P20K ang pinakamahal… TIKET SA US CONCERT NINA SHARON AT GABBY, MAHINA ANG BENTA

ni Mercy Lejarde @Showbiz Talkies | September 11, 2024

Sa October 27 pa ang reunion concert nina Sharon Cuneta at Gabby Concepcion sa Amerika. Ito’y gaganapin sa Saban Theatre sa Beverly Hills.

Ayon sa source ni Ogie Diaz mula mismo sa US, mahina raw ang galawan ng bentahan ng tickets. Ito ang pinag-usapan nila sa latest episode ng kanilang I-chika Mo Na Dali! online show.

Ang pinakamahal na ticket daw is priced at $350 o katumbas ng halos P20 K dito sa ‘Pinas. 

Nitong mga nakaraang araw, taas-baba ang rate ng peso against dollar.

Kung tutuusin, mahal na ang nasabing ticket price given the conversion. 

Pero dahil sa October 27 pa naman ang show ay umaasa ang kampo ni Ogie na magpi-pick-up ang ticket sales ng Sharon-Gabby concert.

Ikinumpara nga nila ito sa ibang mga shows featuring our local artists na meron ding mga gigs sa US. It turned out na ‘yung ShaGab concert ang pinakamahal. 

---

NAG-UWI ng P155,000 ang komedyanteng si Jerald Napoles matapos niyang makuha ang sagot sa Super Box question sa pinakabagong segment ng It’s Showtime (IS) na Throwbox.

Sa elimination round, napili ni Jerald ang throwbox na naglalaman ng star kaya naman natalo niya ang kapwa komedyante na sina Chad Kinis, Long Mejia, Iyah Mina, Anton Diva, Petite, Negi, atbp. Umusad siya sa next round kung saan nasagutan din niya nang tama ang limang throwbox na naglalaman ng iba’t ibang cash prize at hawak ng hosts na sina Vhong Navarro, Karylle, Jugs Jugueta, Ion Perez, at MC at Lassy. Nakalikom nga siya ng P75,000.

Samantala, sa jackpot round, pinapili siya nina Vice Ganda at Jhong Hilario. Pinili niya ang doble o kalahati at nasagutan ang tama sa tanong kung ano ang gulay sa Bahay Kubo na may English name na “winged bean”, kaya naman dumoble ang panalo niya at nag-uwi siya ng P150,000.

Umani rin ng maraming papuri ang show pati na ang segment dahil sa pagiging informative nito, lalo pa’t nagbibigay ito ng kaalaman sa nangyari sa nakaraan. 

Ibinahagi rin nila na natutuwa silang makisagot sa mga tanong sa Throwbox at malaman ang iba’t ibang trivia na baon ng hosts.

Panoorin ang It’s Showtime tuwing 12:00 PM sa A2Z, Kapamilya Channel, Kapamilya Online Live, GMA, GTV, Kapamilya Online Live, ABS-CBN Entertainment YouTube (YT) channel at Facebook (FB) page, at sa iWantTFC, TFC, at GMA Pinoy TV. Panoorin din ang online show nila na Showtime Online U sa YT channel ng IS.

Misis ni Vin, kamukhang-kamukha ni Kylie… SOPHIE, PROUD NA ANAK DAW SA LABAS NI ROBIN

ni Mercy Lejarde @Showbiz Talkies | September 8, 2024

Ayon sa ilang showbiz reports, may anak daw sa labas si Senador Robin Padilla na pinangalanang Sophie Albert na asawa ni Vin Abrenica na kapatid ni Aljur Abrenica.

Maski si Sophie ay ikinagulat ang nasabing showbiz reports, ayon sa ilang katotong writers. 

Ang laki kasi ng hawig nitong si Sophie sa anak ni Robin na si Kylie Padilla, lalo na in person.

From afar kasi, aakalain mong si Sophie ay carbon copy ng anak ni Robin na si Kylie.

But somehow, flattered siya na mapagkamalang anak ni Robin. 

For all she knows, baka ‘yun pa nga ang magbigay-daan para magkaroon sila ng project together ni Kylie. Dahil magkamukha nga, they can play sisters. 

At least, mabuting malaman na si Sophie ay walang blood relation kay Robin.

O, ayan na mga Maritess at tribu ni Mosang, klaro na ang isyu, ha? Whether you believe it or not, ‘yun na!

---

SAMAHAN ang ASAP family sa ASAP Natin ‘To (ANT) sa isang bonggang pagdiriwang ng Pinoy Pride sa isang Kapamilya Hero’s Welcome para kay Carlos Yulo ngayong Linggo (Setyembre 8) sa pamamagitan ng Kapamilya Channel, A2Z, at TV5.

Saksihan ang golden performances mula sa OPM icons na sina Gary Valenciano, Martin Nievera, Regine Velasquez, Ogie Alcasid, at Erik Santos sa kanilang pagsalubong sa Olympic gymnast at 2-time gold medalist na si Carlos Yulo. 

Bibigyang-pugay din ng ASAP ang world dance champion na Team Genesis na nanalo ng 4 gold at 2 silver medals sa United Dance Organization (UDO) World Street Dance Championships. Sasamahan sila ng dance idols na sina AC Bonifacio, Gela Atayde, at Ken San Jose.

Itodo pa ang sayawan kasama ang pinakabagong miyembro ng ASAP Dance Sirens na si Andrea Brillantes na may dalang hot and sizzling moves kasama sina Chie Filomeno at Anji Salvacion.

Maghanda para sa ultimate ‘biritan showdown’ kasama ang mga singing champion na sina Morissette, Jona, at Klarisse De Guzman. Sundan ito ng kapana-panabik na performance ni Regine ng kanyang bagong single.

May handog naman sina Joshua Garcia at Julia Barretto na nakakakilig na awitin para sa tagumpay ng kanilang pelikulang Un/Happy For You (UFY).

Abangan naman ang isang heartwarming Grandparents’ Day tribute kasama ang OPM icons, isang nakakaaliw na kantahan kasama ang Rockoustic Heartthrobs, at ang ubod ng sayang talakayan kasama ang ASAP hosts.

Panoorin ang golden ASAP experience ngayong Linggo, 12 NN, sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide sa TFC.

Kinita ng movie ng JoshLia, P320M na… KATHRYN AT ALDEN, ITINAOB NA NINA JULIA AT JOSHUA

ni Mercy Lejarde @Showbiz Talkies | September 4, 2024

Ayon sa report ng Star Cinema, umabot na sa P320 million ang kinita ng pelikulang Un/Happy for You (UFY) as of this writing.

Ang nasabing pelikula na nasa ikalawang linggo na ang showing ay ang balik-tambalan ng mag-ex na sina Joshua Garcia at Julia Barretto a.k.a. JoshLia.

Inaasahan namang madaragdagan pa ang kita ng nabanggit na pelikula lalo pa’t kasado na ang international release nito.

Hirit ng ilang mga netizens at Marites, kinabog na raw ng JoshLia ang KathDen (Kathryn Bernardo at Alden Richards) dahil naungusan na nito ang naitalang kita ng kani-kanyang movie ng dalawa.

Ayon pa sa aming reliable source, ito rin ang kauna-unahang pelikulang Pinoy na kumita ngayong taon, considering its nationwide release.

Matatandaang noong nakaraang taon, parehong na-reach nina Kathryn Bernardo at Alden Richards ang P100 M mark sa takilya. Kumita ng P100 milyon ang solo movie ni Kathryn na A Very Good Girl (AVGG), samantalang ang Five Breakups and A Romance (FBAAR) na first team-up nina Alden at Julia Montes ay umabot din sa ganoong marka. 

Kaya naman, hindi kataka-taka na tanghaling box office King and Queen ang dalawa last year.

Sa naitalang record ng JoshLia, abangers ang mga netizens kung masu-surpass ito ng KimPau tandem sa first movie nilang My Love Will Make You Disappear (MLWMYD) na ang play date ay sa Oktubre na.

Marami na rin ang curious kung mahihigitan ng sequel na Hello, Love, Again (HLA) ng KathDen ang record na naitala ng kanilang phenomenal hit na Hello, Love, Goodbye (HLG) na pangalawa sa highest-grossing Pinoy film of all time, come November.

So, wait na lang po tayong lahat this coming November, okidoki?

‘Yun lang, and I thank you.

---

PASABOG at pinag-usapan sa socmed (social media) ang pagbabalik ng Kalokalike Face 4 (KF4) sa It’s Showtime (IS) na nanguna sa trending list kahapon matapos kagiliwan ng mga netizens ang pakulo ng kalokalikes nina Carlos Yulo, Chloe San Jose at Ruru Madrid.

Sa unang episode, itinanghal bilang winner si Andres Soriano na ka-face ng two-time Olympic gold medalist na si Carlos Yulo dahil sa mahusay niyang mala-Carlos Yulo na dance moves. 

Pati na ang movements sa gymnastics ni Caloy ay kuhang-kuha ni Andres kaya naiuwi niya ang premyong P10,000.

Na-impress nga niya ang hurados na sina Jugs Jugueta at Teddy Corpuz, Bianca Umali at Rufa Mae Quinto. At mainit na tinanggap ng mga netizens ang pagbabalik ng hit segment dahil sa mga hirit ng hosts at sa pagiging kuwela ng contestants ng KF4.

Umani ng lagpas 300,000 concurrent views ang nasabing episode at nag-trend din sa socmed ang mga hosts at contestants.

Panoorin ang IS tuwing 12:00 PM sa A2Z, Kapamilya Channel, Kapamilya Online Live, GMA, GTV, Kapamilya Online Live, ABS-CBN Entertainment YouTube (YT) channel at Facebook (FB) page, at sa iWantTFC, TFC, at GMA Pinoy TV. 

Panoorin din ang online show nila na Showtime Online U sa YT channel ng IS.