Malinis at bagong simula sa liga ng mga Barangay at SK Federation

ni Nancy Binay @Be Nice Tayo | November 16, 2023

Hinihimok natin ang Department of the Interior and Local Government na tiyaking maayos, malinis at walang bahid ng impluwensya ang pagsasagawa ng eleksyon ng Sangguniang Kabataan Federations at Liga ng mga Barangay.

Ayon sa Republic Act 7160 o Local Government Code of 1991, ang mga nahalal na presidente ng LnB at SK Federation ay magsisilbing ex-officio member ng kanilang mga lokal na Sanggunian.

Dahil dito, may mga anomalya na nangyayari upang makaupo ang mga opisyal.

Sana’y mabigyan ng malinis at bagong simula ang mga nahalal sa nakaraang eleksyon.

Panatilihin natin ang integridad ng proseso sa pagpili ng mga bagong kinatawan sa ating mga konseho bilang mga ex-officio.

☻☻☻

Kamakailan lang ay inilunsad ng Tourism Promotions Board ang “enhanced” na Travel Philippines app.

Nagsisilbing virtual resource ang Travel Philippines app para sa mga nais tuklasin ang Pilipinas.

Maraming impormasyon ang nalalaman sa app na ito, kasama na ang mga location-based attraction at activities, events, kainan, at tirahan.

May mga impormasyon din tungkol sa mga airport at modes of transport, travel directory, at mga travel tips.

Congratulations sa TPB sa pag-aayos ng app na ito.

☻☻☻

Mabuhay ang mga Pilipinong nars!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

2024 National budget, ilalaan sa serbisyo publiko

ni Nancy Binay @Be Nice Tayo | November 12, 2023

Nitong nakaraang linggo sinimulan na ang marathon plenary deliberations ng Senado para sa proposed P5.768 trillion na national budget para sa susunod na taon.

Ang pagtalakay sa 2024 General Appropriations Bill ay pinangunahan ni Senate Committee on Finance Chairperson Senador Sonny Angara.

Naunang isinalang ang budget ng Office of the President (OP) at naging mabilis at malinaw ang talakayan tungkol dito.

☻☻☻

Bukod sa OP, isinalang na rin sa plenary ang budget ng Office of the Vice President (OVP).

Dito, inanunsyo ni Sen. Angara na hindi na magre-request ng confidential and intelligence funds ang OVP at Department of Education (DepEd).

Ayon sa statement ni Vice President Sara Duterte na binasa ni Sen. Angara, masyado raw kasing “divisive” ang usapin ng confidential funds at hindi na nila ito hihilingin “to keep the country peaceful and strong.”

Simula pa lamang ito ng ating paghimay sa budget ng pamahalaan para sa susunod na taon.

Makakaasa kayo na sisiguruhin namin sa Senado na lahat ng pondo ay ilalaan para makapagbigay ng karampatang serbisyo sa mga Pilipino.

☻☻☻

Nais ko ring batiin ng belated happy birthday ang aking mga magulang na sina former Vice President Jejomar at Elenita Binay.

Maraming salamat sa paglilingkod n’yo sa bayan at sa walang sawang pagmamahal sa amin na inyong pamilya.

Mahal na mahal namin kayo!

☻☻☻

Patuloy pa rin tayong mag-ingat sa paglabas ng bahay, magsuot ng face mask ‘pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Mga bagong Brgy. official, maging seryoso sa sinumpaang tungkulin

ni Nancy Binay @Be Nice Tayo | November 9, 2023

Pagkatapos ng halos isang taong pagpapaliban, matagumpay nang naidaos ang Barangay and Sangguniang Kabataan Elections (BSKE) noong October 30.

Naiproklama na ang mga nanalong opisyal ng barangay at SK sa 42,001 barangay sa buong bansa.

Wala rin daw “failure of elections” na naideklara sa kahit saan, ayon sa Commission on Elections.

Nagbigay din ng paalala ang Comelec sa lahat ng kandidato na mag-file ng Statements of Contributions and Expenditures (SOCE) bago ang deadline sa November 29.

Base sa Republic Act No. 7166 o ang Synchronized National and Local Elections and Electoral Reforms Act, walang naihalal na opisyal ang maaaring maupo nang hindi pa nakakapag-file ng SOCE.

☻☻☻

Congratulations sa lahat ng nanalo.

Mahalaga ang papel na ginagampanan ninyo sa ating komunidad, kaya’t nawa’y taos-puso ninyong paglilingkuran ang ating mga kababayan.

Nasa P174.2 billion ang panukalang national tax allotment share ng mga barangay para sa 2024.

May pondo para maipatupad ang mga programa’t adhikain para sa ikabubuti at maayos na pamamalakad ng inyong mga komunidad.

Nawa’y maging seryoso tayo sa paggampan ng ating sagradong tungkulin ng paglilingkod-bayan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay