Isinikreto lang daw… ARA AT DAVE, KASAL NA!

ni Mercy Lejarde - @Showbiz Talkies | June 24, 2021

Masasabi naming isa ang aktres na si Ara Mina sa mga bukod na pinagpala sa babaeng lahat.

Why, oh, why?

Kung tama ang impormasyon na nakarating sa amin, jackpot si Ara sa lalaking nagmamahal sa kanya ngayon, walang iba kundi ang president and CEO ng Philippine International Trading Corporation (PITC) na si Dave Almarinez, dahil multi-billionaire raw ito!

Oh, ha?!!!

Kunsabagay, hindi naman kataka-takang suwertehin si Ara dahil malaki rin naman ang pu… so nito lalo na sa pagtulong sa kapwa.

Devah nga, pinatira pa niya nang libre noon ang dating aktres na si Deborah Sun sa kanyang condo dahil naawa siya rito?

Tapos, binigyan din niya ng karu (read: car) ang kanyang publicist-writer friend.

At devah, nu'ng kalakasan ng kita ni Ara sa showbiz, siya rin ang halos tumayong breadwinner sa pamilya nila.

Kaya deserve naman niya kung naka-jackpot man siya ngayon kay Dave, 'no?

Last April 28 ang unang napabalitang altar date ng celebrity couple. Ngunit naudlot ito dahil diumano sa pagtaas ng COVID-19 cases na naging dahilan para isailalim sa stricter community quarantine ang National Capital Region.

Hanggang ngayon, tikom pa rin ang bibig ng dalawa hinggil sa wedding date nila.

Pero how true kaya ang tsikang ibinulong sa amin ng isang close sa dyowa ni Ara na kasal na ang dalawa at ayaw pa lang isapubliko dahil 'yun daw ang request ni Dave?

Mukhang gugulatin na naman nila ang kanilang mga fans hinggil sa kanilang wedding.

Matatandaan na ganito rin ang ginawa nila nang sinorpresa nila ang public sa kanilang engagement proposal last January 12.

Pero base sa caption na nakalagay sa isang IG post ni Dave, para namang hindi pa sila kasal ni Ara.

"I can't wait for the day I will call you my wife," caption ng picture nila ni Ara habang parehong nakasuot ng puting damit.

Huwwoww, how sweet naman!

Proud na proud pa sa hitsura ng GF… PIKTYUR NI ELLEN NA TULOG AT NAKANGANGA, IKINALAT NI DEREK

ni Mercy Lejarde - @Showbiz Talkies | June 18, 2021

Sana nga, hindi lang si John Lloyd Cruz ang kunin ng Kapuso Network to do a TV series with Andrea Torres na ex ni Kapuso star Derek Ramsay.

Wish lang ni yours truly, pati ang ex ni Lloydie na si Ellen Adarna na now ay syota na ni Derek ay kunin na rin ng GMA-7 network, na siya rin namang ibig mangyari ng marami sa ating madlang pipol just for the sake of curiosity with matching intriguing factor on the side na talagang mangyayari if ever, weder some like it or not! Boom, 'yun na!

Inspired kasi si yours truly sa paggawa ng story/script na ang title ay EXCHANGING PARTNERS, na siyempre, ang mga bida ay ito ngang sina John Lloyd Cruz, Andrea Torres, Derek Ramsay at Ellen Adarna.

May eksena kasing ginawa si yours truly na split frame… na tipong nagkita nang 'di sinasadya sina Lloydie at Ellen at sa split frame ay sina Derek at Andrea naman, with matching background song na pinasikat noon ni Nonoy Zuñiga na ang lyrics goes, "Kumusta ka, ikaw ay walang ipinag-iba, ganyan ka rin nu'ng tayo ay huling magkita…tandang-tanda ko pa habang ako’y papalayo… tinitignan kita hanggang wala ka na…Kumusta ka, may ibang kislap ang iyong mga mata…halata na ang daigdig mo ngayon ay kaysaya…

"SIGURO NGA, NAGMAMAHAL KA NA NANG TOTOO (sinasabi ni Lloydie kay Ellen at si Andrea naman kay Derek), SIYA BA’Y KATULAD KO NU’NG TAYONG DALAWA…Tandang-tanda ko pa habang ako’y papalayo, tinitignan kita hanggang wala ka na…”

Oh, devah, swak na swak ang kantang ito para kina John Lloyd, Ellen, Derek at Andrea, 'di ba… 'di baaa?

And take note, if ever na mangyari ang wish ni yours truly na gawin nilang apat ang EXCHANGING PARTNERS, for sure, punumpuno ng kilig at intriguing factor ang kalalabasan nitey, sa true lang.

Yeah, sey n'yo Kapuso Network bossings?

'Yun nga lang, papayag kaya ang apat na magsama-sama sila sa isang teleserye or pelikula?

AND speaking of Derek and Ellen, ang daming aliw na aliw sa trip ng bagong magdyowa.

