Buwis sa local at int’l. digital platforms, dapat patas

ni Nancy Binay @Be Nice Tayo | Oct. 6, 2024

Congratulations sa Senate Sentinels na Back-to-Back Champions ng UNTV Cup Executive Face-Off.

Alam nating hindi naging madali ang inyong mga laban at hindi biro ang inyong ginawang paghahanda.

Muli, congratulations sa inyo lalo na sa ating mga kaibigan na sina Sen. Joel Villanueva, Sec. Sonny Angara, at Sen. Bong Go. We are proud of you!

☻☻☻

Nitong nakaraang Huwebes ay dumalo tayo sa paglagda ng Republic Act 12023 na magpapataw ng 12 percent value-added tax (VAT) sa mga non-resident digital service providers (DSPs).

Layunin ng batas na ito na matugunan ang pagkalugi sa mga e-commerce transactions.

Kasama rito ang online search engines, online marketplaces, cloud services, online media at advertising, online platforms, digital goods, digital businesses at iba pa.

Inaasahang nasa P105 billion ang makokolektang dagdag na revenue ng pamahalaan mula sa batas na ito sa susunod na limang taon.

☻☻☻

Sa kanyang talumpati sa Malacañang, sinabi ng Pangulo na hindi ito pagdadagdag ng buwis.

Aniya, pinapalakas lamang ang kapangyarihan at proseso ng Bureau of Internal Revenue na mangolekta ng value-added tax sa digital services.

Dagdag pa ng Presidente, layon ng batas na maging patas na ang pangongolekta ng buwis sa mga lokal na negosyante at international digital platforms.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Paghahain ng COC nga mga kandidato, start na

ni Nancy Binay @Be Nice Tayo | Oct. 3, 2024

Nitong October 1, nagsimula na ang filing para sa mga kakandidato sa 2025 elections.

Hanggang October 8 ang paghahain ng certificate of candidacy (CoC) para sa mga balak tumakbong senador, district at party-list representative, governor, vice governor, board member, mayor, vice mayor, at mga konsehal.

☻☻☻

Noong October 1, pagkatapos ng matagal-tagal na pagdesisyon, ay naghain tayo ng kandidatura natin para sa pagka-mayor ng Makati.

Bitbit ang mga perspektibo at kaalaman na napulot natin sa 12 taong pagsisilbi sa Senado, nais nating ipagpatuloy ang mga serbisyo upang mas maramdaman ng mga taga-Makati ang progreso.

☻☻☻

Matatapos na ang paggunita natin ng National Teachers’ Month sa October 5.

Kaugnay nito, naglabas ang Department of Education ng memorandum na dinidirekta ang mga paaralan na huwag pilitin ang mga guro na magturo ng higit sa anim na oras sa isang araw.

Ayon sa memo na pinirmahan ni Sec. Sonny Angara, “actual teaching loads in excess of six hours shall be compensated through payment of teaching overload, provided that it does not exceed two hours per day as stipulated in Republic Act 4670.” 

Good news ito para sa ating mga guro, at nawa’y makatulong ang memo na ito sa pagpapabuti ng kalagayan nila sa trabaho.

Umaasa tayong isa lang ito sa marami pang hakbang upang maitaguyod ang kapakanan nila.

Happy Teachers’ Month sa ating mga guro, at mabuhay kayo!

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Kalagayan ng mga barangay health worker, bigyang-pansin

ni Nancy Binay @Be Nice Tayo | Sep. 29, 2024

Nitong nakaraang linggo ay tinalakay sa plenaryo ang Senate Bill No. 2838 na mas kilala bilang Magna Carta of Barangay Health Workers (BHW).

Hindi lingid sa ating kaalaman ang serbisyong ibinibigay ng mga BHWs.

Napatunayan natin kung gaano sila kalaking tulong noong panahon ng pandemya at sila ang unang pinupuntahan ng ating mga kababayan kung may emergency sa mga malalayong lugar.

☻☻☻

Sa ilalim ng panukala na ito, binibigyang depinisyon kung ano ang mga dapat gampanan ng isang BHW.

Tinutukoy sa batas ang parameter ng kanilang papel sa pagbibigay ng primary health care sa kanilang mga komunidad.

Napakahalaga nito dahil ito ang magiging basehan para maprotektahan ang mga BHW sa pagganap ng mga trabahong lagpas na sa kanilang tungkulin.

Magkakaroon din ng orientation at training mula sa DOH para matiyak na kuwalipikado at physically at mentally fit ang bawat BHW.

☻☻☻

Lagi nating sinasabi na kinikilala natin ang kontribusyon ng mga BHWs ngunit hindi ito sapat.

Mas maganda kung patuloy nating papangalagaan at poproteksyunan ang kanilang kapakanan.

Kaya naman buo ang suporta natin sa layon ng naturang panukala na protektahan at itaguyod ang kapakanan ng mga BHW sa buong Pilipinas.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay