Kung kay ex-Pres. Marcos, ginawa… DIREK DARRYL, TINANGGIHAN ANG LIFE STORY NI DU30

ni Rohn Romulo @Run Wild | March 1, 2023

Seryosong sinabi ng kontrobersiyal na direktor na si Darryl Yap na after ng trilogy movie sa buhay ng mga Marcoses ay stop muna siya sa paggawa tungkol sa mga pulitiko.

“After the trilogy, perhaps I’m just gonna, you know, create more films that are not political, ‘coz it’s consuming my energy, the stress that I’m getting,” pahayag ng direktor ng Martyr or Murderer na showing na ngayong March 1.

Sa katunayan ay may offer na gawan din niya ng movie ang mga Duterte.

Pag-amin niya, “Well, there’s an offer for the Dutertes but I said I’m gonna rest for awhile."

Pero may dream siyang movie na gusto niyang gawin in the next few years.

“Well, I want to tackle the life of Charo Santos… 'coz she’s a very good actress and became a very important part of Philippine entertainment, ‘no?

“Gusto kong ikuwento 'yung buhay ng tagapagkuwento. I think it’s really a very good content, ‘no?”

Dagdag pa niya, sa ilang dekada ng Maalaala Mo Kaya, “With all the letters that she has been reading, ‘no? I guess if I get to tell her story, I’ll be telling the story of millions so… I find her very beautiful, what she did with ABS-CBN is far beyond compare.

“She’s a woman of grace and I don’t think there’s a person in showbiz that can speak ill of her.

“She’s very gracious and I want to create a movie about a woman who achieved greatness not just because she’s beautiful but she’s a good person.”

Kahit hindi taga-Viva, type raw niyang si Kathryn Bernardo ang gumanap bilang young Charo.

"Kathryn would be very good,” tugon ni Darryl.

Sa kanyang dream project, gusto rin niyang i-cast si Judy Ann Santos bilang Charo, na hindi rin matatawaran ang husay sa pagiging aktres.

Pagbabahagi pa niya, “It’s really a dream, ‘no? I really fell in love with Ms. Charo, she’s really ano, she’s really something."

Sa aming naging tsikahan, mukhang nabuko namin si Direk Darryl, na parang may niluluto na naman siyang project para kay Megastar Sharon Cuneta, kung saan ipinagmamalaki niya na naidirek niya ito sa Revirginized and after the movie, pareho nga nilang nasabi na gusto nilang makatrabaho uli ang isa't isa.

Pero habang aabangan na lang natin kung magkakatotoo ang muli nilang pagsasama, sigurado nang matutuloy ang big-screen film adaptation ng The Mango Bride, ang award-winning debut novel ni Marivi Soliven, na pagbibidahan nga ni Sharon.

Noong 2011, nagwagi ang nobela ni Soliven ng Carlos Palanca Memorial Award for Literature. Iikot ito sa dalawang Pinay na sina Amparo at Beverly na nag-migrate sa California at matutuklasan nila ang mga nakatagong katotohanan, habang nagtatagpo at nagkakabit-kabit ang kanilang mga kuwento.

Ini-release ito ng leading publishing house na Penguin Books noong 2013. May Spanish edition din ito at Filipino edition, translated by Danton Remoto.

Nasimulan na naming basahin ang The Mango Bride at mukhang may panlaban na naman si Mega sa pagiging Best Actress.

Billboard na naka-brief , inalis na… DAVID, SIKAT NA, BINAWALAN NANG MAGPASEKSI

ni Rohn Romulo @Run Wild | February 24, 2023

Mukhang totoo ngang pinagbawalan nang magpaseksi si David Licauco, na tiyak na ikalulungkot ng mga beki at nagpapantasya sa 'Pambansang Ginoo'.

Dahil nga sa tagumpay ng Maria Clara at Ibarra, minahal at kinagiliwan si David sa pagganap niya bilang si Fidel at may nabuo pang love team nila ni Barbie Forteza.

Inalis na raw si David sa Bench Body kung saan kasa-kasama niya ang kapwa-Kapuso hunk actors na sina Derrick Monasterio at Paul Salas, na naka-briefs na talaga namang pinagpiyestahan.

Kaya namnamin na ang sexy photos ni David dahil hindi na raw ito makikitang naka-underwear sa mga billboards, lalo pa nga't next month na ang summer campaign.

At sa newest solo billboard ads ni David sa Guadalupe, pa-wholesome na nga ang pictorial niya from daring dahil nakasuot siya ng puting sando at pantalon para sa denim line ng Bench.

Sa Instagram post ni David, ibinahagi niya ang billboard at nagpapasalamat sa kasikatang tinatamasa ngayon.

"Come pass by EDSA Guadalupe and take a [photo] of BENCH's billboard!" caption niya.

Mukhang iiwanan na niya kay Derrick ang pagpapa-sexy sa underwear shoots, bagama't may mga photos pang lalabas na magkasama ang dalawang hunks.

Sa tingin din namin, bigla rin niyang naangatan sa kasikatan sina Derrick at Paul.

Samantala, sakto rin ang launch ng BlueWater Day Spa kamakailan kay David bilang celebrity endorser kasama ang mga beauty queens na sina Tracy Perez, Gwendolyn Fourniol, Alison Black, Ashley Montenegro, Ingrid Santamaria at Beatriz Mclelland.

Sa naturang spa na lang muna siguro maghuhubad at magpapakita ng kanyang sexy body si David, dahil off-limits muna at kailangang maging wholesome. But for sure, magkakaroon din ng solo billboard si Fidel para rito at dapat lang samantalahin habang pinag-uusapan pa.

At dahil nga sa tagumpay ng Team FiLay, magsasagawa sina David at Barbie ng Thanksgiving Fans Day sa Pebrero 26 sa Ayala Malls Clover Leaf.

JK, ‘BIG NO’ MAGPADIREK KAY DARRYL YAP

ni Rohn Romulo @Run Wild | February 22, 2023

Pinalakpakan at pinuri ang mahusay na pagganap ni Juan Karlos 'JK' Labajo bilang Ninoy Aquino sa musical film na Ako Si Ninoy na palabas na simula ngayong Feb. 22 sa mga sinehan sa buong bansa.

Mukhang kinarir talaga ni JK ang pag-arte na aminado namang na-enjoy at nailabas din niya ang husay sa pag-awit, lalo na sa makabagbag-damdaming film version ng hit song niya na Buwan, na pasado at swak naman sa eksena.

Sa celebrity premiere ng musical film na isinulat at idinirek ni Vince Tañada, nagbiro si JK na parang gusto na raw niyang iwan ang singing at umarte na lang, lalo pa nga't nagampanan niya nang buong husay ang role na kinatakutan niya sa simula.

Sa premiere ng movie, isa ang anak nina Senador Ninoy at dating Presidente Cory Aquino na si Viel Aquino-Dee na sumuporta at nanood.

Nandu’n din sina former Sen. Bam Aquino at Direk Joel Lamangan na may movie namang Oras de Peligro na showing on March 1.

Anyway, natanong naman si JK na after maidirek ng multi-award-winning na si Atty. Tañada, type ba niyang maidirek din ng kontrobersiyal na si Darryl Yap?

Isang big 'NO' ang isinagot ni Juan Karlos na mamahalin n’yo sa Ako Si Ninoy.