na parang ibinabalik ka sa nakaraan.

Matapos ang pagse-senti, lively song naman tulad ng Wannabe (Spice Girls) kasama sina Juris, Princess Velasco at Sitti. At nakipagbiritan din si Ice sa kanta ni Whitney Houston na I Will Always Love You.

After nito, nabulabog lalo ang The Theater sa paglabas ni Chito Miranda. Patok na patok pa rin ang 214 (Rivermaya), Banal Na Aso, Santong Kabayo (Yano), at Buloy (Parokya ni Edgar). Kinanta rin nila ang Alapaap ng Eraserheads.

Sunud-sunod niyang ipinarinig ang mga songs na pinasikat niya — Pakisabi na Lang (The Company), Akala Mo at Para Sa 'Yo.

Balik-senti uli sa isa-isang paglabas ng Tres Marias na sina Cooky Chua (Color It Red) with Paglisan, Bayang Barrios (Bagong Lumad) with Isipin Mo Na Lang at Lolita Carbon (Asin), na nakikanta talaga ang audience sa walang kamatayang Himig ng Pag-ibig.

Nagbalik si Juris para sa duet na 'Di Lang Ikaw, na composed nila ni Ice at minahal nang husto dahil maraming naka-relate sa mapanakit na awitin.

'Di rin puwedeng mawala ang award-winning song ni Joven Tan na Ano’ng Nangyari Sa Ating Dalawa.

Isa sa mga inabangang guests ni Ice ay si Songbird Regine Velasquez-Alcasid, na halos magkasabayan daw sila. May time pa na nagkasabay ang hit song nila na Pangako at Pagdating ng Panahon na naglaban sa number 1 & 2 spot sa mga FM stations.

Say pa ni Regine, bata pa lang si Aiza ay icon na ito sa showbiz industry, tapos ngayong Ice na siya, icon pa rin siya, na sa totoo naman.

Natupad na nga ang dream niya na makakanta ng song ni Regine. Ang ganda ng version niya ng Tanging Mahal, damang-dama talaga. Bumirit naman si Regine sa Dadalhin. Nag-duet sila sa Pangarap Ko Ang Ibigin Ka.

Next niyang kinanta ang Sana Maulit Muli. Sayang nga lang at wala si Mr. Pure Energy Gary Valenciano, na super idol talaga niya ever since at nakasama pa sa movie noong bata pa siya.

At dahil nga may US tour si Gary, nag-send na lang ito ng mensahe at nakipaghatawan na lang si Ice through video.

Ang huling guests ni Ice ay ang mga fabulous Drag Queens ng Drag Race Philippines, na kung saan si Ice ang nagdidirek ng Drag Race PH Untucked. Kinanta nila ang I Am What I Am at I Will Survive. Grabe ang tilian sa audience, may mga fans sila, in fairness.

Teary-eyed kami, na for sure, maraming nadala nang awitin niya ang Moon River para sa namayapang ama. Sobrang touching, kaya 'di napigilan ni Ice na umiyak at nag-take two para tapusin ang kanta.

Sunud-sunod siyang nagpaluha dahil sa Ugoy ng Duyan para kay Mommy Caring at Not While I'm Around na para naman sa anak nila ni Liza Diño na si Amarah.

Ang Araw Gabi ay para naman sa misis niya. Kinanta rin niya ang Ikaw Pala 'Yon na composition ng asawa bilang wedding gift sa kanya.

At bilang nanay-nanayan at parte na nga ng pamilya, pinaakyat din ni Ice si Sylvia Sanchez na co-producer din ng concert. Nakakaloka, dahil bukod sa mensahe ay nakipag-jamming siya sa Kahit Maputi Na ang Buhok Ko.

Ang closing song ni Ice ay ang Pagdating ng Panahon, kasunod ang mga encore songs like This Is Me and Both Sides Now.

Kulang ang three hours sa mapusong concert na Becoming Ice.

Super congrats, Direk Ice! Ang naturang concert ay produced ng Fire and Ice Media Productions, Inc. at Nathan Studios.

