PBBM, ‘di raw makiki-cooperate sa ICC, pero sa Interpol okey, ano ‘yun?!

ni Pablo Hernandez @Prangkahan | Nov 15, 2024

KAPAG NAGING MAYOR ULI SI EX-P-DUTERTE, TIYAK MAGPUPULASAN PALABAS NG DAVAO CITY ANG MGA TULAK AT ADIK -- Sa pagdinig sa Quad Committee ng Kamara, habang ginigisa si ex-P-Duterte tungkol sa extrajudicial killlings (EJK) ay sinabi niya na ang lahat daw ng mga patayang naganap sa kanyang drug war ay responsibilidad niya bilang dating presidente, hindi raw siya natatakot makulong, at kapag nanalo raw siya uli sa pagka-alkalde ng Davao City ay uulitin niya ang bloody drug war, dobladong aksyon laban sa droga.

Dahil sa sinabing iyan ni ex-P-Duterte, sakaling siya ang magwagi sa pagka-alkalde ng Davao City, ay asahan nang magpupulasan palabas ng lungsod ang mga tulak at adik kasi alam nilang hindi nagbibiro ang ex-president sa pahayag nitong gagawin niyang doblado ang kampanya niyang “giyera” laban sa droga, period! 

XXX

MAY TSANSANG MAGING PRESIDENTE SA 2028 SI VP SARA KAPAG NANALO SA DAVAO CITY SINA EX-P-DUTERTE, BASTE AT PULONG -- Mahalaga sa pamilya Duterte ang May 2025 midterm election kasi ito ang magiging pamantayan sa pagsabak ni Vice Pres. Sara Duterte-Carpio sa 2028 presidential election.

Kapag nanalo sa Davao City sina ex-P-Duterte sa pagka-alkalde, Baste sa pagka-vice mayor at Pulong sa pagka-congressman, isa lang ang ibig sabihin niyan, malaki ang tsansa ni VP Sara na magwagi sa 2028 election, abangan!

XXX

TIYAK IBABASURA NG MILYUN-MILYONG DDS ANG MGA SENATORIAL CANDIDATE NI PBBM KAPAG HINAYAAN NIYANG PUMASOK SA ‘PINAS ANG INTERPOL -- Sinabi ni PBBM na hindi raw makikipag-cooperate ang kanyang administrasyon sa International Criminal Court (ICC), pero hindi naman daw pipigilan ng Marcos admin ang International Criminal Police Organization (Interpol) na pumasok sa bansa.

Ibig sabihin niyan, kapag nagpalabas ng warrant of arrest ang ICC laban kina ex-P-Duterte, Sen. Ronald Dela Rosa at sa iba pang sangkot sa EJK sa bansa ay hindi makikipag-cooperate ang Marcos admin sa paghahain ng arrest order sa mga nabanggit, pero hahayaan ni PBBM na pumasok sa ‘Pinas ang Interpol para sila ang umaresto sa dating presidente, senador, etc.

Iyang sinabi ni PBBM na hahayaan niyang pumasok sa bansa ang Interpol, tiyak magbu-boomerang iyan sa mga senatorial candidate ng Marcos admin dahil siguradong ibabasura sila sa eleksyon ng milyun-milyong Duterte Diehard Supporters (DDS), period!

XXX

DAHIL SA SUNUD-SUNOD NA BAGYO AT BAHA, SUNUD-SUNOD DIN ANG PAMBA-BASH KAY PBBM DAHIL SA FAKE NEWS NA 5,500 FLOOD CONTROL PROJECTS -- Sunud-sunod ang mga bagyong pumapasok sa bansa na nagdudulot din ng sunud-sunod na lagpas-taong baha, lagpas-bahay na baha.

Hindi man aminin ay tiyak toreteng-torete na si Pres. Bongbong Marcos (PBBM) kasi sunud-sunod din ang pamba-bash sa kanya sa social media dahil nga nalaman na ngayon ng publiko na fake news lang pala ang ibinida niya sa kanyang last July State of the Nation Address (SONA) na may mahigit 5,500 flood control projects na ang natapos gawin ng kanyang pamahalaan, boom!

‘Pinas, may pinakamaraming casino sa Asya, grabe!

ni Pablo Hernandez @Prangkahan | Nov 14, 2024

NAGING KUWESTIYUNABLE ANG MGA ALEGASYON NI GARMA KAY EX-P-DUTERTE AT SA MGA PULIS DAHIL PUMUGA SIYA -- Sa unang pagharap ni former Philippine Charity Sweepstakes Office (PCSO), ret. Col. Royima Garma ay ikinulong siya sa Kamara, at nang banggitin na makikipagtulungan sa Quad Committee at sabihing totoo ang reward system at idiin si ex-P-Duterte sa EJK ay pinalaya na siya ng mga cong. sa kanyang kulungan, pero lingid sa kaalaman ng mga kongresista ay pumuslit pala ito palabas ng ‘Pinas at nagtungo sa Amerika. Ang problema minalas siya pati ang kanyang anak dahil hinarang sila ng mga otoridad sa California, USA at sa ngayon ay inaayos na ng mga otoridad ang pagpapauwi sa kanya sa bansa.

Dahil diyan, naging kuwestiyunable ang mga akusasyon ni Garma kay ex-P-Duterte at sa mga police official sa EJK, kasi kung totoo ang kanyang mga pinagsasabi sa QuadComm, hindi sana siya umeskapo palabas ng ‘Pinas, period!

XXX

BAKIT ISA MAN SA MGA TAGA-QUADCOMM AY WALANG HUMIRIT NA IPATAWAG SA HOUSE HEARING SI CUSTOMS OFFICIAL MARONILLA? -- Sa pagdinig ng QuadComm tungkol sa illegal drugs noong Nov. 7, 2024 ay naitanong ng mga cong. kay detenidong former Customs Intelligence Officer Jimmy Guban ang kaso ni Customs fixer-broker Mark Taguba na may kaugnayan sa shabu shipment noong year 2017, at ayon sa kanya (Guban) ay biktima lang daw si Taguba, pati ang isang Tatad (consignee Eirene Tatad) na kapwa hinatulan ng korte ng habambuhay na pagkabilanggo.

“Biktima lang sina Taguba at Tatad, si Collector Maronilla nakalibre, absuwelto, promoted pa,” ani Guban.

Karaniwan sa QuadComm, kapag may nabanggit na pangalan, ipinatatawag ito sa next hearing, pero nang mabanggit ni Guban ang pangalang Collector Maronilla ay bakit ni isa sa mga cong., walang humirit na ipatawag ito sa susunod na hearing para tanungin tungkol sa nasabi laban sa kanya ng detenidong Customs officer na siya ay nakalibre, absuwelto at promoted pa? Tsk!

XXX

HANGGA’T HINDI IPINAHUHULI ANG MGA UKAY-UKAY SMUGGLER HINDI MATITIGIL ANG TARA SYSTEM SA CUSTOMS -- Ibinulgar din ni Guban na talamak pa rin ang tara system at ukay-ukay smuggling sa Customs.

Sa totoo lang, hangga’t hindi ipinahuhuli, pinakakasuhan at ipinakukulong ni Customs Comm. Bienvenido Rubio ang mga kilalang ukay-ukay smugglers na sina alyas "Gerry," "Joel," "John Paul," "Janjan," "Ringgo," "Jimpol," "Egay," "Tina U.," "Bebang," "Big Mama" at "Kimberly," ay hindi matitigil ang tara system sa Customs, period!

XXX

‘PINAS, MAY PINAKAMARAMING CASINO SA ASYA -- Sa data na inilabas ng Archlight.com na nakabase sa London, sa buong Asya ay ang Pilipinas ang may pinakamaraming casino sa bilang na 76.

Sa rami ng mga casino na iyan, ay parang sinabi na rin ng Archlight.com na sa Pilipinas may pinakamaraming sugarol, boom!

Hindi lang confi funds ni VP Sara ang imbestigahan, dapat pati intel funds ng 3 general

ni Pablo Hernandez @Prangkahan | Nov 13, 2024

MGA ANTI-DUTERTE POLITICIAN ANG UMAATAKE KAY VP SARA, KAYA NIYA NASABING ‘POLITICALLY MOTIVATED’ MGA BANAT SA KANYA -- Nitong nakalipas na Nobyembre 11, 2024, habang tinitirya uli ng mga kongresistang miyembro ng House Committee on Good Government and Public Accountability ang anila ay maling paggasta ni Vice President, and former Dept. of Education (DepEd) Sec. Sara Duterte-Carpio sa mga naging confidential fund niya sa Office of the Vice President (OVP) at DepEd, ay sinabayan ito ng bise presidente ng presscon, at ayon sa kanya ay politically motivated ang House hearing para siraan siya sa publiko.

May punto si VP Sara sa sinabi niyang politically motivated ang mga atake sa kanya kasi nga mga anti-Duterte politician ang nag-iimbestiga sa kanyang naging confidential funds, period!

XXX

DAPAT HINDI LANG SA CONFI FUND NI VP SARA MAGPOKUS ANG MGA CONG., IMBESTIGAHAN DIN NILA ANG INTEL FUNDS NG 3 POLICE GENERAL -- Hilig din lang ng mga kongresista na mag-imbestiga sa confidential fund, dapat imbestigahan din ng Quad Committee kung nagagamit sa tama ang mga intelligence funds nina PNP Chief Gen. Rommel Marbil, PNP-Region 3 Director, Brig. Gen. Redrico Maranan at PNP-Region 4-A Director, Brig. Gen. Kenneth Lucas.

Ginagamit na kasi sa protection racket nina alyas "Parax" at "Parak" sa Central Luzon, nina "Rico" at "Jong" sa Southern Tagalog region ang kanilang mga pangalan, hindi pa nila alam.

Kung nagagamit sa tama ng tatlong police general ang kanilang intel funds, dapat ipinahuli na nila ang mga taong ito na patuloy namang gumagamit sa kanilang mga pangalan sa protection racket, boom!

XXX

BAKA NAMAN PABIDA LANG NI CONG. KHONGHUN NA HANDA SIYANG MAGPATADYAK KAY EX-P-DUTERTE -- Matapos magbanta si ex-P-Duterte na sisipain niya ang mga cong. na magpipilit sa kanyang dumalo sa imbestigasyon ng QuadComm ng Kamara tungkol sa extrajudicial killings (EJK), sinabi ni Zambales Rep. Jay Khonghun ay handa raw siyang magpasipa sa ex-president basta’t dumalo lang ito sa House probe.

Baka naman pabida lang niya iyan, na kapag dumalo si ex-P-Duterte sa EJK hearing ay umabsent siya sa QuadComm probe para makaiwas sa tadyak ng ex-president, abangan!

XXX

MASYADONG HALATAIN NA IBINABANDERA NG RPMD KANDIDATURA NI ABALOS DAHIL IBINIDA PANG TOP PERFORMING CABINET SEC. DAW KAHIT ‘DI NA KALIHIM NG DILG -- Masyado namang halatain na pang-press release lang pabor kay former Dept. of the Interior and Local Gov’t. (DILG) Secretary, senatorial candidate Benhur Abalos ang inilabas na survey ng RPMD Foundation tungkol sa mga top performing Cabinet official ng Marcos admin.

Mantakin n’yo, hindi na DILG sec. si Abalos, pero siya pa ang ibinandera ng RPMD survey firm na top performing Cabinet secretary na may rating na 95.8%, tsk!