Pagbusisi sa budget ng mga gov’t agency, tuluy-tuloy

ni Nancy Binay @Be Nice Tayo | Sep.22, 2024

Tuluy-tuloy na ang pagdinig ng Senado para busisiin ang panukalang budget ng iba’t ibang ahensya ng pamahalaan.

Tungkulin naming mga mambabatas na busisiin ang budget ng bawat ahensya ng gobyerno upang tiyakin na pakikinabangan ng taumbayan ang pondong nailaan sa kanila.

Nitong Huwebes, naging bahagi tayo ng pagdinig sa mga panukalang budget ng Department of the Interior and Local Government, Department of Foreign Affairs, at Commission on Elections.

☻☻☻

Sa budget hearing ng DFA, hiniling natin sa ahensya na dagdagan ang bilang ng pahina ng ating mga passport.

Malaking bagay ito sa ating mga OFW na madalas mag-renew ng passport dahil mabilis nilang nagagamit ang mga pahina nito.

Bukod dito, binigyang-diin din natin ang kahalagahan ng cyber security para mapangalagaan ang personal data ng ating mga passport holder.

☻☻☻

Sa pagdinig naman ng proposed 2025 budget ng Philippine National Police, napag-alaman natin na 499 police personnel lang ang nakadestino sa Makati City.

Napakababa ng bilang na ito dahil lalabas na halos 1:17,000 ang police to population ratio sa financial capital ng ating bansa.

Kaya naman nanawagan tayo kay PNP chief Police General Rommel Marbil na i-augment at dagdagan ang bilang ng mga pulis na naka-deploy sa Makati para lalo pang masiguro ang kaligtasan ng mga Makatizens.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Programang Bakuna-Eskwela, simula na sa Oct. 7

ni Nancy Binay @Be Nice Tayo | Sep.19, 2024

Inaprubahan ni Pangulong Ferdinand Marcos, Jr. ang paggamit ng P7.9 billion pondo para sa national immunization program ng Department of Health.

Kaugnay nito, inanunsiyo ng DOH na magsasagawa ito ng “Bakuna-Eskwela” katuwang ng Department of Education sa October 7.

Isasama ang mga estudyante mula Grade 1, 4, at 7 sa lahat ng public school sa buong bansa, at kung papayagan ng kanilang mga magulang ay babakunahan sila kontra sa human papillomaviruses (HPV), measles, rubella, tetanus, at diphtheria.

☻☻☻

Suportado natin ang Bakuna-Eskwela program upang maparami ang mga batang may vaccination laban sa mga malalang sakit.

Nabigo kasi ang DOH sa target nitong mabakunahan ang 95 percent ng mga Pilipinong bata.

Sa kasalukuyan ay nasa 71 percent lamang ng mga bata sa buong bansa ang bakunado.

☻☻☻

Dahil sa Dengvaxia controversy ay maraming magulang ang nagkaroon ng takot na mapapahamak ang kanilang anak kapag nabakunahan ang mga ito.

Ngunit pinatutunayan ng nagdaang pandemya na tunay na mabisa ang mga vaccines.

Mahalagang bigyang-diin ng pamahalaan ang pagkaepektibo ng bakuna sa malawakang information drive para mawala ang vaccine hesitancy ng ating mga kababayan.

Kailangang magtulungan ang pambansa at lokal na pamahalaan upang pawiin ang pangamba at misinformation na bumabalot sa mga bakuna.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagkilala sa 10 Outstanding Filipinos

ni Nancy Binay @Be Nice Tayo | September 15, 2024

Kamakailan lamang ay binigyang pugay ng Senado ang 10 huwarang Pilipino na nakatanggap ng Metrobank Foundation Outstanding Filipinos.

Tayo ang nag-sponsor ng resolusyon na ito sa Senado sa pamamagitan ng Senate Resolution number 1130 na akda ng inyong lingkod.

Inihain natin ang naturang resolusyon upang hirangin ang 10 kapita-pitagang Pilipino na nagpamalas ng angking galing at inilaan ang kanilang mga sarili para sa ikauunlad ng kanilang kapwa.

Ang 10 Outstanding Filipinos ay sina:

• Teacher Ma. Ella F. Fabella ng Maasin Learning Center sa Zamboanga City

• Teacher Franco Rino C. Open ng Kabasalan National High School sa Zamboanga Sibugay

• Prof. Decibel V. Faustino-Eslava, Ph.D. ng University of the Philippines Los Baños

• Prof. Maria Regina M. Hechanova-Alampay, Ph.D. ng Ateneo de Manila University

Captain Salvador M. Sambalilo PN (GSC)

• Major Ron JR T. Villarosa (INF) PA

• Staff Sergeant Michael S. Rayanon PN(M)

• Police Lieutenant Colonel Bryan G. Bernardino

• Police Major Mark Ronan B. Balmaceda

• Police Staff Sergeant Llena Sol-Josefa M. Jovita

Ipinakita ng Outstanding Filipinos, na binubuo ng mga guro, pulis, at sundalo, sa kanilang mga gawa ang natatanging pagmamahal sa kapwa at sa bayan. 

Kaya naman dapat lang bigyan sila ng pagpupugay at nawa’y ipagpatuloy pa nila ang kanilang magandang nasimulan.

☻☻☻

Bukod sa pagkilala sa Outstanding Filipinos ng Metrobank Foundation, naghain din tayo ng resolusyon sa Senado upang bigyan ng consent si Sen. Loren Legarda para tanggapin ang pagiging Officer sa Order of the Legion of Honour na iginawad sa kanya ng French Republic.

Kinikilala kasi ng French Republic ang adbokasiya ni Sen. Loren na may kinalaman sa climate change at disaster risk reduction and management.

Congratulations Sen. Loren at patuloy sana kayong maging inspirasyon sa lahat ng mga kawani ng pamahalaan!

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay