Iba’t ibang kahulugan ng tanikala

ni Maestra Estrellia de Luna @Panaginip Gabay ng Buhay | Nov. 23, 2024

Analisahin natin ang panaginip na ipinadala ni Dondon ng Quiapo.

Dear Maestra,

Napanaginipan ko na nakatanikala ang kamay namin ng kaibigan ko. Kaya naman, agad akong gumawa ng paraan para matanggal ‘yung tanikala ko. 

Pagkatapos ko, tinulungan ko naman ‘yung kaibigan ko. Sa awa ng Diyos, natanggal ko rin naman ‘yung sa kanya. 

Ano kaya ang ibig sabihin ng panaginip ko?

Naghihintay,

Dondon

---

Sa iyo, Dondon,

Ang ibig sabihin ng nakatanikala ang kamay mo at pilit mo itong tinatanggal ay pansamantala kang makakaranas ng mga kabiguan sa buhay, pero ‘wag kang nag-alala dahil malalampasan mo rin ito. 

Samantala, ang tinanggal mo rin ang tanikala ng kaibigan ay nangangahulugang makakaranas ka ng matinding pagkalugi sa negosyo. Matatagalan pa bago ka muling makabawi. Pero sa bandang huli, makakaraos ka rin naman sa tulong ng iyong kaibigan.

Matapat na sumasaiyo,

Maestra Estrellia de Luna

Sign na handang pakasalan ng boylet

ni Maestra Estrellia de Luna @Panaginip Gabay ng Buhay | Nov. 20, 2024

Analisahin natin ang panaginip na ipinadala ni Lorry ng Pasay.

Dear Maestra,

Palagi kong napapanaginipan na binibigyan ako ng mga alahas ng dyowa ko at madalas din akong magselos sa kanya. 

Ano ang ibig ipahiwatig ng mga panaginip ko?

Naghihintay,Lorry

---

Sa iyo, Lorry,

Maganda ang ibig sabihin ng mga alahas, lalo na kung ito ay binigay sa iyo ng dyowa mo, ito ay nangangahulugang mahal na mahal ka niya at nagbabalak na siyang pakasalan ka sa lalong madaling panahon.

Ang madalas kang magselos sa dyowa mo ay tanda ng pag-aalala at pagkabalisa. Kung may negosyo ka, ito ay babala ng pagkalugi, kakapusin ka sa pera at mapipilitan kang mag-loan.

Matapat na sumasaiyo,

Maestra Estrellia de Luna

Sign na may matatanggap na pera

ni Maestra Estrellia de Luna @Panaginip Gabay ng Buhay | Nov. 13, 2024

Analisahin natin ang panaginip na ipinadala ni German ng Pampanga.

Dear Maestra,

Napanaginipan ko na may pupuntahan akong event. Ang gusto kong isuot ay ang linen kong damit. Kaya agad kong binuksan ang aparador ko, pero naka-lock iyon kaya hindi ko mabuksan, agad kong kinuha ‘yung duplicate key ko baka sakaling mabuksan ko iyon at sa katagalan nga ay nabuksan ko rin iyon. 

Ano ang ibig ipahiwatig ng panaginip ko?

Naghihintay,

German

---

Sa iyo, German,

Ang ibig sabihin ng linen ay depende sa kulay nito. Ang puting linen ay nangangahulugan na makakatanggap ka ng mga sorpresang balita. 

Ang colored na linen naman ay nagpapahiwatig na may mamanahin kang pera mula sa yumao mong mahal sa buhay.

Pero kung ang linen ay lukut-lukot, ito ay babala ng kabiguan sa buhay.

Samantala, ang naka-lock ‘yung aparador mo, hindi mo na ito mabuksan ay nangangahulugang may paparating na magbigat na problema sa iyong buhay.

Ang nabuksan mo ang aparador gamit ang duplicate key ay senyales na malalagpasan mo ang mga hadlang sa iyong mga pangarap. 

Matapat na sumasaiyo,

Maestra Estrellia de Luna