At dahil nga super successful, dapat na sigurong pagplanuhan ang repeat, and hopefully live nang makahatawan ni Ice si Mr. Pure Energy.

Haping-hapi na nakabalik na… IVANA AT ZEINAB, TODO-DISPLEY NA NAMAN NG KATAWAN SA FB

ni Rohn Romulo - @Run Wild | October 9, 2022

Mabuti naman at naibalik ang Facebook page ni Ivana Alawi na merong 19 million followers, kaya active na naman ito sa pagpo-post ng mga bagong contents.

Pagkatapos ngang mag-post ng reklamo ng sexy actress-vlogger sa kanyang mga social media accounts dahil takang-taka talaga si Ivana kung bakit biglang natanggal ang FB pages niya na wala naman daw siyang matandaang ginagawang violation, kung saan marami ang nakisimpatya sa kanya at nanghihinayang dahil sa milyun-milyon niyang followers, muli nang ibinalik ng Facebook ang isang account niya and for sure, madaragdagan pa ang kanyang mga followers.

Kaya masayang post ng bida ng A Family Affair, "I'm back!! Finally, naibalik at naayos na ng Meta ‘yung page ko. Working na sila to fix our Ivana Skin page.”

At dahil naibalik na ang kanyang page, may new vlog ito na may title na Swapping Rooms for 24 hours kasama ang kapatid.

May latest selfie post din si Ivana na suot ang white shirt na naka-fold para kitang-kita ang pusod at laced black panty, na pinagpiyestahan na naman ng mga barako at tuwang-tuwa sa pagbabalik ng kanyang FB page.

Samantala, tulad ni Ivana, bigla ring nawala ang FB page ng isa sa mga brand ambassadors ng Beautederm at sikat ding social media star na si Zeinab Harake na may 12 million followers naman.

Pero ngayon ay naibalik na rin ng FB, kaya post ng vlogger/YouTuber, "I'm back Facebook (smiling face with heart eyes, white and black hearts emojis),” kasama ang photo kung saan nakatalikod siya at kitang-kita ang shape ng kanyang behind. At nagbunyi rin ang kanyang mga followers.

At winner ang new vlog ni Zeinab dahil ka-collab niya ulit si Ivana sa Horror House Challenge. "Ito na ang pagbabalik ng 'alake sister', sobrang katatawanan at kalokohan kasama kami ni Ivana. Tingnan kung sino’ng na-prank sa video na ‘to, aratna sa YT ko."

ICE, NAGLALASING MUNA BAGO KINAKANTA ANG MGA SONGS NI REGINE

ni Rohn Romulo - @Run Wild | October 6, 2022

Inisa-isa ni Ice Seguerra sa sunud-sunod na Facebook at Instagram posts niya ang mga special guests niya sa Becoming Ice: The 35th Anniversary Concert na magaganap ngayong October 15 (Saturday, 8 PM) sa The Theater at Solaire.

Para kasi sa singer-songwriter at direktor na rin, dream come true nga na makasama ang mga OPM icons na tulad din niya, na iniidolo talaga sa music industry.

Sa kanyang post, may kuwento si Ice at pasasalamat sa magiging bahagi ng kanyang first major concert in 10 years at first time rin siyang magpe-perform bilang Ice.

Isa nga rito si Regine Velasquez-Alcasid na walang kaabug-abog na pumayag na mag-guest.

Say ni Ice, "I grew up listening to Ate Reg's music. Sino ba namang hindi, 'di ba? Pinipilit kong abutin 'yung mga high notes niya nu'ng bata ako. Kaso, wala talaga, eh. Kaya kapag lasing ako at may lakas ng loob, sa bidyoke ko talaga kinakanta 'yung mga songs niya. Doon ko lang nailalabas ang inner Regine ko, pero never kong kinanta during a gig, kasi baka batuhin ako ng mga tao dahil pipiyok ako to the max.

"I've always looked up to her 'coz she's the kind of artist who really brings out the best sa mga kasama niya. Whether on stage or backstage, hindi niya ipaparamdam sa iyo na siya si Regine.

Itataas ka pa niya at papalakasin ang loob mo. Pero pramis, 'pag siya talaga kasama ko mag-perform, grabe ako mag-aral ng kanta. Haha!

"Kaya when she easily said yes to joining me on stage for #BecomingIce, nawindang ako nang bongga. And yes, maglalakas-loob akong kantahin ang mga kanta niya so please, be kind to me, guys.

"Ate Reg, you've remained to be an inspiration not just to me but to countless artists. Hindi lang dahil sa talento mo pero dahil sa kung sino ka bilang tao. Thank you for saying yes to me."

Nauna naman siyang nagbigay ng pa-tribute kina Martin Nievera at Gary Valenciano.

Message niya kay Concert King, “Nu’ng bata ako, bago ko pa ma-realize na siya si Martin Nievera, tambay na ako sa bahay nila. Nakiki-swimming, nakikikain, feeling kapatid ng mga kids niya. Haha!

“Kuya Martin is the type of person na kahit isa na siyang haligi sa industriya, never niyang ipinaramdam sa amin 'yun. Kuya siya ng lahat. I remember when we did shows in Japan, kahit madaling-araw at maliit na venue, hindi nagbago ang performance niya. Du’n talaga ako napahanga sa kanya, lalo na kung paano siya makitungo sa mga taong nasa paligid niya.

“He’s someone I really look up to, mula noon hanggang ngayon, not just because of how good he is pero dahil sa puso niyang napaka-generous.

“I love you, Kuya Marts! I’m so glad na magkasama tayo sa concert ko on October 15.”

Para naman kay Mr. Pure Energy, “Idol ko na si @garyvalenciano nasa tiyan pa lang yata ako ng nanay ko. I grew up listening to his songs. Ginagaya ko mga asta niya, from his dance moves hanggang panginginig ng baba, plakado dapat.

“Never ko inakala na 'yung ultimate idol ko, eh, makakasama ko. Naging tatay ko siya sa Papa’s Girl (movie), nakasama ko rin bilang isang manganganta, nag-mentor pa kami sa Elements Camp together, at pinalad akong mai-direct siya sa isang production number for an event.

“His artistry knows no bounds, he’s the ultimate professional. Napakaganda ng work ethics, marunong sumabay sa bago without losing his identity. Mapa-dance songs o ballads, alam mo ang tatak ni Gary V.

“Parang bawat stage ng buhay ko, 'andiyan si Tito Gary kaya sobrang saya ko na kasama ko siya to celebrate my 35th anniversary in the business.

“Thank you for continuing to inspire me with your excellence, hard work, and generosity. Tito Gary. Can’t wait to do this concert with you.”

Ang gaganda rin ng kuwento ni Ice sa iba pang magiging guests na sina Princess Velasco na madaling nakagaanan ng loob dahil walang arte at very professional; Juris na parang boses-anghel na naging kaibigan niya dahil sa siomai at 'di mako-complete ang concert kung wala ito; at si Sitti na masarap kasama dahil loka-loka at wala ring arte.

Nandiyan din ang Tres Marias na sina Cooky Chua (Color It Red) na hinangaan at kinaadikan niya nu'ng '90s, Bayang Barrios (Bagong Lumad) at Lolita Carbon (Asin) na nagpa-realize kay Ice ng love niya sa pagkanta at nagdadala sa kanya sa ibang dimension.

Ang isa pang OPM icon na si Chito Miranda (Parokya Ni Edgar) na iniidolo ni Ice simula pa noong bata at malaki rin ang impluwensiya sa kanya ng 90's bank breakout ay guest din.

Pasok din sa listahan ang queens ng Drag Race Philippines kung saan si Ice ang nagdidirek ng Drag Race PH Untucked.

Ang naturang concert ay produced ng Fire and Ice Media Productions, Inc. at Nathan Studios.

Sa mga wala pang ticket, buy na!