Ang dami na raw pinagdaanan… AMY, AMINADONG NALOKO NA NG ASAWA KAYA MAY 'K' MAGBIGAY NG PAYO

ni Reggee Bonoan @Sheet Matters | Nov. 19, 2024

Photo: Amy Perez - FB

Ang aga ng pa-Christmas-cum thanksgiving presscon nina T'yang Amy Perez at Tita Winnie Cordero sa ilang miyembro ng media at vloggers na ginanap sa Seda Hotel, Trinoma Complex nitong Nobyembre 12 at magkahalong saya at lungkot ang naramdaman nila nang muling bumalik sa ere ang Teleradyo.

Masaya sila dahil may programa sila sa Teleradyo sa DWPM (dating DZMM). 

Si T'yang Amy, may Ako ‘To, Si T'yang Amy program na tungkol sa mental health issues at napapakinggan tuwing 3 PM mula Lunes hanggang Biyernes. Si Tita Winnie naman ay may dalawang programa sa DWPM, ang Tatak Serbisyo na isang public service program, Lunes hanggang Biyernes, 10:30 AM, at Win Today tuwing Sabado, 10 AM. 

Pero malungkot sila dahil marami silang kasamahan sa dating DZMM ang nawalan ng trabaho mula pa noong nawalan ng prangkisa ang ABS-CBN. 

Anyway, bilang tumatalakay sa mental health issues at nagbibigay-payo si T'yang Amy kaya natanong siya kung ano'ng ipinapayo niya sa mga tagasubaybay niya. 

“Marami na kaming pinagdaanan sa buhay. So, 'yung mga pinagdaanan namin na iyon ang siyang baon namin every single day.

“Kapag ako ang nagbibigay ng advice sa mga listeners, hindi ko naman idinidikdik sa kanila, ‘O, eto ang gawin mo because this is how I did it before.’ 

“So, alam ko na hindi siya one size fits all. At the end of the day, I will give you options. Kung ikaw ay aking listener, bibigyan kita ng option nu’ng nangyari 'yan sa akin. Kunwari, kung ang pinag-uusapan ay nag-cheat ang asawa, ‘Eto 'yung ginawa ko. Nangyari 'yan sa akin,'” natawang banggit ng TV-radio host.

At siyempre, ang matinding pinagdaanan ni T'yang Amy sa kanyang unang asawa ang naibahagi niya sa kanyang mga listeners.

Pero ngayon ay, “I’m happy with my second husband. In fact, we’re celebrating our 10th wedding anniversary.” 

Ang kilalang radio host na si Carlo Castillo ang tinutukoy ni T'yang Amy. Biniyayaan sila ng dalawang anak — sina Kyle, 16 years old, at Seyah, 12 years old.

Ang panganay na anak ni Amy na si Adi, 26 years old, ay humiwalay na sa poder nila noong edad 21 ito. 

Anyway, aminado si T'yang Amy na nakaka-relate siya sa mga problema ng mga tagasubaybay niya na naloko ng partner nila at ito ‘yung nangyari sa unang asawa niyang si Brix Ferraris. Ikinasal sila noong 1995 at napawalang-bisa ang kanilang kasal pagkalipas ng siyam na taon.

Going back sa pagbabalik nila sa Teleradyo ay aminadong pressured si T'yang Amy. 

“Masaya na meron ding pressure na nasa balikat naming lahat na nasa DWPM dahil siyempre, alam naman natin na hindi pa tuluyang nakakaahon ang programa, ang istasyon. 

“So, alam namin na sundalo kami na sumusunod at ginagawa ang trabaho namin para sa ikauunlad ng lahat ng nasa DWPM.

“Masaya dahil nakikita pa rin namin ‘yung mga dati naming katrabaho and at the same time, malungkot kasi alam naming nabawasan kami, pero nandito pa rin kami, lumalaban. Sabi nga sa Korea, ‘fighting!’” sambit nito.

Kaya tinabla ni Coco kahit close pa… TAGA-BATANG QUIAPO, NAGPOSITIBO SA DROGA

ni Reggee Bonoan @Sheet Matters | Nov. 18, 2024

Photo: Coco Martin - FB

“Bigla akong nagpa-drug test sa set (FPJ’s Batang Quiapo), lahat ng artista, lahat ng (production staff), may nag-positive, ang sabi ko, ‘Hindi ka pupuwedeng magtrabaho!’” ito ang diretsong kuwento ni Coco Martin sa solong panayam sa kanya ni Ogie Diaz sa vlog nito sa YouTube (YT).

Dagdag pa ng actor, “Ang pinaka-ayaw ko kasi ay nagtatrabaho ka para sa bisyo mo, kahit magtampo ka pa sa ‘kin.”

Matatandaang may mga nag-post na artistang dumaan sila sa drug test at isinumite kay Coco at nu’ng negatibo sila ay saka lang sila pinag-report sa Batang Quiapo. Ganito rin ang nangyari sa mga taga-production.

Ang kabuuan ng kuwento ni Coco tungkol sa drug test ay nasa ikalawang bahagi ng panayam sa kanya ni Ogie na mapapanood next week.

Pero base rin sa aming mga nakalap na impormasyon ay taga-production ang nagpositibo, dahilan kaya siya pinagpahinga ng actor-cum producer/director at malapit daw talaga ito kay Coco pero tinabla pa rin.

Hahayaan naming si Coco na ang magkuwento kung sino ito at kung sino ang bagong pasok sa BQ para ituloy ang trabaho ng taong pinagpahinga ng actor dahil nagpositibo sa droga.

Kilala si Coco na super-higpit pagdating sa trabaho at perfectionist dahil ayaw niyang may masabi ang mga boss niya sa ABS-CBN at hangga’t maaari ay walang maibubutas pagdating sa trabaho.

Maging ang mga kapatid ni Coco na sina Ron at Ryan Martin ay hindi nakakatikim ng VIP o special treatment mula sa kanya.

“Nahihiya nga ako kasi pinasok ko sila sa Batang Quiapo kasi baka isipin ng ibang tao na porke’t kapatid, ipinasok. Sabi ko naman, ‘Ibang tao nga, natutulungan ko.’ Siyempre, ‘di ba, honestly, bilang Pilipino, tutulungan mo rin ‘yung mga kapatid mo!

“Pero lagi kong sinasabi talaga (bilin kina Ron at Ryan), ayaw kong mapapahiya talaga ako kasi ayaw kong masira ang pangalan ko sa mga boss, ‘di ba? Ayaw ko ‘yung baka mag-feeling-feeling sa set, eh, or magtamad-tamaran. Alam mo ‘yun? O wala, hindi marunong umarte,” pahayag ng aktor.

Sa set din ng BQ ay hindi kasama ni Coco ang mga kapatid.

“Hindi, magkakasama sila ng co-actors,” sambit ng actor.

Sey ni Ogie, “Talagang meron kayong mga posisyon na ito, bida rito (tent), dito ang supporting (ibang tent).”

“Oo, ganu’n kasi ang inaano (iniisip) ko, ang respeto kasi kailangan may (wall) kasi nasa trabaho kami, wala naman kami sa bahay, ‘di ba? 

“Saka para alam din nila (Ron at Ryan) kung ano ‘yung takbo o patakaran. Siyempre, puwedeng lumaki ang ulo ng mga ‘yan, kasi ako, line producer at director, ‘di ba? Hindi talaga at mas layo kayong mag-ingat kasi kapatid ko kayo at konting mali n’yo lang, sa ‘kin magre-reflect at magmumukhang kinukunsinti ko kayo o ganyan.  Mayabang kayo dahil kapatid ninyo ako,” paliwanag mabuti ng Kuya Coco ng magkapatid.

Nabanggit din ni Coco na maski raw sa bahay nila ay pareho ang trato niya sa mga kapatid at kasambahay, walang espesyal.

“Kasi ganu’n ako kabalanse, ayaw kong nakikita ko (ang) mga kapatid ko na mag-boss-boss. Ay, hindi, ayaw ko nu’n!

“Dapat kung ano ang trato ko para ‘yung respeto rin, makita nila na, ‘Ah, patas ang taong ‘to,’” sey pa niya.

At kahit istriktong kuya si Coco sa mga kapatid niya, lahat sila ay may tig-iisang bahay na sadyang ipinagawa ng actor at pantay-pantay din ang sukat.

“Kasi ‘yung isang factor na wala kaming magulang o ‘di sila tumayong magulang sa ‘min, walang tatayo kundi ako. Kaya ‘yung bahay ko ngayon, kung saan ako nakatira, siyempre hindi pa naman ako nakakaintindi noon, nu’ng patapos na, nakita ko ‘yung kuwarto ko na malaki, ‘yung sa mga kapatid ko, maliit sa mata ko, kaya pinatibag ko.

“Nagtapon ako ng P11 milyon para lang baguhin, hindi naman pareho sa bahay ko, pero alam kong maayos sila at komportable sila,” paliwanag ni Coco.

At dahil nasa iisang compound silang lahat ay nagkaroon din ng isyu dahil kahit magkakahiwalay na bahay na, pero nasa iisang lugar pa rin.

“‘Yung imahinasyon mo na magkakasama ang pamilya mo, buo, may problema pa rin.

Nagkakaroon ng conflict at ako ‘yung pinakamalungkot kasi nga pangarap ko, nandoon na mommy ko, nandoon na rin tatay ko, kaso ganu’n talaga, hindi maiiwasan.

“Kaya ang ginawa ko, isa-isa kong ginapang, pinag-ipunan ko lahat (nagpagawa ng bagong bahay), na nasa iisang village na sila (para sa apat na kapatid),” kuwento ng actor.

Kaya ang bahay na mala-resort kung tawagin ng mga kapitbahay ay solo na ni Coco Martin kasama ang tatay at nanay nitong magkaiba ang unit.

Marami pang kuwento ang actor tungkol sa pinlano niyang mag-produce ng pelikula noon pero walang pera na tampo niya sa ABS-CBN, pati na rin na hinimok siyang kumandidato bilang konsehal at iba pa, itutuloy namin sa susunod na isyu.

Kaya raw nagtatago, nambaligtad pa… KEN, INAKUSAHAN NG KASOSYO NA IBINULSA ANG KINITA NG RESTO

ni Reggee Bonoan @Sheet Matters | Nov. 16, 2024

Photo: Ken Chan - Instagram

Tila hindi nagustuhan ng dating business partner ni Ken Chan ang inilabas na statement ng aktor kaugnay ng isinampa sa kanyang syndicated estafa ng isang complainant na diumano ay nag-invest ng P14M sa tatlong branches ng itinayo nitong Cafe Claus Resto.

Sa kanyang Instagram Stories, ishinare ni Mark Wei ang naging pahayag ni Ken.

Sey niya, “Okay, wait, ako naman magsalita soon Lakas mangbaliktad. Hindi malulugi, kung sa negosyo napunta ang pera at hindi sa bulsa. LOL (laugh out loud).

“Why hide and seek, why may probable cause if nalugi. Hay showbiz nga naman." 

Ayon kay Mark, ang lahat ng kanilang mga paratang ay may solidong legal na basehan at ebidensiya at hindi lang chismis. 

“Hindi 'to kwentong kutchero lang po, kaya nga may warrant na ‘di ba?” diin pa nito.

Hinamon din ni Mark Wei si Ken na kung inosente talaga ito ay harapin na lang daw nila ang kaso sa korte at ‘wag magtago.

“Harapin mo na lang kami po, let’s put it in the proper forum sa court.” 

Nagbanta pa si Mark na may mga karagdagang reklamo pang isasampa laban sa aktor, bukod pa sa kasong syndicated estafa na naisampa na rito.

“More filings are on the way,” aniya sa kanyang IG Story.

Huling mensahe ni Mark sa publiko, “Sa mga taong nagko-comment, sana ‘wag natin suportahan ‘yung mali. Hindi lahat ng matatamis na salita ay totoo.” 

---

SAMANTALA, naniniwala kami na kapag ang isang tao ay nagtanim ng kabutihan sa kanyang kapwa o nagpakita ng magandang asal sa publiko ay marami pa ring susuporta kahit na puro negatibo ang ibinabalita tungkol sa kanya.

Maraming naniniwala, sumusuporta at nanalangin kay Ken Chan dahil wala sa ugali nito ang manloko base sa mga nabasa namin mula sa mga netizens na nagkomento sa post ng actor.

Ang ilan sa mga nabasa naming komento ng mga netizens at mga nakatrabaho niya sa GMA-7 ay ang mga sumusunod:

“We love you, Ken! Isasama ka namin sa prayers, fighting!”

“Kilala ka namin na marangal at mabuting tao. Walang salita o paninira ang magbabago sa paningin namin sa ‘yo. This too shall pass.”

“We love you, Ken. Laban lang! Kasama ka sa aming prayers.”

“We believe in you, Ken. The truth will set you free! Prayers here. Be brave.”

“I’ve known you to be a good person.”

Mula kay Direk Mark Reyes, “Which does not kill us, only makes us stronger! Keep fighting, Ken.”

Sabi ng actor na si Anthony Roquel, “If God is for you who can be against you.”

“I have known Ken Steven Chan for at least 5 years and I can vouch that he is a good, honest and kind person. Whatever went wrong with the businesses with some partners we really don’t know. It may just be losing money but for sure it didn’t go to Ken’s pockets. Nak, I have included you in my prayers. God bless you.”

“No man can put a good man down! God bless, Ken!”

Mabuting tao ang pagkakakilala ng production designer ng GMA-7 na si Potchi R. Manda sa actor, “Isa kang mabuting tao, Ken. I’ve known you for quite sometimes and I could tell na you are an honest and responsible person. Hindi lang naging maayos ang nakasama mo. I hope maiayos ng tama ang kasong isinasampa nila laban sa ‘yo. God will help you in every step of the way.”

“Tama, Ken. Harapin mo sila. ‘Di estafa ang nangyari, nalugi ang negosyo mo, kung saan sila kasama. Kailangan lang magpakita ka ng ebidensiya na talagang nalugi ang negosyo.”