Buti raw at sinalo agad ng TV5…

POKWANG, NAPAIYAK SA PRESSCON DAHIL ISA SA MGA UNANG TINANGGAL SA DOS

ni Mercy Lejarde - @Showbiz Talkies | August 23, 2020

Nagulat ang mga katabi ni Pokwang na sina Paolo Ballesteros at Wally Bayola nang bigla na lang nag-crylulu, as if crying in the chapel, ang komedyanang si Pokwang sa Zoom mediacon ng bagong game show ng TV5, ang Fill in The Bank.

Hindi kasi naiwasan ni Pokwang na maalala ang pag-suspend ng kanyang kontrata sa ABS-CBN nang tuluyan nang naisara ang Channel 2 ilang buwan na ang nakararaan.

Siya raw kasi ang pinakaunang artista sa ABS-CBN na sinabihang wala na siyang kontrata na naging dahilan upang maging maagap siya at nakapaghanap agad ng ibang trabaho.

“Dahil maaga po nila akong sinabihan, maaga po akong nakapag-decide, nakapag-isip para po sa pamilya ko.

“Kasi hindi po ako puwedeng huminto. Hindi po ako puwedeng ngumanga. Marami pong umaasa sa akin.

“Sa isang banda, hindi ko po dapat ikatampo ‘yun…

“At least, maaga akong nasabihan, maaga ko pong naihanda ‘yung sarili ko, maaga ko pong naisalba ‘yung pamilya ko,” ang lumuluha na niyang kuwento.

As of the moment ay may dalawang bagong programang ipinrodyus ang Cignal Entertainment at Archangel Media, Inc. para sa TV5 kung saan host si Pokwang.

Si Powkie ay host ng game show na Fill in the Bank kasama si Jose Manalo at isa rin siya sa mga hosts ng talk show na Chika Besh! kasama sina Pauleen Luna-Sotto at Ria Atayde.

Ang Fill in the Bank ay napapanood tuwing Lunes, Miyerkules, at Biyernes, 7:30 PM at ang Chika Besh naman ay tuwing alas-diyes ng umaga, Lunes hanggang Biyernes.

Dahil sa mga blessings na natatanggap ni Pokwang sa gitna ng pandemya ay walang tigil siyang nagpasalamat sa mga taong nagtitiwala sa kanya.

“Thank you po talaga sa APT and Archangel Production na nagbukas ng pintuan nila. Buti na lang at may sumalo agad sa akin. God is good all the time, Pokwang! 'Yun na!

“Pero hindi mawawala siyempre kung ano ‘yung nagawa sa akin ng ABS, sobrang thank you po talaga,” sabi pa ng komedyana.

Aminado naman si Pokwang na may mga kasamahan siyang artista na hanggang ngayon ay wala pa ring trabaho ngunit suportado naman siya sa kung anuman ang nangyayari sa career niya ngayon.

“Naintindihan nila ako nang sobra. Very thankful ako at napaka-supportive nila kung saan man ako ngayon,” say pa niya.

God is good all the time, Pokwang!

Mas gusto pang magbakasyon kesa dalawin ang pamilya… KC, WA' PAKI SA MGA EMOTE NI SHARON, DEADMA!

ni Mercy Lejarde - @Showbiz Talkies | August 12, 2020

Samantala, may ilang showbiz insiders ang nakakapansin na mukhang hindi na naman daw nag-uusap ngayon ang mag-inang Sharon at KC Concepcion.

Nagtataka ang ilang mga friendship namin sa showbizlandia kung bakit mas inuna pa raw magbakasyong mag-isa ni KC sa isang private resort-farm sa Batangas kesa dalawin ang kanyang mommy dearest at mga kapatid nu'ng nag-GCQ (General Community Quarantine) na ang Metro Manila.

At nito ngang mamatay ang dating biyenan ni Mega na si Mrs. Baby Arellano na mudra ni Gabby Concepcion, tipong huling-huli sa balita si Sharon sa pagkamatay ng lola ni KC samantalang agad-agad namang ipinost ng aktres ang pagpanaw ng kanyang lola sa kanyang Instagram account.

May mga nakapansin ding deadma si KC sa mga isyung pinagdaanan ni Sharon nitong mga huling buwan tulad nang makaaway ng kanyang ina ang dating kaibigang reporter na nanira sa kanilang dalawa, gayundin nang bastusin ang half-sister niyang si Kakie Pangilinan dahil sa pagpapahayag nito ng saloobin hinggil sa issue ng rape.

Bakit daw kaya mas gusto pang mag-solo ni KC kesa damayan ang kanyang pamilya, lalo na ang mudrang si Megastar, ngayong panahon ng pandemic?

Manok ng mga maka-Dos… CONGW. VILMA PALIT KAY P-DIGONG SA 2022

ni Mercy Lejarde - @Showbiz Talkies | July 24, 2020

"VILMA SANTOS FOR 2022 PRESIDENT NG PILIPINAS!"

Ito ang sigaw ng mga pamilya ng mga Kapamilya workers na nawalan ng trabaho matapos na hindi na bigyan ng prangkisa ang ABS-CBN ng 70 congressmen na bumoto laban sa Kapamilya Network.

At hindi man nanalo sa botohan ang ABS-CBN, tinatanaw nilang malaking utang na loob sa 11 kongresistang lumaban at nanindigan para sa network ang boto ng mga ito at kabilang na nga rito ang Star for All Seasons at mommy ni Luis Manzano na si Ate Vi.

Ang isa sa mga katwiran ni Congw. Vilma ay ayaw niyang maging heartless sa kanyang kapwa lalo na sa 11 thousand employees ng ABS-CBN na nawalan ng trabaho, at kabilang na nga rin dito ang mga tulad naming showbiz press na umaasa rin sa mga pa-presscon at iba pang events ng network.

Sinabi rin sa isang interview ni Congw. Vilma na kaya siya bumoto na ibalik ang prangkisa ng ABS-CBN ay hindi dahil dito nagwo-work ang anak niyang si Luis Manzano kundi para sa maliliit na manggagawang mawawalan nga ng trabaho.

Well, wala namang masama kung babae uli ang magiging presidente ng Pilipinas sa taong 2022. Yes, after ex-President Cory Aquino.

At kung si Vilma Santos-Recto na nga ang IGINUHIT NG TADHANA para pumalit kay now PH President Rodrigo Roa Duterte, ala, eh… 'yan ang talagang wow na wow, in pernes!

Bihasa at hasang-hasa na sa pulitika at pamamalakad ng kanyang mga constituents sa Batangas ang isang Vilma Santos-Recto, sa true lang.

Dahil dito ay puwede na siguro uling buhayin ang kantang pinasikat noon ni Rico J. Puno titled KAPALARAN na may lyrics that goes…. "Bakit ba ganyan ang buhay ng tao… merong mayaman, may api sa mundo… Kapalaran, kung hanapin, 'di matagpuan… at kung minsan, lumalapit nang 'di mo alam (si covid at iba pang kontrabida)…” boom, 'yun na!