Mga negosyante, maging patas sana sa presyo ng mga pang-Noche Buena

ni Ryan Sison @Boses | Dec. 23, 2024

Siguradong maraming kababayan natin ang abala na sa pamimili sa mga grocery at palengke, subalit may halong pag-aalala rin dahil maaaring ang presyo ng mga bibilhin nilang pagkain ay nagtaasan na. 

Kaya naman nanawagan si Senate Minority Leader Koko Pimentel sa Department of Trade and Industry (DTI) na tiyaking walang mang-aabuso ngayong nalalapit na ang Kapaskuhan, partikular na ang pagtataas ng presyo ng mga produkto na pang-Noche Buena.

Sinabi ni Pimentel na hindi dapat samantalahin ng mga negosyante ang ganitong okasyon para lamang magtaas ng presyo ng mga produkto tulad ng keso, macaroni, spaghetti sauce, fruit cocktail, all-purpose cream, hamon, at marami pang iba. 

Ayon sa kanya, ang Pasko ay panahon ng pagmamahalan at pagbibigayan, at hindi tama na gamitin ang pagkakataong ito para magsamantala. 

Binigyang-diin niya na mahalagang mapanatili ang patas na presyo ng mga pangunahing bilihin, lalo na para sa ating mga mahihirap na kababayan. 

Dapat aniyang mahigpit ang monitoring ng DTI upang ang mga kumpanyang sangkot sa price manipulation ay kanilang maaksyunan. Habang wala din dapat makalusot na mga tindahang nagtatago ng stocks o kaya naman ay naniningil ng sobra para lamang kumita.

Mabuting bantayan nga nang maigi ng kinauukulan ang mga presyo ng mga pagkain, lalo na ang mga Noche Buena items sa mga pamilihan para walang mangyaring pang-aabuso sa ating mga kababayan. 

Kailangan din sigurong sundin ng mga tindero ang suggested retail price na itinatakda ng DTI at mga batas sa proteksyon ng konsyumer para hindi naman sila magkaproblema. 

Sa ating mga kababayan, maganda ring isumbong natin sa kinauukulan ang mga negosyanteng nagawang magtaas ng presyo ng mga naturang produkto upang agad matigil ang hindi tamang gawain.

Hiling lang natin sa mga kababayang negosyante na maging patas at makatarungan sana sa presyo ng mga ibinebentang pagkain at iba pang produkto. Isipin na lang sana na kahit maliit lamang ang kita basta tama at maayos ay malaking tulong na ito sa ating kapwa.

---

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com

Marcos admin, lakas makabuwisit, bisperas ng Pasko magpapairal pa ng oil price hike!!!

ni Pablo Hernandez @Prangkahan | Dec. 22, 2024

ISININGIT NA P200B SA BUDGET NG DPWH DAPAT I-REJECT NI PBBM -- Sinabi ni Pres. Bongbong Marcos (PBBM) na bubusisiin daw niya kung may katotohanan ang nabulgar na may mga pork barrel politician ang nagsingit na P200 billion sa 2025 budget ng Dept. of Public Works and Highways (DPWH) kaya umabot ito ng P1.1 trillion, na dapat sana ay P900B lang dahil ito lang ang proposed budget ng kagawaran.

Kaya kapag hindi ni-reject o vineto ni PBBM ang naisingit na P200B sa budget ng DPWH, isa lang ang ibig sabihin niyan, na kinukunsinti niya ang bad na ginawang ito ng mga pork barrel politician, buset!

XXX

P1 TRILYON NA KASAMA SA 2024 NATIONAL BUDGET, IMBES IPAGPAGAWA NG MGA PAARALAN AT OSPITAL, ISINUBI LANG NG MARCOS ADMIN -- Pinutakti nang batikos ang Marcos administration matapos makita ng mamamayan sa website ng Dept. of Budget and Management (DBM) na mayroon ditong higit P1 trilyon kasama sa year 2024 national budget ang hindi ginastos ngayong taon ng pamahalaan para sa mga proyekto at mga programang kapaki-pakinabang sa mamamayan.

Mababatikos talaga kasi kung ginasta ‘yan sa pagpapagawa ng mga paaralan at ospital, marami na sanang mga eskwelahan at pagamutan ang naipagawa, ang problem, hindi ginasta at isinubi lang.

Kaya ang tanong: Saan kaya gagastahin ng Marcos admin ang perang iyan ng bayan na isinubi lang at hindi ginastos para sa mga proyekto at programa na taumbayan ang makikinabang? Abangan!

XXX

DAPAT BANTAYAN NG MAMAMAYAN KUNG SAAN GAGASTAHIN ANG P1 TRILYONG ‘NAKASUBI’ SA DBM, BAKA GASTUSIN SA KANDIDATURA NG MGA MANOK NI PBBM SA SENATORIAL ELECTION -- Dapat bantayan ng mamamayan ang napakalaking halaga na iyan na isinubi lang ng Marcos administration.

Baka kasi ‘yang P1T pera ng bayan ay gastusin ng Marcos admin para matiyak ang panalo ng mga manok ni PBBM sa senatorial election, boom!

XXX

MARCOS ADMIN, BINUBUWISIT ANG MAMAMAYAN, BISPERAS NG PASKO MAGPAPAIRAL NG BAGONG OIL PRICE HIKE -- Inanunsyo ng Dept. of Energy (DOE) na may panibagong oil price hike sa Dec. 24 o bisperas ng Pasko.

Sa mga naging administrasyon, itong Marcos admin ang pinakamalakas mambuwisit sa mamamayan, kasi mantakin n’yo, puwede namang next year na magtaas ng presyo ng langis, pero ang ginawa sa mismong bisperas pa ng Pasko bubuwisitin ang sambayanang Pinoy sa panibagong oil price hike, tsk!

Karapatan sa kustodiya ng anak

ni Atty. Persida Rueda-Acosta @Magtanong Kay Attorney | Dec. 22, 2024

Malinaw na nakasaad sa Artikulo 209 at 211 ng Executive Order No. 209 o mas kilala sa titulong Family Code of the Philippines ang mga sumusunod:

“Article 209

Pursuant to the natural right and duty of parents over the person and property of their unemancipated children, parental authority and responsibility shall include the caring for and rearing them for civic consciousness and efficiency and the development of their moral, mental and physical character and well-being. 

Article 211

The father and the mother shall jointly exercise parental authority over the persons of their common children.  In case of disagreement, the father's decision shall prevail, unless there is a judicial order to the contrary.

Children shall always observe respect and reverence towards their parents and are obliged to obey them as long as the children are under parental authority.”

Ayon sa mga probisyong nabanggit, ang ama at ina ang mayroong parehas at pantay na responsibilidad at karapatan na pangalagaan ang kanilang mga anak. Mananatili sa kanila ang karapatan para sa kustodiya ng kanilang anak maliban na lamang kung may pagkakataon kung saan kaakibat ng isang usapin ay ipinag-utos ng hukuman na ang kustodiya ay mapunta sa ibang tao. 

Sakaling mayroong hindi pagkakaintindihan o magkaroon ng usapin tungkol sa parental authority ng mga magulang ng bata, ang desisyon ng ama ang mangingibabaw maliban na lamang kung mayroong kautusan ang husgado na kontra para rito.

Kaakibat ng mga probisyong ito ay ang mga nakasaad patungkol sa karapatan ng magulang sa mga batang hindi lehitimo sa ilalim ng Republic Act (R.A.) No. 9255 kung saan inamyendahan nito ang Artikulo 176 ng Family Code. Nakasaad sa nabanggit na probisyon na:

“SECTION 1. Article 176 of Executive Order No. 209, otherwise known as the Family Code of the Philippines, is hereby amended to read as follows:

Article 176. Illegitimate children shall use the surname and shall be under the parental authority of their mother, and shall be entitled to support in conformity with this Code. However, illegitimate children may use the surname of their father if their filiation has been expressly recognized by the father through the record of birth appearing in the civil register, or when an admission in a public document or private handwritten instrument is made by the father. Provided, the father has the right to institute an action before the regular courts to prove non-filiation during his lifetime. The legitime of each illegitimate child shall consist of one-half of the legitime of a legitimate child.”

Sa isang sitwasyon kung saan hindi kasal ang ama at ina ng isang bata, ang parental authority ay nararapat na manatili sa ina nito. Para sa mga hindi lehitimong anak, ang ina ang mayroong karapatan para sa kustodiya ng kanyang anak. Subalit mayroong karapatan ang ama nito na bisitahin ang hindi lehitimong anak. Ang karapatang ito ay may kaakibat na obligasyon ng nasabing ama na bigyan ng suporta ang kanyang kinikilalang hindi lehitimong anak. 

Para sa mga lolo at lola ng mga bata, ang tanging karapatan nila sa kanilang mga apo ay ang tinatawag na substitute parental authority kung saan sinasabi ng batas na:

“Article 216- In default of parents or a judicially appointed guardian, the following person shall exercise substitute parental authority over the child in the order indicated:

1. The surviving grandparent, as provided in Article 214; xxx” 

Kadalasan ang mga lolo at lola ay karaniwang kinukonsulta sa mga importanteng usapin tungkol sa pamilya subalit hindi sila dapat na nakikialam sa pangangalaga (parental authority) ng mga magulang sa kanilang mga anak. Magkakaroon lamang ang mga lolo at lola ng kontrol sa pangangalaga sa kanilang mga apo kapag ang mga ito ay wala nang parehong magulang o iniwan ng mga magulang ang kanilang mga apo sa kanilang pangangalaga.