Kahit naiskandalo dahil kay Anthony… MARIS, 'DI SUSUKO, TULOY LANG SA SHOWBIZ

ni Nitz Miralles @Bida | Dec. 12, 2024

Maris Racal - IG

Hindi nga magtatapos ang career ni Maris Racal sa kinasangkutang kontrobersiya nila ni Anthony Jennings dahil tuloy pa rin ang career nito. 

Nabanggit naman nito na tuloy siya sa pagtatrabaho kahit may mga nagpapayo sa kanyang magpahinga muna for a year, take a break at magmuni-muni.

Paano nga naman magpapahinga si Maris kung marami pa rin ang nagtitiwala sa kanya? 

Kung inalis man siyang endorser ng San Mig Flavored Coffee at San Miguel Beer, tuloy naman ang pagiging Belo endorser niya at hindi rin siya papalitang endorser ng Snail White Philippines.

Naka-post pa rin sa Instagram (IG) ni Maris ang TVC ng Vitress at ibig sabihin, hindi siya inalis na endorser. May iba pa silang endorsement ni Anthony sa IG niya at hindi pa rin sila pinapalitan o inaalis.

More good news, ang movie ni Maris na Sunshine ay kasama sa Palm Springs International Film Festival (PSIFF). Ibinalita ito ng Project 8 Projects na ang sabi, “SUNSHINE goes to the US!

“SUNSHINE is an official selection to the Palm Springs International Film Festival under the World Cinema Now section! This is the films’ US Premiere.”

Ang kanta rin ni Maris na Ate Sandali ay pumasok sa Top 10 ng Spotify PH Viral Songs Chart, in fact, nasa number 6 ang single.

---

May mga bagong talents na pumirma sa Sparkle GMA Artist Center kabilang ang dating Kapamilya na naging talent ng Viva Artists Agency na si Ronnie Liang. Bago pa siya pumirma sa Sparkle, nag-guest na siya sa Pulang Araw (PA).

Pumirma rin sa Sparkle si Ryle Santiago, former ABS-CBN talent and Hashtags member. Anak siya nina Sherilyn Reyes at Junjun Santiago na kapatid nina Randy, Rowell, at Raymart Santiago.

Sparkle talent na rin si Gian Magdangal at request ng fans, isama siya sa All-Out Sundays (AOS).

Pumirma rin sa Sparkle ang magpinsang Arthur Solinap at Carlo Gonzalez na dati nang Kapuso talents.

---

AKALA ng mga netizens, magkikita na sina Carla Abellana at Tom Rodriguez dahil sa balitang nasa set ng Widows’ War (WW) si Tom kahapon. May crossover kasi sa WW ang ilang cast ng Lilet Matias: Attorney-At-Law (LMAAL) na kinabibilangan ni Tom.

Kaya lang, walang pagkikitang nangyari kina Carla at Tom dahil wala sa set ng WW ang aktres na isa sa mga bida ng series. Nasa Dubai ito, nag-e-enjoy sa kanyang bakasyon, kaya walang chance na magkita silang dalawa.

Nabanggit naman ni Carla na okey lang kung magkita sila ni Tom, ready na siya at ganu’n din naman ang aktor. Saka, hindi maiiwasang magkita sila dahil pareho silang Kapuso.

Anyway, kasamang nag-guest ni Tom si Jo Berry at ang sabi, sila ang tutulong kay Rebecca (Rita Daniela) na balik-taping na sa WW.

Friends lang daw talaga sila ni Sen. Lito… LORNA, WALA NANG BALAK PALITAN SI RUDY

ni Nitz Miralles @Bida | Dec. 11, 2024

Lito Lapid at Lorna Tolentino - IG

Noong isang araw, nakausap ng press si Lorna Tolentino at tinukso siya ng press kay Senator Lito Lapid. Pero, sey ni LT, wala siyang suitor.

“Hindi talaga, hindi na talaga,” pagkokorek nito sa sinabi. 

Meaning, wala na siyang balak pang palitan si Rudy Fernandez. 

Dagdag pa nito, “Friends lang kami ni Senator. Ang dami kong friends na senador at may kamag-anak din akong senator. Maraming naging kaibigan si Daboy.”

Nabanggit pa ni LT na matatapos na ang Batang Quiapo (BQ), kaya matatapos na rin ang love team nila ni Sen. Lito. 

