RAFFY, UMAMING DAHIL KINA DIGONG AT TITO KAYA UMATRAS MAG-VP

ni Mercy Lejarde - @Showbiz Talkies | October 11, 2021

Sa mediacon ni Idol Raffy Tulfo as kakampi ng mga inaapi ay natanong ni yours truly ang sikat na broadcaster kung bakit umatras siya sa pagiging ka-tandem daw ni Sen. Manny Pacquiao as vice- president this coming 2022 national elections, and the following ay ang kanyang naging kasagutan…

“Thank you for asking that question. Sana 'yung question mo na 'yan, itigil na ng mga makukulit lalo na sa social media na talagang kinukulit at kinukulit pa rin ako na akala, may intention akong tumakbo sa pagka-bise-presidente na in the first place, para banggain si Pangulong Duterte.

“Umatras po ako dahil wala po ako talagang balak na tumakbo sa pagka-bise-presidente dahil mataas ang respeto ko kay PRRD. So bakit ko siya babanggain?

"And at the same time, mataas din po ang respeto ko kay Tito Sen (Tito Sotto) na matalik na kaibigan ko pati ng kapatid ko na si Kuya Mon.

"At hindi po ako ambisyoso. Napakataas po ng posisyon na 'yan para sa akin. Siguro, once na may time, puwede pa."

'Niwey, base sa ipinamahaging press release ng publicist ni Raffy Tulfo na si kapatid na Joey Sarmiento, ang gusto raw tutukan at tulungan ni Idol Raffy kung saka-sakaling mananalo itong senador ay ang sektor ng mga manggagawa, mapa-lokal man o OFWs.

"Araw-araw sa aking programa, karamihan sa mga lumalapit ay mga OFWs at manggagawa na nakararanas ng pang-aabuso sa kanilang employers at hindi nabigyan ng tamang suweldo o benepisyo. Panahon na upang tuldukan ito," ani Tulfo.

Una sa listahan ng mga legislative agenda nito ang paglikha ng Department of OFWs na tututok sa pagbabantay sa kapakanan at proteksiyon ng mga Pilipinong nagtatrabaho sa ibang bansa.

Magbabalangkas din daw siya ng panukala na magpaparusa sa mga lokal na employers na mabibigong magbayad ng tamang sahod at benepisyo sa kanilang mga manggagawa.

"Titiyakin natin na maparurusahan ang mga employers na hindi nagbabayad ng tamang suweldo sa kanilang mga manggagawa," pangako pa niya.

At tiyak na matutuwa nito si PAO Chief Persida Rueda-Acosta dahil kapag nanalong senador si Idol Raffy, isusulong daw niya ang mas malaking pondo para sa Public Attorney's Office para makapagbigay ito ng libreng tulong sa mahihirap na Pilipino na walang kakayahang kumuha ng serbisyo ng abogado.

"Nais kong mabigyan ng sapat na proteksiyon sa batas ang ating mga kapus-palad na mga kababayan upang hindi sila palaging inaapi-api ng mga mayayaman at makapangyarihan," dagdag pa niya.

Well, harinawang tuparin lahat ni Idol Raffy ang mga pangako niya, dahil kung magiging maganda ang kanyang performance sa Senado, tiyak na mas malayo pa sa pagiging senador ang mararating niya.

'Yun na!

20 y/o ang aktres, 60-anyos si Albert… HIRIT NI FAITH: AGE DOESN’T MATTER!

ni Mercy Lejarde - @Showbiz Talkies | September 30, 2021

Masaya raw si Faith da Silva sa relasyon nila ni Albert Martinez.

Sabi ng young Kapuso actress, "Masaya ako na nakilala ko siya in a deeper level. He was really there to support and guide me.

"Maalaga kasi talaga siya and very grateful ako na 'yung side na 'yun of him ay nakita ko dahil hindi ko ine-expect na isang beteranong aktor ay ganu'n makitungo.

"Ito 'yung relationship namin sa ngayon, komportable kami sa isa't isa. The fact na nakikita ng mga tao na okay ang chemistry namin together, I think 'yun ang mas importante."

Forty years ang agwat ng edad nila ni Albert dahil 20 years old lang si Faith.

But who cares. Sabi nga, age is just a number… just a word.

"Regardless of age, kahit anong bagay 'yan, basta mahal ninyo ang isa't isa, wala kayong tinatapakang tao, eh, go lang 'yan," added na sey pa ni Faith.

Oo nga naman. May katwiran ang katwiran. Boom, ganern!

And for Albert, it's not yet late to fall in love again at the age of 60. Yesss, yahooooo!

May pag-asa pa si yours truly, hahaha!

Mas type maging senador… RAFFY, ATRAS MAG-VP KAY PACQUIAO

ni Mercy Lejarde - @Showbiz Talkies | September 26, 2021

Kung si Raffy Tulfo, ayon sa ilang pipol in the know, ay umatras sa alok ni Manny Pacquiao na maging vice-president niya this coming 2022 elections dahil mas gusto raw nitong mag-senador na lang, well, solid naman at kasado na ang tandem na Ping Lacson at Tito Sotto III para tumakbong president at vice-president sa darating na halalan next year.

Sa kasalukuyan ay si Tito Sen (as we fondly call him) ang Senate president. Hindi naman kataka-takang tumakbong VP si Tito Sen dahil ang angkan nila sa Cebu ay kilalang mga pulitiko magmula sa kanyang lolo at ama.

Ang anak naman niyang si Gian Sotto ay vice-mayor sa Quezon City sa kasalukuyan. Ang pamangkin niyang si Vico Sotto ay Pasig mayor naman.

Ang una nga raw niyang anak na si Lala Sotto ang unang naging interesado sa pulitika noong nag-aaral pa ito sa kolehiyo.

Kaya nga biniro ni yours truly itong si Tito Sen na baka makopo na nilang mga Sotto ang mundo ng pulitika rito sa ‘Pinas at natawa lang siya.

Basta ang sabi lang niya ay tipong nasa dugo nila talaga ang maging politicians dito sa ating bansa para maglingkod sa mamamayang Pilipino.

‘Yun na!

Pero ang misis niyang former actress na si Helen Gamboa ay mananatili lang daw na tagasuporta niya sa lahat ng bagay na gusto niya at kamakailan nga lamang ay nagdaos sila ng kanilang 52nd wedding anniversary. In pernes, wala pa ring kupas ang taglay na kagandahan ng isang Helen Gamboa, na if ever, siya na yata ang tatanghaling pinakamagandang First Lady ng bansang ‘Pinas.

‘Yun, oh!

Sa kumustahan namin ni Tito Sen ay nagbitaw si yours truly ng quotation-ek (pang-trivia lang at pampa-good vibes) that goes, “Tito Sen, do you believe in a saying na as long as there is yesterday, memories remain?” Siyempre, nagkatawanan.

“Alam mo ba, Tito Sen, na nu’ng nanliligaw ka pa lang kay Helen, nu’ng nasa shooting niya ako noon sa bakuran ng Lea Productions, tinawag niya ako at may ipinakitang litrato mo with matching dialogue na…‘Mercy, Mercy, tingnan mo ang picture dito ni Tito, oh, ‘di ba, kamukha siya ni Alain Delon?’”

If you care to know, si Alain Delon po ay isang international French actor na sumikat noong dekada ‘60 at ‘70 sa mga pelikulang Purple Moon, The Swimming Pool, Le Samurai, Borsalino, The Leopard, at marami pang iba.

Inamin naman ni Tito Sen na favorite international French star nga ng misis niyang si Helen si Alain Delon kaya pati raw biyenan niya noon, ang tawag sa kanya ay Mah-Alain, na ikinatawa naming lahat.

Isa pang trivia, Tito Sen, alam mo ba na naging bodyguard si yours truly ng ka-tandem mo this coming election as president na si Ping Lacson at ng former actress na si Tina Monasterio noong sila ay mag-BF-GF pa lang?

‘Yun nga lang, hindi sila ang nagkatuluyan. Not meant to be. ‘Di katulad n’yo ni Helen Gamboa na naging Mrs. Vicente “Tito” Sotto III, boom ganern!

Isa pang tanong, Tito Sen, “Kapag nahalal ka bang vice-president sa next election or next year, tutulungan mo ba ang ABS-CBN na muling makakuha ng prangkisa since identified ka sa GMA-7?”

“Oo naman. Kasi ang daming apektadong empleyado, pati kayong nasa media. Kaya gagawin ko ang lahat ng makakaya ko para magkaroon uli ng prangkisa ang ABS-CBN,” ang kanyang binitawang OPM.

At dahil diyan, for sure, maraming Kapamilya stars ang iboboto si Tito Sotto as our next vice- president. Wanna bet, ha, Log?

‘Yun lang and I thank you.