May pasabog daw sila ng batang GF… MARRIAGE PROPOSAL NI MARK KAY AIRA, INAABANGAN NA SA FEB. 12

ni Nitz Miralles @Bida | Feb. 7, 2025

Mark Leviste at Aira Lopez - FB

Ang OA ng ibang netizens, cringy o awkward daw ang 20 years age gap nina Batangas Vice-Governor Mark Leviste who is 47 years old at ng GF niyang si Aira Lopez who is 27 years old. Ibig daw sabihin, 21 years old na si Mark noong one year old si Aira.

Sus, may mga couples nga na mas malaki pa ang age gap, pero masaya sila sa piling ng isa’t isa. Kung ang family nga ni Aira, tanggap ang relasyon ng anak kay Mark, sino tayo para manghusga? Saka, kita naman na happy ang dalawa at bongga tiyak ang celebration nila sa kanilang first Valentine’s Day ever.

Samantala, may pre-Valentine’s Day event ang magdyowa. In-announce ito ni Mark sa Facebook (FB) at marami agad ang nag-comment. 

Sabi ni Mark, “Kung ikaw ang tatanungin, ano’ng gusto mong matanggap sa Valentine’s Day? Samahan n’yo kami ni Ms. Aira Lopez, dahil may sorpresang hatid kami sa February 12, 2025.

Abangan sa 02. 12. 25 Facebook Live 7PM.”

Nabasa naman siguro ni Mark ang feedback sa announcement niyang ito, na karamihan ay galing sa mga constituents niya sa Batangas. 

Food, financial assistance at medicine ang sagot sa kanyang tanong. Iilan lang ang sumagot na gusto nilang makatanggap ng flowers sa Valentine’s Day.

Abangan natin kung ano ang Valentine’s Day gift ni Mark Leviste kay Aira Lopez o baka naman may proposal na magaganap?

---

War daw dahil sa dating stylist na nasa co-actress na ngayon… SOFIA, TINAKPAN ANG MUKHA NI MAX SA PHOTO NILA SA MAGAZINE

Sofia Andres - IG

Sa isyu nina Max Collins at Sofia Andres, marami ang mas kampi sa una dahil wala nga naman siyang alam sa isyu ng huli at ng former stylist nito who is working with Max now. 

Wala nga namang kinalaman si Max kung may conflict man si Sofia sa dating stylist na si Max na ang kliyente ngayon.

Bakit daw hindi ang former stylist ang inaaway ni Sofia at hindi rin kasalanan ni Max kung siya ang favorite ng former stylist ni Sofia. Hindi rin kasalanan ni Sofia kung kay

Max ibinigay ng stylist ang mga PR gifts. 

But for sure, hindi lang ito ang isyu kina Sofia at sa former stylist niya, meron pang mas malalim na hindi natin alam.

Ang latest, dinelete na raw ni Sofia ang isang post kung saan tinakpan niya ang face ni Max na magkakasama sila sa isang magazine page. Pero sa Instagram (IG) Story ni Max kung saan ipinost niya ang same photo ay walang takip ang face ni Sofia.

Ang feeling ng mga netizens, nabasa ni Sofia ang mga comments patungkol sa kanya and so far, walang natuwa sa ginawa niya. Very childish daw at dapat, hindi nag-aaway-away ang mga fashionista. May tumawag nga sa kanyang ‘The Heart vs. Pia version 2.0’.

Si Max pala ay nasa New York City ngayon para sa isang event for Dior dahil sa post niyang “Off to NYC we go,” na may hashtag na #DiorDJourney.”

Magbibigay na raw ng singsing, pinatutsadahan… HIRIT NI AI AI: SI EX, ‘DI PA ANNULLED

ni Nitz Miralles @Bida | Feb. 5, 2025

Ai Ai Delas Alas - IG

Lilipad pa-Amerika si Ai Ai delas Alas sa February 14, hindi para makasama ang ex niyang si Gerald Sibayan sa Valentine’s Day, kundi para ayusin ang kanyang citizenship. 

Kung sa San Francisco, California pupunta si Ai Ai at doon pa rin based si Gerald (granted na hindi pa ito lumipat ng state), posible kayang magkita ang ex-couple?

Sayang at hindi namin naitanong kay Ai Ai ang posibilidad na magkita sila ni Gerald at kung ano ang kanyang gagawin. Also, dahil aayusin nito ang kanyang citizenship, naalala namin ang mga payo sa kanya ng mga netizens na bawiin ang green card ni Gerald na na-grant dito dahil sa kanya.

Minsan nang nabanggit ni Ai Ai na wala siyang balak na bawiin ang green card ni Gerald, pero sa mga posts nito lately, parang nagbago na ang kanyang desisyon, lalo na nang mag-post siya sa Facebook (FB) na bumili ng ring ang ex.

‘Kaaliw ang post ni Ai Ai na, “Si Cheater bumili ng ring? Ay, wow! Pang-engaged na? Huh? Divorced na ba sila ni wifey? Nyek, hindi pa, ‘no!” 

May binanggit pa itong “Sabi ng mga soldiers... Sana OL (all)... pagkasyahin ko sa leeg n’ya.”

Anyway, sandali lang daw sa Amerika si Ai Ai dahil marami itong gagawin dito kasama na ang renewal ng contract niya sa GMA Network. 

Bago umalis, nakapag-taping na rin si Ai Ai para sa Mga Batang Riles (MBR) kung saan siya guest bilang yaya. Masaya si Ai Ai sa guesting niyang ito at makatrabahong muli si Miguel Tanfelix na isa sa mga bida ng action series.

---

Ex na si Lee, binate ang anak… 

POKWANG: MAIBABAYAD BANG PANG-TUITION ANG GREETINGS NIYA?

IPINA-TRO o Temporary Restraining Order pala ni Pokwang ang ex-partner niyang si Lee O’Brian, kaya magkita man sila abroad, hindi siya nito malalapitan. 

Ang nakalimutan naming itanong kay Pokwang ay kung may bisa ba sa ibang bansa ang TRO na in-issue rito sa ‘Pinas?

Pupunta kasi si Pokwang sa Dubai kung saan may show sila ng kaibigang si Pooh. Hindi naman siguro lilipad pa-Dubai si Lee just to see Pokwang.

Anyway, napag-usapan kasi sa mediacon ng Binibining Marikit (BM) ang tungkol sa ex at sa tanong kung ano ang reaction niya sa birthday greetings ni Lee sa anak nilang si Malia,  “Maibabayad bang pangmatrikula sa school ang birthday greetings n’ya?” sagot ni Pokwang.

Mabuti na lang kahit walang sustento si Lee kay Malia, hindi napapabayaan ni Pokwang ang anak. Kahit may mga TV shows ito, hindi pa rin nakakalimutan ang live performances, kung saan busy din siya.

Ibinalik din nito ang kanyang online bottled food business at natutuwa na marami pa rin ang sumusuporta. 

Ang maganda sa business na ito ni Pokwang, marami siyang natutulungan na misis na magkaroon ng hanapbuhay.

Anyway, mula sa direksiyon ni Jorron Lee Monroy, natutuwa si Pokwang sa role niya sa BM dahil mayaman siya. 

“As Mayumi dela Cruz, rich ako rito... maiba lang sa mga dati kong roles. Exciting at nag-shoot pa kami sa Japan ni Herlene (Budol). Nag-bonding kami ni Herlene habang nasa Japan kami, nakapag-usap kami at ang pinagdaanan namin last year, wala na ‘yun. Kabag lang ‘yun,” positibong wika ni Pokwang.

---

NASA bansa na si Liza Soberano, may chance kayang siya ay mainterbyu? 

May isyu sa kanya, tungkol sa pag-unfollow niya kay James Reid at sa GF nitong si Issa Pressman sa Instagram. 

Ang alam ng marami, kahit bumitaw na si Liza sa Careless Management ni James, friends pa rin sila.

Sa pag-unfollow niya kay James at pati sa GF nito, nagulat ang mga fans at dahil pare-pareho tayong Marites, gusto nating malaman kung bakit.

Gusto ring malaman ng mga fans ang rason ng pagbabalik sa Manila ni Liza. May project ba siyang gagawin o magbabakasyon lang?

Well, nag-post ito ng photos sa Instagram (IG) na kasama niya ang mga kaibigan na mostly, hindi from showbiz. Si Kyle Echarri lang yata ang taga-showbiz na kasama sa party.

