Todo-kampi sa dyulalay ng aktres… RAFFY, GAME MAKIPAGDEMANDAHAN KAY JANELLA

ni Mercy Lejarde - @Showbiz Talkies | July 10, 2020

Nakarating na kaya kay Janella Salvador ang sagot ni Mr. Raffy Tulfo sa hamon niya sa kanyang former personal assistant a.k.a. dyulalay na idemanda na lang siya nito kung nagsasabi ito nang totoo sa mga akusasyon sa kanyang hindi niya binayaran ang P3,600 na kulang sa huling suweldo nito?

Kung matatandaan, humingi nga ng tulong sa programa ni Raffy Tulfo sa Radyo 5 ang dyulalay na Michelle ang namesung dahil P8,000 na nga lang daw monthly ang pasuweldo sa kanya ni Janella, hindi pa ibinigay ang kulang sa suweldo niya at pinaalis pa siya.

Ang sagot naman ni Janella sa kanyang Twitter account, "If you're gonna twist the story in your desperate attempt to get money from me, sorry, hun. 3.6K is small and I would gladly give it to someone who deserves it. Not worth my time."

Hindi nagustuhan ni Idol Raffy ang hirit ni Janella at sabi niya, para sa kanya ay case closed na ito. At kung ayaw magbayad ni Janella sa kanyang former dyulalay ay siya na lang daw ang magbibigay ng halagang P3,600, pero manahimik na lang ang Kapamilya actress kesa maghamon pa raw ng demanda.

“Consider this as case closed. Maliban na lang kung magdedemanda si Janella. Lilitaw na kaming dalawa ang magdedemandahan.

"Kahit saan makarating, hindi ko bibitiwan itong si Michelle. Gagastusan ko ‘to para sanggain 'yung demandang ikakaso ni Janella," banta pa ni Idol Raffy.

Pero sana raw ay 'wag na silang umabot sa korte dahil talo lang si Janella.

“Kapag nagkademandahan, lalong lalaki ang kaso. Dehadung-dehado ka rito, Janella. So if I were you, tutal nabayaran ko naman na, keep quiet ka na lang,” sey pa ni Idol Raffy.

Boom, ganern!!!

Pera lang daw ang ambag…LUIS, IPINAGDIINANG 'DI BUSINESS PARTNER SI KRIS SA TAXI

ni Mercy Lejarde - @Showbiz Talkies | July 3, 2020

Kinorek naman ni Luis Manzano si yours truly thru FB Messenger tungkol sa LBR taxi business niya na may kinalaman si Kris Aquino.

The following ay ang FB message ni Luis kay yours truly….

“Ate Mercy! (with matching smiling emoji) Kris was an investor, not a partner (with smiling emoji again). We are thankful sa tiwala niya sa amin before (with smiling emoji again)… lahat ng units namin, pink talaga.

“Ako ang nakaisip nu'n (insert smiling emoji again) and malayung-malayo kami sa libo na units…. less than 100 kami (with smiling emoji again). 'Di siya (Kris) naging owner…nag-invest lang.”

K, noted, Luis "Lucky" Manzano! Tenk you for the “correction, please!”, tsuk, insert smiley, !

Bukod sa ayuda… LUIS, BIBIGYAN NG TRABAHO ANG MGA JEEPNEY DRIVER

ni Mercy Lejarde - @Showbiz Talkies | June 30, 2020

Tuwing pinapanood namin ang mga video posts ni Luis Manzano ay laging laff out loud kami dahil puro kakenkoyan ang kanyang mga isine-share.

Pero nito lang Sunday (June 26), tipong seryosong nag-video si Luis ng sarili habang nananawagan sa mga jeepney drivers na nawalan ng trabaho.

Inalok niya ang mga "no work, no kita" drivers na mag-apply sa kanyang taxi business na LBR kung gusto ng mga itong mag-drive ng taxi kesa nakatengga nga lang naman sa bahay.

Sabi pa ni Luis, may mga incentives pa siyang ibibigay sa mga mag-a-apply sa kanilang LBR Taxi business like cash and relief goods bilang ayuda.

Nice one, Luis Manzano!

Sana nga ay muli kaming makakita ng LBR taxi sa Metro Manila na tipong na-stop simula nang dumating si Covid-19.

And take note, ang alam namin ay may share rin si Kris Aquino sa LBR taxi business ni Luis at ng dalawa niyang friends.

Heard na basta kulay pink ang LBR taxi ay pag-aari raw 'yun ni Kris na umaabot daw sa almost 2 thousand units.

How true, Lucky Luis?