Pahiwatig na sisikat at makakatanggap ng maraming karangalan

ni Maestra Estrellia de Luna @Panaginip Gabay ng Buhay | Oct. 29, 2024

Analisahin natin ang panaginip na ipinadala ni Romeo ng Davao.

Dear Maestra,

Napanaginipan ko ang libro at kalansay. Ano ang ibig sabihin nu’n?

Naghihintay,

Romeo

---

Sa iyo, Romeo,

Iba’t iba ang kahulugan ng libro sa panaginip. Kung nagbabasa ka ng libro, ito ay nangangahulugang sisikat at kikilalanin ka. Isa pa, makakatanggap ka rin ng maraming karangalan. 

Kung sa panaginip mo ay may nagbigay sa iyo ng libro, ito ay nagpapahiwatig na ngayon mo na dapat ligawan ang babaeng iyong iniibig. Huwag kang mag-alala, dahil tiyak kong magugustuhan ka rin niya, hanggang sa mauwi sa pag-iisang dibdib ang inyong relasyon.

Pero kung ang libro naman sa panaginip mo ay nasa bookshelves ito ay senyales na liligaya ka sa darating na mga araw.

Samantala, ang mga kalansay ay indikasyon na isa ka sa magiging tagapagmana ng mga yumao mong mahal sa buhay. 

Matapat na sumasaiyo,

Maestra Estrellia de Luna

Kahulugan ng namalimos sa simbahan

ni Maestra Estrellia de Luna @Panaginip Gabay ng Buhay | Oct. 28, 2024

Analisahin natin ang panaginip na ipinadala ni Dexter ng Marinduque.

Dear Maestra,

Napanaginipan ko na namamalimos ako sa harap ng simbahan. 

Marami ang nagbigay ng pera sa akin, pero ‘yung katabi kong pulubi ay kakaunti lang. 

Kaya naman napagdesisyunan kong hatian siya sa perang kinita ko.

Ano ang ibig sabihin ng panaginip ko?

Naghihintay,

Dexter 

---

Sa iyo, Dexter,

Ang ipinahihiwatig ng panaginip mo na namamalimos ka sa harap ng simbahan ay hindi ka na muli pang makakaranas ng kahirapan at hindi ka na muli pang kakapusin sa pera.  

Samantala, ang hinatian mo ang katabi mong pulubi ay senyales na ang tapat mo pang kaibigan ang mismong magtatraydor sa iyo. Pababagsakin ka niya, subalit hindi siya magtatagumpay sa masama niyang binabalak laban sa iyo. 

Matapat na sumasaiyo,

Maestra Estrellia de Luna

Sign na susuwertehin sa love life at negosyo

ni Maestra Estrellia de Luna @Panaginip Gabay ng Buhay | Oct. 26, 2024

Analisahin natin ang panaginip na ipinadala ni Ronald ng Masbate.

Dear Maestra,

Napanaginipan ko na pinagawa ko ang bahay ko malapit sa military camp, subalit may bigla akong narinig na tunog ng trumpeta, nang tingnan ko kung saan nagmula ang tunog, nakita ko ‘yung kaibigan ko pala at tinry niya lang umano hipan ang trumpeta.

Ano ang ibig sabihin ng panaginip ko?

Naghihintay,

Ronald

---

Sa iyo, Ronald,

Ang ibig sabihin ng panaginip mo na pinagawa mo ang bahay mo malapit sa military camp ay susuwertehin na ang negosyo mo. Babalik na sa iyo ang puhunang inilabas mo at tuluy-tuloy ka na kikita ng malaki.

Pero kung namamasukan ka, ito ay nagpapahiwatig na tataas na ang iyong suweldo, at may chance ka pang suwertehin sa pag-ibig.

Ang narinig mo ang tunog ng trumpeta ay nangangahulugang makakaaway mo ang kaibigan mo, hanggang sa ipahiya ka niya sa harap ng maraming tao.

Ang hinipan ng kaibigan mo ang trumpeta ay senyales na magiging matagumpay ang pakikipagrelasyon mo sa iyong minamahal at magtatagumpay ka pa sa negosyo.

Matapat na sumasaiyo,

Maestra Estrellia de Luna