Pagbisita ni PM Kishida, nagpatibay sa relasyong Japan-‘Pinas

ni Nancy Binay @Be Nice Tayo | November 5, 2023

Kahapon, Nobyembre 4, naging bahagi ang inyong lingkod ng joint session ng Mataas at Mababang Kapulungan ng Kongreso na naging saksi sa makasaysayang talumpati ni Japanese Prime Minister Fumio Kishida.

Bago ang talumpati ni Prime Minister Kishida, ang huling pagkakataon na may dayuhang head of state na nagtalumpati sa joint session ng Kongreso ay naganap pa noong Pebrero 2006 nang magtalumpati noon si President Avul Pakir Jainulabdeen Abdul Kalam ng India.

Nauna nang nagbigay ng mainit na pagtanggap si Pangulong Ferdinand Marcos Jr. kay Prime Minister Kishida at sa delegasyon nito nang bumisita sila sa Malacañang noong Biyernes ng gabi.

Ilan sa mga kasunduan na nilagdaan sa official visit ni Prime Minister Kishida ay ang Official Security Assistance Grant aid from Japan to the Government of the Philippines worth JPY 600 million (or approximately P235 million) for coastal radar system. The Exchange of Notes concerning the provision of construction equipment for Road Network Improvement/Implementation and Disaster Quick Response Operation Under the Economic and Social Development Programme, Memorandum of Cooperation in the field of Tourism, Memorandum of Cooperation on Mining Sector between the Department of Environment and Natural Resources and the Ministry of Economy, Trade and Industry of Japan.

☻☻☻

Isa ang bansang Japan sa pinakamalaking pinagkukunan ng official development assistance (ODA) ng Pilipinas.

Ayon sa Department of Finance, umabot sa halagang $14.139 bilyon o P7.77 trilyon sa loob ng 20 taon mula 2001 hanggang 2020 ang ODA mula sa Japan.

Ito ay 70 porsyento ng lahat ng $19.656 bilyong kabuuang bilateral loan portfolio sa katulad ding panahon.

Kaya naman malaking bagay ang pagbisita ni Prime Minister Kishida sa ating bansa dahil umaasa tayong lalo nitong pagtitibayin ang kooperasyon at pagkakaibigan sa pagitan ng Pilipinas at bansang Japan.

☻☻☻

Patuloy pa rin tayong mag-ingat sa paglabas ng bahay, magsuot ng face mask ‘pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Gawing makabuluhan ang paggunita ng Undas

ni Nancy Binay @Be Nice Tayo | November 2, 2023

Ang Undas ay makabuluhang tradisyon sa ating bansa.

Malaking bagay sa atin ang gunitain ang mga mahal nating sumakabilang-buhay na, kaya’t nagsisilbing parang reunion para sa marami ang panahong ito.

Pagkatapos ng ilang taon na naantala ang pag-obserba natin sa Undas dahil sa pandemya, full-force na muli ang komemorasyon nito.

Lalo pa’t nasa parehong linggo rin ng pagdaos ng Barangay and SK Elections, marami ang nagsamantala sa pagkakataon na makauwi sa kanilang probinsiya.

☻☻☻

Tapos na ang pandemya, ngunit sana’y mag-ingat pa rin ang mga kababayan natin sa sakit.

Tumataas kasi ang mga flu-like cases sa bansa.

Ayon sa Department of Health, tumaas ng 45 percent kumpara sa nakaraang taon ang bilang ng mga flu-like cases sa bansa.

Nasa 151,375 na ang kasong naitala ng flu, ayon sa datos ng DOH na inilabas noong October.

Nagsimula raw ang pagtaas noong September, kung kailan 26 percent ang pagtaas mula sa nakaraang period.

☻☻☻

Maging makabuluhan nawa ang selebrasyon natin ng Undas. Kasabay nito, manatili sana tayong ligtas.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pipiliing tserman at mga kagawad, dapat may ‘K’ sa serbisyo-publiko

ni Nancy Binay @Be Nice Tayo | October 29, 2023

Bukas, ika-30 ng Oktubre, gaganapin na ang Barangay at Sangguniang Kabataan elections.

Ayon sa Comelec, mayroong 93 milyong rehistradong Pilipinong botante ngayong taon.

Inaasahan ang lahat na gagamitin natin ang ating karapatan sa pagboto para pumili ng mga susunod na punong barangay at miyembro ng Sangguniang Barangay pati na ang mga mamumuno ng Sangguniang Kabataan.

☻☻☻

Sa mga hindi nakakaalam, ang Kapitan ng Barangay, o Punong Barangay, ang binibigyan ng tungkulin bilang punong ehekutibong opisyal ng barangay.

Ang mga Kagawad naman ang humahawak sa iba’t ibang tungkulin sa loob ng mga komite ng barangay.

Sila ang tumutugon sa iba’t ibang pangangailangan ng komunidad at sinisiguro na lahat ng boses at hinaing sa barangay ay naririnig.

Sa kabilang banda, ang SK Chairperson naman ang kakatawan at magiging boses ng mga kabataan sa barangay.

Inaasahang sila ang magiging tulay sa pagitan ng pamunuan ng barangay at mga mas nakababatang miyembro ng komunidad.

☻☻☻

Bagama’t pinakamaliit na political unit ang barangay, lubhang malaki pa rin ang ginagampanang papel ng mga namumuno rito.

Sa pagsasabatas ng Local Government Code at Urban Development and Housing Act noong 1992, lalong pinagtibay ang barangay bilang isang matatag na pundasyon ng lokal na pamamahala.

Kaya naman mahalagang makilahok sa botohan at pumili ng karapat-dapat sa darating na Barangay and Sangguniang Kabataan Elections 2023.

☻☻☻

Patuloy pa rin po tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal. Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay