Mga bawal dalhin at gawin sa sementeryo, sundin para iwas-gulo

ni Pablo Hernandez @Prangkahan | Nov 1, 2024

PATI PANG-PORK BARREL PROJECTS NG MGA SEN. AT CONG. KASAMA SA INUUTANG, KAYA NABABAON ANG ‘PINAS -- Inanunsyo ng Bureau of Treasury (BOT) na pumalo na sa P15.89 trillion ang utang ng Pilipinas at ang nakakarindi, bago raw matapos ang year 2024 ay papalo pa sa P16.06 trillion ang magiging utang ng bansa sa iba’t ibang financial institution sa mundo.

Palubog na nang palubog sa utang ang bansa at siguradong mas lalo pang lulubog ang ‘Pinas sa mga darating pang panahon, kasi nga ayon sa tirada noon ni Baguio City Mayor Benjamin Magalong, kabilang sa inuutang ng Pilipinas ay para sa pang-pork barrel ng mga senador at kongresista, boom!

XXX

DAPAT IBASURA NA NG COMELEC COC NG POLITICAL DYNASTY PARA MATAPOS NA HAPPY DAYS NG MGA ‘KAMAG-ANAK INC.’ SA PULITIKA -- Matapos magsampa ng disqualification case ang iba’t ibang cause-oriented group laban sa mga political dynasty sa Comelec, magsasampa rin daw ng ganitong uri ng kaso ang Makabayan bloc laban naman sa mga partylist ng magkakamag-anak na politicians. Ayon sa kanila, unconstitutional naman daw talaga ang political dynasty base sa nakasaad sa 1987 Constitution, Artikulo II, Seksyon 26 dahil may isinasaad na ganito, “Dapat seguruhin ng Estado ang pantay na pag-uukol ng mga pagkakataon para sa lingkurang pambayan, at ipagbawal ang mga dinastiyang pulitikal, ayon sa maaaring ipagkahulugan ng batas.”

Sana, alang-alang sa kapakanan ng mamamayan, katigan ng Comelec ang hirit ng mga cause-oriented groups at Makabayan bloc, ibasura na nila ang certificate of candidacy (COC) ng mga political dynasty para matapos na ang happy days ng mga “Kamag-anak Inc.” sa pulitika, period!

XXX

SA IPINAKITANG KAASTIGAN NI EX-P-DUTERTE SA SENADO, MAGKALAKAS-LOOB PA KAYA ANG QUAD COMMITTEE NA IPATAWAG SIYA SA KAMARA? -- Isa sa kuwelang nangyari sa pagdinig ng Senado tungkol sa extra-judicial killings (EJK) ay ‘yung nagpasya ang mga senador na payagan na si ex-P-Duterte na mag-exit sa hearing kasi binabara-bara nito ang mga kuwestiyon ni Sen. Risa Hontiveros, ang problem nagpakaastig, ayaw pumayag ng ex-president na umalis, gusto niya andu’n siya hanggang matapos ang pagdinig, na ‘ika niya, kahit abutin pa raw sila ng kinabukasan.

Gayunman, napakiusapan pa rin si ex-P-Duterte na umalis na ang ikinatuwiran na lang, para raw makapagpahinga na ang dating presidente.

Ito ngayon ang tanong: Sa ipinakitang kaastigan ni ex-P-Duterte sa Senate hearing, magkaroon pa kaya ng lakas ng loob ang Quad Committee ng Kamara na ipatawag ang ex-president, abangan!

XXX

MGA IPINAGBABAWAL DALHIN SA MGA SEMENTERYO SUNDIN PARA MAPAYAPA ANG PAGDIRIWANG NG PISTA NG MGA PATAY -- Ngayong Undas o Pista ng mga Patay, kabilang sa mga ipinagbabawal na dalhin sa sementeryo ay baril, patalim, alak, karaoke at pagsusugal.

Sana lahat ng mga ipinagbabawal na iyan ay sundin ng mamamayan para iwas-gulo, at maging mapayapa ang pagdiriwang ng Undas sa mga sementeryo, period!

Kongreso, dapat maghinay-hinay... VP Sara, ‘pag kinasuhan at pinatalsik, 32M botante ang magagalit

ni Pablo Hernandez @Prangkahan | Oct. 31, 2024

MGA TAGA-PHILHEALTH, PETITIONERS AT SEN. BONG GO, NAGBUNYI SA TRO NG SC NA PAGPIGIL NA ILIPAT SA NATIONAL TREASURY SOBRANG PONDO NG AHENSYA -- Nagbunyi ang mga taga-PhilHealth, mga petitioner at maging si Sen. Bong Go, Senate chairman ng Committee on Health and Demography sa inilabas na temporary restraining order (TRO) sa paglipat ng sobrang P89 bilyong pondo ng PhilHealth sa national treasury.

Isa si Sen. Bong Go sa mga bumabatikos sa desisyon ni Finance Sec. Ralph Recto na ibigay ng PhilHealth ang sobrang pondo nito sa national treasury para raw magamit sa iba’t ibang proyekto ng pamahalaan, na ang duda ng senador, ng mga taga-PhilHealth at ng mga petitioner na baka makurakot lang ito (P89B), imbes na magamit sa health care ng mamamayan.

Dahil sa TRO na iyan ng SC, nakatitiyak na ang mamamayan na mas mapagbubuti pa ng PhilHealth ang serbisyo sa sambayanan, period!

XXX

VP SARA, HINDI LANG PALA KAKASUHAN NG PLUNDER, I-IMPEACH PA -- Hindi lang pala plunder case ang plano ng Kongreso na isampa kay Vice Pres. Sara Duterte-Carpio, kundi nais din pala nilang i-impeach ang bise presidente.

Naku, hinay-hinay ang Kongreso sa mga plano nilang ito dahil sabi noon ni Sen. Imee Marcos patungkol sa mga kongresista, “Naghahamon ba kayo sa 32M?”, na ang tinutukoy ay iyong mga bumoto kay VP Sara.

Sa totoo lang, dapat lang talagang maghinay-hinay ang Kongreso dahil baka hindi nila mapigilan kapag nagalit iyang 32M voters ni VP Sara, boom!

XXX

KAPAG NAGKASABAY NA KINASUHAN ANG MAG-AMANG DUTERTE, BAKA ISIPIN NG PUBLIKO NA PINEPERSONAL NG MARCOS ADMIN ANG PAMILYA DUTERTE -- Nais din ng Kongreso na sampahan ng kaso si ex-P-Duterte na may kaugnayan sa extrajudicial killings (EJK) hinggil sa pag-amin ng dating presidente na siya ang full legal responsibility sa bloody drug war noong Duterte administration.

Aba, dapat isa-isa lang, huwag naman na kakasuhan na ng Kongreso ng plunder at i-impeach pa si VP Sara, tapos kakasuhan din ng multiple murder si ex-P-Duterte, dahil kapag pinagsabay nila na sampahan ng mga ganyang kaso ang mag-amang Duterte ay malamang isipin ng publiko na masyado nang pinepersonal ng Marcos admin ang pamilya Duterte, period!

XXX

KAYA MALALA ANG TRAPIK SA MANILA DAHIL ILANG TRAFFIC ENFORCER, IMBES MAGMANDO NG TRAPIKO, NAG-AABANG NG MAKOKOTONGANG MOTORISTA -- Sa inilabas na data ng Asian Vibes ay ikatlo ang Manila sa mga lungsod sa Asya na may pinakamalalang problema sa daloy ng trapiko.

Hay naku, ba’t naman hindi lalala kasi imbes magmando ng trapiko ang ilang traffic enforcer sa Manila, eh ang inaatupag magtago para kapag nagkabuhol-buhol ang daloy ng trapiko, at may motoristang gagawa ng traffic violation saka lilitaw ang traffic enforcer, huhulihin ang lumabag at saka kokotongan, boom!

Ex-P-Duterte, imbes na magisa sa Senado, sinopla at sinermunan si Sen. Risa

ni Pablo Hernandez @Prangkahan | Oct. 30, 2024

INAKALA NG PUBLIKO NA MAGIGISA NI SEN. RISA SI EX-P-DUTERTE, KABALIGTARAN NANGYARI, ANG SENADORA ANG SINOPLA AT SINERMUNAN NG EX-PRESIDENT -- Sa pagdinig ng Senado sa extrajudicial killings (EJK), buong akala ng publiko ay magigisa nang husto ni Sen. Risa Hontiveros si ex-P-Duterte, pero iba ang nasaksihan ng taumbayan kasi sa kada tanong ng senadora, sinusopla at sinisermunan siya ng ex-president.

Ilan sa halimbawa ay ‘yung tanong ni Sen. Risa sa “reward system” na sinagot ng dating pangulo na bakit daw siya magbibigay ng reward kasi tungkulin daw ng pulis na pumatay kung manlalaban ang aarestuhin. Sa tanong kung iniuutos ng dating presidente sa mga police general na magpapatay ng tao, ang tugon dito ni ex-P-Duterte ay hindi naman daw mga tanga o bobo ang mga heneral na sumunod sa ilegal na utos.

At nang tanungin kung inaamin nito (ex-P-Duterte) ang may full responsibility sa libu-libong namatay sa EJK, ang tugon ng ex-president ay wala raw siyang pakialam kung sa impiyerno mapunta ang mga napapatay na kriminal.

Sa inis ni Sen. Risa, siya ang um-exit sa pagdinig ng Senado sa EJK, he-he-he!

XXX

DAHIL POPULAR NA NAMAN SI EX-P-DUTERTE SA TIRADA NIYA VS. ILLEGAL DRUGS, KAPAG NANGAMPANYA VS. MGA KANDIDATO NI PBBM, BAKA LAHAT NG MANOK NG MARCOS ADMIN SA PAGKA-SENADOR MATALO -- Naging popular na naman si ex-P-Duterte sa ipinakita niyang matinding galit sa mga sangkot sa illegal drugs, na ayon sa kanya kung mabibigyan daw siya ng pagkakataon ay uulitin niya, at gagawin pang doble ang paglipol sa mga may kinalaman sa kalakaran ng droga sa bansa.

Dahil sa sinabing iyan ni ex-P-Duterte sa pagdinig sa Senado, nabuhay uli ang galit ng mamamayan sa mga sangkot sa droga, at napakaraming post at comment sa social media na,  “Duterte pa rin.”

Sa totoo lang, dahil popular na naman si ex-P-Duterte sa sinabi niyang pagkamuhi niya sa droga, kapag dumiin ito sa kampanya na huwag iboto ang mga kandidato sa pagka-senador ng Marcos administration ay baka isa man sa mga manok ni Pres. Bongbong Marcos (PBBM) ay walang manalo sa pagka-senador, baka lahat talo, boom!

XXX

KUNG ASTIG SA QUAD COMMITTEE SI COL. ESPENIDO, LUMAMBOT NAMAN SA SENADO, KASI UMAMIN SIYANG HEARSAY LANG ANG MGA ALEGASYON NIYA KAY SEN. BONG GO -- Kung naging astig si P/Col. Jovie Espenido sa Quad Committee ng Kamara sa pagdidiin kay Sen. Bong Go sa reward system sa EJK, na kesyo ang pera raw na ibinibigay sa mga pulis ay nagmumula sa Philippine Offshore Gaming Operators (POGO), Small-Town Lottery (STL) at jueteng, ay lumambot ito sa pagdinig sa Senado, kasi nang tanungin siya ng senador kung may personal knowledge siya tungkol sa mga alegasyong ito laban kay Sen. Go, ang tugon niya ay wala raw, at sinabing hearsay lang ang mga ibinida niya sa QuadComm.

Dahil diyan, ang duda ng mga senador ay may nag-utos lang kay Col. Espenido para siraan si Sen. Bong Go kasi nga reelectionist ito for senator, period!

XXX

PAGASA SA PANAHON NG MARCOS ADMIN, SABLAY! -- Noong Linggo, Oct. 27, ay sinabi ng PAGASA na bagama’t nabuo na raw bilang bagyo si “Leon” ay wala naman daw direktang epekto ito sa bansa, pero kamakalawa (Lunes) nagdeklara na ang PAGASA ng Signal 1 sa iba’t ibang rehiyon sa ‘Pinas.

Ganyan kapalpak ang PAGASA sa panahon ng Marcos admin, sasabihin na wala raw epekto ang bagyo, pero meron pala, pwe!