Turismo, yari sa non-stop brownout

ni Nancy Binay @Be Nice Tayo | january 7, 2024

Lubhang nakakabahala ang epekto ng malawakang krisis sa enerhiya sa Western Visayas sa industriya ng turismo at lokal na mga negosyo.

Bilang chair ng Senate Committee on Tourism, tinututukan natin ang mga ulat na marami nang mga turista ang kinakansela ang kanilang mga booking para sa kanilang bakasyon.

‘Yung panay-panay ng brownout will always be a big concern. Alam natin na minsan hindi naman na natin ito makokontrol pero ang palagiang pagkawala ng kuryente ay malaki ang negatibong epekto sa pag-promote natin sa ating bansa bilang isang frills-free holiday destination.

Hindi ba’t bilang mga turista, gusto mong mag-enjoy na lang at gumawa ng mga magagandang alaala sa iyong bakasyon?

Sa kasamaang palad, perhuwisyo pa ang nangyayari dahil nga sa laging nawawalan ng kuryente.

Napakahirap i-promote ng turismo kung may mga ganitong unreliable power supply.

Ang nakakalungkot pa rito, karamihan sa mga malubhang naaapektuhan nito ay ang mga maliliit na resorts na wala pang kakayahan na mag-invest sa alternative power source.

Bukod dito, halos sa buong Pilipinas marami pa ring nasa sektor ng turismo ang kababangon lang mula sa pandemya —and admittedly, most of them are not prepared to deal with the increasing threat of power disruption, especially those in the island resorts.

☻☻☻ 

Ang nararanasang power crisis sa Western Visayas ay malinaw na senyales na napag-iiwanan ang bansa pagdating sa paglatag ng solusyon sa enerhiya.

It can be clearly taken as a sharp reminder na kailangan nating seryosong maghanap ng mga long-term solution para matugunan ang problema sa kuryente.

Hindi na ito basta wake-up call. Magiging bangungot na ito ‘pag ‘di pa rin natin naayos ang supply ng kuryente natin.

☻☻☻ 

Patuloy pa rin tayong mag-ingat sa paglabas ng bahay, magsuot ng face mask ‘pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe.

Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Ayuda para sa rice farmers, madaliin

ni Nancy Binay @Be Nice Tayo | january 4, 2024

Nagsimula nang tumanggap ng ayuda ang ating mga rice farmers mula sa labis na tariff collection, ayon sa Department of Agriculture.

Nasa 2.38 million magsasaka ang nakatakdang tumanggap ng P12 billion mula sa excess tariff collection mula sa rice importation sa taong 2022.

Alinsunod ito sa Republic Act (RA) No. 11598 o Cash Assistance to Filipino Farmers Act of 2021, na nagtatakda ng unconditional cash grant para sa magsasakang may 2 hectares pababa ng lupa. 

☻☻☻

Ayon sa Rice Industry Development ng DA, as of December 28, nasa 458,435 magsasaka ang nakatanggap na ng ayuda sa kanilang mga account.

Samantala, 44,719 magsasaka ang nag-withdraw ng kanilang ayuda sa tulong ng Development Bank of the Philippines (DBP) at Universal Storefront Services Corp.

(USSC), isang Bangko Sentral ng Pilipinas-licensed e-money issuer.

☻☻☻

Umaasa tayo na sa lalong madaling panahon ay matanggap na ng iba pang magsasaka ang kanilang ayuda.

Malaki ang maitutulong ng ayudang ito lalo na’t may napipintong tagtuyot ngayong taon dala ng El Niño.

Nawa’y madaliin din natin ang pag-implementa ng iba pang hakbang upang maibsan ang epekto ng tagtuyot. 

☻☻☻

Ito ang isa sa mga hamon na hinaharap natin sa panibagong taon.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Technical at operational glitches sa mga airport, 'wag sanang maulit

ni Nancy Binay @Be Nice Tayo | january 3, 2024

Simula nang pagpasok ng Christmas season ay sumalubong sa atin, lalung-lalo na sa Metro Manila, ang matinding traffic.

Inaasahan naman ang ganitong pangyayari dahil maraming gustong umuwi sa kani-kanilang mga probinsya para makasama ang kanilang mga pamilya.

Nar’yan din ang mga kababayan nating nais mamili ng regalo at handa para sa kanilang mga pagtitipon.

Ang naging panawagan natin sa Department of Transportation (DOTr) ay tutukang mabuti ang kalagayan ng ating mga terminal at airports. Gayundin, na halos nagbabalikan na ngayon sa kanilang mga trabaho ang mga nagsipagbakasyon.   

☻☻☻

Sana, self-aware na ang ating mga opisyal ng DOTr dahil ayaw na rin nating maulit muli ‘yung nangyaring ‘di magandang experience ng mga kababayan nating biyahero noong taong 2023.

Matatandaang noong Enero 1 at Mayo 1 ng nakaraang taon ay nagkaroon ng maraming technical at operational glitches ang ating mga airport na naghatid ng hindi kaaya-ayang experience sa ating mga pasahero.

Hindi lamang sa airports ang dapat na bantayan. Kailangan din nating tutukan ang mga pantalan at mga pampasaherong barko, mga bus sa public terminals, at iba pang mode of transportations dahil tiyak na magdadagsaan na ang mga pabalik ng Maynila na nagbakasyon mula sa kanilang probinsya. 

Ang punto natin ay maging maayos at matiwasay ang pagbibiyahe ng mga kababayan nating galing sa kani-kanilang lalawigan.

Inaasahan natin na lahat ng mga barkong maglalayag ay sea-worthy at walang overbooking. Maging sa ating mga bus terminals, magkaroon sana ng simplified system para sa mga pasahero para mapadali ang security screenings.

Hindi naman ito bago sa atin maging sa DOTr at umaasa ako na gagawin ng DOTr sa pamumuno ni Sec. Jaime Bautista ang lahat para maging maayos talaga ang pasok ng Baong Taon at safe ang ating mga biyahero.

☻☻☻ 

Patuloy pa rin tayong mag-ingat sa paglabas ng bahay, magsuot ng face mask ‘pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay