Wala namang terorista, pero Makati City Hall P240M confi fund ang ginasta, shocking!

ni Pablo Hernandez @Prangkahan | Dec. 23, 2024

SEN. PIA CAYETANO, NAUNGUSAN NI SEN. BONG GO SA TANGERE SURVEY, AT BEN TULFO NAUNGUSAN DIN SA PULSE ASIA SURVEY -- Sa kada labas ng senatorial survey sa panahong kabilang si Sen. Bong Go sa ginigiba ng mga anti-Duterte politician at anti-Duterte resource persons sa mga Quad Committee hearing sa Kamara ay hindi siya (Sen. Go) natitinag sa rank number 5, laging rank number 1 si ACT-CIS Partylist Rep. Erwin Tulfo, number 2 si broadcaster Ben Tulfo, number 3 si former Sen. Tito Sotto at number 4 si Sen. Pia Cayetano. 

Pero nang itinigil na ng QuadComm ang hearing noong Dec. 12, 2024, sa inilabas na survey ng Tangere Firm noong Dec. 16 ay naungusan na ni Sen. Bong Go sa ranking si Sen. Pia Cayetano, siya na ang nag-rank number 4 sa rating na 49.50% at ang senadora ang nag-rank number 5 sa rating na 42.71%, at sa latest survey naman na inilabas ng Pulse Asia kamakalawa (Dec. 21), nag-rank number 3 na si Sen. Bong Go sa rating na 54.7%, naungusan niya sa ranking si Ben Tulfo na nag-rank 4 sa rating na 52.7%.

Ang nais nating ipunto rito, kapag tuluyan nang itinigil ng QuadComm ang hearing ay maaaring sa mga susunod na resulta ng survey, si Sen. Bong Go na ang number 1 sa ranking, abangan!

XXX

SEN. BONG GO, HINDI CELEBRITY, HINDI SOCIAL MEDIA PERSONALITY AT WALANG DYNASTY, PERO MALAKAS SA TAO DAHIL SIYA LANG ANG NAKAGAWA NA MAGING LIBRE ANG PAGPAPAOSPITAL, LABORATORY AT PANGANGANAK -- Si Sen. Bong Go ay hindi celebrity, hindi sikat na social media personality at hindi rin siya nagmula sa angkan ng mga pulitiko, at katunayan nga ay wala siyang political dynasty, pero sa mga survey ay ang lakas ng arrived niya sa mamamayan.

Ang dahilan kung bakit malakas siya sa tao ay dahil likas na sa mga Pinoy ang tumatanaw ng utang na loob sa mga nakakagawa ng mabuti sa kanila, kasi sa mga naging senador ay si Sen. Bong Go lang ang nakagawa na maging free hospitalization ang mga public hospital sa pamamagitan ng kanyang “Malasakit Act” at free laboratory, at libreng panganganak sa mga itinatag niyang Super Health Clinic, period!

XXX

WALA NAMANG TERORISTA SA MAKATI CITY PERO P240M CONFI FUND ANG GINASTA NG MAKATI CITY HALL UNDER MAYOR ABBY BINAY, SHOCKING ITO AT DAPAT IMBESTIGAHAN DIN NG KAMARA -- Kung sakaling next year ay ipagpapatuloy ni Manila Rep. Joel Chua, chairman ng House Committee on Good Government and Public Accountability ang imbestigasyon sa paggasta ng P500 million confidential fund ng Office of the Vice President (OVP) at P150M confi fund ng Dept. of Education (DepEd), sana ay isabay na rin ng Kamara na imbestigahan ang ibinulgar ng Commission on Audit (COA) na gumasta ng P240M confi fund ang Makati City Hall sa ilalim ng liderato ni incumbent Mayor Abby Binay na senatorial candidate rin.

Sa totoo lang, nakaka-shock din ito kasi mantakin n’yo, wala namang terorista sa Makati City, tapos ganyan kalaki (P240M) ang confi fund na ginasta ng Makati City Hall.

Kung ginamit sa tama oks lang, pero kung kuwestiyunable ang paggasta, dapat may managot diyan, boom!

XXX

MAGAWA KAYA NG BAGONG SPD DIRECTOR NA SI GEN. ABRUGENA NA HULIHIN ANG MGA SCALAWAG AT TONGPATS COLLECTORS SA KANYANG JURISDICTION? -- May bagong director na ang Southern Police District (SPD) sa katauhan ni Brig. Gen. Manuel Abrugena.

Tingnan nga natin kung kayang ipahuli ni SPD Director Gen. Abrugena ang mga scalawag na parak at mga tongpats collector sa Makati City, Taguig City, Paranaque City, Muntinlupa City, Pasay City, Las Pinas City at Pateros, abangan!

Marcos admin, lakas makabuwisit, bisperas ng Pasko magpapairal pa ng oil price hike!!!

ni Pablo Hernandez @Prangkahan | Dec. 22, 2024

ISININGIT NA P200B SA BUDGET NG DPWH DAPAT I-REJECT NI PBBM -- Sinabi ni Pres. Bongbong Marcos (PBBM) na bubusisiin daw niya kung may katotohanan ang nabulgar na may mga pork barrel politician ang nagsingit na P200 billion sa 2025 budget ng Dept. of Public Works and Highways (DPWH) kaya umabot ito ng P1.1 trillion, na dapat sana ay P900B lang dahil ito lang ang proposed budget ng kagawaran.

Kaya kapag hindi ni-reject o vineto ni PBBM ang naisingit na P200B sa budget ng DPWH, isa lang ang ibig sabihin niyan, na kinukunsinti niya ang bad na ginawang ito ng mga pork barrel politician, buset!

XXX

P1 TRILYON NA KASAMA SA 2024 NATIONAL BUDGET, IMBES IPAGPAGAWA NG MGA PAARALAN AT OSPITAL, ISINUBI LANG NG MARCOS ADMIN -- Pinutakti nang batikos ang Marcos administration matapos makita ng mamamayan sa website ng Dept. of Budget and Management (DBM) na mayroon ditong higit P1 trilyon kasama sa year 2024 national budget ang hindi ginastos ngayong taon ng pamahalaan para sa mga proyekto at mga programang kapaki-pakinabang sa mamamayan.

Mababatikos talaga kasi kung ginasta ‘yan sa pagpapagawa ng mga paaralan at ospital, marami na sanang mga eskwelahan at pagamutan ang naipagawa, ang problem, hindi ginasta at isinubi lang.

Kaya ang tanong: Saan kaya gagastahin ng Marcos admin ang perang iyan ng bayan na isinubi lang at hindi ginastos para sa mga proyekto at programa na taumbayan ang makikinabang? Abangan!

XXX

DAPAT BANTAYAN NG MAMAMAYAN KUNG SAAN GAGASTAHIN ANG P1 TRILYONG ‘NAKASUBI’ SA DBM, BAKA GASTUSIN SA KANDIDATURA NG MGA MANOK NI PBBM SA SENATORIAL ELECTION -- Dapat bantayan ng mamamayan ang napakalaking halaga na iyan na isinubi lang ng Marcos administration.

Baka kasi ‘yang P1T pera ng bayan ay gastusin ng Marcos admin para matiyak ang panalo ng mga manok ni PBBM sa senatorial election, boom!

XXX

MARCOS ADMIN, BINUBUWISIT ANG MAMAMAYAN, BISPERAS NG PASKO MAGPAPAIRAL NG BAGONG OIL PRICE HIKE -- Inanunsyo ng Dept. of Energy (DOE) na may panibagong oil price hike sa Dec. 24 o bisperas ng Pasko.

Sa mga naging administrasyon, itong Marcos admin ang pinakamalakas mambuwisit sa mamamayan, kasi mantakin n’yo, puwede namang next year na magtaas ng presyo ng langis, pero ang ginawa sa mismong bisperas pa ng Pasko bubuwisitin ang sambayanang Pinoy sa panibagong oil price hike, tsk!

Wakasan ang political career ng pamilya Duterte, may bendisyon daw ng Malacañang, weh?!

ni Pablo Hernandez @Prangkahan | Dec. 21, 2024

MAY BENDISYON BA NG MALACAÑANG ANG MGA AKSYON NG KAMARA PARA WAKASAN ANG POLITICAL CAREER NG PAMILYA DUTERTE? -- Matapos sampahan ng patung-patong na impeachment complaints si Vice Pres. Sara Duterte-Carpio, inirekomenda ng Quad Committee ng Kamara na sampahan ng mga kasong kriminal si ex-P-Duterte at iba pang sinasabing sangkot sa extrajudicial killings (EJK) sa bansa, at inatasan ang mga law enforcement agency na imbestigahan ang pagkakasangkot ni Davao City Rep. Pulong Duterte sa drugs shipment sa ‘Pinas. 

Kaya’t kung pakasusuriin ang ginagawang ito ng Kamara, lumalabas na may basbas ng Malacañang ang mga aksyong ito ng mga kongresista para wakasan ang political career ng pamilya Duterte, boom!

XXX

MASAKIT KAY EX-P-DUTERTE ANG GINAGAWA NG MAJORITY CONGRESSMEN, PINAKISAMAHAN NIYA ANG MGA ITO PERO NANG WALA NA SA PODER TINITIRYA NA ANG BUONG PAMILYA -- Sa totoo lang, masakit kay ex-P-Duterte ang ginagawang ito ng mga majority congressmen laban sa kanyang pamilya.

Pinakisamahan kasi nang hustong ni ex-P-Duterte ang mga kongresista noong siya pa ang presidente ng ‘Pinas, tapos nang wala na siya sa poder, hindi lang siya ang tinitirya kundi pati buong pamilya niya, tsk!

XXX

KAPAG INIMBESTIGAHAN NA NG QUADCOMM PAGPUGA NI HARRY ROQUE, MAHUHUBARAN NA NG MASKARA ANG MGA TIWALI SA IMMIGRATION -- Iimbestigahan ng QuadComm ng Kamara ang pagtakas sa bansa ni former presidential spokesman Harry Roque na nahaharap sa kasong qualified trafficking in person at mananagot daw ang mga tumulong para makatakas ito palabas ng ‘Pinas.

Kapag inumpisahan na ang imbestigasyon dito, tiyak mahuhubaran ng maskara ang mga tiwali sa Bureau of Immigration (BI) na tumulong kay Roque makapuga ng bansa, boom!

XXX

LAHAT NG ISINAMPANG KASO NOON SA PAMILYA MARCOS, AWTOMATIK NA IDIDISMIS NG MGA KORTE KASI SI PBBM NA ANG POWERFUL PINOY SA ‘PINAS -- Ibinasura na kamakalawa ng Sandiganbayan ang huling kaso ng pamilya Marcos patungkol sa coconut levy fund scam noong pangulo pa ang yumaong dating Pres. Ferdinand Edralin Marcos, Sr.

Dapat pa bang i-memorize ‘yang desisyon ng Sandiganbayan na pabor sa pamilya Marcos eh, Marcos na uli ang presidente kaya natural dahil si Pres. Bongbong Marcos (PBBM) na ang pinaka-powerful Pinoy sa ‘Pinas, kaya lahat ng kaso na isinampa sa mga Marcos, ididismis ng mga korte, period!