Aktor, super-laki na raw ng ipinagbago… JASMINE, BINALIKAN ANG NAKARAAN NILA NI ALDEN

ni Mercy Lejarde - @Showbiz Talkies | August 05, 2021

Uuuy, tipong may something special going on between Alden Richards at Jasmine Curtis while taping The World Between Us ng Kapuso Network, lalo na't locked-in taping nga sila now.

Kasi, sa ilang interview ng movie press kay Jasmine ay inamin niya na may kilig factor siyang nararamdaman as Lia kapag magkaeksena sila ni Alden as Louie.

“Nandoon na kami, nakuha na namin, and ako, I’m very comfortable. Nae-enjoy ko 'yung kilig every time we’re on that scene, and I’m glad that’s with Alden. There’s so much trust there talaga.”

Pagbabalik-tanaw ni Jasmine, “Alden and I kasi, we met way, way back. Like 10 years ago when we were both starting in the industry and we’re both still building our confidence, our core here.

“We’re still there, we’re still continuously building that.

“Pero what I can say naman, every time na nagkakaroon kami ng encounter sa isa’t isa, whether or not may problem, nakikita mo 'yung lalim, 'yung depth ng napuntahan ng isa’t isa.

"Kasi years din minsan ang pagitan ng work namin or encounter lang sa isang event.

“But then, the experiences na nae-encounter namin individually, kapag nagkita ulit kami, you can see that there’s something different with the person.

“Hindi mo naman mapi-pinpoint 'yun. I don’t think I can really find what it is that he’s grown into or what really changed.

"But you know, as a professional, definitely you see the big shift, how he’s shifted trajectory or how it made him the actor that he is now.

“Ako, with the last two projects that we worked on together, now is the only time that I really get to dive in, 'yung depth na 'yun. Kasi ngayon lang din kami magkakaroon ng panahon para i-explore 'yun together.”

Para kay Jasmine, kung ano ang takbo ng karakter nila ni Alden sa serye, ganu'n din ang takbo ng friendship nila sa totoong buhay.

Aniya, “'Yung growth ng characters namin dito, parang ganoon din 'yung growth ng friendship namin, 'yung connection namin sa isa’t isa.

“Meron din siyang napupuntahang depth and meron din siyang learning along the way about each other."

At habang nasa locked-in taping, nagkaroon nga raw sila ng chance ni Alden na makapag-usap at higit na makilala ang isa't isa.

"May mga kuwentuhan on the side that we can have a chance to really get to know each other personally more. Because we have the chance now.

“You cannot put a number on how much we’ve improved. All I can say is there’s always something stronger when we get to connect with each other every time na magkakatrabaho kami. And I hope that’s something na makikita n'yo po rito as Louie and Lia.”

Naniniwala si Jasmine na sa kabila ng ilang komento o maaaring disgusto ng iba dahil may kani-kanyang idolo o pinapaborang love team, bilang mga artista sila ni Alden, kailangan nilang isantabi ang anumang personal na meron sila.

"Nara-ride ko na 'yung wave naming dalawa ni Alden. We got that kilig going on and alam na namin paano i-let out 'yung kilig na 'yun and ma-reach 'yun personally and professionally,” ang mahaba-habang tsika nitong si Jasmine.

So, ano'ng sey mo, Alden Richards?

Si Jasmine Curtis na ba ang sinabi mo kay yours truly nu’ng wala pang pandemic na meron nang nagpapatibok ng iyong puso dahil nasa tamang edad ka na to fall in love and perhaps to get married?

Well… well lang daw, oh!

Abangan na lang natin kung meant to be sa isa't isa sina Alden at Jasmine sooner than soon.

'Yun lang and I thank you.

Anak ni Jeric Raval, palaban sa tsuktsakan… AJ, BAGONG ROSANNA ROCES

ni Mercy Lejarde - @Showbiz Talkies | August 04, 2021

Si AJ Raval ang sinasabing bagong Rosanna Roces o bagong Pantasya ng Bayan!

Yessss, dahil ito sa pelikula ng Vivamax Films titled TAYA kung saan kayrami niyang daring and sexy scenes with one of the Macho Dancers lead cast na si Sean de Guzman.

Tuloy, sa said movie ay naadik si Sean kay AJ Raval, na ang gusto ay laging "eng-engen" si AJ.

If you'll gonna ask ano ba ang istorya ng Taya, or in "English only, please" ay bet ('wag na lang lagyan ng word na LOG, ha?), ito ay tungkol kay Sean as Sixto, isang Journalism student na nakadiskubre na ang babaeng lagi niyang pinagpapantasyahan ay isa sa mga premyo ng isang online gaming.

Lagi siyang tumataya sa laro at masuwerteng nananalo naman ang damungkang.

Pero isang beses ay nagkamali siya sa pagtaya at ang kanyang natayaan ay isang babaeng named Nanette played by AJ Raval at pagkatapos ng kanilang sexual intercourse, ayun, naadik na si Sean kay AJ at nangako ito na babawiin niya si AJ sa isang sindikato ng mga bet…. log. Insert smiley, ☺.

Sa virtual mediacon ng Taya ay nasabi nitong si AJ Raval (anak po siya in real life ng dating action star na si Jeric Raval, if you care to know) na nagkaroon siya ng boyfriend noon na naging sugapa sa sugal.

Siya raw ang na-stress nang todo dahil sa sugal ay nagkabaun-baon daw sa utang ang boyfriend niya at siya ang nagbayad.

“Kaya gusto kong ipanood itong Taya sa lahat, lalo na sa kanya, para matutunan niya na 'wag maging sugapa sa lahat ng bagay dahil lahat ng sobra ay masama,” added na sey niya.

But in love, handa naman daw siyang sumugal.

“Feeling ko naman kasi, lahat sumusugal sa pag-ibig,” katwiran pa niya.

Hmmm… may sense at may point siya, ha?

Halos lahat naman ng nainlabey, na-experience itey, sa true lang, and in pernes, 'noh?

Taya will be streamed on Vivamax starting August 27 sa direction ni Roman Perez, Jr. at isinulat ni John Carlo Pacala na naging 2018 Cinemalaya Best Screenwriter.

Hay naku, dami nang online gaming sa mga socmed na puwede kang mamuhunan at tumaya tulad ng tong-its, pusoy, axie, etc.

Kaya lang, ingatz, ingatz… maging alisto at alamin kung hindi ba ito controlled by syndicates or scammers.

FYI lang, ang dalawang pinsan ni yours truly ay namuhunan sa isang online game…'yung isa, P50 K, 'yung isa P100 K at 'yung isa naman ay naging scholar ng isang pinsan din niya na namuhunan din nang malaki at kumikita na ng 30K plus within 2 weeks lang. Kaya 'yung iba, ayaw nang magtrabaho.

O, tataya ka ba? Or in English, wanna BET, ha, LOG?

Well, it’s up to all of you. 'Yun lang and I thank you.

Kahit 3 lalaki, ‘di pinapayagang gumimik… GINA, TAKOT NA TAKOT MAPAAWAY ANG MGA ANAK

ni Mercy Lejarde - @Showbiz Talkies | July 26, 2021

Sa virtual mediacon ng GMA-7’s newest teleseryeng Nagbabagang Luha ay co-stars nina Rayver Cruz, Glaiza de Castro, Mike Tan, Myrtle Sarrosa at Claire Castro ang dalawang veteran stars na pareho na ring nagdidirek ngayon na sina Gina Alajar at Ricky Davao.

Ang role rito nina Gina at Ricky ay tipong overprotective parents lalo na when it comes to love matters.

Natanong ni yours truly sina Gina at Ricky kung in real life ba ay naging overprotective sila sa kanilang mga anak nang ang mga ito ay natututo nang magmahal at umibig?

“Ay, ako… I would say na overprotective ako sa mga anak kong lalaki lalo na when they were growing up. Kasi ang fear ko nu’n, kasi mga lalaki, parang laging takaw-away, especially nu’ng teen-agers na sila at they were starting to go out na at natututo nang uminom sa mga bars, may mga barkada na, lumalabas lagi. So, parang feeling ko, laging malapit sila sa away.

“There were times na hindi ko sila pinapayagan. There were times na nagpapaalam pa sila pero sabi ko ‘No, no, no. Huwag na kayong umalis, kinakabahan ako na something might happen.’ ‘Yung mga ganyan. But you know at that time, I was living in fear para sa kanila… It wasn’t healthy also. Hindi maganda.

“So, dumating sa punto na may nag-advise sa akin na ‘No, kailangan mo rin naman silang payagan. Kailangan mo ring payagan na mag-explore ng sarili nilang mundo. So, what you’re gonna do, you just pray na sana, walang mangyari sa kanila and God will protect them wherever they are, wherever they go na mapo-protect sila sa gulo sa lahat ng pagkakataon.’

“You know, I live with that advice and so far, so good naman. Hindi ko nababalitaan na na-involve sa away ang mga anak ko or meron silang ginulpi o sila ang nagulpi. Mabait ang Panginoon, inalagaan naman sila,” ang mahabang pahayag ni Direk Gina tungkol sa mga anak niyang sina Geoff, Ryan and AJ Eigenmann sa kanyang ex-husband na si Michael de Mesa.

Ang sagot naman ni Direk Ricky, “Ako, mahigpit ako na magulang, eh. Overprotective rin ako sa mga anak ko.

“Minsan nga, iniisip ko na baka dapat nga, nu’ng mas bata-bata sila, pinayagan ko silang lumabas, eh. Pero ang hirap kasi, alam naman natin ngayon na ang buhay ay mahirap, kaya ako masyadong protective sa kanila.

“When it comes to love naman, ina-advise ko lang sila, pinababayaan ko. Siyempre, ‘pag nahe-hurt sila, nahe-hurt din ako.

“But you know, hindi natin mako-control lahat ‘yan, eh. Tama ‘yung sinabi ni Gina na ‘pag sobrang higpit ka sa mga anak, masasakal sila. ‘Pag sobrang luwag naman, wala, medyo delikado. Kaya ‘yung tama lang. Iniintindi ko rin sila, ‘yung feelings nila, kasi siyempre, ibang generation na sila, iniintindi ko kung what makes them happy.”

Very well said, Direk Gina and Direk Ricky.

Minsan talaga, need ng mga parents na maging protective sa kanilang mga dyunakis habang lumalaki at nagiging mga teen-agers na at tipong may mga barkada o katropa na.

‘Yun nga lang, dapat, huwag namang overprotective para hindi magrebelde ang mga dyunakis, ‘ika nga.

Kaya ikaw, Ateng Janiz, huwag maging overprotective sa only son mong si JDEN, ha?

‘Yun na!

O, siya, huwag kaligtaang subaybayan ang teleseryeng Nagbabagang Luha na malapit nang mapanood sa Kapuso Network na kundi nagkakamali si yours truly ay tipong pinatulan dito ni Rayver ang sister ng dyowa niyang si Glaiza played by Claire.

Tatanungin sana ni yours truly ang tatlo kung in real life ba ay naging two-timer lovers sila at natuksong pumatol sa kapatid ng dyowa nila or maski na kadugo ng dyowa nila, kaso sa tagal ng virtual preskon na tipong umabot ata ng more than 3 hours ay bigla tuloy naging weak ang aming internet connection.

Wait ko na lang kapag hindi na pandemic at ask ko na lang sila ‘pag pinayagan na ang press set visit, okidoki?

‘Yun lang and I thank you.