Pagdaraos ng APPF sa ‘Pinas, matagumpay

ni Nancy Binay @Be Nice Tayo | November 26, 2023

Kahapon naganap ang huling araw ng 31st Annual Asia-Pacific Parliamentary Forum (APPF) kung saan nagtipon ang mga parliamentarian sa buong rehiyon.

Ngayong taon, naatasan ang ating bansa bilang host ng prestihiyosong taunang pagpupulong ng mga mambabatas.

Ang pagtitipon na ito ay ginanap sa Philippine International Convention Center (PICC) sa Pasay City na nagsimula noong Nobyembre 23.

Isa sa mga founding member ng APPF ang ating bansa at unang naging sponsor o host ang Pilipinas noong 1994.

Pinangunahan ni Senate President Juan Miguel “Migz” F. Zubiri ang pagtanggap sa mga delegates kasama ng mga kaibigan nating senador at ilang miyembro ng House of Representatives.

Ang mga mambabatas na naging bahagi ng pagpupulong na ito ay mula sa mga bansang Australia, Brunei Darussalam, Cambodia, Canada, Chile, China, Indonesia, Japan, Korea, Lao PDR, Malaysia, Mexico, Micronesia, Papua New Guinea, Peru, Russian Federation, Thailand, at Vietnam.

Ang tema ng APPF ngayong taon ay, “Building Resilient Partnerships: Advancing Peace, Prosperity, and Sustainability in the Asia Pacific.”

Dito pinag-uusapan ng mga mambabatas ang mahahalagang isyu na may kinalaman sa regional peace, prosperity and sustainability.

☻☻☻

Magandang balita dahil 16 na bansang kasapi ng APPF ang nagpahayag ng kanilang suporta sa kampanya ng Pilipinas na maging bahagi ng United Nations Security Council (UNSC).

Kung papalarin tayo na mapabilang dito, papayagan ang Pilipinas na sumali sa mga dayalogo at botohan sa mahahalagang usaping panseguridad.

Sa 15 miyembro ng UNSC, lima ang may permanenteng upuan at ito ay ang mga bansang China, France, Russia, United Kingdom at United States.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagdaraos ng 31st APPF, para sa kapayapaan at kaunlaran ng mga bansa

ni Nancy Binay @Be Nice Tayo | November 23, 2023

Mula November 23 hanggang 26, idaraos sa bansa ang 31st Asia-Pacific Parliamentary Forum (APPF31) na dadaluhan ng 28 na member-countries nito.

☻☻☻

Idinaos ang unang pagpupulong ng APPF sa Tokyo, Japan, noong 1993. Sa pagpupulong na ito ay nailathala ang Tokyo Declaration na nagtatakda ng mga layunin, prinsipyo, at istruktura ng APPF.

Layunin ng APPF na magbigay ng plataporma para matukoy at mapag-usapan ang mga mahalagang isyu at karaniwang interes ng Asia-Pacific region.

Nilalayon din nito ang pagpapalalim ng pag-unawa sa mga alalahaning pangpolisiya, at mga interes at karanasan ng mga bansa sa rehiyon.

☻☻☻

Ang tagline para sa APPF31 ay “Soaring Together” na nakahanay sa bisyon na bumuo ng matibay na pagsasamahan ng mga member-countries tungo sa kapayapaan, kaunlaran, at sustainability.

Umaasa tayong magiging matagumpay ang APPF31 at lalo pang tumatag ang samahan ng mga bansa sa Asia-Pacific region.

Hindi natin lubos na mabibigyang-diin ang kahalagahan ng pagtutulungan sa pagtugon sa iba’t ibang hamon at isyu na kumakaharap sa rehiyon, kasama na ang regional security, transnational crime, free and fair trade, climate change, at iba pa.

☻☻☻

At sa iba’t ibang delegasyon na dumating sa bansa para dumalo sa APPF31, maligayang pagdating sa inyong lahat!

Bilang bansang kilala sa hospitalidad, makakaasa ang ating mga bisita na best foot forward tayo upang masiguro na maayos ang kanilang karanasan sa saglit na pagdalaw nila sa ating bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Matinding epekto ng climate change sa mundo, seryosohin

ni Nancy Binay @Be Nice Tayo | November 19, 2023

Tuwing Nobyembre 19-25 ay ginugunita natin ang Global Warming and Climate Change Consciousness Week para bigyang pansin ang matinding epekto ng climate change sa mundo.

Ang climate change ay ang long-term na pagpapalit ng temperatura at weather pattern.

Ito ay dulot ng epekto ng mga pagkasira ng kalikasan at matinding industriyalisasyon na makikita sa mga mayayamang bansa na gumagamit ng fossil fuels gaya ng uling, langis at gas. ☻☻☻

Masasabi natin na ilan sa mga nagdaang mga bagyo na nagdulot ng matinding pinsala sa bansa ay epekto ng climate change.

Bukod dito, nagdudulot din ang climate change ng matinding tagtuyot at matinding init ng temperatura.

Kaya naman ang isyu ng climate change ay dapat seryosohin at huwag balewalain dahil malaki ang maaaring maging pinsala na idudulot nito sa mamamayan kapag hindi ito nabigyan ng tamang katugunan at pag-iingat.

☻☻☻

Hindi na bago ang usapin ng climate change at mainit na paksa ito sa mga pandaigdigang pulong at pagtitipon.

Katunayan, isa ang Pilipinas sa mga bansang signatory sa Kyoto Protocol na naglalayong pababain ang produksyon ng carbon dioxide at iba pang critical greenhouse gases.

Ang nakakalungkot lang dito, kahit na pinag-uusapan, tila hindi sapat ang mga hakbang na ginagawa ng ilang mga bansa para maibsan kahit papaano ang pinangangambahang masamang epekto nito sa mundo.

Kaya naman hinihimok ko ang lahat na makipagtulungan sa mga hakbang at programa ng pamahalaan para maibsan ang epektong dulot ng climate change at mahadlangan ang mga peligro na posibleng harapin ng ating bansa.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well.

Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay