Sure ka bang single siya? Socmed apps na gamit ng mga cheater, alamin!

ni Mharose Almirañez | August 28, 2022

May kausap o ka-chat ka ba sa Viber, Discord, Telegram o Instagram? Sure ka bang real account ang gamit niya? What if, taken pala siya sa Facebook? Hindi naman sa pinag-o-overthink kita, pero paano kung bigla ka na lamang maka-receive ng message request mula sa totoo niyang partner? Ready ka na bang ma-flex sa social media bilang kabet, mang-aagaw, malandi at haliparot?

Alam naman nating lahat na walang kahit sinong tao na pinangarap maging third party in the future. Subalit paano nga ba makikilatis ang mga taong taken na, pero feeling single pa rin— partikular na sa social media?

Upang matulungan kitang makaiwas sa heartache, narito ang iba’t ibang social media applications na madalas gamitin ng mga cheater:

1. VIBER. Huwag kang pumayag na Viber lang ang means of communication n’yo, sapagkat puwedeng-puwede siyang kumuha ng photos sa Google para i-send sa iyo. Puwede ring poser pala siya at picture ng friend niya ang pinagse-send sa ‘yo. Puwede ring tsina-chat ka lang niya gamit ang Viber kapag working hours dahil tuwing nasa trabaho lang niya naa-access ang Viber niya at madaling gawing palusot na work-related ang pinag-uusapan n’yo ru’n incase mahuli siya ng boss o partner niya.

2. DISCORD. Sa app na ito madalas mag-usap ang mga gamer. Puwede kang mag-join sa iba’t ibang server. Mayroon ditong group chat at puwede ring mag-direct sa private message ang dalawang indibidwal. Sa oras na maging consistent ang pag-uusap n’yo through PM sa Discord, try mong tanungin ‘yung kalaro mo kung puwedeng mahingi ang Facebook account niya, para ru’n na lang kayo mag-getting to know each other. Mahirap kasi kung hanggang laro lang din ang feelings niya for you. Para naman sa may karelasyong gamer d’yan, subukan n’yo ring tignan ang Discord ng dyowa n’yo. Who knows, sinu-sino na palang pini-flirt na ka-duo niyan.

3. TELEGRAM. Sabi nila, maganda raw mag-send ng pictures and videos dito dahil hindi pixelated o hindi nagbabago ang resolution mula sa original format o size nu’ng isinend na file. Siyempre, puwede ring mag-PM, ‘yun nga lang, iilan lamang ang gumagamit ng Telegram o TG. Kaya paano ka nakasisiguradong seryoso sa ‘yo ang ka-chat mo r’yan?

4. INSTAGRAM. May ilang indibidwal na mas gusto pang gumamit ng IG dahil napaka-toxic daw ng Facebook world. Ito raw ang social media ng mga lowkey. Pero paano kung kalo-lowkey n’yo ay nilo-lowko ka na pala niya? Char!

5. FACEBOOK. Hindi sapat na assurance ‘yung kausap mo na siya sa Facebook, kung saan mo nakikita ang real time Facebook status and story niya, lalo pa’t limitless ang paggawa ng dummy account. Kahit pa sabihing ka-chat mo siya sa real account niya, hindi ka pa rin makasisiguradong single siya hangga’t hindi mo pa siya nami-meet. Iba pa rin siyempre kung willing siyang i-move to the next level ang talking stage n’yo. ‘Yung tipong, ipapakilala ka niya sa parents and friends niya. ‘Yung hindi lang siya sweet sa chat kundi mas sweet pala siya in person. Oh, ‘di ba!

Bukod sa online dating app kung saan kayo nagkakilala ng ka-chat mo, mas exciting talaga kapag nagkayayaan na kayong lumipat at mag-usap sa ibang social media account. ‘Yung tipong, magpo-focus ka na sa kanya at i-ignore-in mo na ‘yung iba mong kausap sa dating app.

But beshie, don’t forget na kung saang social media app o site ka niya dadalhin, sapagkat tulad ng mga nabanggit, napakaraming social media app na puwedeng gamitin sa panloloko.

Kaya shoutout sa mga couple na nagsimula sa Bumble, Tinder, at iba pang online dating apps d’yan! Kabahan ka na kung mas madalas pang hawak ng dyowa mo ang cellphone niya, sa halip ‘yang kamay mo. Hindi naman sa pinag-o-overthink kita, pero what if sa simpleng “Hi” kung paano kayo nag-umpisa, ay sa isang “Hi” rin pala masisira ang relasyon n’yo?

What if lang naman.

‘Di naman kailangang bongga, besh! Iba’t ibang klase ng pagsuporta sa karelasyon

ni Mharose Almirañez | August 21, 2022

“Go sexy! Go sexy! Go sexy, sexy, Love!” Basketball cheer ni Kathryn Bernardo kay Daniel Padilla sa isang eksena sa pelikula.

Napakasarap nga namang ma-in love, lalo na kung suportado n’yong mag-partner ang isa’t isa. ‘Yun bang, ikaw ang No. 1 supporter niya, habang siya naman ang top fan sa sarili n’yong fandom. Maliban sa moral support, anu-ano pa nga bang suporta ang puwede mong ibigay sa iyong karelasyon? Well, beshie, narito ang ilan:

1. ORAS. Hindi excuse ang salitang “busy” sa mga taong nagmamahalan, sapagkat gagawa’t gagawa sila ng paraan para makapaglaan ng oras sa kanilang karelasyon. Halimbawa, kapag pakiramdam mong feeling tired siya ay ikaw na ang mag-adjust ng schedule mo para mapuntahan at i-comfort siya. Ayaw mo naman siguro na makitang nagpapa-comfort siya sa iba, ‘di ba? Huwag mong hayaang masayang ang oras niya sa kahihintay sa ‘yo, sapagkat hinding-hindi mo maibabalik ang oras, once na ma-realize mo ang halaga niya.

2. PAGKUKUSA. Sakaling makita mong may pinagdaraanang financial crisis ang iyong karelasyon, ikaw na ang magkusang tumulong sa kanya. Siyempre, nahihiya lang siyang magsabi sa ‘yo. Ibang usapan na rin kasi pagdating sa pera. Maliban sa tulong-pinansyal ay puwede mo rin siyang tulungang magbitbit ng mga dala niyang grocery. Puwede mo rin siyang damayan sa iba’t ibang trip niya sa buhay. Tandaan, ang pagkukusa ay hindi dapat naghihintay ng kahit ano’ng kapalit dahil kusang-loob ‘yang ginagawa at ibinibigay.

3. PAKIKINIG. “Bakit nga ba napaka-unfair ng mundo?” Huwag kang magtaka kung madalas mo ‘yang marinig sa kanya dahil sa ‘yo lang siya komportableng magsabi ng mga hinaing niya sa buhay. Kung galit siya sa boss niya, makinig ka lang. Kailangan niya lang naman ng taong makikinig sa kanya. ‘Yung mapagbabalingan ng bad trip niya. Hayaan mong humupa ang galit niya hanggang sa tuluyan siyang kumalma. Huwag na huwag mong sasabayan ang init ng ulo niya. Huwag mo ring problemahin ang pagpapayo sa kanya dahil sapat na ang presensya mo para mapakalma siya kalaunan.

4. APPRECIATION. I-appreciate mo siya, hindi lamang sa magagandang bagay kundi maging ang kanyang mga kapintasan. Suportahan mo pa rin siya kahit topakin siya o gaanuman siya kabaliw. Love him/her even at his/her worst. Hindi naman kailangang um-effort nang bongang-bonga para masabing na-a-appreciate mo siya. Small gesture is enough.

5. SUPORTA MULA SA PAMILYA. Napakasarap sa feeling kung legal at tanggap ang inyong relasyon both sides. ‘Yung tipong, hindi n’yo kailangang itago o ilihim ang inyong relasyon. Siyempre, hindi mawawala ‘yung may masasabi’t masasabi sila, pero given na ‘yun. Ang mahalaga ay may makuha kayong basbas at suporta mula sa mga magulang ng inyong karelasyon. Mahalin mo rin sila at itrato na parang mga magulang, sapagkat kung hindi dahil sa kanila ay hindi mo makikilala ang taong nagpapasaya sa iyo ngayon.

Siyempre, applicable lamang ang mga nabanggit kung ikaw ay “dating to marry”.

Ito ‘yung stage kung saan hindi mo binibilang ‘yung dami ng efforts niya o kung gaano kalaki ang mga nagastos niya sa iyo. ‘Yung mas pipiliin mo ang peace of mind kaysa gumawa ng kung anu-anong issues para pareho kayong mag-overthink. Tungkol ito sa mature couple na mayroong healthy relationship na layuning magkaroon ng strong foundation ang kanilang relasyon.

Okie?

Sawa na sa mall o travel? Read mo ‘to! Alamin: Simple at nakaka-kilig na date ideas

ni Mharose Almirañez | August 7, 2022

Madalas ba kayong lumabas ng dyowa mo? Saan-saang museums, zoos, concerts, at out-of-town trips na ba ang napuntahan n’yo? ‘Yung ang saya-saya n’yo together, tapos biglang malulungkot kasi wala na kayong pera after? So, ano ‘yan, bonggang date now, pulubi later?!

Sabi nga ng financial expert na si Chinkee Tan, “Hindi natin kailangang magpanggap na may pera tayo kasi kung ganito na rin lang, sa bandang huli, tayo rin ang magigipit at mahihirapang magpaliwanag kung bakit hindi na natin ginagawa para sa kanila ‘yung nakasanayan na.”

Kaya naman, shout out sa beshies natin na namumroblema sa kanilang next date dahil sa kapos na budget! Narito ang ilang date ideas na tiyak na makakapagpakilig at makakahuli sa kiliti ng inyong dyowa with a twist:

1. ROOFTOP DATE. Puwede kang mag-set-up ng dining table for two sa rooftop ng bahay n’yo or sa rooftop ng acquaintance mo. Maglagay ka ng decorations tulad ng balloons, fairy lights, petals, candles, confetti, pictures or anything, kung saan masasabing pinag-effort-tan mo talaga ang date na ito.

2. DATE SA GARAHE. Same set-up with rooftop date. Ikaw na ang bahala kung paano mo pagagandahin ang garahe n’yo. Nakaparaming DIY ideas at tips sa YouTube na puwedeng makatulong sa iyo sa pagde-decorate, beshie.

3. IPAGLUTO SI DYOWA. Busugin mo lang siya sa iyong homemade meals ay paniguradong hindi lang siya mabubusog sa pagmamahal, kundi literal na mabubusog mo rin ang tiyan niya. Puwede ring ikaw na ang magluto ng mga ihahaing pagkain sa inyong rooftop, garahe o picnic date. Puwede mo rin siyang ipagluto ng baon niya sa trabaho.

4. MAGLARO NG BOARD GAMES. Subukan n’yong maglaro ng chess, dama, snake and ladder, atbp. Napakagandang quality time nito para sa inyong mag-dyowa. Nakaka-healthy ng utak.

5. MOVIE MARATHON SA BAHAY. Hindi naman required manood sa sinehan tuwing may bagong release na pelikula, sapagkat napakarami nang online streaming platforms na puwedeng mapanooran ng HD movies. Another tips, puwede kayong bumili ng projector para kunwari ay big screen pa rin ang pinanonooran n’yo. Bumili na rin kayo ng popcorn and drinks para feel na feel talaga ang panonood, mapa-movie o series man ‘yan.

6. PICNIC SA GARDEN. ‘Yung tipong, maglalatag lang kayo ng sapin o tent sa sahig at mayroong dalang fruit basket na may kung anu-anong pagkain. Sa picnic date, maliban sa panonood ng movie, paglalaro ng board games o pagpapagulung-gulong n’yo sa damuhan ay puwede rin kayong maglaro ng badminton o mag-bike.

7. MAG-KARAOKE. Hindi n’yo kailangang mag-rent ng KTV room dahil puwedeng-puwede naman kayong magkaraoke sa sala o kuwarto ng inyong bahay. Puwede rin kayong mag-inuman. ‘Yun nga lang, kailangan n’yo talaga ng personal space para walang makaistorbo sa inyong bonding. Mahirap din kasi kung nagka-karaoke kayo sa sala, habang may nag-o-online class sa kusina, ‘di ba?

8. MANOOD NG SUNSET, SUNRISE, STAR GAZING AT FIREWORKS. Napaka-romantic nito, beshie. ‘Yun bang, aakyat lang kayo sa rooftop o bubong habang inaabangan ang sunset at sunrise. Alamin n’yo rin ang schedule kung kailan magkakaroon ng meteor shower upang makapag-rent ng telescope na puwede n’yong gamitin sa star gazing. Kung fireworks naman ay madalas lamang ito tuwing New Year’s countdown or may pa-event sa isang lugar. Knows mo bang may kasabihan na kapag nag-kiss kayo ng dyowa mo habang sumasabog ang fireworks sa kalangitan ay kayo na ang magkakatuluyan? Puwede ka ring mag-wish sa bulalakaw o tuwing 11:11.

9. LONG RIDE. Sa ngayon ay hindi ito affordable, sapagkat napakamahal ng gasolina. Gayunman, kabilang pa rin ito sa mga puwedeng gawin ng magkasintahan dahil the more na mahaba ang biyahe, the more na mahaba ‘yung time n’yo together. Bumiyahe lang kayo, magkuwentuhan at magmahalan. Saanman kayo dalhin ng biyahe n’yo, make sure makakarating kayo sa gusto n’yong puntahan at magkasama pa rin kayong uuwi sa inyong tahanan.

Sa isang relasyon, hindi naman basehan ang presyo ng lugar, pagkain, o dami ng activities para masabing mahal n’yo ang isa’t isa. Time and effort lang ay sapat na.

Ilan lamang ang mga nabanggit na puwede n’yong gawin together sa loob ng bahay. Gayunman, huwag makuntento na puro ganyan na lamang ang gagawin n’yo habambuhay dahil nakaka-boring ang paulit-ulit na routine. Siyempre, lagyan mo rin ng twist.

Wala namang nagbabawal sa inyong mag-date nang madalas sa mall, manood sa sinehan, um-attend sa concert, magpunta sa museum, at mag-travel kung saan-saan, basta tiyakin n’yo lang na may extra budget kayo para r’yan at hindi iiyak ang inyong mga bulsa matapos ang bonggang-bonggang date.

Okie?