Saka, naka-focus si LT ngayon sa mga apo at very proud sa apong si Tori at sa second apo na ang pangalan na Rodolfo Victor ay pinagsamang pangalan nila ni Daboy.

Anyway, makakaharap ng press si Sen. Lito Lapid ngayong araw at tiyak, matatanong din siya tungkol sa kanila ni LT. Pakinggan natin kung ano ang magiging pahayag ng senador sa sinabi ni LT.

---

Makakakita siguro tayo ng trace ng acting ni Robert de Niro sa pag-arte ni Arjo Atayde sa Topakk dahil sa nabanggit ni Director Richard Somes sa mediacon ng movie na, “I emailed Arjo pictures of Robert de Niro in Taxi Driver (pelikula ni De Niro), hindi na siya nagtanong.”

Ang husay ni De Niro sa nabanggit na pelikula at may line siyang, “You talkin’ to me,” na naging iconic at hindi makalimutan ng mga nakapanood ng pelikula. 

Aabangan namin ang parehong eksena ni Arjo na ang karakter sa movie ay may PTSD o Post Traumatic Stress Disorder.

With Julia Montes, may ginawang Powerpoint presentation si Direk Richard sa kanya at sa ipinakitang husay ng aktres sa trailer pa lang, ibig sabihin, nakuha niya ang memo ng kanilang director.

What is more interesting sa story ng Topakk na isinulat din ni Direk Richard ay ang plight ng ex-military men, kung bakit karamihan sa kanila, after retirement ay nagtatrabahong security guard o bodyguard ng rich and powerful men.

Sabi pa ni Direk Richard, “Nagulat ako nang malamang most of the security guards na nakakausap ko ay former soldiers,” at tanong nito, wala raw bang ibang trabaho silang mapapasukan aside from guarding malls, warehouses, factories, buildings at iba pang nagha-hire sa kanila?

Samantala, ayon naman kay Arjo, “Ayokong maging OA (overreacting) sa role at mga eksena ko. Pinag-aralan namin ang karakter ko, we watched videos at may military man sa set, na pati how to stand properly ay itinuro.”

Ano ang pinakamahirap niyang eksena?

“The whole thing is difficult. But the beginning and ending are two of my favorite scenes at ‘yun din ang pinakamahirap na eksena. I explore the world of ex-con (dating kriminal),” sagot ni Arjo.

Tinapos ni Direk Richard in 18 days ang movie, masusi ang plano at hindi sila bara-bara. Makikita naman ito kapag pinanood na ang Topakk simula December 25, entry ng Nathan Studios, Fusee at Strawdogs sa 2024 MMFF.

---

Naglabas na ng tiket ng Green Bones (GB) at siguradong pati ang ibang entries sa 2024 Metro Manila Film Festival (MMFF), mabibili na ang tiket ngayon pa lang. Maganda ito para hindi na pumila ang mga moviegoers, diretso na sa mga sinehan.

Anyway, isa sa mga aabangan sa GB ay si Iza Calzado dahil kasama siya sa pelikula at ang nasabing pelikula lang daw pala ang magpapabalik sa kanya sa GMA-7. 

Kaya kahit special participation lang siya at five days lang ang shooting, tinanggap pa rin niya ang pelikula.

“I read it as a script. When I said yes to it, I said yes because it was a good script, regardless of who was producing it, because the script is king, in my opinion. Ito po pala ang aking pagbabalik sa GMA,” ayon kay Iza.

Sa direction ni Zig Dulay, ang Green Bones ay mula sa GMA Pictures, GMA Public Affairs at Brightburn Entertainment.

Friends na raw uli sila ni Gabby, Kiko… "I FELL IN LOVE TODAY" — SHARON

ni Nitz Miralles @Bida | Dec. 10, 2024

Sharon Cuneta - FB

Inunahan na ni Sharon Cuneta ang mga delulu na kung anu-ano ang naiisip sa kanila ni Gabby Concepcion dahil sa maganda nilang relasyon ngayon bilang magkaibigan at saka sa post niya sa Instagram (IG) na sa background, may nakasulat na, “I fell in love today.”