Grabe kasi ang asaran at prank nila sa isa't isa. Kundi siguro talaga nila lab na lab ang isa't isa ay magkakaroon sila ng pikunan.

Imagine, ang latest post ni Derek sa kanyang Instagram account ay ang picture ni Ellen habang natutulog sa kotse nang nakanganga.

At ang caption niya rito ay: "You know you really love someone when you don't freak out when you wake up to this in the morning!"

Wahhhh! Ganyan ba ang hitsura ni Ellen na namumulatan ni Derek sa umaga kapag gumigising siyang katabi ito?

In fairness kay Ellen, kesa mapikon sa kanyang malokong BF, ang reply lang nito sa comment section ng post ni Derek ay "Kaya patay na patay ka sa 'kin, eh!"

Naku, Derek, humanda ka kapag si Ellen na ang nag-trip at nag-prank sa 'yo! Makikita mo ang ganti ng isang api!!!!

Ganti ng api raw, oh!

O, siya, 'yun na lang muna and I thank you.

Ganern, aktres, kaya todo-kilig… SANYA, ASIKASUNG-ASIKASO NI GABBY KAHIT WALA NANG CAMERA

ni Mercy Lejarde - @Showbiz Talkies | June 16, 2021

Mukhang si Sanya Lopez ang most popular star ngayon sa Kapuso Network ke mereseng may pandemic Covid-19 all over the world.

Sumikat si Sanya sa TV seryeng First Yaya katambal si Gabby Concepcion, at bagay pa rin sila 'coz hindi naman halata sa fezlak ni Gabby na nag-umpisa ang showbiz career niya nu’ng dekada '80 or late part of dekada '70.

Tipong makinis pa rin at wala pang kulu-kulubot ang fezlak ng erpie ni KC Concepcion at ni eyebags ay waley kang mababanaag.

Well, hindi natin alam kung nagparetoke siya o ganu’n na talaga ang lahi nila na matagal bago magmukhang damatan (read: matanda).

And speaking of Sanya Lopez, bagay silang dalawa ni Gabo, ha! At maski off-cam ay inaayusan pa ng ex-husband ni Sharon Cuneta si Sanya na ikinatatawa lang ng actress na tipong may kilig factor silang dalawa ni Gabo, in pernes.

Wait lang, 'di kaya sa mga nakaraang taping nila ng First Yaya na number one teleserye ngayon sa Kapuso Network ay tipong nabulungan ni Gabby itong si Sanya ng something like….

"Maganda akong maglahi,” biro man o hindi?

Just asking but not yellow, beybi! Boom, 'yun, oh!

Well, kunsabagay, look, Dick, look n'yo na lang ang panganay na anak ni Gabby kay Sharon na si KC Concepcion, very pretty na tulad ng lemon tree, devah?

Na puwedeng lagyan ng background music na may lyrics that goes.. "Lemon tree very pretty and the lemon, very sweet,” yes, swak sa byuti ni KC Concepcion, in pernes!

Kaya naman siguro itong si KC, dahil alam niyang she’s very pretty ay panay ang project sa mga social media ke mereseng ipakita na niya ang naghuhumindig niyang boobs at makinis niyang singit, sa true lang.

Kaya true lang na talagang magandang magpalahi sa isang Gabby Concepcion.

Tsk, sayang at naunang ipinanganak si yours truly kesa kay Gabby, disin sana’y nagpalahi rin sa nasabing aktor ang inyong lingkod, boom chararattt, hahaha!

'Niwey, malapit nang magtapos ang seryeng First Yaya. Now ang tanong, madadalas pa kaya uli ang pagkikita nina Gabby at Sanya?

Well, puwedeng YES, puwedeng NO, lalo na ngayong marami ang nag-uudyok kay Sanya na sumali sa mga beauty pageants para maging Miss Universe, Miss World, Miss International na napanalunan noon ng ilan nating aktres tulad nina Gloria Diaz, Melanie Marquez, Margie Moran, atbp..

Ayon kay Sanya ay flattered siya sa mga nag-uudyok sa kanya na sumali sa mga beauty pageants, pero not now daw. Kasi nga, super busy siya ngayon sa mga projects niya sa Kapuso Network tulad ng First Yaya at Agimat ng Agila.

“Not now. Maybe in the near future,” sey na lang ni Sanya at hindi naman daw niya isinasarado ang kanyang pinto sa nasabing idea.

“If that’s what fate in store for me in the future, well let’s see,” added na sey pa ng "First Yaya" ni Gabby Concepcion.

First Yaya daw, oh! Insert smiley, ☺!

Well, malay natin, kundi man siya malahian ng isang Gabby Concepcion ay baka 'pag sumali siya sa Miss Universe or Miss World ay mas marami pa siyang ma-meet na guys buhat sa iba’t ibang magagandang lahi tulad ng mga Americans, Europeans, Istraelites, British, atbp. na talagang masasabing “magandang magpalahi” boom, ganernnn!

O, siya….'yun lang muna and I thank you.