May bago na raw GF... DJ LOONYO, UMAMING MAAYOS SILANG NAGHIWALAY NI IVANA

ni Mercy Lejarde - @Showbiz Talkies | August 13, 2021

Eksklusibo naming nakausap si DJ Loonyo para sa launching ng kanyang second single na may titulong Kaya Natin 'To na handog niya para sa mga frontliners na isinasakripisyo ang buhay para sa kaligtasan nating lahat ngayong may covid-19 pandemic.

Timing din naman dahil muling sumailalim ang buong NCR at ibang probinsiya sa enhanced community quarantine at na-compose ni DJ Loonyo ang nasabing awitin bilang pasasalamat at pagkilala sa hirap at panganib na sinusuong ng mga frontliners para paglingkuran tayong lahat.

Dito ay pahapyaw na napag-usapan din namin ang kinauwian ng muntikan nang relasyon nila ng Kapamilya sexy actress na si Ivana Alawi.

Nagbigay-pahayag sa amin si DJ Loonyo na sa tingin naman niya, natapos sila nang maayos ni Ivana. Wala naman siyang masamang ginawa rito at wala siyang galit o anumang sama ng loob sa nangyari sa kanila.

Sa ngayon ay maligaya na sa kanyang social media influencer girlfriend si DJ Loonyo. Masayang kuwento ng dancer-choreographer, bukas palagi ang komunikasyon nila ng kasintahan at sa tuwing may trabaho siyang gagawin ay 'di siya nagkukulang na ipaliwanag at ipaintindi ito sa girlfriend.

Sa tanong namin kung nakita na ba niya sa kasalukuyang kasintahan ang babaeng gusto niyang pakasalan, ayon kay DJ Loonyo, nu'ng pumasok siya sa relasyon na ito ay ipinagdasal niya talaga ito at gagawin niya ang lahat para mangyari kung ano ang nakatakda.

Samantala, naparatangang playboy, manloloko, two-timer at paasa, aminado naman si DJ Loonyo na marami siyang nagawang 'di tama noon lalo na pagdating sa mga babae at 'di niya ito ipinagmamalaki.

Hiling lang ng social media personality-cum choreograher, sana ay bigyan siya ng pangalawang pagkakataon ng ibang tao dahil lahat naman ay puwedeng magbago at maging mas mabuting tao.

Napapanood sa show na Pop Pinoy ng TV5, hindi nagsasarado si DJ Loonyo ng pinto na maaaring pasukin din niya ang pag-arte.

Noong isang taon pa pala ay may mga alok nang natatanggap ang social media personality, pero nag-iisip pa siya noon dahil ang gusto lang muna niya ay mag-perform.

Ngayon ay ipinapaayos na ni DJ Loonyo ang schedule niya at excited siya kung matutuloy siyang umarte dahil panibago na naman itong platform para umunlad ang tulad niya.

Kahit nakipag-lips-to-lips sa kapwa lalaki… ALLAN PAULE, ‘DI FEEL PATULAN SI VICE GANDA

ni Mercy Lejarde - @Showbiz Talkies | August 11, 2021

Sa virtual mediacon ng indie film titled Nang Dumating si Joey (hindi po si Joey de Leon or si Joey Sarmiento, ha!) na mula sa panulat at direction ni Ms. Arlyn dela Cruz at produksiyon ni Bong Diacosta of Blank Pages Productions, ay halos pinutakti ng mga katanungan na may kinalaman sa kabadingan ang lead star nilang si Allan Paule.

In pernes, inamin naman nitong si Allan na marami na siyang gay roles na ginampanan in the past, but please, hindi raw siya bading in real life, ‘noh! At kahit may mga bading na nagpi-flirt sa kanya off-cam, never daw niyang pinatulan.

“Eh, kung si Vice Ganda ang mag-flirt at ligawan ka, lalo na at knows ng marami sa madlang pipol na mapera ‘yun, papatulan mo ba?” tanong agad dito ni yours truly.

“Ay, meron na ‘yung dyowa at siyempre, mas gusto nu’n, bata, kumpara sa edad ko ngayon,” sey niya agad.

Sa pelikulang Macho Dancer ay may eksena siyang lips-to-lips sa isa sa limang lalaking lead stars dito ni Joed Serrano of Godfather Productions.

Mas masarap bang kahalikan ang lips ng kapwa niya may “et-et” or mas type niyang kahalikan ang tunay na girlash?

“Ay, siyempre, mas masarap kahalikan ang tunay na babae,” sambit niya agad.

Why?

“Kasi dalawa ang lips ng tunay na babae,” natatawa niyang sagot.

Ay, oo nga naman!

Well, hayaan mo, Allan, ‘pag nabenta ni yours truly ang story/script ko titled Ah, Kiss Me Once… Ah, Kiss Me Twice…Ah, Kiss Me Once Again, isa ka sa mga magiging leading men at kung puwede aketch maging extra sa isa sa mga lalafangin mo, why not, chocnut?!

Charrrr lang, hahaha!

“Halos lahat ng gay films na ginawa ko ay may kissing scenes, pero dito sa Nang Dumating si Joey, wala. Pero maganda ‘yung istorya, kakaiba sa mga nagawa ko nang gay films,” added na sey pa nitong si Allan P. as in Paule po and not POKE-MON, hehehe!

Kahit tuksuhin pa raw ang ka-live-in… KIM, SURE NA SURE NA 'DI IPAGPAPALIT NI JERALD SA MAGANDA

ni Mercy Lejarde - @Showbiz Talkies | August 10, 2021

Tipong ang 2021 ang taon para sa#KimJe 'coz ang real-life couple na sina Kim Molina at Jerald Napoles ay magtatambal para sa kanilang second movie this pandemic year titled Ikaw at Ako at Ang Ending sa direction ni Irene Emma Villamor na nakilala sa maraming pelikulang nagawa niya kabilang na ang Camp Sawi.

Ang playdate or streaming ng said Vivamax movie ay this coming August 13, 2021, na second birthday ni yours truly, wa' kiyems, pero isang beses lang po akong ipinanganak, ha? 'Yun na, hahaha!

FYI lang, nu’ng bagets pa si yours truly, sabi ng lola ko, August 13 ang birthday ko, so hanggang college days, 'yun ang isine-celebrate ko. Pero nang pumasok na ako sa showbiz nu'ng dekada '70 ay nadiskubre ko na July 11 pala ang real birthday ko. So, 'yun na!

Talaga raw may singit pang throwback si yours truly, oh, insert smiley, ☺!

'Niwey, sa virtual mediacon ng Ikaw at Ako at Ang Ending ay natanong ni yours truly sina Kim at Jerald ng… “Kim at Jerald, paano nag-start ang inyong love relationship at naging very smooth ba ang ending?

“At ikaw ba, Jerald, masarap ba si Kim…as in masarap bang magmahal at mahalin? 'Yan, ha, no malice meant, 'noh?”

“Hahaha! Bitin 'yung masarap, hahaha! Opo, nag-start po kami sa Rock of Aegis noon. Du'n kami nag-start sa second run po, kailangan pa ng isang alternate para kay Hazel Santos at nakita ko si Kim na kinuha rin ng production. At mula po noon, sinipat-sipat ko na siya (at this point, kinilig si Kim with matching halakhak on the side) at tiningnan ko kung bull's eye…

"Ayun, bull's eye nga, Tita! Naging kami na. At tipong naging smooth naman ang aming pagsasama, although 'di naman mawawala 'yung tampuhan, selosan, argumento paminsan-minsan.

“Sa tanong mo naman, Tita, kung masarap ba si Kim, ay, masarap po si Kim sa lahat ng aspeto (kilig to the max na naman itong si Kim sa sinabi ng partner niya in real life, sa true lang).”

"Eh, ikaw naman, Kim, masarap ba naman si Jerald?" buweltang tanong namin sa aktres.

“Ay, opo… Kaya nga po tumagal kami ng 7 years, masarap po siya… magmahal," pabitin niyang sagot na 'di nawawala ang smile sa kanyang fezlak, in pernes.

Sa pagsasama n'yo bilang parang mag-asawa na (take note, magka-live-in po sila), wala pa ba kayong balak magkaanak?

Ang mabilis na sagot ni Kim ay, “Ay, may anak na po kami… kaka-graduate pa lang niya. Si Onan Molina Napoles, isa po siyang aso, Tita, aso po, hahaha!”

Sa palagay n'yo ba, magiging maganda ang inyong ending na dalawa as a real-life couple?

“I think, wala po kaming ending. Maalaga po siya sa akin,” sey ni Kim na sinang-ayunan naman ni Jerald na tipong ngiting-ngiti.

Talaga?! Wala kayong ending as a real-life couple? Kahit na maraming naggagandahang tukso sa showbiz?

“Hindi po. Hindi po. Loyal 'yan sa akin, hahaha!” sey ni Kim.

Maski ikaw, Kim, hindi ka natutukso sa iba 'coz sabi nga, hindi lang marami ang naggagandahang aktres kundi ang dami ring guwapong aktor, sa true lang, 'di ba?

“Ay, hindi po. Hindi po talaga.”

“Kumbaga sa ECQ ngayon, may tiny bubbles sila. Ibang bubble kami. Hahaha!” natatawang sey naman ni Jerald na malakas ding ikinatawa ni Kim.

Well, good luck to both of you, Kim and Jerald Napoles.

Harinawa nga ay walang ending ang smooth n'yong pagsasama bilang real-life couple kahit aso pa lang ang dyunak n'yo. Insert smiley, ☺!

And for sure, marami rin ang masosorpresa sa kakaibang Kim Molina at Jerald Napoles na mapapanood dito sa Vivamax film na Ikaw at Ako at Ang Ending dahil sabi nga ni Direk Irene Emma Villamor ay ibang klaseng pag-arte ang kanilang ipapakita rito bukod pa sa kanilang pagpapatawa kung saan mas nakilala sila ng madlang pipol.

So, please do watch them sa Ikaw at Ako at Ang Ending ng Vivamax globally streaming this coming August 13, 2021 to be exact, okidoki?

'Yun lang and I thank you.