Tony, nag-react kaya buking… HERLENE, UMAMING LABAS-DILA ANG LEADING MAN SA TIKIMAN NILA

ni Nitz Miralles @Bida | Feb. 4, 2025

Herlene Budol - IG

Na-trauma pala si Herlene Budol sa naging iskandalo nila ni Rob Gomez nang magtambal sa Magandang Dilag (MD). Ang mas masakit pa sa kanya, hindi raw siya ipinagtanggol ni Rob.

“Nagpa-doktor ako para ma-process ang nangyari. Nagpa-psyche (psychiatrist) ako para matanggap ko. Nagpatulong ako. Ang hirap mag-move on, pero nakapag-move on na ako,” sabi ni Herlene.

Dagdag pa niya, ang lalong ikinasama ng loob niya, hindi raw nagsalita si Rob at hinayaang paniwalaan ng tao ‘yung binanggit niyang ‘kainan’ isyu na talagang naging malaking isyu.

Naniniwala si Herlene na walang mangyayaring iskandalo sa Binibining Marikit (BM) kahit dalawa ang love interests niya. Kampante siya kina Tony Labrusca at Kevin Dasom kahit sabi pa rin nito, may laplapan siya sa dalawa.

Nadulas pa nga si Herlene at nasabing may naglabas ng dila sa isa sa dalawang leading men niya at dahil nag-react si Tony, siya ang sinabing naglabas ng dila. 

Hindi yata naintindihan ng Afam na si Kevin ang ‘naglabas ng dila’, kaya hindi nag-react.

Sa tanong kung posible ba siyang ma-link sa mga leading men niya sa afternoon prime, nagbiro na naman ito ng “Walang kainan na magaganap.”

“Hindi maiwasan ‘yun, pero ayaw ko nang maulit ang ibinigay na trauma sa huli kong show. Ang bigat ng naramdaman ko at ‘di pa ako naipagtanggol,” patuloy ni Herlene.

Sa solo interview kay Herlene, inulit na hindi talaga nagsalita si Rob para linawin ang isyu at siya ang napasama. In fairness to her, never nitong binanggit ang pangalan ni Rob.

Masaya si Herlene dahil sa BM, natupad ang dream niyang makatrabaho si Pokwang. 

“Sinabi ko lang sa kanya na sana, magkatrabaho kami, natupad na. Dream come true ito sa ‘kin at dream come true rin na makapunta ako sa Japan dahil may eksena kami roon. May budget ang series namin,” pagbibiro nito.

Anyway, kuwento ng cast, masaya sa taping at kahit karamihan sa kanila ay ngayon lang nagkatrabaho, mabilis silang nagkasundo. Food ang bonding nila courtesy of Pokwang and of course, ang paggawa ng TikTok at habang patuloy silang magte-taping, tuloy din ang bonding nila sa food at TikTok.

---

Iniintriga ang pelikulang Lisik: Origin Point (LOP) ng Domniel International Films Production. Gaya raw ito sa South Korean coming-of-age zombie apocalypse horror TV series na All Of Us Are Dead (AOUAD). Pati raw ang location ng TV series ng South Korea na sa school nangyari ang outbreak ng virus, ginaya rin ng pelikula.

Hindi apektado sa intrigang ito ang producer ng movie na si Dominic Orjalo at director na si John Renz Cahilig. 

Sabi ng dalawa, kapag napanood ang kanilang pelikula, malalaman na hindi ginaya sa TV series ng South Korea ang movie nila. 

Pakiusap nila, panoorin muna ang Lisik na February 19, 2025 ang playdate para kanilang maikumpara.

Hindi rin bothered si Direk Renz sa R-13 rating ng kanyang movie. 

“I am happy with the rating. I was expecting ng R-18 rating, pero binigyan niya kami ng R-13, kaya masaya kami ng cast at ng producer namin,” sabi nito.

New talents na students ng school ng producer na si Dominic ang cast ng movie na nag-audition at pumasa. Sila’y sina Nika de Guzman, Grace Rosas Tayo at principal ng school na si Rosemarie Smith as the professor na nagsimula ng virus. 

Tampok din si Jeremiah Allera at may special participation si Ramon Christopher.