ALDEN, TODO-RATSADA, LALAKING WALANG PAHINGA

ni Nitz Miralles @Bida | Nov. 30, 2024

Alden RIchards - Instagram

Lumipad kahapon pa-Dubai sina Kathryn Bernardo at Alden Richards para dumalo sa special screening ng pelikula nilang Hello, Love, Again (HLA). 

This Saturday, November 30, ang first screening date at bukas, December 1, ang second screening date. Hindi lang screening ang mangyayari dahil may Meet-and-Greet din sila sa mga bumili ng tiket at special guests.

Grabe ang schedule ni Alden, mula nang dumating last Tuesday from Canada, araw-araw ang schedule at wala siyang time magpahinga. Pagdating nga last Tuesday, kinagabihan, nasa block screening siya ng HLA. Kinabukasan, nag-taping ng Pulang Araw (PA). 

Buong maghapon ng Thursday, sunud-sunod na block screening ang pinuntahan ni Alden dahil naipangako niya sa sarili na hangga’t kaya, pupuntahan niya ang lahat ng ito.

Ginulat nga nito ang mag-asawang KZ Tandingan at TJ Monterde nang dumating si Alden sa pa-block screening nila for their family and friends. May bonus pa nga nang kantahin ni Alden ang ilang lines ng theme song ng HLA na Palagi nina KZ at TJ.

Pagbalik na lang siguro from Dubai makakapagpahinga si Alden. ‘Yun ay kung wala siyang taping for PA na malapit nang magtapos. 

Puwede ring sa birthday na lang niya sa January 2, 2025 magpahinga at ituloy niya sa bakasyon.

At least si Kathryn, nakapagpahinga ng two days, hindi siya nagparamdam sa socmed (social media). Ngayon, balik na sa pagka-hectic ang kanyang schedule.

---

PRESENT sa grand launch ng Uninvited ang family ni Nadine Lustre at may photo sila kasama si Vilma Santos. Hindi lang siguro nagpunta ng Solaire North ang pamilya ng aktres para siya ay suportahan, para na rin makita si Vilma at makapagpakuha sila ng larawan.

Very proud tiyak ang parents ni Nadine na sa isang malaking pelikula kasama ang anak, sa bigating film outfit ng Mentorque Productions at Project 8 Projects at malalaki at mahuhusay na artista ang kasama.

Magiging proud din ang pamilya ni Nadine sa billboard at electronic billboard ng Uninvited all over the Metro. Ang massive ng campaign ni Bryan Dy at ng kanyang Mentorque Productions para ipaalam na sa December 25 na ang showing ng movie.

Speaking of Nadine, today, November 30, ang nabanggit nilang date ng boyfriend na si Christophe Bariou na magiging available sa stores ang Dehusk, ang plant-based coconut milk crafted by Filipinos. Kasama nila sa business na ito ang co-founder ng Dehusk na si Sam Tecaula.

---

Knows mo ‘yan, EA?

ANJO, BINIGYAN NG PAMBILI NG BRIEF NI SHAIRA

Sa Unang Hirit set kasama sina Shaira at Anjo - IG Anjo Pertierra

Kapag ikinasal na sina Edgar Allan Guzman (EA) at Shaira Diaz sometime in 2025, kasama sa mga ninong/ninang nila sina Rhea Tan ng Beautederm at Arnold Clavio na original host ng Unang Hirit (UH). “Ninang at Ninong” na nga ang tawag sa kanila ni Shaira.

Sa presscon ng 25th anniversary ng morning show ng GMA-7, ilang beses tinawag na “Ninong” ni Shaira si Arnold na parang sanay na rin sa tawag sa kanya ng aktres. Tiyak na may partisipasyon din ang ibang hosts ng UH dahil pamilya na ang kanilang turingan. 

Kaswal ngang naikuwento ni Anjo Pertierra na nang mabaha ang bahay niya at mga gamit ng Bagyong Carina, binigyan siya ni Shaira ng pambili ng brief.

Dahil naman sa UH, naging morning person si Shaira at natutong matulog nang maaga para umabot sa 5:30 AM airing ng program. 

May struggle pa rin daw siya kung paano matulog nang maaga, pero hindi na kasinglala ng dati.

---

Sina Candy Pangilinan at Ai Ai delas Alas ang tampok sa Magpakailanman sa anniversary at Christmas specials.

Sa episode this Saturday na 22nd anniversary episode, tampok si Candy na gagampanan ang sarili sa episode na My Very Special Son (MVSS) na journey nila ng anak na si Quentin na na-diagnose na may Attention Deficit Hyperactivity Disorder (ADHD).

Mapapanood kung paano inalagaan at pinalaki ni Candy ang anak na gagampanan nina Euwenn Mikaell at Will Ashley.

Tampok naman sa two-part special titled Adventures Of Nanay Rider: The Theresa Mayuga Story si Ai Ai na magiging single mom nang hiwalayan ng asawang nambabae at nakabuntis. Nagtrabahong rider si Theresa at hinarap at kinaya ang pambu-bully at diskriminasyon mabuhay lang nang maayos ang anak.

Si Mark Reyes ang director ng two special episodes ng Magpakailanman hosted by Ms. Mel Tiangco on GMA-7.

Bukod sa serye ni Alden… KANTA NG SB19, GARY V. AT KOLEKSIYON NI RYAN CAYABYAB, IPAPADALA RIN SA BUWAN PARA MA-PRESERVE

ni Nitz Miralles @Bida | Nov. 29, 2024

SB19, Gary Valenciano, Ryan Cayabyab at Stell - IG, FB, myranetorsa, circulated

Honored sina Barbie Forteza, Sanya Lopez, David Licauco at Alden Richards na kasama sa mga ipadadala sa buwan ang historical series na Pulang Araw (PA) na kanilang pinagbibidahan. 

Ang PA kasi ang first Filipino TV series archived on the moon. Kabilang ang series sa Lunar Codex project in 2025.

Si David, excited dahil makikita na raw siya sa buwan, as if may tao sa buwan. 

Sey naman ni Sanya, “Balita ko nga na bilang lang ang mga inilalagay du’n, so parang ang sarap lang sa pakiramdam na isa tayo ru’n,” at sinundan ni Barbie ng, “Honored and surprised. Hindi namin inaasahang mapapabilang kami.”

Naikuwento naman ni Alden na in-announce ni Direk Dominic Zapata ang tungkol dito at tuwang-tuwa sila. 

Ani Alden, “Kanina nga, this morning in-announce ‘yan ni Direk Dom, and we’re very honored na napili ‘yung proyekto namin para magkaroon ng opportunity to be part of the Lunar Codex project, so maraming-maraming salamat for the opportunity.”

Kasama sa ipadadala sa buwan ang music ng SB19, Ryan Cayabyab’s collection, Gary Valenciano’s collection at marami pang iba.

---

Endorser lang daw ng skin clinic, ikinulong dahil sa estafa… NERI, SUPORTADO NG MGA TAGA-SHOWBIZ

Neri Naig-Miranda - FB @Chito Miranda

Ang daming mga taga-showbiz na nagpahayag ng suporta kay Chito Miranda at sa asawang si Neri Naig-Miranda. Karamihan, nagpapatunay na mabuting tao si Neri at ang iba, nagpaalala kay Chito na malalagpasan din nila ang kinakaharap na kaso ni Neri. 

Karamihan, nagbigay ng lakas at dasal na mabilis malampasan ni Neri ang kanyang mga kaso para makalabas na ng kulungan at makapiling ang mga anak.

May mga umamin naman na naging biktima rin sila ng skin clinic na naging rason kung bakit nakulong si Neri at wish nila, maibalik ang kanilang pera at makulong ang tunay na may kasalanan.

Kabilang sa mga handang tumulong kina Chito at Neri si Kiko Pangilinan at sabi nito, “Narito kami handang tumulong Chito. Ang product endorser ay isang talent at hindi dapat nananagot sa iligal na gawain ng may ari at management ng isang korporasyon."

Sey pa ni Kiko, “Biktima rin si Neri tulad ng ibang nabiktima nu'ng mga estafador sa likod ng kumpanya. Habulin dapat ‘yung mga may-ari. Nawa’y madismis o maibalik ang kaso sa piskalya para sa preliminary investigation at ma-lift o ma-quash ang arrest warrant.”

Nagpasalamat kay Kiko ang mga supporters ni Neri at nakiusap silang bilisan ang pagtulong sa aktres para makalabas agad. 

May nag-comment pa na tutulungan talaga ni Kiko si Chito dahil kamag-anak niya ito. Whatever, ang importante, marami ang tutulong kay Neri.

Naalala tuloy ng mga netizens ang naging kaso nina Luis Manzano at Ricardo Cepeda na halos kapareho ng nangyari kay Neri. Ang paalala ng mga netizens sa mga celebrities, ‘wag tanggap nang tanggap ng endorsement, pag-aralan muna bago pumirma.

---

ANG ganda ng ad campaign ng Century Tuna na ang bagong brand ambassadors ay sina Richard Gomez at Aga Muhlach. Ang goal ng dalawang aktor ay “to be fit and to be healthy” at next year, ang pangako ng dalawa, hindi na dads bods ang makikita sa kanila.

Aminado si Aga na nadagdagan ang kanyang timbang at nabanggit nga nito, sa movie nila ni Julia Barretto dati, he needs to lose 50 lbs. na hindi yata na-achieve. This time, kasama si Richard, tila matutupad na ang goal ni Aga na pumayat. 

Kapag nangyari ang kanyang pagpayat, last natin siyang mapapanood na “malusog” sa Uninvited.

In fairness, bagay sa kanyang weight ang role niya sa 2024 Metro Manila Film Festival (MMFF) entry ng Mentorque Productions at Project 8 Projects na si Guily Vega, a shrewd billionaire. But next year, ibang Aga na ang mapapanood natin sa mga gagawin niyang projects.

Naalala tuloy namin ang comment namin sa grand launch ng Uninvited na sana, isinama sa cast si Richard. Ayan, natupad ang kanilang pagsasama, sa TVC nga lang at hindi pa sa pelikula. Pero malay natin.

Sa December 25, 2024 na magsisimulang mapanood ang Uninvited nationwide sa cinemas near you. Be ready sa ganda ng pelikula, sa husay ng direction, ganda ng story at husay ng buong cast.

First Pinoy series… SERYE NI ALDEN, KASAMANG IBABAON SA BUWAN

ni Nitz Miralles @Bida | Nov. 28, 2024

Alden Richards sa Pulang Araw - Instagram

Back to work agad si Alden Richards pagbalik nila ni Kathryn Bernardo from Los Angeles and Canada. In fact, pagbalik niya, dumalo agad sa pa-block screening ng mayor ng Sta. Rosa, Laguna sa Hello, Love, Again (HLA). Parang walang jet lag ang aktor at game pa ring nakipagkamay sa maraming tao sa SM Mall Sta. Rosa.

Sa dami ng tao, parang premiere night o kaya’y first day opening ng movie, ang lakas ng sigawan at puno ng tao ang bawat level ng mall. Dinumog sina Alden at Sta. Rosa Mayor Arlene Arcillas. Hanggang sa pintuan ng cinema, ang daming tao at walang tigil ang sigawan.

Parang bagong sikat si Alden at parang ngayon lang siya nakilala ng fans kung pagkaguluhan at magsigawan ang tao. Sigurado namang aaminin nito na nakadagdag sa popularity niya ngayon ang box-office success ng HLA.

The next day, after ng block screening, hindi pa rin natulog si Alden, producer mood naman siya dahil tsinek ang progress ng pelikulang Death March (DM) na co-producer siya under his Myriad Entertainment Corporation.

Sey ni Alden, “Watching the first movie edit come to life. Proud moments with my co-producer Marc Clebanoff as we bring this vision to the screen.”

Bida ng movie ang American actor na si Scott Adkins at kasama sa cast si Gabbi Garcia. American din ang director nito at ang ibang cast. Kapag ipinalabas na ang movie, tiyak na kasama si Alden sa magpo-promote at tiyak din na hindi siya pababayaan ng kanyang mga fans.

Isa pang good news sa career ni Alden ay ang pagkakapili sa Pulang Araw (PA) bilang the first Filipino series na ipadadala at ibabaon sa buwan. Magiging part ang Kapuso series sa Lunar Codaex 2025 na ipapadala sa buwan next year. Ang Lunar Codex ay naglalaman ng 3,500 capsules na ibinabaon sa kalupaan ng buwan, maimbak doon by September or October.

---

ANNE, MAY WAX FIGURE NA SA HK

Anne Curtis at ang kanyang wax figure sa Madame Tussauds - IG

Si Anne Curtis ang latest Filipina celebrity na may wax figure sa Madame Tussauds Hong Kong. Present si Heart sa unveiling ng kanyang wax figure na kuhang-kuha ang hitsura niya. Nang pagtabihin siya at ang wax figure, hindi agad malalaman kung alin ang real at ang wax figure ng aktres.

Nagkaiba lang sa color ng dress ni Anne dahil ang wax figure niya, white dress ang suot at black dress naman ang suot ng real Anne. Bale, suot ni Anne ang necklace na suot ng kanyang wax figure.

Nakita namin sa video na kasama ni Anne sa Hong Kong sina ABS-CBN big boss Carlo Katigbak at ABS-CBN at Dreamscape boss Rondel Lindayag. Ang sabi, the wax figure will be officially on display starting December 9. Si Anne rin ang first Filipino actress and TV host to be featured sa Madame Tussauds. Nauna nang magkaroon ng wax figure sina Pia Wurtzbach, Catriona Gray, Manny Pacquiao at Lea Salonga.

---

Hindi talaga maiwasan na pati si Chito Miranda, tanungin tungkol sa kaso ng asawang si Neri Naig-Miranda. Kahit ang post ni Chito tungkol sa Lego figure, may sumingit pa ring comment patungkol kay Neri.

Ipinost ni Chito ang Lego figure at may caption na: “Ang pinaka-cute na Lego figure, kay Migs ‘to (anak nila ni Neri) pero parang gusto ko hingin, eh.”

Walang kinalaman kay Neri ang post, pero mababasa mo ang mga comments na, “What happened to Ms. Neri?” “What happened to wais na misis?” “How true the news about Neri?” “Nasobrahan sa wais.”

May nakisimpatya naman at maganda ang comment ng isang follower ni Chito na grabeng makahusga ang mga tao, kahit hindi pa alam ang buong istorya. 

Sey ng isang netizen, “Kung totoo man ang akusasyon sa kanya, I’m pretty sure it was just a mistake, a result of a bad decision. It happens talaga sa negosyo. People make mistakes but it doesn’t mean masamang tao na agad sila. What is important is matuto sa pagkakamali na

‘yun at hindi na maulit.”

Hindi pa ino-off ni Chito ang comment box ng kanyang Instagram (IG), kaya libre pang makapag-comment ang lahat. Bukas pa rin ang comment box ni Neri Naig na sinugod na rin ng mga netizens na karamihan sa comment ay paghuhusga.