VP Sara, dapat ihanda ang sarili sa impeachment, PBBM ‘di seryoso sa panawagan

ni Pablo Hernandez @Prangkahan | Dec. 3, 2024

MAGIGISA SI VP SARA SA NBI PROBE DAHIL MAS MAHUSAY AT MALALIM ITONG MAG-IMBESTIGA KAYSA QUADCOMM -- Tinabla ni National Bureau of Investigation (NBI) ang hiling ni Vice Pres. Sara Duterte-Carpio na padalhan siya ng listahan ng mga itatanong sa kanya ng ahensya kaugnay sa imbestigasyon sa  “assassination” remark ng bise presidente kina Pres. Bongbong Marcos (PBBM), First Lady Liza Araneta-Marcos at Speaker Martin Romualdez kasi ayon sa NBI chief ay hindi nila ginagawa ang ganu’n na magpadala ng advance question sa mga taong kanilang iimbestigahan.

Dahil diyan ay asahan na ni VP Sara na “magigisa” siya nang husto sa mga katanungan ng mga NBI investigator kasi sa totoo lang, mas mahusay at mas malalim magsagawa ng imbestigasyon ang NBI kaysa Quad Committee ng Kamara na “gumigisa” sa mga opisyal ng Office of the Vice President (OVP) sa isyung confidential scam, boom!

XXX

PBBM ‘DI SERYOSO SA PANAWAGANG HUWAG I-IMPEACH -- Maituturing na hindi seryoso si PBBM sa panawagan niya sa House of Representatives na huwag i-impeach si VP Sara kasi kung seryoso dapat ay nangako ang mga kongresista na susundin ang utos ng Pangulo, at sa halip ang sabi ni Deputy Floor Leader, La Union Rep. Paolo Ortega V na kapag may nagsampa ng impeachment case laban sa bise presidente ay tatanggapin ito ng Kamara.

Dahil diyan ay dapat ihanda na ni VP Sara ang kakaharapin niyang impeachment case sa Kamara, period!

XXX

DIREKTIBANG POLICE VISIBILITY NI GEN. ABERIN, NAGPAPABABA NG CRIME RATE SA NCR -- Sa pag-upo ni Brig. Gen. Anthony Aberin bilang director ng National Capital Regional Police Office (NCRPO) noong Nov. 22, 2024 ay agad ipinag-utos nito Manila Police District, Quezon City Police District, Northern Police District, Southern Police District at Eastern Police District ang police visibility sa mga strategic areas sa Metro Manila, at dahil diyan, sa loob lang ng halos isang linggo, mula Nov. 24 hanggang Nov. 30, 2024 ay bumaba ng 17.52 % ang crime rate sa National Capital Region (NCR).

‘Yan palang direktibang police visibility ni Gen. Aberin ang solusyon para bumaba ang crime rate sa Metro Manila, palakpakan naman diyan!

XXX

PARA MATUPAD ANG NAIS NI PBBM NA LABANAN ANG KAHIRAPAN AT KAGUTUMAN, SIBAKIN NIYA SI GADON -- Sa nakaraang selebrasyon ng “Bonifacio Day” noong Nov. 30, 2024 ay isa sa gagawin ng Marcos administrasyon ay labanan ang kahirapan at kagutuman.

Magkakaroon lang ng katuparan ang sinabing iyan ni PBBM kung sisibakin niya si Sec. Larry Gadon bilang Presidential Adviser on Poverty Alleviation (PAPA) kasi ang inaatupag nito ay atakehin si VP Sara at hindi solusyunan na maiahon sa kahirapan at kagutuman ang mga maralitang Pinoy, period!

Panawagan ni PBBM na huwag i-impeach si VP Sara, tatablahin ng Kamara

ni Pablo Hernandez @Prangkahan | Dec. 2, 2024

PBBM, TATABLAHIN NG KAMARA SA ISYUNG IMPEACHMENT KAY VP SARA -- Tila tatablahin ng Kamara ang pakiusap ni Pres. Bongbong Marcos (PBBM) na huwag i-impeach si Vice Pres. Sara Duterte-Carpio.

Mismong si House Deputy Majority Leader, La Union Rep. Paolo Ortega V na kasi ang nagsabi na sakaling may mag-file ng impeachment case laban kay VP Sara na may kaugnayan sa pagbabanta sa buhay ng Presidente, First Lady Liza Araneta-Marcos at Speaker Martin Romualdez ay wala raw silang magagawa kundi sundin ang nakasaad sa Konstitusyon na ito ay tanggapin at dinggin ng Kamara kung may basehan na dapat siyang i-impeach o hindi, period!

XXX

‘DI MAN AMININ, PERO MALAMANG TULIRO NA ANG UTAK NI VP SARA DAHIL INIIMBESTIGAHAN NA NG QUADCOMM, TATALUPAN PA NG NBI AT CIDG -- Bukod sa National Bureau of Investigation (NBI), magsasagawa rin ng imbestigasyon ang Philippine National Police Criminal Investigation and Detection Group (PNP-CIDG) tungkol sa ginawang pagbabanta umano ni VP Sara sa buhay nina PBBM, FL Liza at Speaker Romualdez.

Hindi man aminin ay tiyak tuliro na ang utak ni VP Sara kasi iniimbestigahan na siya ng Quad Committee ng Kamara patungkol sa kinasasangkutan niyang confidential funds scam, tapos tatalupan din siya ng NBI at CIDG sa ‘pagbabanta’ sa buhay nina PBBM, FL Liza at Speaker Romualdez, boom!

XXX

BAD SA PANINGIN NG MUNDO NA ITURING NA TERORISTA ANG BISE PRESIDENTE NG ‘PINAS -- Nilinaw ni Usec. Jesse Andres ng Dept. of Justice (DOJ) na hindi nila itinuturing na terorista si VP Sara tulad ng paniwala ng bise presidente na sasampahan siya ng kasong may kaugnayan sa Anti-Terror Law patungkol sa pagbabanta umano niya sa buhay nina PBBM, FL Liza at Speaker Romualdez.

Mabuti naman nilinaw na agad iyan ni Usec. Andres kasi kung hindi nabigyang-linaw ay dagdag-kasiraan ‘yan sa mundo, na ang bise presidente ng ‘Pinas ay itinuturing na terorista ng DOJ, period!

XXX

33 YEARS NA PO ANG BULGAR -- Ngayong araw, Dec. 2, 2024 ay ika-33 taong anibersaryo ng pahayagang BULGAR.

Sa lahat ng mga kababayang patuloy na tumatangkilik, at maging sa BULGAR online, umasa kayo na mas lalo pa naming huhusayan ang paghahatid ng balita at serbisyo sa inyo, maraming-maraming salamat po!

Dagdag-presyo sa LPG, bad na Pamasko ng Marcos admin

ni Pablo Hernandez @Prangkahan | Dec. 1, 2024

PBBM ‘WEAK LEADER’, PINUTAKTI NA SIYA NG ATAKE NG MGA DUTERTE, ATRAS SIYA SA IMPEACHMENT KAY VP SARA -- Hindi nagustuhan ng mga Makabayan bloc representatives ang panawagan ni Pres. Bongbong Marcos (PBBM) na huwag i-impeach si Vice Pres. Sara Duterte-Carpio, na ayon kina ACT Teacher Partylist Rep. France Castro, Gabriela Partylist Rep. Arlene Brosas at Kabataan Partylist Rep. Raoul Manuel ay pagpapakita ito na weak leader si PBBM.

May punto ang Makabayan bloc representatives na sabihang weak leader si PBBM kasi sinabihan na siyang drug addict, nagbantang huhukayin sa Libingan ng mga Bayani ang ama niyang si ex-Pres. Ferdinand Edralin Marcos, Sr. at itatapon ito sa West Philippine Sea (WPS), pinagbantaang pupugutan siya ng ulo, minura at pinagbantaan ding ipapa-assassinate siya, pati  ang kanyang misis na si First Lady Liza Araneta-Marcos at pinsang si Speaker Martin Romualdez, ay gusto pang harangin ang impeachment laban kay VP Sara, period!

XXX

PBBM, INAKALA NG PUBLIKO NA ASTIG NA HINDI PA PALA, ‘LUMAMBOT’ SA ISYUNG IMPEACHMENT KAY VP SARA -- Matapos pagbantaan ni VP Sara na ipapa-assassinate niya sina PBBM, FL Liza at Speaker Romualdez, ay sinabi ng presidente na hindi niya mapapalampas ang pagbabanta ng bise presidente, na kesyo papalagan daw niya ito.

Inakala ng publiko na astig na si PBBM pero nang mabalitaan niya na may mga Duterte

Diehard Supporters (DDS) na nagra-rally sa EDSA Shrine, ay “lumambot” ang Presidente, biglang nanawagan sa Kamara na huwag i-impeach si VP Sara. Marahil sa takot na baka ‘pag na-impeach ang bise presidente, ay magkaroon ng People Power at mapatalsik siya sa poder, boom!

XXX

SECURITY OFFICERS NG OVP ANG MANDATO NINA COL. LACHICA AT COL. NOLASCO AT HINDI DAPAT TAGABIGAY NG CONFI FUNDS -- Sinibak ni Armed Forces of the Philippines (AFP) Chief of Staff General Romeo Brawner, Jr. sina Army Col. Raymund Lachica at Army Col. Dennis Nolasco bilang mga security officer ng Office of the Vice President (OVP) matapos na idawit nina OVP disbursing officer Gina Acosta at former Dept. of Education (DepEd) disbursing officer Edward Fajarda ang kanilang mga pangalan na sa kanila napunta ang milyun-milyong pisong confidential funds at sila ang namimigay ng reward sa mga recipient ng condi funds.

Tama ang ginawang pagsibak ni Gen. Brawner kina Col. Lachica at Col. Nolasco kasi ang mandato nila ay bilang mga security officer at hindi tagabigay ng confi funds, period! 

XXX

BAD NA PAMASKO SA MAMAMAYAN ANG INAPRUB NG MARCOS ADMIN NA TAAS-PRESYO NG LPG -- Inanunsyo ng mga Energy Regulatory Commission (ERC) ang dagdag na P1.20 sa presyo ng kada kilo ng LPG ngayong raw na ito. 

Iyan ang bad na pamasko ng Marcos admin sa publiko, buset!