Sabi ni Sharon (as is), “If you watched my Hawaii vlog on YouTube, this was the sign in front of which I took a pic! Didn’t post it earlier kasi lalagyan ng meaning! Ang cuuuute cuuuute lang ng sign na ito pati flowers! Huwag n’yo lagyan ng meaning!!! Huwaaaag!!! KYUT!!!!! Eh kayong mga member ng delulus na nagse-sepanx (separation anxiety), alam ko na kayo, kaya bigyan ko kayo ng song nang ‘di kayo sad!”

Sinundan ni Sharon ang kanyang post, “I will spank you na, children!!! Graaabeee kayo magsipag-isip!!! Daig n’yo pa writers namin sa star cinema!!! Kalma only because soon I will bring you back to reality! Enjoy lang and love you all!”

Nakakatuwa ang sagot ng ShaGab fans, declined daw nila ang request ni Sharon na ‘wag maging delulu at ang ibig sabihin, tuloy ang pagiging delulu nila. 

Tuloy din ang pagbibigay nila ng double meaning sa mga posts ni Sharon. Kahit daw ipa-Tulfo pa sila ni Mega, mananatili silang delulu.

Tama lang ang panawagan ni Sharon sa mga delulu dahil sa pagbabasa namin ng mga comments, parang gusto nilang masira ang pagsasama nina Sharon at Kiko Pangilinan, pati na rin ang pagsasama ni Gabby at ng asawa nito. May co-fan tuloy na nag-react na dahan-dahan lang sa pagka-delulu dahil dalawang pamilya ang gusto nilang masira.

---

Parehong nasa vacation mode na ang Widows’ War (WW) stars na sina Carla Abellana at Bea Alonzo. Si Carla, nauna nang magbakasyon dahil nasa Dubai ito at nanood pa nga ng concert ng Maroon 5.

Ang cute ng mga fans at viewers ng WW dahil “George” ang tawag kay Carla na name ng karakter niya sa series. Mag-enjoy lang daw siya sa kanyang bakasyon sa mga Palacios (pamilya sa series) at saka na isipin si Sam (Bea).

Si Bea naman, sa Spain magbabakasyon kasama ang kanyang pamilya pati ang mga pamangkin. First time makikita ng brother ni Bea at ng pamilya nito ang nabili niyang apartment worth P30 million.

Loveless pareho sina Bea at Carla at ang ganda ng wish o prayer ng isang fan para sa kanila. Sana raw, bigyan sila ni Lord ng makakasama nila sa buhay na pang-forever at magkapamilya na sila. Pareho raw hardworking ang dalawang aktres at deserve nilang maging happy.

---

Tinalo pa ang Martial Law sa South Korea… 

MARIS AT ANTHONY, NAG-TOP SA GOOGLE SEARCH

Anthony Jennings at Maris Racal - Instagram

Ang daming gustong malaman ang isyu kina Maris Racal at Anthony Jennings dahil sa balitang “Maris Racal, Anthony Jennings top Google Search trends amid cheating allegations, beating South Korea’s Martial Law.”

Na-dominate rin daw nina Maris at Anthony ang top search at siguradong hindi pa bumababa ang interes ng tao sa isyu sa dalawa, lalo na’t pinag-uusapan at may mga nagpapayo kay Maris na kasuhan si Jamela Villanueva na ex-GF ni Anthony at humingi ng moral damages dahil sa paglalabas nito ng private convo nila ng aktor. 

Dahil ito sa naapektuhan na ang career at trabaho ni Maris, inalis na siyang endorser ng Mang Inasal, Dazzle Me, San Mig Flavored Coffee at pati San Mig Beer. May iba pa itong endorsements na inaabangan ng fans kung aalisin din siya para palitan, pero dasal ng kanyang mga fans, sana, wala nang sumunod.

Pati ang social media nina Maris at Anthony, apektado na rin mula nang ilabas ni Jamela ang screenshots ng private convo nina Maris at Anthony. In-off na ng aktres ang comment box ng kanyang Instagram (IG) at deactivated na ang kanyang Facebook (FB) page. Ang hirap pa naman ng hindi ka makapag-IG at FB.

Si Anthony naman ay limited ang puwedeng makapag-comment sa comment box ng IG niya, ganu’n din si Jamela. Si Rico Blanco na lang ang open ang comment box ng IG, kaso matagal na siyang hindi nagpo-post kaya walang makuhang update sa kanya tungkol sa Maris-Anthony issue.