Itaguyod ang kapakanan at karapatan ng kababaihan

ni Nancy Binay @Be Nice Tayo | Marso 10, 2024

Nais nating batiin at ipahatid ang ating pakikiisa sa lahat ng kababaihan sa ating pagdiriwang ng National Women’s Month.  

At dahil nga Buwan ng mga Kababaihan, magandang balikan natin ang mga batas na ipinasa naming mga mambabatas para siguruhin ang karapatan ng mga kababaihan.

Isa na rito ang Republic Act 11210 o mas kilala sa tawag na 105-day Expanded Maternity Leave Law na isinulong ng inyong lingkod.

Sa ilalim ng batas na ito, pinalawig natin ang bilang ng araw ng maternity leave mula sa dating 60 araw para sa normal delivery at 78 araw naman para sa caesarian delivery, ginawa nating 105 araw ang maternity leave ng mga nanganak, normal man o caesarian ang delivery.

Samantala, binibigyan naman ng 60 araw na maternity leave ang kababaihan na nakunan o sumailalim sa emergency termination of pregnancy.

Sa tulong ng batas na ito nakasabay na ang Pilipinas sa international standards ng tamang haba ng maternity leave.

Tagumpay din ito para sa mga kababaihan, pati sa kanilang pamilya dahil magkakaroon sila ng mas mahabang panahon para makasama ang bagong silang na sanggol.

☻☻☻

Napakaganda ng tema ng Buwan ng Kababaihan ngayong taon, “𝐖e 𝐟𝐨𝐫 𝐠𝐞𝐧𝐝𝐞𝐫 𝐞𝐪𝐮𝐚𝐥𝐢𝐭𝐲 𝐚𝐧𝐝 𝐢𝐧𝐜𝐥𝐮𝐬𝐢𝐯𝐞 𝐬𝐨𝐜𝐢𝐞𝐭𝐲!” at may sub-theme na “𝐋𝐢𝐩𝐮𝐧𝐚𝐧𝐠 𝐏𝐚𝐭𝐚𝐬 𝐬𝐚 𝐁𝐚𝐠𝐨𝐧𝐠 𝐏𝐢𝐥𝐢𝐩𝐢𝐧𝐚𝐬: 𝐊𝐚𝐤𝐚𝐲𝐚𝐡𝐚𝐧 𝐧𝐠 𝐊𝐚𝐛𝐚𝐛𝐚𝐢𝐡𝐚𝐧, 𝐏𝐚𝐭𝐮𝐧𝐚𝐲𝐚𝐧!”

Akmang-akma ito dahil, sa kabila ng abanse at mga nakamit nating mga tagumpay pagdating sa gender equality, ay hindi pa rin tapos ang laban.

Marami pa tayong pwedeng gawin upang itaguyod ang kapakanan at karapatan nating kababaihan.

Isang mapagpalayang Buwan ng Kababaihan sa ating lahat!

☻☻☻ 

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Drilling operation sa ‘Masungi Conservation Area’, talupan

ni Nancy Binay @Be Nice Tayo | Marso 8, 2024

Nitong mga nakaraang buwan ay muli na namang napalibot sa kontrobersiya ang Masungi Georeserve Conservation Area.

Ito ay pagkatapos lumitaw ang drone images ng drilling operations ng Rizal Wind Energy Corp. (RWEC) sa Masungi Karst Conservation Area (MKCA).

Noong November 2023, apat na drilling rigs ang namataan sa MKCA kaugnay ng plano ng RWEC, na pagmamay-ari ng Singapore-based company na Vena Energy, na magtayo ng 12 wind turbines.

☻☻☻

Ang MKCA ay protektado ng Presidential Proclamation 1636 na nagtatakda rito sa mga piling lupain sa Rizal bilang national park, wildlife sanctuary, at game preserve. 

Protektado rin ang MKCA ng DENR Administrative Order No. 1993-33 (DAO 1993-33), at ng isang ordinansa ng Tanay na idinedeklara ang MKCA na conservation area. 

Mahigit 500 documented flora and fauna species ang matatagpuan sa MKCA, kabilang ang mga endangered na Philippine hawk-eagles, serpent eagles, at flying foxes.

☻☻☻

Kamakailan lang ay mahigit 30 environmental organization ang nanawagan na i-relocate na lang ang planong wind energy farm para maprotektahan ang maselang ecosystem ng MKCA.

Habang kinikilala nila ang pangangailangan para sa mga alternative at clean energy source, hindi raw masasakripisyo ang kalikasan para rito.

☻☻☻

Kaugnay ng drilling operation na ito ay naghain tayo noong nakaraang buwan ng resolusyon para imbestigahan ito.

Inaasahan nating sa lalong madaling panahon ay masisimulan ang pagdinig tungkol dito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice! 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Ipagmalaki ang Philippine silk at iba pang Philippine fabrics

ni Nancy Binay @Be Nice Tayo | Marso 3, 2024

Nitong Huwebes ay naging bahagi tayo ng 5th Philippine Silk Summit na ginanap sa Cagayan de Oro City.

Pinangunahan ito ng Department of Science and Technology-Philippine Textile Research Institute at dinaluhan ng mga stakeholders mula sa iba’t ibang panig ng bansa.

Dito pinag-usapan ang mga programa at bagong kaalaman na may kinalaman sa pagpapalago ng Philippine silk at iba pang Philippine fabrics.

Makakaasa kayo na patuloy nating isusulong ang interes ng Philippine silk at iba pang Philippine fabrics.

☻☻☻

Ang tema ng summit ngayong taon ay “Towards Philippine Silk Sufficiency”.

Layon nating payabungin ang silk production sa bansa para makasabay tayo sa inaasahang pagtaas ng worldwide demand nito.

Sa mga susunod na taon, nais nating makilala ang Pilipinas bilang isa sa mga premier source ng high-quality and sustainable silk.

☻☻☻

Magandang ideya din ang pagganap ng Silk Summit ngayong taon sa Cagayan de Oro City. Marami kasi sa mga komunidad dito ang nakaasa ang kabuhayan sa Philippine silk.

Magandang makita natin kung ano ang epekto ng programa ng pamahalaan sa mga benepisyaryo nito.

Inaasahan nating maraming mga Silk Innovation Hubs ang maitayo sa iba’t ibang rehiyon sa bansa.

Umaasa din tayong mapakinggan ang mga kuwento ng ating mga kababayang nagbago’t umunlad ang kanilang buhay dahil sa seda.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay